ស្រីៗយើងភាគច្រើនតែងឮគេនិយាយថា ការសម្រាលកូនដោយការវះកាត់ គឺបានតែ ២ ឬ ៣ ដងប៉ុណ្ណោះ មិនអាចវះបានច្រើនជាងនេះឡើយ។ សម្រាប់ម៉ាក់ៗដែលមានគម្រោងចង់បានកូនច្រើន ពិតជាខកចិត្តជាក់ជាមិនខាន។

បើតាមលោកជំទាវវេជ្ជបណ្ឌិត គ្រុយ លាងស៊ីម អនុរដ្ឋលេខាធិការ ក្រសួងសុខាភិបាល និងជាទីប្រឹក្សាផ្នែកសម្ភព នៅមន្ទីរពេទ្យកាល់ម៉ែតបានឲ្យដឹងថា ស្រីៗអាចសម្រាលកូនដោយវះកាត់បានច្រើនដង មិនកំណត់ថា ២ ឬ ៣ ដងនោះទេ អាស្រ័យលើសុខភាពផ្ទាល់ខ្លួនម្នាក់ៗ និងថ្នេរចាស់ប៉ុណ្ណោះ។

គណនាថ្ងៃសម្រាលកូន

គណនាទម្ងន់ស្ត្រីអំឡុងពពោះ

ទោះយ៉ាងណាលោកជំទាវសាស្ត្រាចារ្យបញ្ជាក់ថា គ្រូពេទ្យលើកទឹកចិត្តឲ្យស្រីៗយើងសម្រាលកូនតាមធម្មជាតិ។ ការសម្រាលដោយវះកាត់នេះ លុះត្រាតែម្តាយមិនអាចសម្រាលដោយធម្មជាតិបាន ដូចជា ម៉ាក់ៗមានមាឌតូច កូនក្នុងពោះធំជាងឆ្អឹងត្រគាក។ ក្នុងករណីខ្លះទោះយើងមានមាឌធំ ត្រគាកសាយ តែមកពីម៉ាក់ៗញ៉ាំច្រើនពេក បណ្ដាលឲ្យឡើងគីឡូ ហើយកូនថ្លោសដល់ ៤ -៦ គីឡូ ក៏ធ្វើឲ្យពិបាកកើតដែរ។

ពេលដែលកូនមិនអាចកើតតាមធម្មជាតិបែបនេះគេហៅថា ភាពមិនចុះសម្រុងរវាងម្ដាយ និងកូន ហើយជួនកាលម្ដាយគាត់មានជំងឺដូចជា បម្រុងក្រឡាភ្លើង ក្រឡាភ្លើង បេះដូង ឬជំងឺសួតខ្លាំង ដូចនេះក្រុមគ្រូពេទ្យត្រូវរៀបចំជួយម្ដាយ ដោយរហ័សយកកូនចេញ ដើម្បីព្យាបាលម្ដាយ។ ចំណែកករណីខ្លះម៉ាក់ៗមិនចង់ឈឺពោះ ក៏សម្រេចចិត្តវះកាត់តែម្ដង។

អត្ថបទគួរអាន៖

មួយ​ជីវិត ស្រីៗ​អាច​សម្រាល​កូន​ដោយ​វះកាត់​​ប៉ុន្មាន​ដង?

មួយជីវិត ស្រីៗអាចសម្រាលកូនដោយវះកាត់ប៉ុន្មានដង?