អាហារូបត្ថម្ភ Archives - Page 8 of 29

អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹង

អាហារអ្វីខ្លះជួយឱ្យយើងមានអារម្មណ៍ល្អ និងកាត់បន្ថយភាពតានតឹង? អាហារមិនត្រឹមតែមាន ឥទ្ធិពលចំពោះសុខភាពរាងកាយទេ ថែមទាំងមានឥទ្ធិពលយ៉ាងខ្លាំងទៅលើសុខភាពផ្លូវចិត្តយើងទៀត។អាហារមួយចំនួនអាចជួយដល់មុខងារខួរក្បាល បង្កើនអ័រម៉ូនជួយឱ្យយើងរីករាយ និងស្ងប់អារម្មណ៍។ អាហារជួយឱ្យយើងមានអារម្មណ៍ល្អ និងកាត់បន្ថយភាពតានតឹងមានដូចជា៖ ១. អាហារផ្អាប់ អាហារផ្អាប់ដូចជា គីមឈី យ៉ាអួរជាដើមសម្បូរទៅដោយប្រ៉ូបាយអូទិក ដែលជួយដល់សុខភាពប្រព័ន្ធរំលាយអាហារ និងជួយបង្កើនកម្រិត Serotonin មានក្នុងខួរក្បាល ឈាម និងក្រពះពោះវៀន និងជាអ័រម៉ូនជួយឱ្យយើងរីករាយ ស្ងប់អារម្មណ៍ និងកាត់បន្ថយអាការថប់បារម្ភ ។ វេជ្ជបណ្ឌិត Casey Means គ្រូពេទ្យទទួលការបណ្តុះបណ្តាលនៅ Stanford និង ជានិពន្ធនាយករងនៃ International Journal of Disease Reversal and Prevention បានលើកឡើងថា ផលវិជ្ជមានរបស់អាហារផ្អាប់លើអារម្មណ៍ អាចទាក់ទងនឹងទំនាក់ទំនងយ៉ាងជិតស្និទ្ធរវាងមុខងារប្រព័ន្ធរំលាយអាហារ និងសុខភាពខួរក្បាលដែលប៉ះពាល់គ្នាទៅវិញទៅមក។ ការសិក្សាមួយបានបង្ហាញថា បុគ្គលដែលទទួលទានអាហារសម្បូរប្រូបាយអូទិក អាចកាត់បន្ថយអត្រានៃភាពធ្ងន់ធ្ងររបស់ជំងឺធ្លាក់ទឹកចិត្តបានច្រើន ជាពិសេសបុរស។ ២. កាហ្វេ ជាតិកាហ្វេអ៊ីនក្នុងកាហ្វេមិនត្រឹមតែអាចជួយដាស់អារម្មណ៍យើងទេ ថែមទាំងអាចបញ្ឈប់ Adenosine (សមាសធាតុដែលកើតឡើងដោយធម្មជាតិនៅក្នុងខួរក្បាល) ពីការភ្ជាប់ទៅនឹង សរសៃប្រសាទទទួលអារម្មណ៍ក្នុងខួរក្បាលមួយចំនួនដែលទាក់ទងនឹងអារម្មណ៍អស់កម្លាំង។ ជាតិកាហ្វេអ៊ីនក៏បង្កើនការបញ្ចេញសារធាតុ Dopamine និង Norepinephrine (សារធាតុបញ្ជូនសរសៃប្រសាទដែលបង្កើនអារម្មណ៍) ដែលជួយឱ្យយើងមានអារម្មណ៍ល្អ។ ៣. […]

អាហារូបត្ថម្ភ

ធ្លាប់ឮអត់ថាគួរញ៉ាំស៊ុតតែផ្នែកពណ៌សបានហើយ ខ្លាចប៉ះពាល់សុខភាព? តើពិតអត់?

កន្លងមកធ្លាប់មានមនុស្សជាច្រើនបានគិតខុសៗគ្នាថា គួរញ៉ាំស៊ុតតែផ្នែកពណ៌ស ឬក៏គួរញ៉ាំស៊ុតទាំងពណ៌ស និងលឿង។ អ្នកខ្លះថាគួរតែញ៉ាំផ្នែកពណ៌សបានហើយព្រោះវាសម្បូរដោយប្រូតេអ៊ីន និងអ្នកខ្លះទៀតថាគួរញ៉ាំទាំងអស់តែម្ដងព្រោះវាមានចម្រុះដោយប្រូតេអ៊ីន ខ្លាញ់ល្អ និងសារធាតុចិញ្ចឹមល្អៗផ្សេងទៀត។ ទោះបីជាមានការលើកឡើងបែបនេះមែន ការជជែកគ្នាថាមួយណាល្អជាងក៏នៅតែមិនទាន់ដាច់ស្រេច។ បើអ៊ីចឹង យើងគួរដឹងទាំងអស់គ្នាថាមួយណាល្អជាង ឬក៏គួរញ៉ាំទាំងអស់តែម្ដង។ បរិមាណកាឡូរី បើយើងនិយាយពីកាឡូរីវិញ ស៊ុតស្ងោរផ្នែកពណ៌សទម្ងន់១០០ក្រាម មានកាឡូរីត្រឹម៥២កាឡូរី តែបើនិយាយពីស៊ុតទាំងមូលក្នុងទម្ងន់ដូចគ្នា គឺមានកាឡូរីដល់ទៅ១៥៥កាឡូរី។ ដូចនេះ បើគ្នាយើងណាពិចារណាលើបរិមាណកាឡូរី ការជ្រើសរើសស៊ុតផ្នែកពណ៌ស ជារឿងល្អប្រសើរ។ អត្ថបទពាក់ព័ន្ធ៖ ឧស្សាហ៍ឈឺក្បាលប្រកាំង សាកដោះស្រាយតាមតិចនិក ៥ យ៉ាងនេះ វិធី ៥ យ៉ាង ជួយគ្នាយើងអាចគ្រប់គ្រងការឈឺក្បាលប្រកាំងបាន តើការរួមភេទអាចជួយបំបាត់ការឈឺក្បាលប្រកាំងបានពិតមែនឬអត់? អាហារប៉ុន្មានមុខនេះ ជួយប្រឆាំងបញ្ហាឈឺក្បាលប្រកាំង ហើយមិនពិបាករកទេ ការសិក្សាអាមេរិក រកឃើញថា ផឹកកាហ្វេ លើស ៣កែវ បណ្ដាលឲ្យឈឺក្បាលប្រកាំង ចុះបើញ៉ាំផ្នែកពណ៌លឿងនៃស៊ុតប៉ះពាល់សុខភាពអត់? ជាការពិតណាស់ មិនប៉ះពាល់សុខភាពនោះទេ។ ម្យ៉ាងទៀតក៏គ្មានអ្វីត្រូវសង្ស័យដែរ ការញ៉ាំស៊ុតទាំងមូលគឺប្រាដកជាផ្ដល់ផលល្អដល់សុខភាពជាងញ៉ាំស៊ុតតែផ្នែកពណ៌សហើយ។ ការសិក្សាមួយរបស់សាកលវិទ្យាល័យ John Hopkins បានឲ្យដឹងថា គ្រប់គ្នាអាចញ៉ាំស៊ុតបានរហូតដល់ទៅ៣ ឬ៤គ្រាប់ក្នុងមួយសប្ដាហ៍ ហើយអ្នកមានជំងឺទឹកនោមផ្អែម ឬមានជំងឺប្រចាំកាយផ្សេងទៀតក៏អាចញ៉ាំស៊ុតបានដូចគ្នា។ ប៉ុន្តែសម្រាប់អ្នកមានបញ្ហារឿងកូលេស្តេរ៉ូលគួរតែមានការប្រុងប្រយ័ត្នបន្តិចពេលញ៉ាំស៊ុត។ ជាការពិតការញ៉ាំស៊ុតទាំងពណ៌លឿង និងពណ៌ស សុទ្ធតែអាចមានផលប៉ះពាល់ដូចគ្នាពេលនិយាយដល់ការបង្កើតសាច់ដុំ។ បន្ថែមពីនេះការធ្វើសំយោគប្រូតេអ៊ីនបានត្រឹមត្រូវគឺមានសារៈសំខាន់សម្រាប់អ្នកហាត់ប្រាណយកសាច់ដុំ ដោយថាផ្នែកពណ៌លឿងនៃស៊ុតជួយបង្កើនដំណើរការសំយោគប្រូតេអ៊ីន ដែលជួយដល់ការជួសជុលសាច់ដុំ។ ជាធម្មតារាងកាយរបស់យើងក៏ត្រូវការខ្លាញ់ដូចគ្នា ហើយការញ៉ាំខ្លាញ់មានក្នុងផ្នែកពណ៌លឿងនៃស៊ុត ក៏បានរួមចំណែកក្នុងការកាត់បន្ថយកូលេស្តេរ៉ូលមិនល្អ។ ដូចនេះហើយ ការញ៉ាំស៊ុតទាំងផ្នែកពណ៌ស និងពណ៌លឿងមិនមានអ្វីមិនល្អនោះទេ។ […]