សម្រាលកូនពិបាកហើយ តែម៉ាក់ៗប្រឈមស្ទះទឹកភ្លោះក្នុងសរសៃឈាមសួតទៀត

ត្រួតពិនិត្យដោយ វេជ្ជ. ចាន់ ស៊ីណេត · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


អត្ថបទ​ដោយ នាង សុខុមដាលីញ៉ា · កែ 3 weeks ago

    សម្រាលកូនពិបាកហើយ តែម៉ាក់ៗប្រឈមស្ទះទឹកភ្លោះក្នុងសរសៃឈាមសួតទៀត

    ចំពោះ​ស្ត្រី​ភាគ​ច្រើន ការ​សម្រាល​កូន​ជា​រឿង​មួយ​ចៀស​មិន​រួច​ទេ ហើយ​វា​ក៏​មិន​មែន​ជា​រឿង​ងាយ​ស្រួល​ដែរ ទម្រាំ​តែ​បាន​សមាជិក​ថ្មី​ម្នាក់ៗ​ក្នុង​គ្រួសារ។ ក្រៅ​ពី​ទ្រាំ​នឹង​ភាព​ឈឺ​ចាប់​ហើយ ម៉ាក់​ៗ​ត្រូវ​ប្រឈម​បញ្ហា​សុខភាព​ច្រើន​យ៉ាង​ដូច​ជា ស្ទះ​ទឹក​ភ្លោះ​ក្នុង​សរសៃ​ឈាម​សួត​ជា​ដើម ដែល​អាច​គំរាម​កំហែង​ជីវិត​បាន។

    គណនាទម្ងន់ស្ត្រីអំឡុងពពោះ

    ស្ទះ​ទឹក​ភ្លោះ​ក្នុង​សរសៃ​ឈាម​សួត ជា​ស្ថានភាព​ដ៏​កម្រ​មួយ ប៉ុន្តែ​មាន​ភាព​ធ្ងន់ធ្ងរ​ដែល​កើត​ឡើង​នៅ​ពេល​ទឹក​ភ្លោះ​ចូល​ទៅ​ក្នុង​ចរន្ត​ឈាម​សួត​របស់​ម្ដាយ។ ការ​ស្ទះ​ទឹក​ភ្លោះ​ក្នុង​សរសៃ​ឈាម​សួត​ភាគ​ច្រើន​កើត​ឡើង​អំឡុង​ពេល​សម្រាល ឬ​នៅ​ក្រោយ​ពេល​សម្រាល​ភ្លាមៗ។

    រោគ​សញ្ញា​នៃ​ស្ទះ​ទឹក​ភ្លោះ​ក្នុង​សរសៃ​ឈាម​សួត

    ការ​ស្ទះ​ទឹក​ភ្លោះ​អាច​វិវត្ត​ភ្លាមៗ និង​រហ័ស ហើយ​វា​មាន​រោគ​សញ្ញា​ដូច​ជា៖

    • ដង្ហក់​ភ្លាមៗ
    • លើស​សារធាតុ​រាវ​ក្នុង​សួត
    • សម្ពាធ​ឈាម​ធ្លាក់​ចុះ​ភ្លាមៗ
    • ព្រឺ​រងា
    • ចង្វាក់​បេះ​ដូង​លោត​លឿន
    • ភាព​មិន​ប្រក្រតី​នៃ​គភ៌
    • ប្រកាច់
    • បាត់​បង់​ស្មារតី
    • ខ្សោយ​បេះដូង បណ្តាល​ឲ្យ​បេះដូង​ច្របាច់​ឈាម​មិន​បាន​ល្អ
    • ហូរឈាមចេញពីស្បូនដោយសារវះកាត់សម្រាលកូន
    • ជំងឺផ្លូវចិត្តដូចជាថប់បារម្ភ ឬបាក់ទឹកចិត្ត

    ផល​វិបាក​នៃ​ស្ទះ​ទឹក​ភ្លោះ​ក្នុង​សរសៃ​ឈាម​សួត

    ការ​ស្ទះ​ទឹក​ភ្លោះ​ក្នុង​សរសៃ​ឈាម​អាច​បង្ក​ឲ្យ​​មាន​ផល​វិបាក​ធ្ងន់ធ្ងរ​ដល់​ម្ដាយ និង​កូន​ដូច​ជា៖

    – របួស​ខួរ​ក្បាល

    – ស្នាក់​នៅ​មន្ទីរពេទ្យ​យូរ

    ម្ដាយ​ស្លាប់​ពេល​សម្រាល

    – ទារក​ស្លាប់

    ការ​ស្ទះ​ទឹក​ភ្លោះ​ក្នុង​សរសៃ​ឈាម​ពិបាក​ក្នុង​ការ​ធ្វើ​រោគ​វិនិច្ឆ័យ​ណាស់។ ប្រសិន​បើ​គ្រូពេទ្យ​សង្ស័យ​ថា ម៉ាក់ៗ​ជួប​បញ្ហា​នេះ​អំឡុង​ពេល​សម្រាល នោះ​ទាម​ទារ​ឲ្យ​មាន​ការ​ព្យាបាល​ជា​បន្ទាន់ ដើម្បី​ការ​ពារ​ផល​វិបាក​ដែល​អាច​គំរាម​កំហែង​ដល់​អាយុ​ជីវិត។

    អត្ថបទគួរអាន៖

    ស្ទះ​ទឹក​ភ្លោះ​ក្នុង​សរសៃ​ឈាម​សួត

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ត្រួតពិនិត្យដោយ

    វេជ្ជ. ចាន់ ស៊ីណេត

    · ម​ន្ទីរពេទ្យបង្អែកមិត្តភាពកម្ពុជា-ចិន សែនសុខ


    អត្ថបទ​ដោយ នាង សុខុមដាលីញ៉ា · កែ 3 weeks ago

    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម
    ផ្សព្វផ្សាយពាណិជ្ជកម្ម