home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

អ្នក​ឈឺសន្លាក់ក៏អាចហាត់ប្រាណដែរ តាមវិធីមួយចំនួន​នេះ

អ្នក​ឈឺសន្លាក់ក៏អាចហាត់ប្រាណដែរ តាមវិធីមួយចំនួន​នេះ

ពេល​ខ្លះ​អ្នក​ជំងឺ​រលាក​សន្លាក់​​​យល់​ឃើញ​​ថា​ ការ​ធ្វើ​លំហាត់​ប្រាណ​នឹង​ធ្វើ​ឲ្យ​ជំងឺ​របស់​ពួកគាត់​កាន់​តែ​​ធ្ងន់​ធ្ងរ​លើស​ដើម​។​ ប៉ុន្តែ​មិន​ដូច្នោះ​ឡើយ​ លំហាត់​ប្រាណ​មាន​សារៈសំខាន់​ណាស់​​ ពីព្រោះ​វា​ជួយ​​បង្កើន​​កម្លាំង​ថាមពល​ និង​ភាព​ពត់​ពែន​​ ក៏​ដូចជា​កាត់​បន្ថយ​នូវ​ការ​ឈឺចាប់​ ព្រមទាំង​ប្រឆាំង​នឹង​ភាព​អស់​កម្លាំង​ផង​ដែរ​។ ​

ពិត​ណាស់ នៅ​ពេល​ដែល​យើង​មាន​អារម្មណ៍​ឈឺចាប់​ និង​ស្ពឹក​ស្រពន់​នៅ​​ត្រង់​សន្លាក់​ឆ្អឹង​ យើង​ប្រហែល​ជា​គ្មាន​អារម្មណ៍​ដើរ​កាត់​ប្រាណ​ ឬ​ហែល​ទឹក​ទៀត​នោះ​ទេ​។យ៉ាង​ណា​មិញ​ យើង​មិន​ចាំបាច់​​​​​​ប្រឹង​ប្រែង​​ហាត់​ប្រាណ​ឲ្យ​ហួស​ពី​សមត្ថភាព​ឡើយ​​ លំហាត់​ប្រាណ​​ងាយៗ​ បែប​សាមញ្ញ​​ៗ​ ក៏​អាច​​ធ្វើ​ឲ្យ​យើង​មាន​អារម្មណ៍​ធូរស្រាល ព្រម​ទាំង​អាច​រក្សា​ទម្ងន់​ខ្លួន​ថែម​ទៀត​ផង​។

១.តើ​ការ​ហាត់ប្រាណ​មាន​គុណប្រយោជន៍​អ្វី​ខ្លះ​?

ជាក់ស្ដែង​​​ ការ​ហាត់ប្រាណ​​ជួយ​ពង្រឹង​សុខភាព​ និង​ធ្វើ​ឲ្យ​រាងកាយ​​របស់​យើង​​មាន​ភាព​សម​សួន​ ដោយ​ពុំ​មាន​ការ​ឈឺចាប់​នៅ​ត្រង់​សន្លាក់​ឆ្អឹង​ឡើយ​។ លើស​ពី​នេះ​ ​វា​ក៏​ជួយ​​គ្រប់គ្រង​ទម្ងន់​ បង្កើន​តុល្យភាព​រាងកាយ​ ធ្វើ​ឲ្យ​ឆ្អឹង​ និង​សាច់ដុំ​នៅ​ត្រង់​សន្លាក់​មាន​ភាព​រឹងមាំ​ ក៏​ដូចជា​ធ្វើ​ឲ្យ​យើង​គេង​លក់​ស្រួល​​ផង​ដែរ​។ ផ្ទុយ​ទៅ​វិញ​ ប្រសិនបើ​​យើង​មិន​សូវ​ហាត់​ប្រាណ​ទេ​នោះ​​ វា​នឹង​ធ្វើ​ឲ្យ​សន្លាក់​ឆ្អឹង​របស់​យើង​កាន់តែ​ឈឺចាប់​ និង​ស្ពឹក​ជាង​មុន​​​​ថែម​ទៀត​​។​

រលាកសន្លាក់

២.​លំហាត់​ប្រាណ​ស័ក្ដិសម​​អ្នក​​ជំងឺ​រលាក​សន្លាក់

ដូច​ដែល​យើង​បាន​ដឹង​ស្រាប់​ហើយ​ថា​ លំហាត់​ប្រាណ​មាន​ច្រើន​ប្រភេទ​ណាស់​ ហើយ​លំហាត់​ប្រាណ​នីមួយ​ៗ​សុទ្ធសឹងតែ​មាន​គុណ​ប្រយោជន៍​ផ្សេង​ៗ​ពី​គ្នា​។ ​ ចំណែក​ឯ​លំហាត់​ប្រាណ​សម្រាប់​អ្នក​ជំងឺ​រលាក​សន្លាក់​ ក៏​អាស្រ័យ​ទៅ​លើ​ប្រភេទ​នៃ​ជំងឺ​រលាក​សន្លាក់​របស់​យើង​ផង​ដែរ​។ ​

ជា​ទូទៅ​ លំហាត់​ប្រាណ​សម្រាប់​អ្នក​ជំងឺ​រលាក​សន្លាក់​មាន​ដូចជា លំហាត់​ប្រាណ​បែប​ចលនា (ពត់ខ្លួន​ប្រាណ​ លើកដៃ បង្វិល​ស្មា​ចុះ​ឡើង​…) លំហាត់​ប្រាណ​​ពង្រឹង​កម្លាំង​ (លើក​ទម្ងន់ ​…) លំហាត់​ប្រាណ​អារ៉ូប៊ិក (​ជិះកង់ ដើរ រាំ….) ជាដើម​។​​

ប្រសិនបើ​យើង​​ចង់​​ទទួល​បាន​អត្ថប្រយោជន៍​​​ដ៏​លើស​លប់​ពី​ការ​ហាត់​ប្រាណ​​ យើង​គួរ​ពិគ្រោះ​ជាមួយ​នឹង​គ្រូពេទ្យ​ជំនាញ​ជាមុន​សិន​​​​ ដើម្បី​ស្វែង​រក​ប្រភេទ​លំហាត់​ប្រាណ​ណាមួយ​ ដែល​ស័ក្ដិសម​បំផុត​ជាមួយ​នឹង​សន្លាក់​ឆ្អឹង​របស់​យើង​។

៣.តិចនិក​ការពារ​សន្លាក់​ឆ្អឹង​​ពេល​​ចាប់​ផ្ដើម​លំហាត់​ប្រាណ​ដំបូង​

សម្រាប់​អ្នក​ដែល​​មិន​សូវ​ហាត់​ប្រាណ​ពីមុន​​សោះ​ ​គួរ​ចាប់​ផ្តើម​ធ្វើ​លំហាត់​ប្រាណ​យឺត​ៗ មួយៗ​ ដើម្បី​កុំ​ឲ្យ​មាន​ការ​ឈឺចាប់​ដល់​សន្លាក់​ឆ្អឹង​។ យើង​​គួរ​ធ្វើ​លំហាត់​ប្រាណ​ណា​ដែល​មាន​ផល​ប៉ះពាល់​ទាប​បំផុត​ ដូចជា​​ការ​ប្រើ​ម៉ាស៊ីន​​ធាក់​ ឬ​ហាត់​ប្រាណ​នៅ​ក្នុង​ទឹក​ ដើម្បី​​រក្សា​កម្លាំង​សង្កត់​លើ​សន្លាក់​ឆ្អឹង​​ឲ្យ​នៅ​ទាប​​ នៅ​ពេល​ធ្វើ​ចលនា​។ ​

ជាមួយ​គ្នា​នេះ​ដែរ​ យើង​ក៏​អាច​​ប្រើ​កន្សែង​ក្តៅ​ឧណ្ហៗ​ ឬ​ងូត​ទឹក​ក្តៅ​ល្មម​​ជាមុន​សិន​ មុន​នឹង​ចាប់​ផ្តើម​លំហាត់​ប្រាណ​ ឬ​ស្អំ​ទឹក​កក​នៅ​ត្រង់​សន្លាក់​ឆ្អឹង​ឲ្យ​បាន​ប្រហែល​២០នាទី​ បន្ទាប់​ពី​ហាត់​ប្រាណ​រួច។ ជា​ពិសេស​​ សូម​កុំ​ភ្លេច​កម្ដៅ​សាច់ដុំ​ដោយ​​​ធ្វើ​ចលនា​យឺត​ៗ និង​ថ្នម​ៗ​រយៈពេល​ប្រហែល​៥ទៅ​១០​នាទី​ ​មុន​នឹង​ចាប់​ផ្ដើម​លំហាត់​ប្រាណ​ប្រភេទ​ណា​មួយ​​។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.mayoclinic.org/diseases-conditions/arthritis/in-depth/arthritis/art-20047971

រូបថត​របស់​អ្នក​និពន្ធbadge
ដោយ ទូច សុខា កែសម្រួល​ចុងក្រោយថ្ងៃទី 10/12/2020
ត្រួតពិនិត្យដោយ វេជ្ជ. វេជ្ជ. ចាន់ ស៊ីណេត
x