ប្រទេសវៀតណាម នឹងសម្រេចគោលដៅ ដោយអភិវឌ្ឍផ្នែកបច្ចេកវិទ្យាវេជ្ជសាស្រ្ត សម្រាប់បម្រើវិស័យសុខាភិបាលដល់ប្រជាពលរដ្ឋខ្លួនឲ្យបានប្រមាណ៩០% នៅទូទាំងប្រទេសត្រឹមឆ្នាំ២០២៥។
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប្រទេសវៀតណាម នឹងសម្រេចគោលដៅ ដោយអភិវឌ្ឍផ្នែកបច្ចេកវិទ្យាវេជ្ជសាស្រ្ត សម្រាប់បម្រើវិស័យសុខាភិបាលដល់ប្រជាពលរដ្ឋខ្លួនឲ្យបានប្រមាណ៩០% នៅទូទាំងប្រទេសត្រឹមឆ្នាំ២០២៥។
តាមក្រសួងសុខាភិបាលវៀតណាម ទិសដៅខាងលើ ត្រូវបានអាជ្ញាធរវៀតណាមកំពុងរៀបចំបណ្តើរៗ តួយ៉ាង ការធ្វើកំណត់ហេតុឯកសារសុខភាពតាមបែបឌីជីថល សម្រាប់ប្រជាជនវៀតណាម នឹងអនុវត្តចាប់ពីខែកក្កដាខាងមុខនេះ ដែលជាឧទាហរណ៍មួយផ្នែកនៃកម្មវិធីមន្ទីរវៃឆ្លាត (Smart Hospital) ។
នាឱកាស សិក្ខាសាលា នៃការធ្វើកំណត់ហេតុសុខភាពតាមបែបឌីជីថល នាក្រុងហូជីមិញ លោក Trần Quý Tường ប្រធាននាយកដ្ឋានព័ត៌មានវិទ្យា នៃក្រសួងសុខាភិបាលវៀតណាម បានថ្លែងថា ក្រុមការងាររបស់ ក្រសួងបានអភិវឌ្ឍប្រព័ន្ធព័ត៌មានវិទ្យាវៃឆ្លាត សម្រាប់បម្រើលើវិស័យតាំងពីចុងឆ្នាំ២០១៨កន្លងទៅ។ ហើយ Software ឬកម្មវិធីព័ត៌មានវិទ្យាវៃឆ្លាត សម្រាប់បម្រើក្នុងវិស័យសុខាភិបាលនោះ បានយកទិន្នន័យពីផ្នែកសន្តិសុខសង្គមមកប្រើ ដែលរាប់ទាំងព័ត៌មានសុខភាពរបស់ប្រជាជនសម្រាប់ជួយសម្រួលដល់ប្រជាជនទូទាំងប្រទេស។
ជាមួយគ្នានេះ លោក Nguyễn Trường Sơn រដ្ឋលេខាធិការ ក្រសួងសុខាភិបាលវៀតណាមក៏ឲ្យដឹងដែរថា ឆាប់ៗខាងមុខនេះ ប្រជាជនវៀតណាមគ្រប់គ្នា នឹងមានប្រវត្តិកំណត់ហេតុសុខភាពតាមបែបឌីជីថល ហើយធ្វើដូចនេះ នឹងជួយសម្រួលការងារគ្រូពេទ្យ ជួយប្រឹក្សា ជួយព្យាបាលអ្នកជំងឺបានយ៉ាងរលូន តាមប្រព័ន្ធកម្មវិធីបែបថ្មីនេះ។
អត្ថបទពាក់ព័ន្ធ៖
គួររំលឹកដែរថា ប្រព័ន្ធសុខាភិបាលវៀតណាម មកទល់ពេលនេះ កំពុងអនុវត្តផែនការ សម្រាប់ទិសដៅ ប្រព័ន្ធសុខាភិបាលវៃឆ្លាត ដោយផ្អែកលើទិសដៅគ្រឹះបី គឺ ប្រព័ន្ធគ្រប់គ្រងចាត់ចែងវៃឆ្លាត មន្ទីរពេទ្យវៃឆ្លាត និងប្រព័ន្ធគ្រប់គ្រងទិន្នន័យសុខភាពវៃឆ្លាត៕
ក្នុងករណីមានសំណួរ ឬមន្ទិលសង្ស័យជុំវិញបញ្ហាសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Groupមិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ