បុរសៗខ្លះអត់ចូលចិត្ដទុករោមនៅបរិវេណប្រដាប់ភេទនោះទេ ព្រោះគិតថាវាមានការរំខាន ពិបាកសម្អាត ពិសេសគឺមិនមានភាពទាក់ទាញពីដៃគូរបស់គាត់អំឡុងពេលរួមភេទ។ ប៉ុន្ដែក៏មានបុរសខ្លះទៀតចូលចិត្ដរក្សាទុកឲ្យដុះតាមដំណើរធម្មជាតិ ព្រោះយល់ថាការរក្សាទុកគឺមានប្រយោជន៍ដល់សុខភាពផ្លូវភេទ ជួយការពារពីការកកិតនឹងសម្លៀកបំពាក់ ម្យ៉ាងវិញទៀតវាមិនមានការរំខានអ្វីច្រើននោះទេ ដែលទាំងនេះគឺអាស្រ័យលើការយល់ឃើញរបស់បុគ្គលម្នាក់ៗប៉ុណ្ណោះ។
វិធីកោររោមប្រដាប់ភេទមួយណា សុវត្ថិភាពសម្រាប់ប្រុសៗ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
ជាក់ស្ដែងណាស់ចំពោះបុរសៗដែលចូលចិត្ដភាពស្អាតរលីង គឺប្រាកដជាមិនទុកនោះទេ។ ហើយវិធីដែលប្រើច្រើនកន្លងមកនោះគឺមាន៤សំខាន់ៗដូចជា៖
ការកោរដោយប្រើឡាម៖ គឺជាវីធីមួយងាយស្រួល និង ពេញនិយមច្រើន ព្រោះវាត្រូវបានគេចាត់ទុកជាទម្លាប់ដូចគ្នាទៅនឹងការកោរពុកចង្ការប្រចាំសប្ដាហ៍ផងដែរ។ ប៉ុន្ដែអនុវត្ដវិធីនេះ ត្រូវប្រុងប្រយ័ត្ន និង ត្រូវថ្នមបំផុត ព្រោះក៏ងាយនឹងមានការមុត រលាត់ស្បែក។ ម្យ៉ាងវិញទៀត មុនពេលកោរ យើងអាចផ្សើមទឹក និង លាបជែលបន្ទន់រោមជាមុនសិនទើបមានសុវត្ថិភាព។
ការបាញ់ឡាស៊ែ៖ ការប្រើប្រាស់ម៉ាស៊ីនបាញ់ឡាស៊ែកម្ចាត់រោម វិធីនេះបុរសៗមិនសូវធ្វើនោះទេ ព្រោះត្រូវចំណាយលុយច្រើន និង ធ្វើការច្រើនដង។ គោលដៅក្នុងការបាញ់ឡាស៊ែ គឺកំចាត់ចោលរោម មិនឲ្យដុះមកវិញ វិធីនេះអាចធ្វើយ៉ាងហោច ចន្លោះពី៤ ដង ម្យ៉ាងវិញទៀតត្រូវធ្វើដោយអ្នកជំនាញ មិនអាចធ្វើដោយខ្លួនឯងបាននោះទេ។
ការកាត់ដោយកន្ដ្រៃ៖ ការប្រើប្រាស់កន្ដ្រៃ វិធីនេះអាចមានអ្នកធ្វើច្រើន ពិសេសសម្រាប់អ្នកដែលមិនចង់ឲ្យរោមដុះលឿន គេប្រើកន្ដ្រៃដើម្បីកាត់ឬ ច្រឹបឲ្យខ្លី។ វីធីនេះមានភាពងាយស្រួល លឿន និងសុវត្ថិភាព។ បច្ចុប្បន្នដោយសារមានកន្ដ្រៃអឡិចត្រនិកគឺកាន់តែមានភាពងាយស្រួល រហ័ស និង ធ្វើបានស្អាតជាងមុន។
ការប្រើប្រាស់ជែលជម្រុះ៖ វិធីសាស្ដ្រមួយនេះក៏ពេញនិយម ព្រោះវាមានភាពងាយស្រួល និង កាត់បន្ថយការដុះមកវិញបានយូរជាងកោរ និង កាត់ធម្មតា។ ប៉ុន្ដែវិធីនេះ ប្រសិនជាធ្វើមិនបានល្អ អាចប្រឈមនឹងការរលាក ការឡើងកន្ទួលក្រហម រមាស់ បញ្ហាស្បែកដោយសារជាតិកាត់ ករណីខ្លះអាចកើតជាអាលែកហ្ស៊ីស្បែក។
តើវិធីមួយណាមានសុវត្ថិភាពហើយល្អ?
បើគិតទៅដល់វិធីសុវត្ថិភាព និង ភាពងាយស្រួល គឺការប្រើប្រាស់កន្ដ្រៃកាត់ ឬច្រឹប។ វីធីនេះថ្វីដ្បិតតែធ្វើមិនសូវបានស្អាតល្អ១០០% ប៉ុន្ដែផ្ដល់ប្រយោជន៍ច្រើន ជួយឲ្យយើងជៀសផុតពីហានិភ័យផ្សេងៗដូចជា ការមុត រលាក ឬរលាត់ស្បែក។ លើសពីនេះទៀត កាត់បន្ថយសន្ទុះនៃការដុះមកវិញ ងាយស្រួលសម្អាត និងលឿន ពិសេសកន្ដ្រៃមួយអាចប្រើប្រាស់បានច្រើនដង។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
តើបន្ទាប់ពីការកោរ កាត់ ជម្រុះ រោមអាចដុះមកវិញដូចដើមដែរទេ?
លក្ខណៈទូទៅ រោមប្រដាប់ភេទមានភាពខុសគ្នា នឹងរោមនៅលើដងខ្លួន និងសក់ក្បាល។ តាមការបង្ហាញរបស់ មន្ទីរព្យាបាល mayoclinic អាមេរិកបានបង្ហាញថា រោមដុះឡើងវិញ គឺមិនមានភាពដូចដើមនោះទេ វាប្រែប្រួលទាំងពណ៌ សន្ទុះនៃការលូតលាស់លឿន ទំហំធំ ប៉ុន្ដែមានកម្រាស់ស្ដើងជាងមុន។ ពោលវាកាត់បន្ថយបរិមាណដុះពី១០០% មកសល់តែ៨០ទៅ ៩០%ប៉ុណ្ណោះ។ បរិមាណនៃការលូតលាស់ នឹងធ្លាក់ចុះរហូតបន្ដិចម្ដងៗ ទៅតាមចំនួនកោរ។ ប៉ុន្ដែក្នុងករណីដែល ការលូតមានការ កើនឡើងច្រើនជាងមុនពេលកោរ នោះប្រហែលអាចបណ្ដាលមកពីលក្ខខណ្ឌសុខភាព និង ផ្នែកវិជ្ជសាស្ដ្រ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម