ចង់បានឆ្អឹងរឹងមាំ លូតលាស់ល្អ កុំភ្លេចរបបអាហារទាំងនេះ​

បើចង់បានសុខភាពឆ្អឹងរឹងមាំ និងលូតលាស់បានល្អ យើងគួរតែគិតទៅលើរបបអាហារដែលត្រូវញ៉ាំជារៀងរាល់​ថ្ងៃ ជាពិសេសគឺពពួកអាហារសម្បូរទៅដោយសារធាតុ កាល់ស្យូម និង វីតាមីន ​D ដែលសារធាតុទាំងពីរដើរតួយ៉ាង​សំខាន់ជួយជំរុញការលូតលាស់ និងរក្សាគុណភាពកំហាប់ឆ្អឹងបានរឹងមាំ។

មិនថាកុមារ មនុស្សពេញវ័យ ឬ មនុស្សចាស់នោះទេ សុទ្ធតែត្រូវការ សុខ​​ភាពឆ្អឹងរឹងមាំល្អ ដូច្នេះសូមកុំភ្លេចដាក់បញ្ចូលរបបអាហារទាំងនេះក្នុងរបបអាហារបីពេលប្រចាំថ្ងៃរបស់យើង។

ពពួកកាល់ស្យូម៖ ការលូតលាស់ និងភាពរឹងមាំរបស់ឆ្អឹងត្រូវការជាចាំបាច់នូវប្រភេទសារធាតុមួយនេះ។ យើងអាច រកវាបានយ៉ាងច្រើននៅលើប្រភេទអាហារដូចជា ទឹកដោះគោ ទឹកដោះពពែ ឈីស អាហារទឹកដោះគោផ្សេងទៀត បន្លែស្លឹកបៃតង ប្រូខូលី ស្ពៃក្តោប សណ្តែកសៀង តៅហ៊ូ គ្រាប់ធញ្ញជាតិ នំបុ័ង ​ត្រី​សា​ឌី​នជា​ដើម ដែលពពួកអាហារ​ទាំងនេះមានផ្ទុកសារធាតុ​កាល់ស្យូមខ្ពស់។ មនុស្សវ័យជំទង់កំពុងស្ថិតក្នុងការរីក​លូត​លាស់​ឆ្អឹង ត្រូវការប្រើប្រាស់ កាល់ស្យូម ៧០០ មល្លីក្រាមក្នុងមួយថ្ងៃទើបអាចជំនួយដល់ការលូតលាស់បានល្អ។

ចង់គណនា BMR ចុចទីនេះ!

ចង់គណនា BMI ចុចទីនេះ!

ចង់គណនារង្វាស់ចង្វាក់បេះដូង ចុចទីនេះ!

ចង់ពិនិត្យសុខភាពប្រព័ន្ធរំលាយអាហារ ចុចទីនេះ!

ពពួកវីតាមីន D៖ វីតាមីន D ជាសារធាតុចិញ្ចឹមសម្រាប់រាងកាយជួយជំរុញដល់ការស្រូបយកសារធាតុកាល់ស្យូមទៅបំពេញតម្រូវការលូតលាស់របស់ឆ្អឹង។ រឿងដែលសំខាន់ វីតាមីនប្រភេទនេះ មិនសូវជាសម្បូរមានលើប្រភេទអាហារនោះទេ។ ទោះជាមាន ក៏ស្ថិតក្នុងបរិមាណមិនសូវច្រើនផងដែរ ដូចជា ពពួកត្រីសាម៉ុន តី្រធូណា ស៊ុតផ្នែកក្រហម ផ្សិត គ្រឿងក្នុងត្រី ថ្លើមគោ និង ទឹកដោះជាដើម។ ប៉ុន្ដែវីតាមីន D នេះ​វាក៏មាននៅក្នុងពន្លឺព្រះអាទិត្យផងដែរ។ យើង​អាចចំណាយ​​​ពេល យ៉ាងហោច ១៥ ទៅ ២០នាទីអនុញ្ញាតឲ្យស្បែករបស់យើងប៉ះផ្ទាល់ពន្លឺព្រះអាទិត្យនៅពេល​ព្រឹក​ និង​ពេល​ល្ងាច​ដើម្បីទទួលបានវីតាមីន D។ សម្រាប់មនុស្សពេញវ័យត្រូវការវីតាមីន D យ៉ាងហោច ០,០១មល្លីក្រាមក្នុងមួយថ្ងៃ។

ចុះវីតាមីន A មានអត្ថប្រយោជន៍ដល់សុខភាពឆ្អឹងដែរទេ?

ជាក់ស្ដែងណាស់ថា វីតាមីន A ក៏សំខាន់ចំពោះសុខភាពឆ្អឹងផងដែរ ប៉ុន្ដែមិនត្រូវបាន រាប់បញ្ចូល មិនចាត់ទុកជាផ្នែកសំខាន់ដូចពពួកកាល់ស្យូមនោះទេ។ ព្រោះបើតាមការលើកឡើងរបស់ អង្គការសុខភាពឆ្អឹងរបស់អាមេរិកបាន​ចុះផ្សាយថា ការញ៉ាំវីតាមីនA លើសពី ១,៥ មល្លីក្រាម ក្នុងមួយថ្ងៃអាចបណ្ដាលឲ្យថយចុះកំហាប់ឆ្អឹង។ ព្រោះថា វីតាមីន A គឺមានប្រភពពីសារធាតុម្យ៉ាងគឺ Retinol។ សារធាតុប្រភេទនេះមាននៅលើ សាច់សត្វ ត្រី នំប្រើមេម្សៅ និង ពពួកថ្លើមសត្វ ជាដើម។ មួយវិញទៀត វីតាមីន​A ក៏មានប្រភពពី beta-carotene ត្រូវបាន​រកឃើញនៅក្នុងផ្លែឈើ និងបន្លែពណ៌បៃតង និងពណ៌ទឹកក្រូច។ ប៉ុន្ដែមិនថ្វីនោះទេ ប្រភេទវីតាមីន A ដែលមានប្រភពពី Beta-carotene ជាទូទៅត្រូវបានចាត់ទុកថាមានសុវត្ថិភាព។

អត្ថបទគួរអាន៖

• ទម្លាប់​មិន​ល្អ​ទាំង​៦​ បំផ្លាញ​សុខភាព​បេះដូង​​ដោយ​មិន​ដឹង​ខ្លួន​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• ខ្វះ​​ឈាម​​ទៅ​ចិញ្ចឹម​បេះដូង អាច​ចេញ​រោគសញ្ញា​ទាំង​នេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• ផ្លែ​ឈើ​ទាំង​៨​មុខ​នេះ ល្អ​សម្រាប់​សុខភាពបេះដូង
• ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃ​ឈាម​បេះដូង
• គ្រឿងផ្សំក្នុង​អាហារ ៣មុខ អាចធ្វើឲ្យ​បេះដូងលោតខុសធម្មតា
• ធ្វើការ​​​​ពី​ផ្ទះ​​ មុខកុំព្យូទ័រយូរម៉ោង អាច​ប្រឈម​ជំងឺ​បេះដូង​​​​​​​​​​​​​