home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

ផឹកទឹកក្រូចឆ្មារពេលព្រឹក ផ្ដល់អត្ថប្រយោជន៍​ដល់​សុខភាព​យ៉ាង​តិច ៦ យ៉ាង

ផឹកទឹកក្រូចឆ្មារពេលព្រឹក ផ្ដល់អត្ថប្រយោជន៍​ដល់​សុខភាព​យ៉ាង​តិច ៦ យ៉ាង

ការ​ផឹក​ទឹក​នៅ​ពេល​ព្រឹក​គឺ​មាន​ប្រយោជន៍​សម្រាប់​សុខភាព​ ប៉ុន្តែ​ទាំងអស់គ្នា​​ដឹង​ទេ​ថា​ការ​ផឹក​ទឹក​ក្រូចឆ្មារ​នៅ​ពេល​ព្រឹក​ក៏​ផ្តល់​អត្ថប្រយោជន៍​ដល់​សុខភាព​ដែរ។ យើង​អាច​ធ្វើ​ទឹក​ក្រូចឆ្មារ​បាន​ដោយ​ច្របាច់​ក្រូចឆ្មារ​កន្លះ​ផ្លែ​ទៅ​ក្នុង​ទឹក​មួយ​កែវ។ ក្រោយ​ពី​ផឹក​ទឹក​ក្រូចឆ្មារ​រួច កុំ​ទាន់​ញ៉ាំ​អាហារ​ប្រហែល​ ៣០ ​នាទី​ដើម្បី​ទទួល​បាន​អត្ថប្រយោជន៍​កាន់តែ​ប្រសើរ​ឡើង​។ ខាងក្រោម​នេះ​ជា​អត្ថប្រយោជន៍​បានពី​ការ​ផឹក​ទឹក​ក្រូច​ឆ្នា​រនៅ​ពេល​ព្រឹក។

១. សម្បូរ​វីតាមីន C

ក្រូចឆ្មារ​សម្បូរ​ដោយ​វីតាមីន C ដែល​ជា​សារធាតុ​ប្រឆាំង​អុកស៊ីតកម្ម​ការពារ​កោសិកា​ពី​ការ​ខូចខាត​បង្ក​ដោយ​ពួក​រ៉ាឌីកាល់​សេរី​។ ម៉្យាងទៀត វីតាមីន C អាច​កាត់បន្ថយ​ហានិភ័យ​ជំងឺ​បេះដូង ជំងឺ​ដាច់​សរសៃ​ឈាម​ខួរក្បាល និង​បញ្ចុះ​សម្ពាធឈាម។

២. ដាស់​ស្មារតី និង​បង្កើន​ថាមពល

ប៉ូតាស្យូម​ក្នុង​ក្រូចឆ្មារ​ជួយ​ដល់​មុខងារ​ខួរក្បាល និង​សរសៃ​ប្រសាទ​ឲ្យ​ប្រសើរ​ឡើង​ដែល​នេះ​ក៏​បង្កើន​ស្មារតី​ដែរ។ យោង​តាម​ទស្សនាវដ្ដី​សុខភាព អ្នក​វិទ្យាសាស្ត្រ​បាន​រក​ឃើញថា​ការ​ហិត​ក្លិន​ក្រូចឆ្មារ​ក៏​ជួយ​ឲ្យ​រាងកាយ​បញ្ចេញ​អ័រម៉ូន​អារម្មណ៍​ល្អ និង​បន្ថយ​កម្រិត​ស្ត្រេស​ដែរ។

៣. បំពេញ​ជាតិ​ទឹក

នៅ​ពេល​រាងកាយ​យើង​មាន​ជាតិ​ទឹក​គ្រប់គ្រាន់ រាងកាយ​យើង​នឹង​មិន​ស្តុក​ទុក​កោសិកា​ខ្លាញ់​ និង​មិន​ធ្វើ​ឲ្យ​យើង​មាន​អារម្មណ៍​ឃ្លាន​។ ដូចនេះ​ការ​រក្សា​ជាតិ​ទឹក​ក្នុង​រាងកាយ​គឺ​សំខាន់​ដល់​សុខភាព​ណាស់។

៤. សុខភាព​ស្បែក

ក្រូចឆ្មារ​មាន​វីតាមីន C ដែល​វីតាមីន​នេះ​ជា​ជំនួយ​ដល់​ការ​ផលិត​ខូឡាជែន ​បង្ការ​ស្នាម​ជ្រួញ និង​ការពារ​ស្បែក​ពី​ការ​ខូចខាត​ដោយសារ​ពួក​រ៉ាឌីកាល់​សេរី។ រីឯ​ទឹក​វិញ​អាច​ជួយ​ផ្តល់​សំណើម​ដល់​ស្បែក​ព្រោះ​នៅពេល​ស្បែក​ស្ងួត​ងាយ​នឹង​មាន​ស្នាម​ជ្រួញ។

៥. ជួយ​ដល់​ការ​រំលាយ​អាហារ

គ្នាយើង​មួយ​ចំនួន​ផឹក​ទឹក​ក្រូចឆ្មារ​នៅ​ពេល​ព្រឹក​ដើម្បី​ជួយ​បង្ការ​ការ​ទល់លាមក។ ការ​ផឹក​ទឹក​ក្រូចឆ្មារ​លាយ​ទឹក​ក្ដៅ​ឧណ្ហៗ​នៅ​ពេល​ភ្ញាក់​ពី​គេង​អាច​ជួយ​ឲ្យ​ប្រព័ន្ធ​រំលាយ​អាហារ​ដើរ​បាន​ល្អ។ ម៉្យាងទៀត​ក៏​ជួយ​រាងកាយ​ក្នុង​ការ​ស្រូប​យក​សារធាតុ​ចិញ្ចឹម​ និង​សម្រក​ទម្ងន់​ដែរ។

៦. បង្ការ​ក្រួស​ក្នុង​តម្រង​នោម

អាស៊ីដ​ស៊ីទ្រីក (citric acid) ក្នុង​ក្រូចឆ្មារ​អាច​ជួយ​បង្ការ​ក្រួស​ក្នុង​តម្រងនោម។ សារធាតុ​ស៊ីដ្រាត (citrate) របស់​អាស៊ីដ​ស៊ីទ្រីក​ជួយ​បញ្ចុះ​ជាតិ​អាស៊ីដ​ក្នុង​ទឹកនោម និង​អាច​បំបែក​ក្រួស​តូចៗ​ទៀត​ផង។ ការ​ផឹក​ទឹក​ក្រូចឆ្មារ​មិនត្រឹមតែ​ផ្តល់សារធាតុ​ស៊ីដ្រាត​ទេ នៅ​ផ្តល់​នូវ​ជាតិ​ទឹក​ដែល​យើង​ត្រូវការ​ក្នុង​ការ​បង្ការ និង​បញ្ចេញ​ក្រួស​ទាំងនោះ​ដែរ។

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

https://www.healthline.com/health/food-nutrition/benefits-of-lemon-water

https://www.lifehack.org/359591/drink-water-the-correct-time-stay-healthy

រូបថត​របស់​អ្នក​និពន្ធ
ត្រួតពិនិត្យ​ដោយ ទូច សុខា
អត្ថបទ​ដោយ ថាត់ រ័ត្នមូនីតា
កែ 08/07/2020
x