ការសម្រាលតាមផ្លូវក្រោមត្បិតល្អចំពោះម្ដាយ និងទារក តែក៏មានផលប៉ះពាល់ ហើយបង្កគ្រោះថ្នាក់ ឬការលំបាកមួយចំនួនដែរ ក្នុងនោះកូនជាប់ស្មា គឺជាបញ្ហាអាចជួប។ វេជ្ជបណ្ឌិត ច័ន្ទ រស្មី ឯកទេសសម្ភព និងរោគស្ត្រី នឹងបកស្រាយ មូលហេតុ និងប្រភេទនៃការជាប់ស្មារបស់ទារកពេលកំពុងសម្រាល។
កើតតាមធម្មជាតិ កូនអាចនឹងជាប់ស្មាដោយសារកត្តាទាំងនេះ
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកបានឲ្យដឹងថា អំឡុងពេលសម្រាលតាមធម្មជាតិ កើតឡើងព្រោះស្មារបស់ទារកជាប់គាំងនៅក្នុងឆ្អឹងអាងត្រគាករបស់ម្ដាយ បើទោះបីជាក្បាលចេញមកហើយក៏ដោយ។ តែវាជាករណីកម្រជួប ប៉ុន្តែវាមានផលវិបាកធ្ងន់ធ្ងរនៃការសម្រាលកូនរបៀបនេះ គឺចាំបាច់តម្រូវឲ្យមានការធ្វើអន្តរាគមផ្នែកសម្ភពជាក់លាក់ ដើម្បីកូនកើតមកគ្មានគ្រោះថ្នាក់។
១- មូលហេតុនាំឲ្យជាប់ស្មា
មាន ២ ប្រភេទសំខាន់ៗគឺ កត្តាមកពីស្បូនម្តាយមានបញ្ហា (ការកន្ត្រាក់ស្បូនមិនធម្មតា បញ្ហាមាត់ស្បូនបើកមិនបានល្អ សុកពាំងមាត់ស្បូន ឆ្អឹងអាងត្រគាកខូចទ្រង់ទ្រាយ ឬតូចចង្អៀតពេក… ) ចំណែកកត្តាមួយទៀតមកពីទារក (គភ៌ធំពេក ការបង្ហាញទម្រង់កូនមានភាពមិនប្រក្រតី ស្មាកូនធំពេក)។
២- ប្រភេទនៃការជាប់ស្មាមាន ២ ប្រភេទ
ទារកជាប់ស្មាមិនជាក់លាក់ត្រូវបានគេហៅថា “ការលំបាកស្មា” វាមានអត្រា ៤-៥ នាក់ក្នុង ១.០០០ ករណី។ ទីតាំងស្មាក្រោយរបស់ទារកអាចទើសនឹងឆ្អឹងថ្ងាសអាងត្រគាកម្ដាយ។ ជាប់ស្មាពិតប្រាកដ វាជាករណីធ្ងន់ធ្ងរជាងនេះទៅទៀត មាន ១ ក្នុង ៤.០០០ ករណី និងការសម្រាលកូន ១ ដងក្នុង ៥.០០០ ករណី ហើយត្រូវបានកំណត់ដោយអវត្ដមានទាំងស្រុងនៃការលូនចូលរបស់ស្មាទារកនៅក្នុងអាងត្រគាកម្ដាយ។
៣- ធ្វើដូចម្ដេច ដើម្បីសម្រាលកូនជាប់ស្មាបាន?
គ្រូពេទ្យត្រូវចាប់តាំងពីក្បាលរបស់ទារកចេញមកពីទ្វារមាស អន្តរាគមផ្នែកសម្ភពជាច្រើនប្រភេទត្រូវបានជ្រើសរើស និងមានជម្រើសទៅតាមស្ថានភាព។ អន្តរាគម ២ ប្រភេទនេះពេញនិយមបំផុត៖
– អន្តរាគមតាមលោកម៉ាក់រ៉ូបឺត ត្រូវបានអនុវត្តក្នុងករណីជាប់ស្មាមិនជាក់លាក់
– អន្តរាគមតាមលោកហ្សាកឺមីញ៉េ ត្រូវបានប្រើពេលទារកជាប់ស្មាពិតប្រាកដ ឬក្នុងករណីដែលបរាជ័យនៃការធ្វើតាមលោកម៉ាក់រ៉ូបឺត។
៤-កត្តាប្រឈមមុខនឹងសម្រាលជាប់ស្មាមានអ្វីខ្លះ?
ប្រសិនបើកូនជាប់ស្មាពិតប្រាកដ គឺជារឿងដ៏លំបាកក្នុងពេលសម្រាលកូន ហើយគ្រូពេទ្យបានកំណត់យ៉ាងច្បាស់នូវកត្តាហានិភ័យមួយចំនួនដូចជា ទារកថ្លោសពេកធំជាង ៤ គីឡូ កូនចាស់ខែ ម្ដាយឡើងទម្ងន់ច្រើនពេលពពោះ។
៥- ផលវិបាកនៃការសម្រាលកូនជាប់ស្មាមានអ្វីខ្លះ?
ប្រឈមនឹងហានិភ័យបាក់ឆ្អឹងដងកាំបិត បាក់ឆ្អឹងដើមដៃ (តែកម្រមានណាស់) មានជំងឺដាច់សរសៃប្រសាទនៃខួរឆ្អឹងផងដែរ។ មានខ្វិនដៃ ១.០០០ ករណីក្នុងមួយឆ្នាំៗ ដោយសារការខូចខាតសរសៃប្រសាទរបស់ខួរឆ្អឹងខ្នង។ ក្នុងនោះ ៣ ភាគ ៤ ជាឡើងវិញជាមួយនឹងការស្តានីតិសម្បទា ប៉ុន្តែត្រីមាសចុងក្រោយត្រូវតែធ្វើការវះកាត់។ ជាសំណាងល្អការស្លាប់របស់ទារកមកពីខ្សោយខ្វះអុកស៊ីសែន ដែលបណ្ដាលមកពីការសម្រាលជាប់ស្មាមានតិចតួចបំផុត (ពី ៤-១២ ក្នុង ១.០០០ នៃការសម្រាលជាប់ស្មា)។ ចំណែកផលវិបាករបស់ម្ដាយក៏មានផងដែរ ជាពិសេសដាច់ រហែកមាត់ស្បូន ទ្វារមាសហូរឈាមពេលទម្លាក់សុក និងបង្ករោគជាដើម។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម