ជាទូទៅ ទារកក្នុងផ្ទៃបង្វិលក្បាលចុះក្រោមដោយខ្លួនឯង ដើម្បីជួយសម្រួលដល់ការសម្រាលតាមធម្មជាតិរបស់ម៉ាក់ប្រកបដោយភាពរលូន និងសុវត្ថិភាព។

ពិតណាស់ រយៈពេលនៃការបង្វិលក្បាលរបស់កូនមិនដូចគ្នានោះទេ ប៉ុន្តែទារកក្នុងផ្ទៃអាចចាប់ផ្ដើមបង្វិលក្បាលក្រោយសប្ដាហ៍ទី២០នៃការពពោះ។ មុនសប្ដាហ៍ទី២៨ ឱកាសនៃការបង្វិលក្បាលចុះក្រោមរបស់ទារកក្នុងផ្ទៃ គឺ៧៥% និងប្រហែលជា៩០%នៅសប្ដាហ៍ទី៣២។ ឈានដល់ពេលគ្រប់ខែ ឱកាសនៃការបង្វិលក្បាលរបស់ទារកកើនដល់៩៧%។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

ធ្វើម៉េចទើបម៉ាក់ដឹងថាទារកបង្វិលក្បាលចុះក្រោម?

ស្ត្រីពពោះមួយចំនួន អាចទទួលអារម្មណ៍ដឹង នៅពេលដែលទារកក្នុងផ្ទៃបង្វិលចុះក្រោម។ នៅពេលដែលក្បាលទារកនៅខាងលើ ម៉ាក់អាចមិនស្រួលនៅក្រោមឆ្អឹងជំនី និងមានអារម្មណ៍ថាកូនធាក់នៅផ្នែកខាងក្រោមពោះ។

យ៉ាងណាមិញ នៅពេលដែលក្បាលទារកបង្វិលចុះក្រោម យើងនឹងមានអារម្មណ៍ថាកូនធាក់នៅពោះផ្នែកខាងលើ ព្រមទាំងមិនស្រួល ឬមានសម្ពាធនៅក្នុងឆ្អឹងអាងត្រគាកជាងពោះផ្នែកខាងលើ។

កូនបញ្ចា្រសជើង

អត្ថបទគួរអាន៖

ចុះបើកូនមិនបង្វិលក្បាលចុះក្រោមទាន់ពេល?

បើទារកមិនបង្វិលក្បាលចុះក្រោមទេនោះ ម៉ាក់អាចមានហានិភ័យនៃការកើតកូនបញ្ច្រាសជើង ដែលអាចតម្រូវឲ្យសម្រាលដោយវះកាត់ ដើម្បីបង្ការគ្រោះថ្នាក់ដោយចៃដន្យណាមួយនៅពេលសម្រាល។

ប្រសិនបើនៅសប្ដាហ៍ទី៣៦ ឬជិតដល់ថ្ងៃសម្រាលហើយ កូននៅតែមិនព្រមបង្វិលក្បាលចុះក្រោមទៀតនោះ ម៉ាក់អាចនឹងត្រូវ៖

ធ្វើលំហាត់ប្រាណ ដើម្បីឲ្យទារកបង្វិលក្បាលចុះក្រោម ដោយក្រាបបញ្ឈរជង្គង់ និងទប់លំនឹងដោយដៃទាំងពីររយៈពេលប្រហែលជា៥ ទៅ១០នាទីក្នុងមួយថ្ងៃ។
គ្រូពេទ្យអាចប្រើបច្ចេកទេសបង្វិលក្បាលកូន ប៉ុន្តែវិធីមួយនេះមិនមានប្រសិទ្ធភាពរហូតនោះទេ ព្រមទាំងអាចបង្កគ្រោះថ្នាក់ដល់ទាំងទារក និងទងសុកម្ដាយផងដែរ។
ក្នុងករណីកូនបញ្ច្រាសជើង ស្ត្រីពពោះជាច្រើនបានជ្រើសរើសយកការសម្រាលដោយវះកាត់ដើម្បីកាត់បន្ថយហានិភ័យផ្សេងៗ។

ម៉ាក់ៗថ្មីថ្មោង ដឹងអត់ថាទារកក្នុងផ្ទៃបង្វិលក្បាលចុះក្រោមនៅពេលណា?

ធ្វើ​ម៉េច​ទើប​ម៉ាក់​ដឹង​ថា​ទារកបង្វិល​ក្បាល​ចុះ​ក្រោម?

ចុះ​បើ​កូន​មិនបង្វិល​ក្បាល​ចុះ​ក្រោម​ទាន់​ពេល?

ធ្វើម៉េចទើបម៉ាក់ដឹងថាទារកបង្វិលក្បាលចុះក្រោម?

ចុះបើកូនមិនបង្វិលក្បាលចុះក្រោមទាន់ពេល?