បច្ចុប្បន្ន កម្ពុជាយើងបានរកឃើញវត្តមានវីរុសបំប្លែង Omicron មួយករណីហើយ ជាហេតុដែលយើងគ្រប់គ្នាគួរបង្កើនការប្រុងប្រយ័ត្នចំពោះសុខភាពឲ្យមែនទែន។ វីរុសបំប្លែង Omicron មានបម្រែបម្រួលមួយចំនួនធំ ហើយវាមានហានិភ័យនៃការឆ្លងលឿនជាងវីរុសបំប្លែងប្រភេទ Deltaទៅទៀត។
WHO ណែនាំវិធីសាស្រ្ត ៦យ៉ាង ការពារវីរុសបំប្លែងថ្មី Omicron
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ
ក្បួនការពារខ្លួន ៦ ក្បាច់ណែនាំដោយ WHO
តាមពិតទៅ មិនថាជាជំងឺកូវីដ-១៩ធម្មតា ឬជាវីរុសបំប្លែងថ្មីៗដូចជា Omicron ទេ បើយើងអនុវត្តតាមការណែនាំប៉ុន្មានខាងក្រោមឲ្យខ្ជាប់ខ្ជួន យើងមិនបារម្ភពីការឆ្លង ឬធ្លាក់ខ្លួនឈឺធ្ងន់ធ្ងរ៖
១. ចាក់វ៉ាក់សាំង
២. ពាក់ម៉ាស
៣. រក្សាគម្លាត
៤. បើកឲ្យមានខ្យល់ចេញចូលក្នុងកន្លែងបិទជិត
៥. រក្សាអនាម័យឲ្យបានល្អ
៦. ដាក់ខ្លួននៅដាច់ដោយឡែកប្រសិនបើមានចេញរោគសញ្ញា
កាលពីថ្ងៃទី ១៤ ខែធ្នូនេះ អង្គការសុខភាពពិភពលោក (WHO) បានឲ្យដឹងដែរថាប្រទេសចំនួន ៧៧ហើយ បានរាយការណ៍ពីវត្តមានវីរុសបំប្លែងថ្មី Omicron និងថាអាចមានប្រទេសមួយចំនួនទៀតក៏អាចមានឆ្លងវីរុសប្រភេទថ្មីនេះដែរ គ្រាន់តែមិនទាន់បានរកឃើញ។
ទន្ទឹមនឹងនេះ ប្រធានអង្គការសុខភាពពិភពលោក លោក Tedros ក៏បានព្រមាន ថា ថ្វីត្បិតតែវីរុសបំប្លែងថ្មី Omicron បង្កឲ្យមានរោគសញ្ញាស្រាលក៏ពិតមែន តែថាបើចំនួនឆ្លងកើតឡើងខ្លាំងនោះអាចនឹងធ្វើឲ្យប៉ះពាល់ដល់ប្រព័ន្ធសុខាភិបាលដែលមិនបានត្រៀមខ្លួនជាមុន។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម