ជំងឺមហារីកមាត់ស្បូន មានជាប់ពាក់ព័ន្ធនឹងវីរុសHPV ហើយវីរុសនេះដែរ ត្រូវបានរកឃើញនៅក្នុងអ្នកជំងឺមហារីកមាត់ស្បូនប្រហែល៩៩%ឯណោះ។ វីរុសនេះ ត្រូវបានចាត់ទុកថា ជាកត្តាហានិភ័យចម្បង ហើយប្រភេទជាក់លាក់នៃវីរុសHPV ដូចជាHPV-16 និងHPV-18 អាចបំប្លែងកោសិកាធម្មតាទៅជាកោសិកាមហារីកមាត់ស្បូន។ ជាមួយគ្នានេះដែរ បែបបទរស់នៅប្រចាំថ្ងៃ ក៏រួមចំណែកយ៉ាងសកម្មក្នុងការជំរុញឲ្យកើតជំងឺមហារីកដ៏កាចសាហាវមួយនេះ។

កត្តាបែបបទរស់នៅដែលបង្កើនហានិភ័យនៃជំងឺមហារីកមាត់ស្បូន

១. ប្រវត្តិក្នុងការរួមភេទ

ការចាប់ផ្តើមរួមភេទនៅវ័យក្មេងពេក និងមានដៃគូរួមភេទច្រើន អាចបង្កើនហានិភ័យនៃជំងឺមហារីកមាត់ស្បូន ដោយធ្វើឲ្យយើងងាយប្រឈមនឹងវីរុសHPV និងជំងឺកាមរោគដទៃទៀត។

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. ការជក់បារី និងប្រើប្រាស់ថ្នាំជក់

ទន្ទឹមនឹងនេះដែរ ការជក់បារីក៏អាចបង្កើនឱកាសនៃការវិវត្តទៅជាដំបៅមុនកើតមហារីកនៃមាត់ស្បូន ដែលជាហេតុបង្កើនហានិភ័យនៃជំងឺមហារីកមាត់ស្បូន។ ជាក់ស្តែង សារធាតុគីមីពុលនៅក្នុងផ្សែងថ្នាំជក់ មានសមត្ថភាពបំផ្លាញDNA នៅក្នុងកោសិកាមាត់ស្បូន និងបង្កឲ្យមានការលូតលាស់កោសិកាមហារីក។

៣. ប្រព័ន្ធភាពស៊ាំចុះខ្សោយ

នៅពេលដែលប្រព័ន្ធភាពស៊ាំក្នុងរាងកាយចុះខ្សោយ នោះនឹងអាចបង្កើនហានិភ័យនៃការឆ្លងវីរុសHPV និងវិវត្តទៅជាមហារីកមាត់ស្បូន។ ដូច្នេះហើយ គ្នាយើងគួរតែញ៉ាំអាហារល្អៗ និងហាត់ប្រាណជាទៀងទាត់ ដើម្បីពង្រឹងប្រព័ន្ធភាពស៊ាំ ដើម្បីប្រឆាំងនឹងជំងឺផ្សេងៗ។

៤. ញ៉ាំគ្រឿងស្រវឹង

ការញ៉ាំគ្រឿងស្រវឹងច្រើនជ្រុល ក៏អាចបង្កើនហានិភ័យនៃជំងឺមហារីកមាត់ស្បូនដែរ ពីព្រោះគ្រឿងស្រវឹងជាដើមចមដែលនាំឲ្យប្រព័ន្ធភាពស៊ាំចុះខ្សោយ និងធ្វើឲ្យរាងកាយពិបាកប្រឆាំងនឹងជំងឺផ្សេងៗ។

៥. ធាត់ជ្រុល ឬលើសទម្ងន់

ចំណែកឯបញ្ហាធាត់ជ្រុល ឬលើសទម្ងន់ក៏អាចបង្កើនហានិភ័យនៃជំងឺមហារីកមាត់ស្បូនដូចគ្នា ដោយសារតែខ្លាញ់លើសនៃរាងកាយ អាចបណ្តាលឲ្យមានការលាករ៉ាំរ៉ៃ និងនាំឲ្យមានការបំផ្លាញកោសិកា ក៏ដូចជាបង្កើនហានិភ័យនៃជំងឺមហារីក។

៦. ការប្រើថ្នាំពន្យារកំណើត

យោងតាមការស្រាវជ្រាវបានឲ្យដឹងថា ការប្រើប្រាស់មធ្យោបាយពន្យារកំណើតជាក់លាក់ ដូចជាការប្រើថ្នាំលេប អាចបង្កើនហានិភ័យនៃការកើតជំងឺមហារីកមាត់ស្បូន។ ប្រសិនបើយើងប្រើថ្នាំពន្យារកំណើតរយៈពេល៥ឆ្នាំ នោះនឹងអាចបង្កើនហានិភ័យចំនួន៥% ស្របពេលដែលហានិភ័យអាចកើនឡើងរហូតដល់៦០% នៅពេលដែលយើងប្រើប្រាស់រហូតដល់៩ឆ្នាំ និងកើនឡើងទ្វេដង ប្រសិនបើយើងប្រើរយៈពេល១០ឆ្នាំ ឬលើសពីនេះ។ ប៉ុន្តែ ហានិភ័យនេះ នឹងត្រូវបានកាត់បន្ថយ ក្រោយឈប់ថ្នាំពន្យារកំណើត។

អត្ថបទគួរអាន៖

ចំណុចសំខាន់

កត្តាបែបបទរស់នៅដែលបង្កើនហានិភ័យនៃជំងឺមហារីកមាត់ស្បូន៖

ប្រវត្តិក្នុងការរួមភេទ
ការជក់បារី និងប្រើប្រាស់ថ្នាំជក់
ប្រព័ន្ធភាពស៊ាំចុះខ្សោយ
ញ៉ាំគ្រឿងស្រវឹង
ធាត់ជ្រុល ឬលើសទម្ងន់
ការប្រើថ្នាំពន្យារកំណើត

៦ ចំណុចនេះ អាចបង្កើនហានិភ័យជំងឺ​​​​​​​​​​​​​​​​​​​​​​​​​​​​​​​​​​​​​​​​មហារីកមាត់ស្បូនដោយមិនដឹងខ្លួន!

កត្តា​បែបបទ​រស់នៅ​ដែល​បង្កើន​ហានិភ័យ​នៃ​ជំងឺ​មហារីក​មាត់​ស្បូន

១. ប្រវត្តិ​ក្នុង​ការ​រួម​ភេទ

២. ការ​ជក់​បារី និង​ប្រើប្រាស់​ថ្នាំ​ជក់

៣. ប្រព័ន្ធ​ភាព​ស៊ាំ​ចុះ​ខ្សោយ

៤. ញ៉ាំ​គ្រឿង​ស្រវឹង

៥. ធាត់​ជ្រុល ឬ​លើស​ទម្ងន់

៦. ការ​ប្រើ​ថ្នាំ​ពន្យារ​កំណើត