មនុស្សមួយចំនួនដែលលេងបណ្ដាញសង្គម ពេលឃើញការបង្ហោះអ្វីទាក់ទិននឹងការបាក់ទឹកចិត្ត តែងតែយល់ថា ខ្លួនឯងរាល់ថ្ងៃនេះក៏កំពុងប្រឈមមុខនឹងរឿងបែបនោះដែរ។ តែបើមានសញ្ញាទាំងនេះ យើងកំពុងតែយល់ច្រឡំហើយ ព្រោះវាការសោកសៅធម្មតាប៉ុណ្ណោះ។
កុំច្រឡំថាបាក់ទឹកចិត្ត សញ្ញាទាំងនេះជាការសោកសៅធម្មតាប៉ុណ្ណោះ
លោកសាស្ត្រាចារ្យវេជ្ជបណ្ឌិត យឹម សុបុត្រា ឯកទេសវិកលវិទ្យា និងជាប្រធានផ្នែកសុខភាពផ្លូវចិត្ត នៃការបំពានគ្រឿងញៀន នៅមន្ទីរពេទ្យមិត្តភាពខ្មែរ-សូវៀត បានឲ្យដឹងថា បើយើងមានប៉ុន្មានចំណុចខាងក្រោមនេះ មិនមែនជាការបាក់ទឹកចិត្តអ្វីឡើយ ហើយវានឹងបាត់ទៅវិញយ៉ាងយូរ ១ សប្ដាហ៍ក្រោយប៉ុណ្ណោះ។
១- ជួបបញ្ហាក្នុងជីវិតរស់នៅ ដែលជាទូទៅនរណាៗក៏គេចមិនផុត ធ្វើឲ្យមានអារម្មណ៍សោកសៅ តែមួយរយៈក្រោយក៏បាត់ បន្ទាប់មកអារម្មណ៍ក៏ស្រួលឡើងវិញ។ បែបនេះគេហៅថាប្រតិសកម្មធម្មតារបស់អារម្មណ៍។
២- ឃើញគេជួបរឿងមិនល្អអ្វីមួយ ក៏គិតថាវាដូចនឹងរឿងខ្លួនឯងដែរ ទាំងដែលការពិតវាគ្រាន់តែស្រដៀងប៉ុណ្ណោះ ឬដូចមួយផ្នែកតូចណាសោះ។
៣- អ្នកខ្លះពេលឃើញមិត្តភ័ក្ដិ (Friend) ក្នុងបណ្ដាញសង្គមខូចចិត្តរឿងបាក់ទឹកចិត្ត ឬតូចចិត្ត ខំធ្វើខ្លួនឲ្យដូចគេជាការលេងកម្សាន្ត។
ប៉ុន្តែប្រសិនបើរាល់ថ្ងៃយើងតែងមានអារម្មណ៍បែបនោះមិនឈប់ វាក៏អាចវិវត្តជាជំងឺផ្លូវចិត្តបានដែរ ព្រោះគ្មានដំណោះស្រាយណាមួយឲ្យអារម្មណ៍បានប្រសើរឡើងវិញ៕
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម