ស្រ្តីខ្មែរអាយុ ២៨ឆ្នាំ រស់នៅភូមិបឹងសាឡាង សង្កាត់ឫស្សីកែវ រាជធានីភ្នំពេញ ស្លាប់ដោយសារជំងឺកូវីដ ១៩ នៅរសៀលថ្ងៃទី៣១ មីនា នេះ។ បើតាមសេចក្តីជូនព័ត៌មានរបស់ក្រសួងសុខាភិបាល ស្ត្រីរូបនេះរកឃើញវិជ្ជមាននៅថ្ងៃទី ៣០ មីនា ដោយអ្នកជំងឺមានសភាពធ្ងន់ធ្ងរតាំងពីពេលចូលសម្រាកពេទ្យ ព្រោះមានជំងឺប្រចាំកាយ ជំងឺផ្អែមប្រភេទ ១ និងខ្សោយតម្រងនោមធ្ងន់ធ្ងរ ដំណាក់កាលចុងក្រោយ ទើបក្រុមគ្រូពេទ្យមិនអាចជួយសង្គ្រោះបាន។