តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

តិចនិចធ្វើលំហាត់ប្រាណក្រាយសម្រាល ជួយឱ្យពោះរាបស្មើវិញ

    តិចនិចធ្វើលំហាត់ប្រាណក្រាយសម្រាល ជួយឱ្យពោះរាបស្មើវិញ

    ប្រសិន​បើ​ក្រាយ​សម្រាល​ ៨សប្តាហ៍ ​ម៉ាក់ៗ​មួយ​ចំនួន​នៅ​មាន​ពោះ​ធំ​ដូច​មាន​ទម្ងន់​ ៣-៤ ខែ​មាន​ន័យ​ថា​សាច់​ដុំ​ពោះ​ (សាច់ដុំ ៦ កង់) របស់​ម៉ាក់ៗ​ញែក​ចេញ​ពី​គ្នា​ហើយ ដែល​ជាហេតុ​ធ្វើឱ្យ​ពោះ​ម៉ាក់ៗ​មិនអាច​រាបស្មើ​វិញបាន។ សាច់ដុំ​ពោះញែក​ចេញ​ពីគ្នា​ជាអ្វី? ហើយ​មាន​លំហាត់​ប្រាណ​អ្វីខ្លះ​អាច​ជួយឱ្យពោះរាបស្មើវិញបាន?

    សាច់ដុំ​ពោះញែកចេញពីគ្នា​នៅពេលស្បូន​រីកធំ ដែល​ធ្វើឱ្យ​បន្ទះសាច់ដុំទាំងពីរ (សាច់ដុំ ៦ កង់) របស់ពោះយើងញែកចេញពីគ្នា។ សាច់ដុំ ២ បន្ទះ​នេះ​ស្ថិត​នៅ​ចំកណ្តាលពោះចាប់ពីទ្រូងរហូតដល់ឆ្អឹងអាងត្រគាក។ ជា​ធម្មតា​ការ​ញែកនេះ​ចាប់ផ្តើម​នៅពាក់កណ្តាល​ត្រី​មាស​ទីពីរ​នៃការមានផ្ទៃពោះ និងមានទំហំចន្លោះពី ២ សង់ទីម៉ែត្រទៅ ២០សង់ទីម៉ែត្រ។

    ម៉ាក់ៗម្នាក់ក្នុងចំណោម ៣នាក់ នឹងមានសាច់ដុំពោះញែកចេញពីគ្នា បន្ទាប់​ពីការ​មាន​ផ្ទៃ​ពោះ​លើកដំបូង ហើយនិងម៉ាក់ៗ ២ នាក់ក្នុងចំណោម ៣នាក់ ដែលពពោះ​ច្រើនដងក៏​មាន​សាច់ដុំពោះញែកចេញពីគ្នាដែរ។

    ខាងក្រោមនេះជាលំហាត់មួយចំនួនដែលអាចជួយផ្ចិតសាច់ដុំពោះដែលញែកចេញពីគ្នាបាន៖

    ១. លំហាត់ប្រាណបែបជំហរឆ្មា/គោ

    • ម៉ាក់ៗត្រូវចាប់ផ្តើមដោយច្រាត់បាតដៃលើកម្រាលហាត់យូហ្គាដោយដាក់កដៃពីក្រោមស្មា និង​លុតជង្គង់ដោយដាក់ជង្គង់ក្រោមត្រគាក។
    • រក្សាឆ្អឹងខ្នងឱ្យត្រង់ជាមួយស្មា ត្រគាក និងក្បាល។
    • ដកកឱ្យវែងដោយមើលចុះក្រោម។

    ពេលដកដង្ហើមចូល

    • យកម្រាមជើងទល់នឹងកម្រាលហាត់យូហ្គា
    • កោងខ្នងចុះក្រោមដោយទម្លាក់សាច់ដុំពោះចុះក្រោម
    • សម្លឹងមើលឡើងលើ

    ពេល​ដកដង្ហើមចេញ

    • លាម្រាមជើងវិញឱ្យត្រង់លើកម្រាលហាត់យូហ្គាវិញ
    • កោងឆ្អឹងខ្នងឡើងលើ
    • ផតពោះ
    • ទម្លាក់ក្បាលចុះដោយមើលចុះក្រោម

    ធ្វើលំហាត់ប្រាណឆ្មា-គោឡើងវិញ១០​ដង។

    លំហាត់ប្រាណក្រាយសម្រាលធ្វើឱ្យពោះរាបស្មើវិញ

    ២. លំហាត់ពង្រឹងចង្កេះ និង​ត្រគាក

    • ច្រត់បាតដៃ និងលុតជង្គង់លើកម្រាលហាត់យូហ្គាល ត្រូវប្រាកដថាឆ្អឹងខ្នងរបស់ម៉ាក់ៗត្រង់ រួចដកដង្ហើមចូល។
    • ដកដង្ហើមចេញ ហើយលើកជើងស្ដាំនិងដៃឆ្វេងឡើងឱ្យត្រង់នឹងខ្នង រួចដកដង្ហលមចូល។ ត្រលប់មកឥរិយាបថដើមវិញ។
    • ដកដង្ហើមចេញ ហើយលើកជើងនិងដៃស្តាំឡើងឱ្យត្រង់នឹងខ្នង។ ធ្វើលំហាត់ប្រាណនេះឡើងវិញ ១០ ដង។

    លំហាត់ប្រាណក្រាយសម្រាលធ្វើឱ្យពោះរាបស្មើវិញ

    ៣. បែរចំហៀងខ្លួន

    • ម៉ាក់ៗត្រូវគេងផ្អៀងខាងស្ដាំ ដោយច្រត់កែងដៃខាងស្តាំលើកម្រាលហាត់យូហ្គា កែង​ដៃ​ត្រូវ​នៅពីក្រោមស្មាខាងស្តាំ រួចសន្ធឹងជើងឱ្យត្រង់ដោយត្រួតជើងឆ្វេងពីលើជើងស្តាំ។ ត្រូវប្រាកដ​ថា​ក្បាល​របស់ម៉ាក់ៗស្របគ្នាជាមួយឆ្អឹងខ្នង ឯដៃឆ្វេងត្រូវដាក់ពីលើចំហៀងខ្លួនខាងធ្វេង។
    • ផតសាច់ដុំពោះចូល
    • លើកត្រគាក និងជង្គង់ពីកម្រាលឥដ្ឋ ខណៈពេលដកដង្ហើមចេញ។ ត្រូវប្រាកដថា​ដងខ្លួន​របស់​ម៉ាក់ៗគឺត្រង់។
    • រក្សាឥរិយាបថនេះ ១៥ ទៅ ២០វិនាទី រួចត្រលប់ទៅទីតាំងដើមវិញ ហើយផ្លាស់ប្តូរ​ចំហៀងរួចធ្វើម្តងទៀត។

    លំហាត់ប្រាណក្រាយសម្រាលធ្វើឱ្យពោះរាបស្មើវិញ

    ម៉ាក់ៗគួរចៀសវាងលំហាត់ប្រាណអ្វីខ្លះ?

    ម៉ាក់ៗចៀសវាងលំហាត់ខាងក្រោមនេះ ព្រោះវាធ្វើឱ្យសាច់ដុំពោះកាន់តែញែកខ្លាំង៖

    • គេងរួចងើបអង្គុយ
    • គេងរួចឡើងជើងឡើងទាំងពីរ
    • អាវ៉ង់
    • លំហាត់ប្រាណដែលមានផលប៉ះពាល់ខ្ពស់ដូចជាលោត រត់ និង​លោត ផ្លោះ ជា​ដើម​។​

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    គណនាថ្ងៃមេជីវិតញីទុំធ្លាក់

    តាមដានវដ្តរដូវរបស់អ្នកកំណត់ថ្ងៃមេជីវិតទុំធ្លាក់ បង្កើនឱកាសមានគភ៌ឬគ្រប់គ្រងការពន្យារកំណើត

    គណនាថ្ងៃមេជីវិតញីទុំធ្លាក់

    រយៈពេល​វដ្ដរដូវ

    (ថ្ងៃ)

    28

    វដ្ដរដូវ

    (ថ្ងៃ)

    7

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    ប្រភព

    abdominal separation: treating abdominal separation after pregnancy
    https://www.phyxphysio.com.au/abdominal-separation-after-pregnancy/

    Diastasis Recti Exercises for Postpartum Ab Separation
    https://www.whattoexpect.com/first-year/your-health/diastasis-recti-exercises/

    Abdominal separation (diastasis recti)
    https://www.pregnancybirthbaby.org.au/abdominal-separation

    What is diastasis recti (abdominal separation)?
    https://exerciseright.com.au/abdominal-separation/

    5 Best Diastasis Recti Exercises
    https://www.verywellfamily.com/5-best-diastasis-recti-exercises-5095816

     

    រូបថត​របស់​អ្នក​និពន្ធbadge
    ដោយ សុខ វណ្ណ កែសម្រួល​ចុងក្រោយ 28/09/2021
    ត្រួតពិនិត្យដោយ វេជ្ជ. ចាន់ ស៊ីណេត
    Next article: