វិធីលាងសម្អាតលិង្គឲ្យបានស្អាតជាប្រចាំ ប្រុសៗគួរដឹង

ការលាងសម្អាតលិង្គគឺជាកាតព្វកិច្ចរបស់មនុស្សប្រុសដែលត្រូវធ្វើជាប្រចាំ ប្រសិនបើចង់ឲ្យលិង្គមានសុខភាពល្អ និង​​អាច​ប្រើការបានយូអង្វែង។ បុរសភាគច្រើនអាចមិនសូវយកចិត្ដទុកដាក់ គិតគូរពីទុក្ខធុរៈអាអូនតូចនេះទេ។ ជាក់ស្ដែងណាស់ថា អាអូនតូចនេះ ក៏ត្រូវការមើលថែរក្សា អនាម័យបានល្អ មិនខុសផ្នែកផ្សេងទៀតនៃរាងកាយ ដូចជាភ្នែក អណ្ដាត ត្រចៀក ច្រមុះ នោះដែរ។ ដូច្នេះខាងក្រោមគឺជាបច្ចេកទេសសំខាន់ៗខ្លះជួយដល់បុរសៗដែលចង់​ឲ្យអនាគតសុខភាពលិង្គមានសុខភាពល្អអាចប្រើការបានយូរ៖

ចង់ពិនិត្យជំងឺមហារីកមាត់ស្បូន ចុចទីនេះ!

ចង់ពិនិត្យជំងឺមហារីកក្រពេញអូវែ ចុចទីនេះ!

ចង់ពិនិត្យជំងឺមហារីកសួត ចុចទីនេះ!

១. លាងសម្អាតនឹងទឹកស្អាត ឬទឹកក្ដៅឧណ្ហៗ

យើងត្រូវលាងសម្អាតលិង្គឲ្យបានយ៉ាងហោចពីរដងក្នុងមួយថ្ងៃ ពេលព្រឹក និងពេលល្ងាច ដោយប្រើប្រាស់​​ទឹកក្ដៅឧណ្ហៗ តែបើមិនបានទឹកក្ដៅឧណ្ហៗទេ ក៏បានទឹកស្អាតជំនួស។ ការលាងសម្អាតលិង្គព្រឹកល្ងាចជាប្រ​ចាំ គឺជាទម្លាប់ល្អដោយកំណត់ពេលវេលា ១២ម៉ោង យប់ និងថ្ងៃ ម្យ៉ាងយើងក៏អាចលាង​សម្អាត​ក្នុងកំលុងពេលងូតទឹក​ផង​​​ដែរ។ ការ​លាង​សម្អាត​លិង្គ​មិន​គួរប្រើ​ប្រាស់​សាប៊ូដុសខ្លួន ឬ​គ្រីម​មាន​ជាតិ​កាត់​ខ្លាំង ឬ​សាប៊ូ​មាន​សារធាតុ​សំណើម​ស្បែក​នោះទេ ព្រោះ​វា​អាច​បង្ក​ការ​រលាក​ដល់​ស្បែក​លិង្គ​។ យើងអាចប្រើប្រាស់ទឹកអនាម័យដែលមានលក់នៅលើទីផ្សារ ជាផលិតផលសម្រាប់បុរស ឬស្ដ្រីក៏អាច​ប្រើប្រាស់បាន។ មួយវិញទៀត យើងក៏អាចបន្ថែមការសម្អាត ក្រោយពេលដែលយើងនោមរួច ក៏កាន់​តែពិសេស។

២. ប្រយ័ត្នបំផុតអ្នកមានស្បែកគ្របលិង្គ

អ្នកដែលនិយមរក្សាស្បែកគ្របលិង្គត្រូវតែមានការប្រុងប្រយ័ត្នបន្ដិចហើយ ព្រោះការលាងសម្អាតមិនបានប្រយ័ត្ន អាចនឹងបង្កទៅជាការរលាក ហើយលាងមិនស្អាតល្អ ក៏អាចលាក់ទុកនូវពពួកបាក់តេរីជាប់ស្បែក កើតជារោគសញ្ញា ប៉ះពាល់ដល់សុខភាពលិង្គបាន។ យើង​ត្រូវប្រុងប្រយ័ត្ន ពេលលាងសម្អាត គឺត្រូវបន្ធូអារម្មណ៍ទាញស្បែកគ្របក្បាល​មក​ក្រោយថ្នមៗ ហើយប្រើទឹកអនាម័យលាងសម្អាតជាមួយទឹកស្អាត។ ក្រោយពេលលាងសម្អាតរួចរាល់ហើយ ត្រូវទាញស្បែកគ្របវិញ ប៉ុន្ដែមុនពេលទាញចូល ត្រូវជូតទឹកឲ្យស្ងួតជាមុនសិនទើបជាការល្អ។

៣.ប្រុងប្រយ័ត្ននឹងការកើនឡើង smegma

Smegma គឺជាកាកសំណល់សៗ ប្រមូលផ្ដុំឡើងនៅផ្នែកខាងក្រោម​នៃស្បែកគ្របក្បាលលិង្គ។ វាជាដំណើរធម្មជាតិរបស់មនុស្សប្រុសទាំងអស់ត្រូវមាន ដែលរួមចំណែកកាត់បន្ថយ ភាពកកិតប៉ះគ្នារវាងស្បែកគ្របលិង្គ​នឹងក្បាលលិង្គផងដែរ ប៉ុន្ដែរឿងដែលគួរព្រួយបារម្មណ៍នោះគឺ ប្រសិនជាវាកើតឡើងច្រើន​ នឹងបង្កជាបញ្ហា ដែលអាចបង្កឲ្យលិង្គមានក្លិនមិន​ល្អ កកើតជាបាក់តេរី បង្កើតជាជំងឺរលាក រមាស់ចុងលិង្គ គួបផ្សំនឹងប៉ះគ្នាជាមួយទឹកនោមដែលយើងមិនបាន​លាងទឹកទៀតនោះ កាន់តែបង្កបញ្ហាដល់សុខភាពលិង្គថែមទៀត។

៤.លាងសម្អាតបរិវេណជុំវិញលិង្គ

ចំណុចនេះគឺការសរុបរួម ការលាងសម្អាតជុំវិញបរិវេណតំបន់សម្ងាត់ ដែលបុរសៗត្រូវចាប់អារម្មណ៍ ជាពិសេសសម្រាប់​​​បុរសៗដែលរួមភេទញឹក​ញាប់ និងផ្លាស់ប្ដូរដៃគូច្រើន។ ការរួមភេទជាមួយដៃគូច្រើន ប្រាដកណាស់ថា នឹងមាន​ជាប់ទឹករម្អិល​ពីដៃគូដែល​តោងជាប់ស្បែក ជាប់រោម ដែលត្រូវពិនិត្យមិនអាចភ្លេចខ្លួនបាន។ ការមិនបាន​លាងសម្អាតឲ្យបានល្អ នឹងបង្កជាជំងឺសើស្បែកច្រើនប្រភេទប៉ះពាល់ដល់សុខភាពលិង្គបាន។