ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កោសិកាឈាមសមាននាទីជួយរាងកាយយើងប្រយុទ្ធប្រឆាំងនឹងជំងឺ ឬមេរោគផ្សេងៗ ហើយខួរឆ្អឹងយើងផលិតកោសិកាឈាមសប្រហែល ១០០ ពាន់លានក្នុងមួយថ្ងៃ។ ពេលគ្រាប់ឈាមសចុះទាបយើងអាចមានអាការៈម៉េចខ្លះ? គួរបង្កើនតាមវិធីណា?
ប្រសិនបើលទ្ធផលរាប់គ្រាប់ឈាមបញ្ជាក់ថា គ្រាប់ឈាមសយើងតិចជាង ៤០០០/មីក្រូលីត្រ មានន័យថា គ្រាប់ឈាមសយើងចុះទាប ហើយអាចបណ្តាលមកពីជំងឺមួយចំនួន ឬកង្វះអាហារូបត្ថម្ភ។
នៅពេលគ្រាប់ឈាមសចុះទាប យើងអាចមានអាការៈដូចជា៖
ប្រព័ន្ធភាពសុំាយើងនឹងចុះខ្សោយ នៅពេលគ្រាប់ឈាមសចុះទាប ដូច្នេះយើងអាចបង្កើនគ្រាប់ឈាមសតាមរយៈ៖
ជាទូទៅការញុំាវីតាមីន C ២០០ មីល្លីក្រាមក្នុងមួយថ្ងៃអាចជួយរាងកាយយើងក្នុងការផលិតកោសិកាឈាមស និងពង្រឹងប្រព័ន្ធភាពសុំាហើយ។ អាហារសម្បូរវីតាមីន C មានដូចជា ផ្លែឈើអម្បូរក្រូច ត្របែក ល្ហុង ម្ទេសហាវៃ ប្រូខូលី ស្ពៃក្តោបជាដើម។
តាមការសិក្សាបានឱ្យដឹងថាថា កង្វះជាតិស័ង្កសីអាចបង្កើនហានិភ័យនៃការឆ្លងមេរោគ។ អាហារសម្បូរជាតិស័ង្កសី រួមមាន អយស្ទ័រ សាច់គោ ស្ពៃពួយឡេង ផ្សិត ឬទំពាំងបារំាំងជាដើម។
សេលេញ៉ូមក៏អាចជួយឱ្យរាងកាយយើងផលិតកោសិកាឈាមសដែរ ហើយសម្បូរនៅក្នុងអាហារដូចជា សាច់គោ ត្រីធូណា ត្រីសាល់ម៉ុន និងសាច់មាន់ជាដើម។
បេតាការ៉ូទីនជាសារធាតុប្រឆាំងអុកស៊ីតកម្មដែលជួយកម្ចាត់រ៉ាឌីកាល់សេរីដែលបង្កការខូចខាតកោសិកា និងជួយជំរុញការផលិតកោសិកាឈាមស។ អាហារផ្ទុកទៅដោយបេតាការ៉ូទីនខ្ពស់មានដូចជា ការ៉ុត ល្ពៅ ប៉េងប៉ោះ ដំឡូងជ្វា និងបន្លែស្លឹកបៃតងចាស់។
វីតាមីន E ជាសារធាតុប្រឆាំងអុកស៊ីតកម្មដែលជួយពង្រឹងប្រព័ន្ធភាពស៊ាំយើងដោយជំរុញការផលិតកោសិកាឈាមស។ លើសពីនេះ វីតាមីន E ក៏ជួយជំរុញការផលិតកោសិកា B ដែលជួយកម្ចាត់មេរោគដែរ។
យើងអាចទទួលបាន វីតាមីន E ពីគ្រាប់ធញ្ញជាតិ គ្រាប់ផ្លែឈើ គ្រាប់ផ្កាឈូករ័ត្ន សណ្តែកដី ស្ពៃពួយឡេង ប្រូខូលី ផ្លែបឺរ ស្វាយ ផ្លែគីវីជាដើម។
ចង់ពិនិត្យជំងឺសរសៃឈាមបេះដូង ចុចទីនេះ!
ចង់គណនារង្វាស់ចង្វាក់បេះដូង ចុចទីនេះ!
អាស៊ីដខ្លាញ់អូមេហ្កា-៣ ដូចជា ត្រីសាល់ម៉ុន ធូណា សាឌីន អ័យស្ទើ គ្រាប់ឈៀ គ្រាប់ផ្លែលើ ផ្លែបឺរ ប្រេងអូលីវជាដើមអាចជួយពង្រឹងសមត្ថភាពកោសិកា និងជំរុញការផលិតកោសិកាឈាមសនៅក្នុងប្រព័ន្ធភាពស៊ាំ។
វីតាមីន B កំផ្លេចគឺជាវីតាមីន B6, B12, B3, B2, B5, B7, B9, ឬ B12 ក៏ជួយដល់ការផលិតកោសិកាឈាមសដែរ។ អាហារសម្បូរវីតាមីន B មានដូចជា ស៊ុត ទឹកដោះគោ ឈីស សណ្ដែក ត្រីធូណា ត្រីសាល់ម៉ុន ដំឡូងបារំាង ឆាយថាវក្រហម ផ្លែបឺរ ឪឡឹក ចេកជាដើម។
ការគេងមិនបានគ្រប់គ្រាន់អាចធ្វើឱ្យការផលិតកោសិកាឈាមសកាន់តែតិច ហើយធ្វើឱ្យអាការៈជំងឺយើងកាន់តែធ្ងន់ធ្ងរ។ យើងគួរគេងឱ្យបាន ៨ ម៉ោងក្នុងមួយថ្ងៃដើម្បីឱ្យរាងកាយមានពេលវេលាជួសជុលខ្លួនឯង។
យើងគួរញុំាទឹកឱ្យបាន ២ លីត្រក្នុងមួយថ្ងៃ ព្រោះជាតិទឹកជួយឱ្យកោសិកាដំណើរការបានល្អ និងជំរុញការផលិតកោសិកាក្នុងរាងកាយ។
ជាទូទៅរាងកាយយើងនឹងត្រូវការពេលពីរបីថ្ងៃ ឬសប្តាហ៍ដើម្បីបង្កើនការផលិតកោសិកាឈាមស។
អត្ថបទគួរអាន៖
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
