បើនិយាយពីរឿងពិនិត្យសុខភាព វាជារឿងចាំបាច់មួយដែលម៉ាក់ៗពពោះត្រូវធ្វើឲ្យបានខ្ជាប់ខ្ជួន ព្រោះវាអាចបញ្ជាក់ឲ្យដឹងពីសុខភាពកូននៅក្នុងផ្ទៃដែលយើងពិបាកដឹងពីសុខភាពកូនដោយភ្នែកទទេ។ ប៉ុន្តែ មានម៉ាក់ៗខ្លះ ទៅពិនិត្យសុខភាពដែរ តែបែរជាធ្វើឲ្យមានកំហុសដោយមិនដឹងខ្លួនទៅវិញ។ នេះបើតាមការឲ្យដឹងពីលោកវេជ្ជបណ្ឌិត សឿ ច័ន្ទវិសាល ឯកទេសផ្នែកសម្ភព និងរោគស្ត្រី។
១. ពិនិត្យអេកូកូន មិនពិនិត្យសុខភាពម្ដាយ
នៅពេលស្ត្រីពពោះ ការថតអេកូ គ្រាន់តែវាយតម្លៃសុខភាពកូនប៉ុណ្ណោះ តែយើងក៏ត្រូវពិនិត្យមើលទាំងសុខភាពម៉ាក់ៗដែរ។ បើម៉ាក់ៗ មានជំងឺដូចជាលើសឈាម ទឹកនោមផ្អែម សរសៃឈាមបេះដូង នោះវាក៏អាចប៉ះពាល់ទៅដល់អាអូននៅក្នុងផ្ទៃបាន។
២. ដឹងថ្ងៃកូនកើតច្បាស់ៗ
ការធ្វើអេកូ មិនអាចដឹងថ្ងៃម៉ាក់ៗ ឈឺពោះកើតកូនពិតប្រាកដទេ វាគ្រាន់តែឲ្យយើងដឹងនៅអំឡុងរង្វង់ថ្ងៃណាមួយ ដើម្បីឲ្យយើងបានត្រៀមខ្លួនសម្រាប់សម្រាលកូនតែប៉ុណ្ណោះ។
