Delta ជាវីរុសមួយក្នុងចំណោមវីរុសបំប្លែង ៤ ដែលអង្គការសុខភាពពិភពលោក (WHO) បារម្ភជាងគេ ហើយមកដល់ពេលនេះកម្ពុជារកឃើញអ្នកឆ្លងវីរុសបំប្លែងថ្មីនេះជាង២០០ករណី។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
Delta ជាវីរុសមួយក្នុងចំណោមវីរុសបំប្លែង ៤ ដែលអង្គការសុខភាពពិភពលោក (WHO) បារម្ភជាងគេ ហើយមកដល់ពេលនេះកម្ពុជារកឃើញអ្នកឆ្លងវីរុសបំប្លែងថ្មីនេះជាង២០០ករណី។
ខណៈវីរុសបំប្លែងថ្មីប្រភេទ Delta កំពុងវាយលុកដល់សហគមន៍ជាបណ្តើរហើយនោះ លោកជំទាវ ឱ វណ្ណឌីន អ្នកនាំពាក្យ និងជារដ្ឋលេខាធិការក្រសួងសុខាភិបាលបានពន្យល់ពីភាពសាហាវរបស់វីរុសបំប្លែងថ្មី Delta ថា អ្វីដែលអ្នកវិទ្យាសាស្ត្រសង្កេតឃើញ ពេលឆ្លងចូលទៅក្នុងខ្លួន កំហាប់វីរុស Delta ខាប់ជាងប្រភេទវីរុសផ្សេងទៀត។
“ពេលឆ្លងចូលទៅកំហាប់នៅក នៅគល់ច្រមុះ អ៊ីចឹងបានគេលូកចូលទៅ ក្នុងពេលគេធ្វើតេស្តគេ យកសម្លីលូកចូលទៅក្នុង មិនមែនលូកនៅខាងក្រៅទេ ដោយសារវាចូលទៅ វាទៅនៅក្នុងនោះឯង”។
លោកជំទាវបានបន្តថា ធម្មតាសួតមនុស្សយើងមានថង់តូចៗជាច្រើនសម្រាប់ទទួលយកអុកស៊ីសែន ហើយបញ្ចេញមកវិញនូវឧស្ម័នកាបូនិច ប៉ុន្តែនៅពេលវីរុសបំប្លែង Delta ធ្វើសកម្មភាព វីរុសនេះវាយលុកទៅក្នុងសួតលឿន ធ្វើឲ្យកំហាប់ទឹករម្អិលក្នុងសួតទៅជាក្រាស់ ស្អិតដូចជ័រកាវ បិទរន្ធផ្លូវដង្ហើម។ នេះមានន័យថា នៅពេលវីរុសបំប្លែងថ្មី Delta ធ្វើប្រតិកម្ម ឬបញ្ចេញឥទ្ធិពល ធ្វើឲ្យទឹករម្អិលដែលមានក្នុងសរីរាង្គ ទៅជាស្អិត បិទលើរន្ធថង់សួត ធ្វើឲ្យយើងពិបាកដង្ហើម ស្ទះដង្ហើម ទៅជាត្រដរខ្យល់ ដែលជាមូលហេតុជំរុញឲ្យអ្នកជំងឺស្លាប់លឿនបំផុត។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ