ប្រមេះ ជាជំងឺកាមរោគ ឆ្លងតាមរយៈការរួមភេទមិនមានសុវត្ថិភាព។ ជំងឺប្រមេះទឹកថ្លា នៅដំណាក់កាលដំបូង វាពុំមានលេចចេញរោគសញ្ញាទេ រហូត ១-២សប្ដាហ៍ក្រោយឆ្លងមេរោគ ទើបលេចចេញរោគសញ្ញា ដូចជា ពិបាកនោម ឈឺពងស្វាស ឈឺលើថ្ងាសផ្នែកខាងក្រោមពោះ ឬឈឺចាប់ពេលរួមភេទ ជាដើម។
ប្រុសៗកើតប្រមេះទឹកថ្លា ប្រឈមអត់កូន?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកស្រាវជ្រាវអូស្ត្រាលី Ken Beagley មកពីសាកលវិទ្យាល័យ Queensland University of Technology រកឃើញថា ប្រុសៗដែលកើតជំងឺប្រមេះទឹកថ្លា អាចប្រឈមអត់កូន ខណៈករណីជំងឺនេះ កើតឡើងលើប្រុសៗ ប្រមាណ ៥០% ពុំមានលេចចេញរោគសញ្ញានោះទេ។
អ្នកស្រាវជ្រាវ បានយកជាលិកាពងស្វាសរបស់ប្រុសៗអត់កូន (Infertile) ដែលមិនអាចកំណត់មូលហេតុបង្កបាន ទៅពិនិត្យ។ លទ្ធផលរកឃើញ ជាលិកាពងស្វាសរបស់ប្រុសៗ ៤៣/៩៥នាក់ មានផ្ទុកមេរោគជំងឺប្រមេះ។ ទោះនេះជាការរកឃើញភស្ដុតាងដំបូង នៃមេរោគជំងឺប្រមេះលើជាលិកាពងស្វាស និងជាការរកឃើញសំខាន់មួយ ក៏អ្នកស្រាវជ្រាវ មិនទាន់ចាត់ទុកមេរោគប្រមេះ ជាមូលហេតុបណ្ដាលឲ្យប្រុសៗអត់កូននោះទេ។
អត្ថបទពាក់ព័ន្ធ៖ កើតប្រមេះទឹកថ្លា មានគ្រោះថ្នាក់ប៉ុនណា បើទៅពេទ្យអត់ទាន់?
លោក Ken Beagley ពន្យល់ថា ការឆ្លងមេរោគប្រមេះដោយគ្មានលេចចេញរោគសញ្ញា និងការវិវត្តនៃមេរោគ បានធ្វើឲ្យមេជីវិតឈ្មោល ចុះខ្សោយ។ សម្រាប់ការសិក្សាលើសត្វកណ្ដុរ អ្នកស្រាវជ្រាវ រកឃើញថា មេរោគប្រមេះក្នុងកណ្ដុរឈ្មោល បានបង្កើតមេរោគរ៉ាំរ៉ៃមួយ ដោយធ្វើឲ្យខូចខាតដល់ការវិវត្តរបស់មេជីវិតឈ្មោលយ៉ាងខ្លាំង។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម