ចំណេះដឹងមូលដ្ឋាន
១- អ្វីជាការកាត់ខ្នែងពោះវៀន?
ចង់ចាកចេញពី Hellokrupet?
ប្រាកដហើយថា អ្នកចង់ចាកចេញ?
Appendectomy (វះកាត់ខ្នែងពោះវៀន)
គឺសំដៅលើការកាត់ខ្នែងពោះវៀនធំ ដោយវះកាត់ ពេលមានករណីរលាកស្រួចស្រាវ បង្កមកពីស្ទះចំណីអាហារ ឬលាមក ហើយរលាកនៅជិតគល់ផ្នែកតំណរវាងពោះវៀនតូច និងពោះវៀនធំ ជាទូទៅនិយមហៅថាពោះវៀនដុះខ្នែង។ អាចមានសញ្ញាដូចជាឈឺពោះ ក្អួត ចង្អោរ ក្ដៅខ្លួនតិចៗ និងឈឺក្រោមខាងស្ដាំពោះ។
២- ហេតុអ្វីត្រូវវះកាត់?
ករណីមានការរលាក និងសញ្ញាលេចឡើងគួរសង្ស័យហើយ ការព្យាបាលល្អបំផុត គឺវះកាត់ខ្នែងពោះវៀនចេញតែម្តង មិនដូច្នោះអាចបង្កបញ្ហាកាន់តែច្រើនដូចជា ធ្លាយខ្នែងពោះវៀនឈានទៅរកការរលាកស្រោមពោះធ្ងន់ធ្ងរ និងអាចមានគ្រោះថ្នាក់ដល់ជីវិតទៀតផង។
កត្តាប្រឈម
៣- កត្តាប្រឈមមានអ្វីខ្លះ?
គ្រប់ការវះកាត់ទាំងអស់ សុទ្ធតែមានផលប៉ះពាល់ ក្នុងនោះកាត់ខ្នែងពោះវៀនក៏អាចប្រឈមបញ្ហាជាច្រើនដូចជា៖
– ស្ទះពោះវៀន
– របួសស្រទាប់ស្រោមសួត
– អាចមានខ្លនពោះវៀនក្រោយវះកាត់
– កំណត់រោគវិនិច្ឆ័យមិនត្រឹមត្រូវ
– ស្ពឹកពោះវៀនផ្នែកណាមួយ
– បង្កទៅជាបូសក្នុងពោះវៀន
– បង្ករោគធ្ងន់ធ្ងរក្នុងសរសៃវ៉ែនធំក្រោមថ្លើម
– ជ្រាបលាមកចេញក្រៅ ដោយសារដេរមិនបានជិតល្អ
– ខូចខាតទៅលើពោះវៀន ប្លោកនោម និងសរសៃឈាម។
ករណីខ្លះការព្យាបាលដោយថ្នាំផ្សះ អាចធ្វើបានសម្រាប់គ្នាយើងមិនអាចវះកាត់បាន។ ការសិក្សាមួយចំនួនបង្ហាញថា ព្យាបាលដោយថ្នាំអាចមានប្រសិទ្ធភាពដល់ទៅ ៧០ភាគរយ តែករណីភាគច្រើនជ្រើសរើសយកការវះកាត់ ព្រោះមានប្រសិទ្ធភាពជាង។
ស្វែងយល់មុនវះកាត់
៤- គួរត្រៀមអ្វីខ្លះមុនពេលវះកាត់?
មុនធ្វើការវះកាត់ យើងត្រូវប្រឹក្សាជាមួយគ្រូពេទ្យសណ្ដំជាមុន ពីរបៀបត្រៀមមុនឡើងជ្រុញ ជាទូទៅត្រូវតមអាហារយ៉ាងតិច ៦ ម៉ោង និងទឹកយ៉ាងតិចណាស់ ៣ ម៉ោងមុនវះកាត់។
៥- អ្វីខ្លះកើតឡើងអំឡុងពេលវះកាត់?
ការវះកាត់ ជាទូទៅត្រូវការពេលពី ១-២ ម៉ោង គ្រូពេទ្យអាចផ្ដល់ជម្រើស ២ សម្រាប់យើង មានវះកាត់ដោយបើកពោះ និងមិនបើកពោះ (ចោះពោះដោយប្រហោងតូច)។ ដោយសារវិទ្យាសាស្ត្របច្ចុប្បន្នជឿនលឿនខ្លាំង វិធីវះកាត់ដោយមិនបើកពោះ ជាជម្រើសទី ១ ព្រោះបណ្តាលឲ្យ មានស្នាមតិចតួច វះកាត់ជាមួយឧបករណ៍ពិសេស ចោះចូលទៅក្នុងពោះ តែប៉ុន្មានកន្លែងប៉ុណ្ណោះ តែទាស់ត្រង់ថាតម្លៃសេវា ថ្លៃជាងការវះបើកពោះ។
ករណីខ្លះពេលខ្នែងពោះវៀនធ្លាយរួចទៅហើយនោះ វិធីនេះក៏មិនអាចអនុវត្តបានដែរ ។
វិធីថែទាំក្រោយវះកាត់
៦- គួរធ្វើអ្វីខ្លះក្រោយវះកាត់?
ត្រូវសម្រាកពេទ្យពី ៣-៥ ថ្ងៃ បន្ទាប់ពីវះកាត់រួច សម្រាប់ករណីរលាកខ្នែងពោះវៀន។ ប៉ុន្តែករណីវះកាត់ដោយសារធ្លាយខ្នែងពោះវៀនអាចសម្រាកនៅពេទ្យពី ៧-១០ ថ្ងៃ និងអាចត្រឡប់ទៅធ្វើការធម្មតាវិញ នៅចន្លោះពី ២-៤ សប្តាហ៍ក្រោយវះកាត់។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕
គណនា BMI
ប្រើរង្វាស់សុខភាពBMI ដើម្បីគណនារាងកាយ ទម្ងន់ និងកម្ពស់សមសួន និងសុខភាពល្អ
ប្រុស
ស្រី
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រភព
Appendectomy. http://www.hopkinsmedicine.org/healthlibrary/test_procedures/gastroenterology/pediatric_appendectomy_135,16/. Accessed May 29, 2016.
Share