តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

បាក់តេរី  វីរុស មេរោគផ្សិតខុសគ្នាយ៉ាងម៉េច? អាចបង្កជំងឺ​បែបណាខ្លះ?

បាក់តេរី  វីរុស មេរោគផ្សិតខុសគ្នាយ៉ាងម៉េច? អាចបង្កជំងឺ​បែបណាខ្លះ?

បាក់តេរី វីរុស និងមេរោគផ្សិតគឺជាមេរោគ (មីក្រុប ឬអតិសុខុមប្រាណ​) ដែលរស់នៅក្នុងទឹក ខ្យល់ និងដី ហើយមេរោគខ្លះផ្តល់អត្ថប្រយោជន៍ដល់​យើង តែមេរោគខ្លះអាចបំផ្លាញសុខភាពយើង។ តើ​មេរោគទាំងនេះខុសគ្នា និងមានឥទ្ធិពលបែបណាចំពោះសុខភាពយើង?

១. បាក់តេរី

បាក់តេរី​ជា​ភាវៈឯកកោសិកា​ ហើយ​មានទំហំតូចល្អិត​ និងអាច​មាន​ស្ទើរ​តែ​គ្រប់​ទីកន្លែងដូចជា​នៅ​លើ​តុ អេក្រង់កុំព្យូទ័ ស្បែក ឬនៅខាងក្នុងខ្លួន​របស់យើង។ បាក់តេរីមានពីរប្រភេទគឺ៖

  • បាក់តេរីល្អ៖ ពោះវៀនយើងផ្ទុកបាក់តេរីប្រហែល ១០០ កោដ​ដែល​ជួយបំបែកអាហារ និង​ភេសជ្ជៈដែលយើងញុំា ហើយជួយកម្ចាត់បាក់​តេរីអាក្រក់។ ម្យ៉ាងទៀត ប្រូបាយអូទិក​គឺជាបាក់តេរី​ល្អ​ពីអាហារ ឬភេជ្ជៈដែលអាចជួយបង្កើនបាក់តេរីល្អក្នុងពោះវៀនយើង។
  • បាក់តេរីអាក្រក់៖ ពេលឆ្លងចូលខ្លួនយើង បាក់តេរីអាក្រក់អាចបង្ករោគ និងអាចធ្វើឱ្យយើង​ឈឺ​ដូចជា ក្រហមភ្នែក ឈឺបំពង់ក ឬ​រលាកបំពង់កជាដើម។
Verifying...

បាក់តេរីអាចបន្តពូជដោយខ្លួនឯង ហើយអាចរស់នៅលើផ្ទៃរបស់​របរ​បានច្រើនថ្ងៃ ឬច្រើនសប្តាហ៍។ បាក់តេរី​អាច​ចូល​ទៅក្នុងខ្លួនយើងតាមរយៈមាត់ ច្រមុះ ឬមុខរបួសជាដើម។

២. វីរុស

វីរុសគឺជាភ្នាក់ងារបង្ករោគដែលមានទំហំតូចជាងគេបំផុត និងមាន​ហ្សែន។ វីរុសខុស​ពីមេរោគ​ដទៃ​ទៀត ដោយសារវីរុសមិនអាចបន្តពូជដោយ​ខ្លួនឯងបានទេ។ វីរុសត្រូវការតោងកោសិការស់ ដើម្បី​រស់រាន​មានជីវិត និងបន្តពូជ។

វីរុសអាចឆ្លងតាមរយៈផ្លូវដង្ហើម។ ឧទាហរណ៍ វីរុសបង្កជំងឺកូវីដ ១៩ ផ្តាសាយ និងគ្រុនផ្តាសាយជាដើម។ វីរុស​ក៏​អាច​ឆ្លង​តាមរយៈឈាមដែលមានផ្ទុកវីរុស ឬតាមរយៈការរួមភេទដែរ ឧទារណ៍ វីរុសបង្កជំងឺរលាកថ្លើមប្រភេទ C ឬវីរុសហីវ(HIV)

ជាធម្មតាវីរុសអាចរស់នៅលើផ្ទៃខាងក្រៅរបស់ភាវៈមានជីវិតបានតែពីរបី​​ម៉ោងប៉ុណ្ណោះ ទោះបីជា​មាន​វីរុសខ្លះអាចរស់នៅបានយូរជាងនេះក៏​ដោយ។

ផ្តាសាយ

ចង់គណនា BMR ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់គណនាថ្ងៃមេជីវិតញីទុំធ្លាក់ ចុចទីនេះ!

៣. មេរោគផ្សិត

មេដំបែ និងផ្សិតក៏ជាមេរោគផ្សិតដែរ។ មិនដូចបាក់តេរី និងវីរុសទេ មេរោគ​​ផ្សិត​កើតឡើង​ពី​កោសិកា​មួយ ឬច្រើន។ មេរោគផ្សិតមួយចំនួនផ្តល់អត្ថប្រយោជន៍ដូចជា មេដំបែ​ដែល​យើង​ប្រើ​សម្រាប់​ធ្វើ​នំបុ័ង ត្រប៉ែ ឬសម្រាប់​បិតស្រាជាដើម។

មេរោគផ្សិតរស់ដោយបឺតយកសារធាតុចិញ្ចឹមពីសារពាង្គកាយផ្សេងទៀត​​ដូចជា សំណល់​រុក្ខជាតិ​ដែល​រលួយជាដើម។ យើងអាចឆ្លងមេរោគផ្សិតតាមរយៈផ្លូវដង្ហើម និងការបះពាល់ផ្ទាល់។ មេរោគ​ផ្សិត​លើ​ស្បែក​ដូចជា ស្រែង និងទឹកស៊ីជើងរស់នៅលើ និងស៊ីស្រទាប់ស្បែកខាងលើរបស់​យើង ដែលបណ្តាលឱ្យយើងមាន​ការ​រមាស់ រលាក និង​របកស្បែក​។

បាក់តេរី វីរុស និងមេរោគផ្សិតសុទ្ធតែអាចបណ្តាលឱ្យយើងឈឺ តែវីរុសឆ្លងលឿនជាងគេ ហើយ​​​មានឥទ្ធិពលខ្លាំងជាគេ ដែល​មានន័យថា ពេលវីរុសឆ្លងចូលក្នុងខ្លួនយើង វីរុសអាច​បង្កឱ្យយើងមានជំងឺធ្ងន់។ ដើម្បីការពារ​ការឆ្លងមេរោគ យើង​ត្រូវអនុវត្តតាមវិធាន​ការ​អនាម័យ​ឲ្យ​បាន​ខ្ជាប់​ខ្ជួន​។​

គួរ​អាន៖

health-tool-icon

គណនា BMI

ប្រើ​រង្វាស់សុខភាព​BMI ដើម្បី​គណនា​រាងកាយ ទម្ងន់ និង​កម្ពស់​សមសួន និង​សុខភាព​ល្អ

ប្រុស

ស្រី

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Puzzling Pathogens
https://askabiologist.asu.edu/explore/puzzling-pathogens

Viral? Bacterial? Fungal? What Are The Different Types of
Infections?
https://www.sepsis.org/news/viral-bacterial-fungal-what-are-the-different-types-of-infections/

Difference between Bacteria, Viruses and Fungi
https://www.natureword.com/difference-between-bacteria-viruses-and-fungi/

Germs: Bacteria, Viruses, Fungi, and Protozoa
https://kidshealth.org/en/parents/germs.html


អត្ថបទពាក់ព័ន្ធ

ចេញរោគសញ្ញាទាំងនេះ អាចមកពី​ឆ្លងបាក់តេរីលើរាងកាយ

សត្វ​ល្អិត​ខាំ​គួរ​ប្រយ័ត្ន អាចឆ្លង​បាក់តេរីបង្កការរលាកលើស្បែក

រៀបចំអាហារក្នុងទូទឹកកកតាមតិចនិកនេះ ធានាមិនងាយកើតបាក់តេរី

គួរប្រយ័ត្ន! បើទ្វារមាសឆ្លងមេរោគផ្សិតស្រីៗអាចប្រឈមជំងឺមហារីកមាត់ស្បូន

ស្រីៗត្រូវប្រយ័ត្ន ទាំងនេះជារោគសញ្ញាឆ្លងមេរោគផ្សិតនៅទ្វារមាសអាចបង្កជំងឺធ្ងន់ធ្ងរ

WHO កំពុងតាមដានវីរុសអូមីក្រុងបំប្លែង ៣ ប្រភេទ

ឡើងស្លេស្មក្នុងបំពង់ក អាចជារោគសញ្ញាឆ្លងវីរុសអូមីក្រុង?

បាក់តេរីក្នុងពោះវៀនខ្លះធ្វើឲ្យមនុស្សឡើងគីឡូ មិនងាយស្រក

ម៉ាក់​ៗ​ត្រូវ​ដឹង​ បាក់តេរី​ក្នុង​បំពង់​ក​ ​គ្រោះថ្នាក់​ណាស់​ចំពោះ​កូន


រូបថត​របស់​អ្នក​និពន្ធbadge
ដោយ សុខ វណ្ណ កែសម្រួល​ចុងក្រោយ 15/02/2022
ត្រួតពិនិត្យដោយ វេជ្ជ. ចាន់ ស៊ីណេត