ខណៈការឆ្លងរីករាលដាលជំងឺកូវីដ ១៩ ក្នុងសហគមន៍ មិនទាន់មានសញ្ញាថមថយ យុទ្ធនាការចាក់វ៉ាក់សាំងការពារជំងឺកូវីដ ១៩ នៅក្នុងប្រទេសយើងក៏បានពន្លឿនទៅតាមនោះដែរ។ បន្ទាប់ពីចាក់វ៉ាក់សាំងកូវីដ ១៩ រួច តើគ្រូពេទ្យតម្រូវឲ្យអ្នកចាក់ធ្វើអីខ្លះ ឬក៏តមអីខ្លះ ទើបមិនប៉ះពាល់ដល់ប្រសិទ្ធភាពរបស់វ៉ាក់សាំង?
ចាក់វ៉ាក់សាំងកូវីដ ១៩ រួច ពេទ្យឲ្យធ្វើម៉េច? តមអីខ្លះ ទើបមានប្រសិទ្ធភាព?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ក្រសួងសុខាភិបាលបានចេញប្រការត្រូវចងចាំចំនួន ៣ ក្រោយចាក់វ៉ាក់សាំងរួច៖
១. ត្រូវបន្តតាមដានឲ្យបានដិតដល់ក្នុងរយៈពេល ៧ម៉ោង ចៀសវាងសកម្មភាពប្រើកម្លាំងធ្ងន់ធ្ងរ គេង និងសម្រាកឲ្យបានគ្រប់គ្រាន់។
២. ត្រូវបន្ថែមថាមពល ប្រូតេអ៊ីន វីតាមីន និងអាហារជីវជាតិ។ ក្នុងរយៈពេល ១សប្តាហ៍ ចៀសវាងអាហារមានជាតិហឹរ មិនត្រូវផឹកគ្រឿងស្រវឹង ពិសេសអ្នកដែលមានប្រតិកម្មនឹងជាតិអាល់កុល អាចនាំឲ្យមានប្រតិកម្មកាន់តែខ្លាំង ឬធ្វើឲ្យវ៉ាក់សាំងបាត់បង់ប្រសិទ្ធភាព។
៣. ត្រូវយកចិត្តទុកដាក់បង្ការជំងឺផ្តាសាយ ញ៉ាំទឹកឲ្យច្រើនក្នុងរយៈពេល ១២ម៉ោង ពេលងូតទឹកត្រូវបិទបង់ស្អិត ឬបង់បិទដំបៅការពារកន្លែងចាក់វ៉ាក់សាំង និងក្រោយ ១២ ម៉ោង ពេលងូតទឹក មិនត្រូវប៉ះពាល់កន្លែងចាក់វ៉ាក់សាំង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម