ពិនិត្យទឹកនោមពេលពពោះឃើញមានមេរោគ គួរបារម្ភអត់?

    ពិនិត្យទឹកនោមពេលពពោះឃើញមានមេរោគ គួរបារម្ភអត់?

    ពិនិត្យឃើញមានមេរោគក្នុងទឹកនោមអំឡុងពេលពពោះអាចកើតឡើងលើស្ត្រីប្រហែលពី ២ ទៅ ១៥ នាក់ក្នុងចំណោមស្រ្តី ១០០ នាក់ ដែលមានមេរោគក្នុងទឹកនោមលើសពី ១០០ ០០០​ ក្នុងមួយ​មិល្លីលីត្រ។ តើការមានមេរោគក្នុងទឹកនោមពេលពពោះ ម៉ាក់ៗគួរបារម្ភអត់?

    វេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្រ្តីនៅមន្ទីរពេទ្យបង្អែក​មិត្តភាពកម្ពុជា-ចិន សែន​សុខ បានលើកឡើង​ថា បញ្ហា​នេះ​អាស្រ័យទៅលើសុខ​ភាពរបស់ម៉ាក់ៗ ប្រសិនបើ​ម៉ាក់ៗមានមេរោគ​ក្នុងទឹកនោម ប៉ុន្តែមិនមានរោគសញ្ញាអ្វីទេ វាមិនមែនជាការឆ្លងមេរោគផ្លូវទឹកនោមទេ។ ក្នុង​ករណីម៉ាក់ៗមានមេរោគក្នុងទឹកនោម តែម៉ាក់ៗមានរោគសញ្ញាដូចខាងក្រោម មានន័យ​ថាម៉ាក់ៗ​ឆ្លងមេរោគផ្លូវទឹកនោម (UTI) ហើយ។

    ឆ្លងមេរោគផ្លូវទឹកនោម

    ចង់គណនាទម្ងន់ស្រ្តីមានផ្ទៃពោះ ចុចទីនេះ!

    រោគសញ្ញានៃការឆ្លងមេរោគផ្លូវទឹកនោមមាន៖

    • នោមញឹក
    • ឈឺចាប់ពេលនោម
    • គ្រុន
    • ចុកពោះ
    • លេចនោម
    • ទឹកនោមមានក្លិន
    • ឈឺតម្រងនោម
    • ចង្អោរ និងក្អួត

    វេជ្ជបណ្ឌិតរូបនេះក៏បានបន្ថែមថា ការពិនិត្យទឹកនោមឃើញមានមេរោគពេលពពោះអាចដោះស្រាយបាន ដោយការញុំាទឹកឱ្យបានច្រើនដើម្បីបញ្ចេញ​​មេរោគពីក្នុងប្លោកនោម ប្រសិនបើម៉ាក់ៗមិនមាន​រោគ​សញ្ញាអ្វីទេ។ ក្នុងករណី​ម៉ាក់ៗ​មានរោគសញ្ញាណាមួយដូចរៀបរាប់ខាងលើ ម៉ាក់ៗត្រូវប្រាប់​គ្រូពេទ្យជាបន្ទាន់។ គ្រូពេទ្យនឹងធ្វើ​ការ​ពិនិត្យបន្ថែម និងអាចធ្វើការព្យាបាលដោយការប្រើថ្នាំផ្សះ ព្រោះការឆ្លងមេរោគ​ផ្លូវទឹកនោម​អាច​បណ្តាល​ឱ្យកូនកើតមិនគ្រប់ខែ ឬមិនគ្រប់គីឡូ។

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    Bacterial Colonization in Urine and Symptomatic Urinary Tract Infection (UTI)
    https://www.gillettechildrens.org/your-visit/patient-education/bacterial-colonization-in-urine-and-symptomatic-urinary-tract-infection-uti

    Pregnancy and birth: What are the benefits of routinely screening for bacteria in the urine of pregnant women?
    https://www.ncbi.nlm.nih.gov/books/NBK343317/

    How Can I Treat a UTI While Pregnant Without Antibiotics?
    https://www.medicinenet.com/treat_a_uti_while_pregnant_without_antibiotics/article.htm

    Urinary Tract Infection During Pregnancy
    https://americanpregnancy.org/healthy-pregnancy/pregnancy-complications/urinary-tract-infections-during-pregnancy/

    Asymptomatic bacteriuria among pregnant women
    https://www.ncbi.nlm.nih.gov/pmc/articles/PMC3347633/

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 28/10/2021
    ត្រួតពិនិត្យដោយ វេជ្ជ. ចាន់ ស៊ីណេត