អាកាសធាតុក្តៅ ប្រើកង្ហារ ដើម្បីបន្ថយភាពស្អុះស្អាប់ បង្កើនបរិយាកាស និងខ្យល់ត្រជាក់ អាចជាទម្លាប់ទៅហើយ ប៉ុន្ដែក្នុងស្ថានភាពខ្លះ ដូចជា ពេលអាកាសធាតុក្តៅខ្លាំង ហើយគ្មានសំណើមនោះ មធ្យោបាយនេះធ្វើឲ្យយើងកាន់តែក្តៅជាងមុន ចង្វាក់បេះដូងលោតកាន់តែញាប់ ឯឡើងសីតុណ្ហភាពក្នុងខ្លួនក៏កាន់តែឡើង(កាន់តែក្ដៅ)។
ប្រើកង្ហារពេលក្តៅខ្លាំង អាចប៉ះពាល់ដល់ចង្វាក់បេះដូង និងកាន់តែក្តៅលើសដើម
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
គួរឲ្យចាប់អារម្មណ៍ ដែលមនុស្សនៅក្នុងស្ថានភាពក្តៅ ហើយសើម ទទួលអត្ថប្រយោជន៍ពីកង្ហារ ចំណែកក្នុងស្ថានភាពក្តៅ ហើយស្ងួត កង្ហាររុញកម្តៅថែមទៀត ទៅកាន់អ្នកប្រើទៅវិញ។ នេះបើតាមការអះអាង និងបញ្ជាក់ពី វេជ្ជបណ្ឌិត Matthew Levy នៅសាលាវេជ្ជសាស្ត្រ Johns Hopkins School of Medicine។
សាស្ត្រាចារ្យ Ollie Jay មកពីមហាវិទ្យាល័យវិទ្យាសាស្ត្រ នៃសាកលវិទ្យាល័យ Sydney របស់អូស្ត្រាលី បានរកឃើញថា ក្នុងស្ថានភាពក្តៅខ្លាំង កង្ហារអាចបង្កើនសីតុណ្ហភាពរាងកាយ និងចង្វាក់បេះដូង។ នេះមានន័យថា បេះដូងត្រូវធ្វើការបន្ថែមទៀត ដើម្បីរក្សាសម្ពាធឈាម ដោយសារពេលក្តៅ ឈាមបានជ្រាបទៅក្នុងស្បែក ដើម្បីជួយឲ្យត្រជាក់ ហើយបេះដូង ត្រូវលោតច្រើនដង/នាទី។
ដើម្បីកាន់តែច្បាស់ សាស្ត្រាចារ្យ Ollie Jay និងក្រុមការងារ បានធ្វើការសិក្សាមួយ លើបុរស ១២នាក់ ដោយឲ្យពួកគេ ស្ថិតក្រោមការប្រើប្រាស់កង្ហាររយៈពេល ២ម៉ោង។ បុរសទាំង ១២នាក់ ប្រើកង្ហារក្នុងស្ថានភាពក្តៅ ហើយស្ងួត និងក្តៅ ហើយសើម។ លទ្ធផល រកឃើញថា ការប្រើកង្ហារនៅក្នុងស្ថានភាពក្តៅ ហើយសើម កង្ហារជួយបន្ថយសីតុណ្ហភាពក្នុងខ្លួន និងចង្វាក់បេះដូង។ ចំណែកក្នុងស្ថានភាពក្តៅ ហើយស្ងួត កង្ហារបានបង្កើនសីតុណ្ហភាពក្នុងខ្លួន និងចង្វាក់បេះដូង និងធ្វើឲ្យអ្នកចូលរួមក្នុងការសិក្សា មានអារម្មណ៍កាន់តែក្តៅថែមទៀត។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម