បារាំង ជា​ប្រទេស​មាន​ការ​ទុកចិត្ត​លើ​វ៉ាក់សាំង ទាប​បំផុត​នៅ​លើ​ពិភពលោក

    បារាំង ជា​ប្រទេស​មាន​ការ​ទុកចិត្ត​លើ​វ៉ាក់សាំង ទាប​បំផុត​នៅ​លើ​ពិភពលោក

    វ៉ាក់សាំង មាន​ច្រើន​ប្រភេទ​ណាស់ ហើយ ជាទូទៅ ត្រូវ​ចាក់​បញ្ចូល ឬ​បន្ដក់​តាម​មាត់​ទារក ដើម្បី​បង្ការ​ការ​កើត​ជំងឺ​ធ្ងន់ធ្ងរ នៅពេល​ធំឡើង។ ប៉ុន្ដែ​តាមការ​ស្ទង់មតិ​មួយ បង្ហាញ​ថា បារាំង ជាប្រទេស​មាន​ការទុកចិត្ត​លើ​វ៉ាក់សាំង​បង្ការ​ជំងឺ​នានា ទាប​បំផុត​នៅ​លើ​ពិភពលោក។

    ពលរដ្ឋ​បារាំង ១/៣ មិន​យល់ស្រប​ថា វ៉ាក់សាំង​មាន​សុវត្ថិភាពទេ។ នេះបើតាម​ការ​ស្ទង់មតិ​លើ​មនុស្ស​ជាង ១៤​ម៉ឺន​នាក់ ក្នុង​ប្រទេស​ចំនួន ១៤៤។ លទ្ធផល រកឃើញ​ថា ប្រទេស​ចំណូល​ខ្ពស់ មាន​ទំនុកចិត្ត​ទាប​លើ​វ៉ាក់សាំង ហើយ​ជាលទ្ធផល វាពាក់ព័ន្ធ​នឹង​ការកើនឡើង​ចលនា​ប្រឆាំង​នឹង​វ៉ាក់សាំង ដែល​មនុស្ស​លែងជឿ​លើ​សារៈប្រយោជន៍​វ៉ាក់សាំង ឬ​អះអាង​ថា ការ​ចាក់វ៉ាក់សាំង មាន​គ្រោះថ្នាក់។

    យោងតាម​របាយការណ៍​អង្គការ​សហប្រជាជាតិ ក្មេងៗ​ប្រមាណ ១៦៩​លាន​នាក់ ពុំបាន​ចាក់​វ៉ាក់សាំង​បង្ការ​ជំងឺ​កញ្ជ្រឹល ចាប់តាំង​ពី​ឆ្នាំ​២០១០ ដល់​ឆ្នាំ​២០១៧។

    តាមរយៈ​ការស្ទង់​មតិដដែល អ្នកចូលរួម ៧៩% យល់ស្រប​ថា វ៉ាក់សាំង​មាន​សុវត្ថិភាព ហើយ ៨៤% ជឿថា វ៉ាក់សាំង​មាន​ប្រសិទ្ធភាព។ ប៉ុន្ដែ ការ​ទុកចិត្ត​ទៅ​លើ​វ៉ាក់សាំង នៅ​ក្នុង​ប្រទេស​អឺរ៉ុប មាន​ត្រឹម ២២% ប៉ុណ្ណោះ ទាំង​ការ​ជឿថា វ៉ាក់សាំង​មាន​សុវត្ថិភាព និង​ប្រសិទ្ធភាព។

    អត្ថបទពាក់ព័ន្ធ៖

    ពាក់ព័ន្ធ​នឹង​បញ្ហា​ពលរដ្ឋ​ប្រទេស​អភិវឌ្ឍ​មាន​ទំនុកចិត្ត​ទាប​លើ​វ៉ាក់សាំង លោក Imran Khan អ្នក​ដឹកនាំ​ក្នុង​ការ​ស្ទង់មតិ លើកឡើង​ថា “​​បើ​ពួកគេ មិន​ចាក់​វ៉ាក់សាំង ពួកគេ​នៅតែ​ប្រឈម​នឹង​ការ​ឆ្លង​ជំងឺ​តិចតួច ហើយ​នៅពេល​ពួកគេ​ឆ្លង​មេរោគ ពួកគេ​មិន​ប្រឈម​ខ្ពស់​នឹង​ការ​ស្លាប់​ទេ ដោយសារ​ពួកគេ​មាន​ប្រព័ន្ធ​សុខាភិបាល​ល្អ“។

    ក្នុង​ករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ គីង ច័ន្ទវាសនា​ កែសម្រួល​ចុងក្រោយ 19/06/2019
    ត្រួតពិនិត្យដោយ វេជ្ជ. ចាន់ ស៊ីណេត