កំពុងពពោះ ស្រាប់​តែ​សុដន់​ប្រែ​ប្រួល​ខុស​ប្រក្រតី គួរ​ធ្វើ​តេស្ត​ចាំ​បាច់​ទាំង​នេះ

ត្រួតពិនិត្យដោយ | ដោយ

កែសម្រួលចុងក្រោយនៅថ្ងៃទី 15/07/2020 . អាន 3 នាទី
Share now

ដឹង​ថា​មាន​ផ្ទៃ​ពោះ​ភ្លាម មិន​ថា​ប្តី ឬ​ប្រពន្ធ​ សុទ្ធ​តែ​រំភើប។ យ៉ាង​ណា ស្រីៗ​ហាក់​មាន​ក្តី​បារម្ភ​ច្រើន ​ពេល​ទៅ​ជួប​ពេទ្យ ព្រោះ​ពេទ្យ​អាច​ណែនាំ​ឲ្យ​ធ្វើ​នេះ​ធ្វើ​នោះ ចាក់​វ៉ាក់​ស៊ាំង និង​ពិនិត្យ​សុខភាព​ផ្សេងៗ។ ប៉ុន្តែ​នៅ​មាន​រឿង​មួយ​ទៀត យើង​គួរ​ដឹង ពេល​ពពោះ ស្រាប់​តែសុដន់​ប្រែប្រួល​ខុស​ប្រក្រតី ​យើង​គួរ​ធ្វើ​តេស្ត​ទាំង​នេះ ដើម្បី​ប្រាកដ​ថា​យើង​គ្មាន​មហារីក​សុដន់ ព្រោះ​អាច​ប៉ះ​ពាល់​ដល់​កូន​ក្នុង​ផ្ទៃ។

១- រោគ​សញ្ញា​មហារីក​សុដន់​ពេល​ពពោះ​

ជាទូទៅ ​ដុំ​នៅ​ក្នុង​សុដន់​អំឡុង​ពេល​ពពោះ មិន​មែន​ជា​ដុំ​មហារីក​ទេ ប៉ុន្តែ ​មហារីក ​អំឡុង​ពេល​មាន​ផ្ទៃ​ពោះ លេច​ចេញ​ដំបូង ក៏​ជា​ដុំ​មួយ​ដែរ។ យើង​គួរ​ប្រាប់​ពេទ្យ ​បើ​សង្ស័យ​មាន​​ដុំ​អ្វី​មួយ​កើត​មាន​ក្នុង​សុដន់។ គ្រូពេទ្យ​នឹង​យក​ចិត្ត​ទុក​ដាក់​លើ​ដុំ​នោះ ហើយ​ណែនាំ​យើង​ទៅ​ធ្វើ​តេស្ត​ពិនិត្យ​មើល​ដើម្បី​ឲ្យ​ប្រាកដ​ថា ជាដុំ​មហារីក ឬ​ជា​អ្វី​ឲ្យ​ប្រាកដ។

កុំ​ពន្យារ​រហូត​ដល់​សម្រាល​រួច ឬ​រង់​ចាំ​ដល់​ឈប់​បំបៅ​ដោះ​កូន​អី រក​ឃើញ​កាន់​តែ​លឿន ជួយ​យើង​មាន​ឱកាស​កាន់​តែ​ច្រើន ព្យាបាល​ជា​សះ​ស្បើយ។ ពេទ្យ​នឹង​រៀប​ផែន​ការ​ព្យាបាល​សមស្រប មិន​ប៉ះពាល់​ដល់​កូន​យើង​ទេ ខណៈ​តេស្ត​សំខាន់​មួយ​ចំនួន​ក៏​ត្រូវ​បាន​ណែ​នាំ​សម្រាប់​យើង​ផង​ដែរ។

២- តេស្ត​ថត​មើល​សុដន់​ដោយ​កាំរស្មី (Mammogram)

តេស្ត Mammogram ដើម្បី​ថត​ពិនិត្យ​សុដន់ គឺ​ត្រូវ​បាញ់​កាំរស្មី​កម្រិត​ទាប ដើម្បី​ចាប់​យក​រូបភាព​នៅ​ក្នុង​សុដន់។ កាំរស្មី​ត្រូវ​ចាញ់​ចំ​តែ​សុដន់​ប៉ុណ្ណោះ បែប​នេះ​មិន​ប៉ះពាល់​ដល់​កូន​ក្នុង​ផ្ទៃ​ទេ។ ​យើង​ត្រូវធ្វើ​តេស្ត​នេះ បើ​មាន​រោគ​សញ្ញា​ដូច​ជា៖
– ស្ទាប​ឃើញ​មានដុំ​ក្នុង​សុដន់​
– មាន​ហូរ​ឈាម ឬ​សារធាតុ​រាវ​ប្លែក​ហូរ​ចេញ​ពីចុង​សុដន់​
– ស្បែក​សុដន់​ប្រែប្រួល​ខុស​ប្រក្រតី
– លេច​ចេញ​រោគសញ្ញា​ដទៃ​ផ្សេង​ទៀត​

ប្រសិន​បើ​អ្នក​គ្មាន​រោគសញ្ញា​ខាងលើ​នេះ​ ក៏​មិន​ណែនាំ​ឲ្យ​ធ្វើ​តេស្ត​នេះ​ដែរ។

មហារីកសុដន់ពេលពពោះ Hello គ្រូពេទ្យ

អត្ថបទ​ពាក់ព័ន្ធ៖

៣- ឆ្លុះ​អេកូ​សុដន់​

តេស្ត​មួយ​នេះ ពេទ្យ​នឹង​ប្រើ​រលក​សំឡេង ដើម្បី​ចាប់​យក​រូបភាព​ពី​ក្នុង​សុដន់។ ​ជា​ទូទៅ​ ពេទ្យ​ធ្វើ​អេកូសុដន់​មុន​ថត​កាំរស្មី។ អេកូ​សុដន់ អាច​ឲ្យគ្រូពេទ្យ​ដឹងថា​មាន​ដុំសាច់ ឬ​ដុំទឹក ប៉ុន្តែ​មិនអាច​ដឹងថា ជា​ដុំ​មហារីកឬ​មិន​មែន​នោះ​ទេ។

គ្រូពេទ្យ​អាច​នឹង​ណែនាំ​ឲ្យ​យើង​ឆ្លុះ​អេកូ​នៅ​ពេល​ដុំ​ដោះ​រឹង​ពេក តែ​ពេទ្យ​មិនអាច​មើល​ឃើញ​ដោយ​ថត​កាំរស្មី​បាន។ ឆ្លុះ​អេកូ ពុំ​មានផល​ប៉ះពាល់អ្វី​ទាំង​អស់។

៤- ច្រឹប​សាច់​សុដន់​យក​ទៅ​ពិសោធ

បើ​លទ្ធផល​ថត​ឃើញ​ថា មាន​ដុំ​មិន​ប្រក្រតី​ ពេទ្យ​នឹងធ្វើតេស្ត ច្រឹបសាច់សុដន់ ​ដោយប្រើ​ឧបករណ៍​មួយ​ចំនួន ដូចជា​ ម្ជុល កាំបិត​ដើម្បី​ច្រឹប​សាច់ នៅ​តំបន់​សង្ស័យ​យក​ទៅ​ពិនិត្យដោយ​មីក្រូទស្សន៍។ ការ​ច្រឹប​សាច់​ ត្រូវ​ប្រើថ្នាំ​ស្ពឹក​បន្តិច​នៅ​តំបន់​ត្រូវច្រឹប ប៉ុន្តែ​ថ្នាំ​ស្ពឹក ក៏​គ្មាន​ផល​ប៉ះពាល់​អ្វី​ដល់​កូន​ក្នុង​ផ្ទៃ​ដូចគ្នា។ ក្រោយ​ពេល​ច្រឹប​សាច់​រួច យើង​អាច​ទៅ​ផ្ទះ​វិញ​ធម្មតា។ ការប្រើ​ម្ជុល​ច្រឹប​សាច់ មាន​សុវត្ថិភាព​ជាង​កាត់​យក​សាច់​ទាំង​ដល់ ព្រោះ​កាត់​យក​សាច់​ទៅ​ពិសោធ ងាយ​ឆ្លង​រោគ ហើយ​ទឹកដោះ​ក៏​ងាយ​ហូរ​ចូល​ទៅ​កន្លែង​កាត់​នោះ​ដែរ។

៥- ថតអឹមរ៉ាយ (MRI)

បើ​សង្ស័យ​ដុំ​នោះ​ជា​ដុំមហារីក ពេទ្យ​នឹង​ចាប់​ផ្តើម​ប្រើ​ម៉ាស៊ីន​ស្កេន MRI (Magnetic resonance imaging)។ ទោះ​បី​ការ​សិក្សា​បញ្ជាក់​ថា គ្មានផល​ប៉ះពាល់អ្វី​ក៏ដោយ ប៉ុន្តែ​យើង​គួរ​សួរ​នាំ​ពេទ្យ​ឲ្យបាន​ច្បាស់​មុន​ធ្វើ​តេស្ត​នេះ។

វិធី​ធ្វើ​តេស្ត​ដើម្បី​រក​មើល​មហារីក​សុដន់​ខាងលើ សុទ្ធ​តែជា​អាច​ជួយ​ធ្វើរោគវិនិច្ឆ័យ​បាន​អំឡុង​ពេល​មាន​ផ្ទែពោះ និង​មិនប៉ះពាល់​ដល់​កូនក្នុង​ផ្ទៃ​យើង​ទេ។

ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

អត្ថបទនេះមានប្រយោជន៍ចំពោះអ្នកដែរទេ?
happy unhappy
ប្រភព

អត្ថបទពាក់ព័ន្ធ:

អ្នកអាចចូលចិត្ត

ស្ត្រីពពោះ ឈឺធ្មេញ លេបថ្នាំបានអត់? អាចប៉ះពាល់កូនក្នុងផ្ទៃទេ?

ឈឺធ្មេញ-អំឡុង​មាន​ផ្ទៃ​ពោះ ស្ត្រី​ងាយ​នឹង​រលាក​រលាក​អញ្ចាញ​ធ្មេញ និង​ឈាម​តាម​ជើង​ធ្មេញ ងាយ​ហើម និង​ដុះ​លូត​វែង​នៅ​អញ្ចាញ​ធ្មេញ

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
មានផ្ទៃពោះ, ពពោះ 02/03/2021 . អាន 2 នាទី

ម៉ាក់ៗមានកក្តាប្រឈមទាំងនេះ ចាំបាច់ត្រូវធ្វើតេស្តរកមើលជំងឺទឹកនោមផ្អែម

ទឹកនោមផ្អែមពេលពពោះ-ផ្ទុយ​ទៅ​វិញ បើ​សិន​ជា​ស្រ្តី​មិន​មាន​កត្តា​ប្រឈម​ខាង​លើ​នេះ​ទេ លោក​វេជ្ជបណ្ឌិត​ថា ត្រូវ​រង់ចាំ​ដល់​ត្រីមាស​ទី៣ ដើម្បី​ធ្វើ​តេស្ត OGGT

ត្រួតពិនិត្យដោយ ចាន់ ស៊ីណេត
ដោយ ដេត ធន្នី
មានផ្ទៃពោះ, ពពោះ 01/03/2021 . អាន 2 នាទី

កូន​ក្នុង​ផ្ទៃ​មិន​គ្រប់​គីឡូ​ ម៉ាក់​ៗ​អាច​អនុវត្ត​វិធីសាស្ត្រ​ទាំង​នេះ​

​គភ៌ - ម៉ាក់ៗ​ចាំបាច់​ត្រូវ​ធានា​ថា​ ខ្លួន​និង​ទារក​​ទទួល​បាន​សារធាតុ​ចិញ្ចឹម​គ្រប់គ្រាន់​ ដើម្បី​ឲ្យ​អា​អូន​មាន​ការ​លូតលាស់​ល្អ​ប្រសើរ។​ យ៉ាង​ណា​មិញ...

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ

បច្ចេកទេសម្យ៉ាងនេះ អាចតេស្តដឹងថា ម៉ាក់ៗមានជំងឺទឹកនោមផ្អែមអំឡុងពពោះ ឬអត់?

ទឹកនោមផ្អែមពេលពពោះ-ពេល​មាន​ផ្ទៃពោះ ស្ត្រី​មាន​បម្រែ​បម្រួល​អ័រម៉ូន តម្រូវ​ឲ្យ​លំពែង​ធ្វើការ ៤ដង លើស​ពេល​មិន​មាន​គភ៌ ក្នុង​នោះ ១០% នៃ​ស្ត្រី​ដែល​មាន...

ត្រួតពិនិត្យដោយ ចាន់ ស៊ីណេត
ដោយ ដេត ធន្នី

អត្ថបទគួរអាន

ថ្នាំវីតាមីនពពោះ១

វីតាមីន​សម្រាប់​ស្ត្រី​ពពោះ​ អាច​ធ្វើ​ឲ្យ​លាមក​ប្ដូរ​ពណ៌​ដែរ​អត់?

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ចេញផ្សាយថ្ងៃទី 03/03/2021 . អាន 3 នាទី

៤ តិចនិក ត្រៀមខ្លួនសម្រាលកូនដោយសុវត្ថិភាពក្នុងពេលកូវីដ ១៩ វាយលុក

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ចេញផ្សាយថ្ងៃទី 03/03/2021 . អាន 2 នាទី
លាមកពណ៌ខ្មៅ១

បកស្រាយ​ចម្ងល់​! មូលហេតុ​​ស្រីៗ​ពពោះ​មាន​លាមក​ពណ៌​ខ្មៅ

ត្រួតពិនិត្យដោយ ចាន់ ស៊ីណេត
ដោយ នូ សោភ័ណ្ឌ
ចេញផ្សាយថ្ងៃទី 03/03/2021 . អាន 2 នាទី
ឈឺធ្មេញ

ពេលពពោះ ស្ត្រីងាយកើតបញ្ហាមាត់ធ្មេញ ៣ យ៉ាងនេះញឹកជាងគេ

ត្រួតពិនិត្យដោយ ចាន់ ស៊ីណេត
ដោយ នាង សុខុមដាលីញ៉ា
ចេញផ្សាយថ្ងៃទី 02/03/2021 . អាន 2 នាទី