ពេលទៅពិនិត្យសុខភាពម្តង ព្រោះត្រូវរង់ចាំយូរ ទើបដឹងលទ្ធផល។ ប៉ុន្តែ ឆាប់ៗនេះ យើងមិនត្រូវការចំណាយពេលយូរថ្ងៃរង់ចាំលទ្ធផលទៀតទេ ព្រោះអ្នកវិទ្យាសាស្ត្រអាមេរិក បង្កើតបានឧបករណ៍តេស្តជំងឺថ្មីអាចរកវត្តមានបាក់តេរីបង្កជំងឺក្នុងរាងកាយយើង ត្រឹមតែរយៈពេលប៉ុន្មាននាទីប៉ុណ្ណោះ។
ក្រុមអ្នកស្រាវជ្រាវមកពីសាកលវិទ្យាល័យ រដ្ឋ Pennsylvania សហរដ្ឋអាមេរិក បានបង្កើតឧបករណ៍គំរូដោយមានបំពាក់បច្ចេកវិទ្យាមីក្រូ (បច្ចេកវិទ្យាធ្វើឡើងក្នុងឧបករណ៍តូចៗបំផុត) ដើម្បីចាប់មើលវត្តមានកោសិកាបាក់តេរី ហើយអាចមើលពិនិត្យមើលក្នុងមីក្រូទស្សន៍អេឡិចត្រុង។
ឧបករណ៍ថ្មីនេះ អាចឲ្យគ្រូពេទ្យដឹងថាយើងមានជំងឺ ឬគ្មាន តាមរយៈវត្តមានបាក់តេរី ត្រឹមតែ ៣០ នាទីប៉ុណ្ណោះ ហើយអាចចេញវេជ្ជបញ្ជាភ្លាមៗតែម្តង ខណៈជាធម្មតា ត្រូវការពេលប្រហែល ៣-៥ ថ្ងៃ ទើបដឹងលទ្ធផល។
