ក្នុងអំឡុងពេលមានផ្ទៃពោះ បើមិនប្រយ័ត្នទេនោះ ម៉ាក់ៗអាចប្រឈមនឹងហានិភ័យខ្ពស់ដល់ខ្លួន និងគភ៌នៅក្នុងផ្ទៃដែរ។ ស្ត្រីពពោះខ្លះ ជួបបញ្ហារបើកសុកដែលគ្រោះថ្នាក់ដល់កូនក្នុងផ្ទៃខ្លាំង រហូតអាចស្លាប់ក្នុងពោះបាន។
របើកសុកមុនសម្រាលមកពីកត្តាច្រើនយ៉ាង ហើយអាចគ្រោះថ្នាក់ធ្ងន់ធ្ងរដល់កូន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើតាមមន្ទីរពេទ្យកាល់ម៉ែត ឲ្យដឹងថា ការរបើកសុកជាការរបើកផ្នែកណាមួយរបស់សុក ដែលធម្មតានៅជាប់នឹងស្បូន ហើយដែលបណ្ដាលឲ្យមានកំណកដុំឈាមមិនធម្មតានៅចន្លោះសុកកូន និងស្បូន។ ពេលខ្លះ ការរបើកសុកមិនដឹងមូលហេតុច្បាស់លាស់ទេ ប៉ុន្តែមានកត្តាមួយចំនួនដែលអាចធ្វើឲ្យរបើកសុកកូនបានមាន៖
– ការបុកប៉ះទង្គិចទៅលើស្ត្រី
– ការឡើងសម្ពាធឈាមខ្លាំង
– មានជំងឺបម្រុងក្រឡាភ្លើង
– មានទឹកភ្លោះច្រើន
– ស្ត្រីអាយុច្រើនមានកូន
– មានកូនក្នុងពោះច្រើន (កូនភ្លោះ)
– ការចោះទឹកភ្លោះ
– ជំងឺទឹកនោមផ្អែម
– ស្ត្រីមានបញ្ហាកំណកឈាម។
ការរបើកសុកកូននេះ ធ្វើឲ្យមានការថយចុះសារធាតុចិញ្ចឹមពីម្ដាយទៅកូន ដែលជាហេតុធ្វើឲ្យគភ៌អាចស្លាប់នៅក្នុងពោះម្ដាយបាន។ លើសពីនេះ ម៉ាក់ៗពពោះ និងគភ៌ក៏អាចប្រឈមនឹងផលវិបាកច្រើនដែរដូចជា បាត់បង់ឈាមច្រើន មានបញ្ហាកំណកឈាម ឬត្រូវប្រឈមនឹងការវះកាត់បន្ទាន់ ចំពោះម្ដាយ និងចំពោះកូនក្នុងពោះវិញប្រឈមនឹង ខ្វះអុកស៊ីសែន កូនខ្សោយ ឬកូនអាចក្នុងពោះបាន។
មន្ទីរពេទ្យ កាល់ម៉ែត បានបញ្ជាក់ថា ការពិនិត្យផ្ទៃពោះឲ្យបានដិតដល់ រួមជាមួយការធ្វើអេកូសាស្ត្រ អាចឲ្យក្រុមគ្រូពេទ្យធ្វើរោគវិនិច្ឆ័យ ឬសង្ស័យពីការរបើកសុកកូនមុនសម្រាលនេះ ហើយអាចធ្វើការសង្គ្រោះបន្ទាន់ជួយដល់ម្ដាយ និងកូនក្នុងផ្ទៃថែមទៀតផង។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម