ប្រយ័ត្នផងប្រុសៗគ្នាយើង “អនាម័យដើម្បីសុខភាព’ ពាក្យនេះមានតាំងពីនៅបឋមសិក្សាម្ល៉េះ គ្មានអនាម័យ គឺមានគ្រោះថ្នាក់ ជាក់ស្តែងនៅប្រេស៊ីល ប្រុសៗដល់ទៅ ១.០០០នាក់ ត្រូវកាត់អាអូនតូចចោល រៀងរាល់ឆ្នាំ ដោយសារអត់អនាម័យ។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រយ័ត្នផងប្រុសៗគ្នាយើង “អនាម័យដើម្បីសុខភាព’ ពាក្យនេះមានតាំងពីនៅបឋមសិក្សាម្ល៉េះ គ្មានអនាម័យ គឺមានគ្រោះថ្នាក់ ជាក់ស្តែងនៅប្រេស៊ីល ប្រុសៗដល់ទៅ ១.០០០នាក់ ត្រូវកាត់អាអូនតូចចោល រៀងរាល់ឆ្នាំ ដោយសារអត់អនាម័យ។
ប្រធានាធិបតីប្រេស៊ីល Jair Bolsonaro បានលើកឡើងពីបញ្ហានេះ ក្នុងសន្និសីទសារព័ត៌មាន នៅឯរដ្ឋធានី Brasilia ក្រោយទស្សនកិច្ចនៅក្រសួងអប់រំរួច។ លោកថា “នៅប្រេស៊ីល យើងមានករណីកាត់ប្រដាប់ភេទប្រុស ១.០០០នាក់/ឆ្នាំ ដោយសារខ្វះទឹក និងសាប៊ូ“។ ចំណែកសមាគមសិក្សាពីតម្រង់នោម នៅប្រេស៊ីល ក៏បញ្ជាក់ពីតួលេខដូចគ្នានេះដែរ។ ប្រុសៗជាច្រើន ត្រូវបង្ខំកាត់ប្រដាប់ភេទចោល ដោយសារឆ្លងមេរោគមិនអាចព្យាបាលបាន រួមមានទាំងមហារីក និងមេរោគអេដស៍។
ប្រធានាធិបតីរូបនេះ បន្ថែមថា រដ្ឋាភិបាល នឹងចាប់ផ្ដើមធ្វើការជាមួយប្រុសៗរងគ្រោះ ដើម្បីជួយឲ្យយល់ដឹងបន្ថែមពីគ្រោះថ្នាក់ដោយសារកង្វះអនាម័យ។
យោងតាមសមាគមមហារីកអាមេរិក អនាម័យប្រដាប់ភេទ ជាកត្ដាសំខាន់ជួយបង្ការមហារីកលិង្គ ក្នុងចំណោមប្រុសៗមិនកាត់ចុង។ ការសិក្សាជាច្រើន រកឃើញថា ប្រុសៗកាត់ចុង មានភាពប្រឈមតិច ទៅនឹងការកើតជំងឺ ដោយសារវាជួយបង្ការកើតមានសារធាតុ Smegma។
អត្ថបទពាក់ព័ន្ធ៖
យោងតាមវិទ្យាស្ថានមហារីក Dana-Farber មហារីកលិង្គ ជាជំងឺកម្រ និងកើតលើប្រុសៗ ១/១០ម៉ឺននាក់ នៅអាមេរិកខាងត្បូង និងអឺរ៉ុប។ ការព្យាបាលជំងឺ អាស្រ័យលើទំហំផលប៉ះពាល់ និងការរីកធំនៃដុំមហារីក។ ការវះកាត់យកកោសិកាមហារីកចេញ ជាជម្រើសមួយក្នុងការព្យាបាល។
ប្រសិនបើមហារីក ស្ថិតនៅដំណាក់កាលដំបូង ប្រុសៗ ចាំបាច់កាត់ស្បែក ឬផ្នែកខ្លះ នៃលិង្គ។ ប្រសិនបើស្ថិតនៅដំណាក់កាលធ្ងន់ធ្ងរ ប្រុសៗ ចាំបាច់កាត់ប្រដាប់ភេទចោលទាំងអស់តែម្ដង។ នេះបើតាមរបាយការណ៍ស្រាវជ្រាវមហារីករបស់ចក្រភពអង់គ្លេស។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ