ព័ត៌មាន

វិធី៥យ៉ាងជួយដល់សុខភាពម្តាយរបស់អ្នកនៅថ្ងៃទិវាមាតាពិភពលោក

ទិវាមាតាពិភពលោក គឺជាថ្ងៃពិសេស ដែលត្រូវបានរៀបចំឡើងដើម្បីបង្ហាញពីសេចក្តីស្រឡាញ់ និងការដឹងគុណចំពោះគាត់។ ការស្រាវជ្រាវជាច្រើនបានបង្ហាញថា ការបង្ហាញនូវការដឹងគុណចំពោះម្តាយ ទាំងនៅថ្ងៃធម្មតា នឹងថ្ងៃពិសេស អាចជួយឲ្យគាត់កាត់បន្ថយភាពតានតឹងមួយផ្នែកធំ និងបង្កើតឲ្យមានអារម្មណ៍ស្ងប់ ដែលជួយដល់សុខុមាលភាពជាទូទៅរបស់គាត់។ ហេតុនេះ ដើម្បីជួយពង្រឹងសុខភាពរបស់ម្តាយអ្នកនាំឱកាសទិវាមាតាពិភពលោកខាងមុខ តាមរយៈការបង្ហាញពីក្តីស្រឡាញ់ និងការដឹងគុណ លោកអ្នកអាចសាកល្បងវិធីដូចខាងក្រោមនេះ៖ ១. សរសេរសំបុត្រដែលបង្ហាញពីការដឹងគុណ វិធីមួយក្នុងចំណោមវិធីដ៏មានអត្ថន័យបំផុតដែលអ្នកអាចធ្វើបានសម្រាប់អ្នកម្តាយរបស់អ្នក គឺការសរសេរសំបុត្របញ្ជាក់ពីទឹកចិត្តរបស់អ្នកទៅកាន់គាត់។ ការចំណាយពេលសរសេរពីរឿងរ៉ាវដែលអ្នកម្តាយរបស់អ្នកបានធ្វើចំពោះអ្នក និងឥទ្ធិពលរបស់គាត់លើជីវិតរបស់អ្នក គឺជាការបង្ហាញពីក្តីស្រឡាញ់ និងការដឹងគុណ ហើយការធ្វើបែបនេះ នឹងបង្កើតឲ្យមានចំណងទំនាក់ទំនងរបស់អ្នកកាន់តែស្អិតល្មួត និងធ្វើឲ្យម្តាយរបស់អ្នកកាត់បន្ថយភាពតានតឹង និងមានអារម្មណ៍ធូរស្រាល ដែលជះឥទ្ធិពលដល់សុខុមាលភាពទាំងមូល។ ២. ចម្អិនអាហារដែលម្តាយរបស់អ្នកចូលចិត្ត ពិតណាស់ម្តាយរបស់យើង បានចម្អិនម្ហូបរាប់ពាន់លើករួចមកហើយសម្រាប់យើង ហេតុនេះ ការចម្អិនម្ហូបដែលគាត់ចូលចិត្ត ឬម្ហូបថ្មីប្លែកដែលគាត់មិនធ្លាប់ភ្លក្ស នឹងធ្វើឲ្យគាត់មានអារម្មណ៍ល្អ ដែលនាំឲ្យគាត់មានសុខភាពផ្លូវអារម្មណ៍ល្អដូចគ្នា។ ការធ្វើបែបនេះ ក៏ជួយឲ្យអ្នកមានអារម្មណ៍ល្អផងដែរ ក៏ដូចជាបង្ហាញពីការដឹងគុណរបស់អ្នកចំពោះម្តាយរបស់អ្នក។ [embed-health-tool-baby-poop-tool] ៣. នាំម្តាយរបស់អ្នកទៅលំហែរនៅខាងក្រៅផ្ទះ ការនាំម្តាយរបស់អ្នកទៅដើរលេងនៅខាងក្រៅ ដូចជា ញ៉ាំអាហារ មើលកុន ឬដើរកម្សាន្តតាមរមណីយដ្ឋាននានា គឺជាការបង្ហាញពីការដឹងគុណរបស់អ្នក និងបង្កើតឲ្យមានការចងចាំថ្មីៗ និងល្អៗ ហើយការធ្វើបែបនេះក៏ជាការបង្ហាញពីការលើកទឹកចិត្តដ៏ធំដល់សុខភាពផ្លូវចិត្តរបស់ម្តាយអ្នកផងដែរ។ ៤. ឲ្យកាដូដែលមានអត្ថន័យ កាដូមិនចាំបាច់មានតម្លៃថ្លៃឡើយ ប៉ុន្តែ អ្នកអាចគិតលើកាដូដែលផ្តល់ការកម្សាន្ត និងការចាប់អារម្មណ៍ចំពោះម្តាយរបស់អ្នក ដូចជា សៀវភៅដែលគាត់ចង់អាន ដំណាំសម្រាប់ដាំក្នុងសួនច្បាររបស់គាត់ គ្រឿងអលង្ការ ឬឧបករណ៍ហាត់ប្រាណ ជាដើម។ […]

ព័ត៌មាន

វីរុស COVID-19កំពុងរាតត្បាត ទៅផ្សារទិញអីវ៉ាន់គួរអនុវត្តវិធានការទាំងនេះ

ការរាតត្បាតនៃវីរុស COVID-19 បានធ្វើឲ្យការរស់នៅប្រចាំថ្ងៃរបស់យើងមានការប្រែប្រួល រួមទាំងការទៅទិញទំនិញជាដើម។ មនុស្យើងសតែងបារម្ភថាមានវីរុសនៅលើកញ្ចប់ទំនិញ ឬនៅលើម្ហូបអាហារផ្សេងៗដែរឬយ៉ាងណា។ ប៉ុន្តែបច្ចុប្បន្នមិនទាន់មានភស្តុតាងដែលបញ្ជាក់ថាវីរុសនេះអាចឆ្លងតាមអាហារទេគឺមានតែរកឃើញថា វីរុសនេះគឺឆ្លងពីមនុស្សម្នាក់ទៅមនុស្សម្នាក់តាមរយៈដំណក់ទឹកមាត់ ឬវត្ថុរាវរបស់អ្នកជំងឺដែលវិជ្ជមានវីរុសនេះ។ ម៉្យាងទៀតក៏អាចឆ្លងតាមរយៈការប៉ះវត្ថុផ្សេងៗដែលមានវីរុសជាប់លើនោះតាមរយៈវត្ថុរាវអ្នកមានវីរុស COVID-19 ហើយយកដៃមកប៉ះមុខ មាត់ និងភ្នែក។ ដើម្បីការពារការឆ្លងតាមរយៈការប៉ះវត្ថុផ្សេងៗជាពិសេសនៅពេលទៅទិញទំនិញ អត្ថបទនេះនឹងបង្ហាញវិធីខ្លះៗ។ មុននឹងចេញទៅផ្សារ ពិចារណាថាយើងចាំបាច់ត្រូវទៅឬអត់៖ ប្រសិនជាយើងត្រូវការរបស់ប្រើប្រាស់បន្តិចបន្តួច យើងគួរចៀសវាងចេញទៅក្រៅ និងរៀបចំផែនការទិញម្ហូបអាហារសម្រាប់រយៈពេលមួយ ឬពីរសប្តាហ៍ម្ដង។ ទៅទិញនៅពេលមិនសូវមានមនុស្ស៖ យើងអាចព្យាយាមទៅទិញម្ហូបនៅផ្សារ ឬផ្សារទំនើបអំឡុងពេលមិនសូវមានមនុស្ស និងគួរទិញរបស់របរ ឬម្ហូបនៅកន្លែងតែមួយចៀសវាងទៅច្រើនកន្លែង។ ទៅម្នាក់ឯង៖ យកល្អគួរទៅម្នាក់ឯង ព្រោះនេះអាចកាត់បន្ថយចំនួនមនុស្សដែលចូលទៅក្នុងផ្សារ និងអាចការពារសមាជិកគ្រួសារបានទៀត។ មិនគួរចេញទៅផ្សារប្រសិនជាយើងមានរោគសញ្ញា៖ ប្រសិនជាយើងមានរោគសញ្ញាដូចជាក្ដៅខ្លួន ក្អក ឬពិបាកដកដង្ហើម យើងមិនគួរចេញពីផ្ទះទេលើកលែងតែទៅមន្ទីរពេទ្យ ហើយបើយើងត្រូវការអ្វីមួយនោះ យើងអាចឲ្យមិត្តភក្តិជួយទិញឲ្យបាន។ អត្ថបទពាក់ព័ន្ធ៖ ៣ចំណុចក្រើនរំឭកបន្ថែមពីការលាងដៃការពារកុំឲ្យឆ្លង COVID-19 សំណួររសើប ពីការរួមភេទ អំឡុងពេលមានវិបត្តិ COVID-19 ក្រុងតូចមួយនៅអេស្ប៉ាញគ្មានអ្នកឆ្លងCOVID-19 សូម្បីតែម្នាក់ នេះជាវិធានការ WHO ថា ទោះអាកាសធាតុក្តៅខ្លាំងយ៉ាងណា ក៏មិនអាចសម្លាប់ COVID-19 បានដែរ សត្វខ្លាមួយក្បាលនៅសហរដ្ឋអាមេរិក តេស្តឃើញមានផ្ទុកវីរុស COVID-19 នៅហាងទំនិញ ឬផ្សារ លាងសម្អាតដៃញឹកញាប់៖ គួរសម្អាតដៃមុននឹងចូល និងក្រោយចេញពីហាងទំនិញ។ យើងក៏គួរសម្អាតដៃមុន និងក្រោយជ្រើសរើសទំនិញដែរ។ ប្រើក្រដាសជូត៖ យើងគួរយកក្រដាសជូតតាមខ្លួនដើម្បីជូតកន្ត្រកដាក់ទំនិញ។ ពាក់ម៉ាស៖ នៅពេលចេញក្រៅគួរពាក់ម៉ាសដើម្បីការពារការឆ្លងពីអ្នកដែលមានវីរុសប៉ុន្តែមិនមានរោគសញ្ញា។ […]