ការយល់ដឹងបានត្រឹមត្រូវទាក់ទងនឹងការសម្អាតប្រដាប់ភេទនឹងជួយប្រុសៗយើងរក្សាលិង្គឲ្យមានសុខភាពល្អ។ លិង្គមានអនាម័យល្អ ជួយកាត់បន្ថយឱកាសកើតមានបញ្ហារំខានលើលិង្គ និងការឆ្លងរោគផ្សេងៗ ដែលអាចនាំឲ្យមានបញ្ហាសុខភាពផ្សេងៗ។

ដើម្បីរក្សាអនាម័យលិង្គបានល្អ គឺសម្អាតលិង្គជាមួយទឹកក្ដៅឧណ្ហៗឲ្យបានទៀងទាត់។ ជាការល្អ ការលាងសម្អាតលិង្គមិនចាំបាច់ប្រើសាប៊ូនោះទេ តែបើយើងចង់ប្រើ គួរចៀសវាងសាប៊ូមានក្លិនក្រអូបខ្លាំង។

ថែលិង្គ

១. វិធីសម្អាតលិង្គ

ទាញស្បែកគ្របលិង្គថ្នមៗចេញពីចុងលិង្គ
លាងសម្អាតលិង្គ ក្រលៀន និងស្បែកគ្របលិង្គដោយទឹកក្ដៅឧណ្ហៗ
ត្រូវពិនិត្យឲ្យប្រាកដថាស្បែកលិង្គជ្រះស្អាតមិនប្រឡាក់ ដែលការធ្វើដូចនេះនឹងការពារមិនឲ្យកោសិកាងាប់ប្រមូលផ្ដុំនៅស្បែកគ្របលិង្គ។
ប្រុសៗយើងអាចប្រើសាប៊ូមានក្លិនស្រាលដើម្បីសម្អាតលិង្គបានដែរ ប៉ុន្តែមិនត្រូវប្រើច្រើនពេកនោះទេ ព្រោះអាចបណ្ដាលឲ្យស្ងួត ឬរបកស្បែកលិង្គ និងស្បែកគ្រប់លិង្គ។
ប្រើកន្សែងទន់ស្ងួតល្អ ជូតសម្អាតលិង្គ និងក្បាលលិង្គថ្នម
ចំណាំ៖ កុំប្រឹងទាញស្បែកគ្របលិង្គពីចុងលិង្គខ្លាំងៗពេក ព្រោះអាចធ្វើឲ្យចេញឈាមបាន។

ចង់គណនា BMR ចុចទីនេះ !

ចង់គណនា BMI ចុចទីនេះ !

ចង់គណនារង្វាស់ចង្វាក់បេះដូង ចុចទីនេះ !

ចង់ពិនិត្យសុខភាពប្រព័ន្ធរំលាយអាហារ ចុចទីនេះ !

២. តិចនិកផ្សេងទៀត

ចៀសវាប្រើម្សៅហុយលើលិង្គ តាមដែលអាចធ្វើទៅបាន។ ម្សៅហុយអាចប្រមូលផ្ដុំនៅក្រោមស្បែកគ្របលិង្គបាន និងអាចបង្កការរំខាន និងឈឺចាប់។ មួយវិញទៀតបើសិនជាយើងចង់ប្រើម្សៅហុយ ត្រូវប្រយ័ត្នម្សៅចូលរន្ធនោម បើមិនអ៊ីចឹងយើងនឹងមានអារម្មណ៍មិនស្រួលនៅចុងលិង្គមិនខាន។
សម្អាតដៃជានិច្ចមុនពេល និងក្រោយពេលប៉ះពាល់លិង្គ ដើម្បីការពារមេរោគផ្សេងៗតោងជាប់នៅលិង្គ និងដៃ។
ត្រូវស្លៀកខោក្នុងដែលស្អាតជានិច្ច ខោក្នុងមិនស្អាតអាចមានមេរោគតោងជាប់ ធ្វើឲ្យប៉ះពាល់ដល់ស្បែកលិង្គ។
លាងសម្អាតលិង្គក្រោយរួមភេទជាមួយទឹកក្ដៅឧណ្ហៗ ឬសាប៊ូមានក្លិនស្រាល ដើម្បីការពារកុំឲ្យទឹករម្អិលឬប្រេង ប្រមូលផ្ដុំនៅលើលិង្គ។ នោមបន្ទាប់ពីរួមភេទរួច អាចសម្អាតរន្ធនោម និងកម្ចាត់បាក់តេរីចង្រៃចេញពីផ្លូវទឹកនោមបានដែរ និងមិនធ្វើឲ្យយើងឆ្លងរោគនៅផ្លូវទឹកនោម។

ការរក្សាអនាម័យប្រដាប់ភេទបានល្អ មិនត្រឹមតែជួយឲ្យលិង្គមានសុខភាពល្អនោះទេ តែក៏ជួយឲ្យដៃគូរួមភេទរបស់យើងមានសុវត្ថិភាពផងដែរ។ អនុវត្តតាមនិចនិកខាងលើ ដើម្បីឲ្យលិង្គមានអនាម័យល្អ ហើយបើយើងមានបញ្ហាណាមួយកើតមានចំពោះសុខភាពបន្តពូជ ចូរកុំស្ទាក់ស្ទើរក្នុងការជួបពិគ្រោះជាមួយគ្រូពេទ្យ។

អត្ថបទគួរអាន៖

តិចនិកសម្អាតលិង្គ ជួយការពារប្រុសៗកុំឲ្យ​ឆ្លងមេរោគផ្សេងៗ

១. វិធី​សម្អាត​លិង្គ​

២​. តិចនិក​ផ្សេង​ទៀត

តិចនិកសម្អាតលិង្គ ជួយការពារប្រុសៗកុំឲ្យឆ្លងមេរោគផ្សេងៗ

១. វិធីសម្អាតលិង្គ

២. តិចនិកផ្សេងទៀត