សុវត្ថិភាពចំណីអាហារ មិនត្រឹមតែសំខាន់សម្រាប់សុខភាពយើងគ្រប់គ្នាទេ ថែមទាំងជួយពង្រឹងការលូតលាស់ និងអភិវឌ្ឍន៍របស់ក្មេងៗដូចគ្នា ហេតុនេះ ម៉ាក់ៗគ្រប់រូបត្រូវចេះស្វែងយល់ពីតិកនិចចម្អិនអាហារមានសុវត្ថិភាពត្រឹមត្រូវ ទើបអូនៗសុខភាពល្អ គ្រួសារមានសុភមង្គល។ “Hello គ្រូពេទ្យ” នឹងណែនាំម៉ាក់ៗទាំងអស់ ពីគន្លឹះចម្អិនអាហារប្រកបដោយអនាម័យ និងសុវត្ថិភាពត្រឹមត្រូវ។
តិចនិកចម្អិនអាហារឲ្យមានសុវត្ថិភាព មេផ្ទះទាំងអស់ត្រូវចេះ!
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
១- លាងដៃជាមួយសាប៊ូ និងទឹកស្អាត
មានបាក់តេរីច្រើនណាស់ អាចតោងជាប់ដៃយើង ហេតុនេះទើបគ្រូពេទ្យ និងអ្នកជំនាញតែងណែនាំយើងលាងសម្អាតដៃឲ្យបានស្អាត មុននឹងចម្អិនអាហារ ឬរៀបចំអាហារ។ តិចនិកលាងសម្អាតដៃ គឺអាចដោយប្រើទឹកក្តៅឧណ្ឌៗ និងសាប៊ូសម្លាប់ជម្រះមេរោគរយៈពេល ២០វិនាទី ដុសឲ្យស្អាត និងជួតឲ្យស្ងួត។
២- សម្អាតកន្លែងធ្វើម្ហូប
កន្លែងធ្វើម្ហូបត្រូវតែមានអនាម័យជានិច្ច មេផ្ទះវ័យឆ្លាត អាចលាយទឹកក្លរ៉ាយ (Chlorine Bleach) ចំនួន ១ ស្លាបព្រាបាយ ជាមួយទឹកប្រហែល ៣ លីត្រកន្លះ ហើយលាងសម្អាតកន្លែងចម្អិនអាហារឲ្យបានសព្វកន្លែង។
៣- សម្អាតទូរទឹកកកជារៀងរាល់សប្តាហ៍
ទូទឹកកក ជាកន្លែងរក្សាទុកអាហារ ហេតុនេះយើងគួររើសម្អាតទូទឹកកក ហើយយកអាហារផុតកាលកំណត់ទៅចោល ក៏ដូចជាអាហារទុកយូរដូចគ្នា។ និយាយឲ្យច្បាស់ជាងនេះទៀត មិនគួរញ៉ាំអាហារឆ្អិនរួចសល់លើសពី ៤ ថ្ងៃឡើយ ហើយសាច់ឆៅវិញ អាចរក្សាត្រឹមតែ ១-២ ថ្ងៃប៉ុណ្ណោះ។
៤- ទុករបស់ប្រើប្រាស់ផ្សេងៗឲ្យបានស្អាតល្អ
ស្រដៀងគ្នានឹងដៃយើងដែរ របស់ប្រើប្រាស់ អាចមានបាក់តេរីនៅជាប់ច្រើនណាស់ ហេតុនេះការសម្អាតមុនប្រើប្រាស់ អាចជួយបង្ការករណីពុលអាហារបាន។
៥- លាងម្ហូបអាហារ
ត្រូវលាងសម្អាតអាហារឲ្យស្អាតល្អ មុនរៀបដាក់ចានញ៉ាំ ឬចម្អិន។ វាជាចំនុចដ៏សំខាន់ ក្នុងការការពារសុខភាពយើង និងគ្រួសារ។
៦- រៀបចំអាហារប្រភេទផ្សេងៗដាច់ដោយឡែកពីគ្នា
ត្រូវដាក់អាហារមិនទាន់ចម្អិនមួយដុំៗផ្សេងៗគ្នា សូម្បីតែការប្រើជ្រុញក៏អញ្ចឹងដែរ ដូចជា សាច់ឆៅម្ខាង ហើយបន្លែ និងផ្លែឈើម្ខាងទៀត។ ឯអាហារឆ្អិនវិញ ទុកក្នុងចានស្អាត កុំប្រើលាយជាមួយចានដាក់របស់ឆៅ ព្រោះអាចចម្លងមេរោគដល់អាហារឆ្អិនបាន។
៧- ប្រើឧបករណ៍វាស់សីតុណ្ហភាពអាហារពេលចម្អិន
បើសិនជាយើងមិនច្បាស់ពីកម្រិតកម្តៅមុនពេលដាក់អាហារចូលឆ្នាំង ឬខ្ទះទេ គួរប្រើឧបករណ៍វាស់សីតុណ្ហភាព និងត្រៀមវាទុកឲ្យបានរួចរាល់មុនពេលចម្អិន ដើម្បីប្រាកដថា គ្រប់យ៉ាងមានសុវត្ថិភាព និងមិនមានបាក់តេរីពេលញ៉ាំ។
អត្ថបទពាក់ព័ន្ធ៖
- មិនទាន់ដឹងរបបអាហារមានតុល្យភាពម៉េចខ្លះ អត្ថបទនេះអាចពន្យល់បាន
- ចង់ឲ្យខួរក្បាលមានសុខភាពល្អ ពិសេសក្មេងៗ អូមេហ្គា ៣ សក្តិសមបំផុត
៨- ចម្អិនអាហារឲ្យឆ្អិនដល់ក្នុង
រាល់ពពួកសាច់ឆៅ សាច់ចៀម សាច់គោ និងសាច់ជ្រូក គួរចម្អិន ចៀន ឬដុត ឲ្យបានដល់សីតុណ្ហភាពយ៉ាងតិច ៦២,៨ អង្សារសេ សម្រាប់ផ្នែកខាងក្នុងសាច់។ សម្រាប់សុវត្ថិភាព និងគុណភាពអាហារនោះ គួរទុកសាច់យ៉ាងតិច ៣នាទី ចាំញ៉ាំ ខណៈទោះកំពុងចម្អិនលើខ្ទះ ឬឆ្នាំងហើយក៏ដោយ។ ចំណែកឯសាច់កិនវិញ ទោះជា សាច់ជ្រូក សាច់ចៀម និងសាច់គោ គួរត្រូវចម្អិនផ្នែកខាងក្នុងឲ្យបានដល់ ៧១ អង្សារសេយ៉ាងតិច។
៩- ចៀសវាងញ៉ាំអាហារឆៅ (សាច់ សត្វបង្សី និងគ្រឿងសមុទ្រ)
គ្នាយើងខ្លះ ច្បាស់ណាស់ប្រាកដជាចូលចិត្តញ៉ាំអាហារឆៅ តែពពួកអាហារឆៅនេះឯង អាចធ្វើឲ្យមានគ្រោះថ្នាក់ដល់សុខភាពយ៉ាងខ្លាំង (អាចដល់ស្លាប់) ដោយសារសម្បូរទៅដោយពពួកវីរុស និងបាក់តេរីយ៉ាងច្រើនសន្ធឹក។ ដូចនេះ គួរគិតពីបញ្ហានេះឡើងវិញ មុននឹងញ៉ាំអាហារឆៅ។
ការចម្អិន និងរៀបចំអាហារមួយមុខៗ ត្រូវមានភាពអំណត់ អនាម័យ និងការយកចិត្តទុកដាក់ច្រើនណាស់។ ញ៉ាំអាហារឆៅ ឬអាហារដែលមានមេរោគ អាចបង្កឲ្យមានគ្រោះថ្នាក់ធ្ងន់ធ្ងរ អាចប៉ះពាល់ដល់អាយុជីវិតបាន ដូចនេះគួរប្រុងប្រយ័ត្ន និងអនុវត្តតាមចំណុចបានរៀបរាប់ខាងលើនេះ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម