អាហារូបត្ថម្ភ Archives - Page 9 of 30

សារធាតុ CMC ក្រៅពីចាក់បង្គាមានក្នុងចំណីអាហារណាទៀត?

សារធាតុ CMC ជាសារធាតុដែលឈ្មួញខិលខូចមួយចំនួនប្រើសម្រាប់ចាក់បញ្ចូលក្នុងបង្គាស្រស់ ដើម្បីបង្កើនទម្ងន់បង្គា ក្នុងគោលបំណងលក់ចេញបានកម្រៃច្រើន។ តើសារធាតុ CMC អាចបង្កផលប៉ះពាល់ដល់សុខភាពបែបណាខ្លះ? ក្រៅពីចាក់ក្នុងបង្គា CMC មានក្នុងចំណីអាហារណាខ្លះ? សារធាតុ CMC (Carboxymethyl cellulose) ជាម្សៅដែលនឹងក្លាយជាសារធាតុរាវខាប់ដូចចាហួយនៅពេលលាយជាមួយទឹក។ ម្សៅ CMC មានតម្លៃ១,២ដុល្លារក្នុង១ក្រាម ហើយម្សៅ CMC ៣ក្រាមអាចលាយជាមួយទឹកបានរហូតដល់ទៅ៥០គីឡូក្រាម ព្រមទាំងអាចចាក់ចូលបង្គាបានដល់ទៅ១តោនឯណោះ។ សារធាតុ CMC មិនអាចរំលាយបានទេ មានន័យថា ក្រពះ និងពោះវៀនយើងមិនអាចបំបែក និងស្រូបយកសារធាតុនេះបានទេ។ ការបរិភោគអាហារមានផ្ទុកសារធាតុ CMC អាចប៉ះពាល់ដល់ក្រពះពោះវៀនដូចជា ធ្វើឱ្យយើងមិនស្រួលពោះ ហើមពោះ ចុកពោះ និងរាក។ ជាងនេះទៅទៀត សារធាតុ CMC អាចបំផ្លាញបាក់តេរីល្អៗក្នុងពោះវៀន និងបង្កឱ្យយើងរលាកពោះវៀន។ មិនតែប៉ុណ្ណោះ សារធាតុ CMC អាចបង្កឱ្យមានប្រតិកម្មអាលែកហ្ស៊ី ដែលបណ្តាលឱ្យយើងឡើងកន្ទួលរមាស់លើស្បែក ពិបាកដកដង្ហើម និងតឹងណែនបំពង់កជាដើម។ ចង់គណនា BMI ចុចទីនេះ! ចង់គណនា BMR ចុចទីនេះ! ចង់គណនារកចង្វាក់បេះដូងលោត ចុចទីនេះ! ចង់ពិនិត្យជំងឺសរសៃឈាមបេះដូង ចុចទីនេះ! ក្រៅពីចាក់ក្នុងបង្គារ សារធាតុ CMC […]

អាហារូបត្ថម្ភ

បើមានចេញសញ្ញាទាំងនេះ អាចមកពីយើងញ៉ាំមិនគ្រប់គ្រាន់ហើយ

គ្នាយើងមួយចំនួនអាចដឹងពីជំងឺធាត់ដែលអាចបង្កផលវិបាកផ្សេងៗ ហើយអាចមើលរំលងបញ្ហាញ៉ាំមិនគ្រប់គ្រាន់។ ការញ៉ាំមិនគ្រប់គ្រាន់ក៏អាចប៉ះពាល់ដល់សុខភាពដែរ។ ការញ៉ាំមិនគ្រប់គ្រាន់អាចបង្កមកពីជំងឺអត់ឃ្លានអាហារ ស្ត្រេស ជំងឺបាក់ទឹកចិត្ត ឬអាចមកពីគ្នាយើងមានការធ្វើមេតាបូលីសខ្លាំង ឬអាចមកពីកម្រិតធ្វើសកម្មភាពច្រើន និងមិនបានញ៉ាំឲ្យបានគ្រប់គ្រាន់។ អត្ថបទនេះបង្ហាញពីសញ្ញាមួយចំនួនដែលអាចបញ្ជាក់ថាយើងញ៉ាំមិនគ្រប់គ្រាន់។ ១. អស់កម្លាំង រោគសញ្ញាដែលបញ្ជាក់ថាយើងញ៉ាំមិនគ្រប់គ្រាន់គឺអាការៈអស់កម្លាំង។ រាងកាយរបស់យើងទទួលបានថាមពលពីកាឡូរីដែលមានក្នុងអាហារ និងភេសជ្ជៈដែលយើងញ៉ាំ ហើយរាងកាយត្រូវការកាឡូរីក្នុងកម្រិតមួយដើម្បីដំណើរការត្រឹមត្រូវ។ បរិមាណកាឡូរីដែលយើងត្រូវការគឺមានភាពខុសគ្នាពីមនុស្សម្នាក់ទៅម្នាក់ដោយផ្អែកលើកត្តាផ្សេងៗដូចជាទំហំរាងកាយ ការធ្វើមេតាបូលីស និងកម្រិតនៃការធ្វើសកម្មភាពប្រចាំថ្ងៃ។ នៅពេលយើងញ៉ាំមិនគ្រប់គ្រាន់មានន័យថាយើងទទួលបានកាឡូរីតិចជាងកម្រិតដែលរាងកាយត្រូវការដើម្បីដំណើរការត្រឹមត្រូវ។ នេះអាចប៉ះពាល់ខ្លាំងដល់កម្រិតថាមពល និងធ្វើឲ្យយើងអស់កម្លាំង។ ២. ឈឺញឹកញាប់ ការញ៉ាំមិនគ្រប់គ្រាន់អាចបណ្ដាលឲ្យរាងកាយទទួលបានសារធាតុចិញ្ចឹមមិនគ្រប់គ្រាន់ក្នុងការជួយឲ្យប្រព័ន្ធការពាររឹងមាំ និងប្រឆាំងនឹងជំងឺផ្សេងៗ។ ការទទួលបានសារធាតុចិញ្ចឹមគ្រប់គ្រាន់គឺល្អសម្រាប់ក្មេង និងមនុស្សចាស់ព្រោះអ្នកទាំងនោះសុទ្ធតែមានប្រព័ន្ធការពារខ្សោយ។ ៣. ជ្រុះសក់ ការញ៉ាំមិនគ្រប់គ្រាន់ក៏អាចបង្កឲ្យជ្រុះសក់ដែរ ព្រោះទទួលបានសារធាតុចិញ្ចឹមមិនគ្រប់គ្រាន់។ ការសិក្សាមួយបានឲ្យដឹងថាការខ្វះប្រូតេអ៊ីន ជាតិរ៉ែ អាស៊ីដខ្លាញ់ និងវីតាមីនអាចបង្កឲ្យសក់ជ្រុះ ឬមានការផ្លាស់ប្តូរពណ៌សក់។ ៤. ពិបាកក្នុងការមានកូន នៅពេលរាងកាយទទួលបានសារធាតុចិញ្ចឹមមិនគ្រប់គ្រាន់ រាងកាយនឹងផ្ដោតសំខាន់លើដំណើរការទ្រទ្រង់ជីវិតដូចជាការដកដង្ហើម និងចរន្តឈាម។ ហេតុនេះហើយធ្វើឲ្យការផលិតអ័រម៉ូនភេទមានការធ្លាក់ចុះដែលនេះអាចប៉ះពាល់ដល់ចំណង់ផ្លូវភេទ និងអាចរំខានដល់ការបន្តពូជដែរ។ ៥. មានអារម្មណ៍រងា រាងកាយយើងត្រូវការកាឡូរីគ្រប់គ្រាន់ក្នុងការរក្សាសីតុណ្ហភាពក្នុងរាងកាយ។ ការទទួលបានកាឡូរីតិចអាចធ្វើឲ្យសីតុណ្ហភាពចុះដែលបង្កឲ្យយើងតែងមានអារម្មណ៍រងា។ យោងតាមគោលការណ៍ណែនាំពីស្ថានប័នចំណីអាហាររបស់សហរដ្ឋអាមេរិក ស្ត្រីត្រូវការកាឡូរីចន្លោះ ១៦០០-២៤០០កាឡូរីក្នុងមួយថ្ងៃ និងបុរសត្រូវការពី ២០០០-៣០០០កាឡូរីក្នុងមួយថ្ងៃ។ ៦. ប៉ះពាល់ដល់ការលូតលាស់របស់ក្មេង សម្រាប់ក្មេង អាហារូបត្ថម្ភគឺសំខាន់ណាស់សម្រាប់ការលូតលាស់របស់ពួកគេ។ ការញ៉ាំមិនគ្រប់គ្រាន់អាចបង្កឲ្យបញ្ហាកង្វះអាហារូបត្ថម្ភ ដែលអាចប៉ះពាល់ដល់ការលូតលាស់ដូចជាការលូតលាស់របស់ឆ្អឹងជាដើម។ អំឡុងពេលពេញវ័យ សារធាតុចិញ្ចឹមក៏សំខាន់ក្នុងការឲ្យឆ្អឹងលូតលាស់ និងរឹងមាំដែរ។ ៧. ទល់លាមក នៅពេលយើងញ៉ាំមិនគ្រប់គ្រាន់ រាងកាយយើងមានអាហារតិចក្នុងការបំលែងទៅជាលាមក។ គ្នាយើងដែលមានបញ្ហាទល់លាមកអាចមានលាមករឹងដែលបង្កការលំបាកក្នុងការបន្ទោរបង់។ ការទល់លាមកគឺមានន័យថាយើងបន្ទោរបង់តិចជាង៣ដងក្នុងមួយសប្ដាហ៍។