អាការៈចុកពោះ អាចកើតឡើងទាំងនៅពេលដែលយើងមករដូវ និងទើបមានផ្ទៃពោះថ្មីថ្មោង។ ការឈឺចាប់ទាំងពីរនេះ មានលក្ខណៈស្រដៀងគ្នា អ៊ីចឹងហើយ ដើម្បីកំណត់ឲ្យបានច្បាស់រវាងចុកពោះមករដូវ និងចុកពោះពេលមានផ្ទៃពោះ គ្នាយើងសង្កេតមើលចំណុចខុសគ្នាទាំងនេះ។

ចុកពោះមករដូវ មានលក្ខណៈបែបណា?

អាការៈចុកពោះពេលមករដូវ កើតឡើងដោយសារតែការកន្ត្រាក់សាច់ដុំខាងក្នុងស្បូន ដើម្បីជួយឲ្យស្រទាប់ស្បូនរបើក។ ការឈឺចាប់មុនពេលមករដូវ រួមមាន៖

ឈឺចាប់នៅក្នុងពោះផ្នែកខាងក្រោម ឬអាងត្រគាក
ឈឺខ្នងផ្នែកខាងក្រោម ឬភ្លៅ
ឈឺចាប់រយៈពេលយូរ
ការឈឺចាប់ដែលកើតឡើងពីរបីថ្ងៃមុនពេលចាប់ផ្តើមមករដូវ ឬនៅពេលធ្លាក់ឈាម។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

យ៉ាងណាមិញ រោគសញ្ញានៃការឈឺចាប់មុនមករដូវជាច្រើនទៀត មានភាពដូចគ្នាទៅនឹងការមានផ្ទៃពោះថ្មីថ្មោង ដូចជា៖

ឈឺពោះផ្នែកខាងក្រោម
ឈឺអាងត្រគាក
ឈឺ ឬហើមសុដន់
ទល់លាមក
ហើមពោះ
ប្រែប្រួលអារម្មណ៍
អស់កម្លាំង
ធ្លាក់ឈាមតិចតួច

ចុះរោគសញ្ញាដែលបញ្ជាក់ថាយើងមានផ្ទៃពោះវិញ?

រោគសញ្ញាជាក់លាក់ ដែលអាចបញ្ជាក់ថាយើងមានផ្ទៃពោះ រួមមាន៖

បាត់រដូវ
ចង្អោរ ឬក្អួត
ប្រែប្រួលចំណង់អាហារ ឬរសជាតិ
នោមញឹកញាប់។

ពេលណាយើងគួរធ្វើតេស្ដផ្ទៃពោះ?

ប្រសិនបើគ្នាយើងមានអាការៈចុកពោះ ហើយរដូវមិនមកតាមការកំណត់ យើងគួរតែធ្វើតេស្ដផ្ទៃពោះ។ តាមពិតទៅ យើងអាចធ្វើតេស្ដផ្ទៃពោះ ក្នុងករណីដែលមានរោគសញ្ញាមួយចំនួនបញ្ជាក់ថាមានផ្ទៃពោះ ប៉ុន្តែយកល្អគួររង់ចាំដល់បាត់រដូវសិន ទើបទទួលបានលទ្ធផលច្បាស់លាស់។

គន្លឹះដោះស្រាយអាការៈចុកពោះ

ញ៉ាំថ្នាំបំបាត់ការឈឺចាប់
ស្អំកំណាត់ក្តៅនៅលើពោះផ្នែកខាងក្រោម
ងូតទឹកក្តៅឧណ្ហៗ
ធ្វើសមាធិ ឬហាត់យូហ្គា
ជៀសវាងញ៉ាំគ្រឿងស្រវឹង។

អត្ថបទគួរអាន៖

ចុកពោះមុនមករដូវ ឬចុកពោះពេលទើបមានផ្ទៃពោះខុសគ្នាយ៉ាងម៉េចខ្លះ?

​ចុក​ពោះ​មក​រដូវ មាន​លក្ខណៈ​បែប​ណា?

ចុះ​រោគសញ្ញា​ដែល​បញ្ជាក់​ថា​យើង​មាន​ផ្ទៃពោះ​វិញ?

ពេល​ណា​​យើង​គួរ​ធ្វើ​តេស្ដ​ផ្ទៃពោះ?

​​​​គន្លឹះ​ដោះស្រាយ​អាការៈ​ចុក​ពោះ​

ចុកពោះមករដូវ មានលក្ខណៈបែបណា?

ចុះរោគសញ្ញាដែលបញ្ជាក់ថាយើងមានផ្ទៃពោះវិញ?

ពេលណាយើងគួរធ្វើតេស្ដផ្ទៃពោះ?

គន្លឹះដោះស្រាយអាការៈចុកពោះ