តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ឆ្លងប្រមេះទឹកបាយពេលពពោះអាចគ្រោះថ្នាក់ទាំងម្តាយ និងកូន

ឆ្លងប្រមេះទឹកបាយពេលពពោះអាចគ្រោះថ្នាក់ទាំងម្តាយ និងកូន

ប្រមេះទឹកបាយគឺជាជំងឺកាមរោគដែលឆ្លងតាមរយៈការរួមភេទ ហើយអាចឆ្លងទាំងបុរស និងស្រ្តី។ បើម៉ាក់ៗពពោះឆ្លងជំងឺនេះដោយមិនដឹងខ្លួន អាចមានផលប៉ះពាល់បែបណាខ្លះ? ជំងឺ​នេះ​មាន​រោគ​សញ្ញាអ្វីខ្លះ? អាចព្យាបាលអំឡុងពេលពពោះបានអត់?

សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និង​ជាប្រធានមន្ទីរពហុព្យាបាល និង​សម្ភព​ត្បូងពេជ្របានលើកឡើងថា ជំងឺប្រមេះទឹក​​បាយបង្កឡើងដោយមេរោគឈ្មោះ Neisseria gonorrhea ដែលបង្ករោគលើប្រដាប់ភេទ មាត់ស្បូន ឬបំពង់ក (បើរួមភេទដោយប្រើមាត់)។

ចំពោះម៉ាក់ៗពពោះដែលមិនដឹងថាឆ្លងជំងឺប្រមេះទឹកបាយ ហើយមិនបានព្យាបាល​ទាន់​ពេល​អាចមានផលប៉ះពាល់ដូចខាងក្រោម៖

បើម៉ាក់ៗពពោះឆ្លងជំងឺប្រមេះទឹកបាយ អាចមានអាការៈដូចជា៖

ជំងឺប្រមេះទឹកបាយអាចធ្វើរោគវិនិច្ឆ័យតាមរយៈ៖

  • ធ្វើតេស្តទឹកនោម
  • ការធ្វើតេស្តកៀរទឹករងៃ ឬខ្ទុះចេញពីបង្ហួរនោម ទ្វារមាស ឬចុងលិង្គ
  • ពិនិត្យឈាម
សាស្ត្រាចារ្យវេជ្ជបណ្ឌិត គាន់ អូន
សាស្ត្រាចារ្យវេជ្ជបណ្ឌិត គាន់ អូន ឯកទេសសម្ភព និងរោគស្ត្រី និងជាប្រធានមន្ទីរពហុព្យាបាល និង​សម្ភព​ត្បូងពេជ្រ

ចង់គណនាថ្ងៃមេជីវិតញីទុំធ្លាក់ ចុចទីនេះ!
ចង់គណនាថ្ងៃសម្រាលកូន ចុចទីនេះ!
ចង់គណនាទម្ងន់ស្រ្តីពពោះ ចុចទីនេះ!
ចង់ដឹងអត្ថន័យពណ៌ និងរូបរាងលាមកទារក ចុចទីនេះ!

ម៉ាក់ៗពពោះឆ្លងជំងឺប្រមេះទឹកបាយអាចធ្វើការព្យាបាលបានអត់?

ចំពោះម៉ាក់ៗពពោះដែលធ្វើតេស្តទៅដឹងថាឆ្លងជំងឺប្រមេះទឹកបាយអាច​ធ្វើការព្យាបាលបាន ហើយ​អាច​សះស្បើយ ១០០% តែត្រូវប្រើថ្នាំផ្សះសម្រាប់ស្រ្តីមានផ្ទៃពោះ ព្រោះថ្នាំផ្សះមួយ​ចំនួន​អាច​ប៉ះពាល់​ដល់ម៉ាក់ៗ និងទារកក្នុងផ្ទៃ ហើយរយៈពេលព្យាបាលអាចត្រូវការរហូតដល់បីសប្តាហ៍។

បើម៉ាក់ៗពពោះឆ្លងជំងឺប្រមេះទឹកបាយ ម៉ាក់ៗត្រូវធ្វើការព្យាបាលជាបន្ទាន់ ហើយ​ត្រូវ​ព្យាបាល​ទាំងពីរ​នាក់​គឺទាំងម៉ាក់ៗ និងស្វាមីដើម្បី​ចៀសវាង​ការឆ្លងទៅឆ្លងមក ព្រោះជំងឺប្រមេះ​ទឹកបាយ​ជា​ជំងឺកាមរោគដែលឆ្លងតាមរយៈការរួមភេទ ទោះបីជាស្វាមីម៉ាក់ៗ​អត់មានចេញ​រោគ​សញ្ញា​អ្វីក៏​ដោយ​។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

ម្យ៉ាងទៀតក្នុងអំឡុងពេលព្យាបាល ម៉ាក់ៗត្រូវតមការរួមភេទរហូតដល់ជាសះស្បើយទាំងពីរនាក់ (ទាំងស្វាមី) និងទាល់តែធ្វើតេស្ត​ទៅលែងឃើញថាមានមេរោគជំងឺប្រមេះទឹកបាយក្នុងខ្លួន តែ​បើ​ចាំ​បាច់​ត្រូវរួមភេទ ត្រូវប្រើស្រោមអនាម័យ ដើម្បី​ចៀសវាងឆ្លងទៅឆ្លងមកដែលធ្វើឱ្យលាប់ ​និងមានការពិបាក​ក្នុងការ​ព្យាបាល ឬព្យាបាលមិនជោគជ័យ។

ដូច្នេះម៉ាក់ៗពពោះគួរតែធ្វើតេស្តេរកជំងឺប្រមេះទឹកបាយនៅពេលពិនិត្យ​ពោះលើកដំបូង ឬនៅពេល​សង្ស័យ​ថា​ឆ្លងជំងឺប្រមេះទឹកបាយ ហើយបើឆ្លងត្រូវធ្វើការព្យាបាលដើម្បីការពារខ្លួន និង​ទារក​ក្នុង​ផ្ទៃ​ពី​ហានិភ័យ។

អត្ថបទគួរអាន៖

ចំណុចសំខាន់

ម៉ាក់ៗពពោះដែលឆ្លងជំងឺប្រមេះទឹកបាយ ហើយមិនបានធ្វើការ​ព្យាបាលអាចមាន​ផលប៉ះពាល់​ដូច​ខាងក្រោម៖
  • រលូត
  • ទារកលូតលាស់មិនគ្រប់លក្ខណៈ
  • ទារកស្លាប់ក្នុងផ្ទៃ
  • ទារកកើតមិនគ្រប់ខែ
  • ទារកកើតមិនគ្រប់គីឡូ

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

រូបថត​របស់​អ្នក​និពន្ធbadge
ដោយ សុខ វណ្ណ កែសម្រួល​ចុងក្រោយ 25/05/2022
ត្រួតពិនិត្យដោយ គ្រូពេទ្យឯកទេស. សាស្ត្រាចារ្យវេជ្ជបណ្ឌិត គាន់ អូន