ប្រសិនបើក្រាយសម្រាល ៨សប្តាហ៍ ម៉ាក់ៗមួយចំនួននៅមានពោះធំដូចមានទម្ងន់ ៣-៤ ខែមានន័យថាសាច់ដុំពោះ (សាច់ដុំ ៦ កង់) របស់ម៉ាក់ៗញែកចេញពីគ្នាហើយ ដែលជាហេតុធ្វើឱ្យពោះម៉ាក់ៗមិនអាចរាបស្មើវិញបាន។ សាច់ដុំពោះញែកចេញពីគ្នាជាអ្វី? ហើយមានលំហាត់ប្រាណអ្វីខ្លះអាចជួយឱ្យពោះរាបស្មើវិញបាន?
សាច់ដុំពោះញែកចេញពីគ្នានៅពេលស្បូនរីកធំ ដែលធ្វើឱ្យបន្ទះសាច់ដុំទាំងពីរ (សាច់ដុំ ៦ កង់) របស់ពោះយើងញែកចេញពីគ្នា។ សាច់ដុំ ២ បន្ទះនេះស្ថិតនៅចំកណ្តាលពោះចាប់ពីទ្រូងរហូតដល់ឆ្អឹងអាងត្រគាក។ ជាធម្មតាការញែកនេះចាប់ផ្តើមនៅពាក់កណ្តាលត្រីមាសទីពីរនៃការមានផ្ទៃពោះ និងមានទំហំចន្លោះពី ២ សង់ទីម៉ែត្រទៅ ២០សង់ទីម៉ែត្រ។
ម៉ាក់ៗម្នាក់ក្នុងចំណោម ៣នាក់ នឹងមានសាច់ដុំពោះញែកចេញពីគ្នា បន្ទាប់ពីការមានផ្ទៃពោះលើកដំបូង ហើយនិងម៉ាក់ៗ ២ នាក់ក្នុងចំណោម ៣នាក់ ដែលពពោះច្រើនដងក៏មានសាច់ដុំពោះញែកចេញពីគ្នាដែរ។
ខាងក្រោមនេះជាលំហាត់មួយចំនួនដែលអាចជួយផ្ចិតសាច់ដុំពោះដែលញែកចេញពីគ្នាបាន៖
លាម្រាមជើងវិញឱ្យត្រង់លើកម្រាលហាត់យូហ្គាវិញ កោងឆ្អឹងខ្នងឡើងលើ ផតពោះ ទម្លាក់ក្បាលចុះដោយមើលចុះក្រោម ធ្វើលំហាត់ប្រាណឆ្មា-គោឡើងវិញ១០ដង។
![លំហាត់ប្រាណក្រាយសម្រាលធ្វើឱ្យពោះរាបស្មើវិញ](https://cdn.hellokrupet.com/wp-content/uploads/2021/08/18cca8a8-shutterstock_1280135659-300x201.jpg)
![ហាត់ប្រាណ](https://cdn.hellokrupet.com/wp-content/uploads/2021/12/shutterstock_1918475807.jpg)
២. លំហាត់ពង្រឹងចង្កេះ និងត្រគាក
- ច្រត់បាតដៃ និងលុតជង្គង់លើកម្រាលហាត់យូហ្គាល ត្រូវប្រាកដថាឆ្អឹងខ្នងរបស់ម៉ាក់ៗត្រង់ រួចដកដង្ហើមចូល។
- ដកដង្ហើមចេញ ហើយលើកជើងស្ដាំនិងដៃឆ្វេងឡើងឱ្យត្រង់នឹងខ្នង រួចដកដង្ហលមចូល។ ត្រលប់មកឥរិយាបថដើមវិញ។
- ដកដង្ហើមចេញ ហើយលើកជើងនិងដៃស្តាំឡើងឱ្យត្រង់នឹងខ្នង។ ធ្វើលំហាត់ប្រាណនេះឡើងវិញ ១០ ដង។
គណនាថ្ងៃសម្រាលកូន
ម៉ាក់ៗគួរចៀសវាងលំហាត់ប្រាណអ្វីខ្លះ?
ម៉ាក់ៗចៀសវាងលំហាត់ខាងក្រោមនេះ ព្រោះវាធ្វើឱ្យសាច់ដុំពោះកាន់តែញែកខ្លាំង៖
- គេងរួចងើបអង្គុយ
- គេងរួចឡើងជើងឡើងទាំងពីរ
- អាវ៉ង់
- លំហាត់ប្រាណដែលមានផលប៉ះពាល់ខ្ពស់ដូចជាលោត រត់ និងលោត ផ្លោះ ជាដើម។