សរសៃអាអកជាសរសៃឈាមធំបំផុតក្នុងរាងកាយ ហើយនៅពេលដែលជញ្ជាំងអាអកចុះខ្សោយ និងបោង សរសៃឈាមអាចនឹងលេចធ្លាយ ហើយជួនកាលអាចផ្ទុះបែកតែម្ដង។ បញ្ហាប៉ោងសរសៃអាអកនេះ អាចបណ្ដាលឲ្យកើតជំងឺខ្សោយបេះដូង ខូចតម្រងនោម ក៏ដូចជាគ្រោះថ្នាក់សរសៃឈាមខួរក្បាលថែមទៀតផង។
ខ្សោយបេះដូង ខូចតម្រងនោម អាចមកពីប៉ោងសរសៃឈាមអាអក
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ប៉ោងសរសៃអាអកមានប៉ុន្មានប្រភេទ និងកើតឡើងដោយសារអ្វី?
ទីតាំងនៃការប៉ោងសរសៃអាអកត្រូវបានបែងចែកជា៣ផ្នែក មួយផ្នែកនៅក្នុងប្រហោងបេះដូងដែលហៅថាAscending aorta មួយផ្នែកនៅក្នុងទ្រូងហៅថាArch និងdescending aorta និងមួយទៀតនៅក្នុងពោះ ដែលហៅថាAbdominal aortic aneurysm។ ការប៉ោងសរសៃអាអកកើតឡើងដោយសារមូលហេតុជាច្រើន ដូចជាលើសសម្ពាធឈាម ជក់បារី ការឆ្លងមេរោគ កូលេស្តេរ៉ូលខ្ពស់ និងការរងរបួសភ្លាមៗ។ ទន្ទឹមនឹងនេះដែរ វិបត្តិហ្សែនមួយចំនួនក៏អាចធ្វើឲ្យសរសៃអាអកចុះខ្សោយ ព្រមទាំងបណ្ដាលឲ្យប៉ោងសរសៃអាអកផងដែរ។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
រោគសញ្ញានៃការប៉ោងសរសៃអាអក
ការប៉ោងសរសៃអាអក អាចបណ្ដាលឲ្យមានរោគសញ្ញាដូចជា វិលមុខ ចង្វាក់បេះដូងលោតញាប់ ឈឺទ្រូង ឈឺពោះ ពិបាកដកដង្ហើម ហើមមុខ និងដៃ ព្រមទាំងពិបាកលេបអាហារ។
ចុះបើយើងមិនព្យាបាលបញ្ហាប៉ោងសរសៃអាអក?
សរសៃអាអកដែលប៉ោងធំទៅៗ អាចនឹងដាច់រហែកនៅក្នុងជញ្ជាំងសរសៃឈាម ដែលនាំឲ្យសរសៃឈាមរួមតូច និងរាំងស្ទះលំហូរឈាមពីបេះដូង និងផ្នែកផ្សេងៗទៀតនៃរាងកាយ។ សម្ពាធឈាមដែលកើនឡើងនៅក្នុងជញ្ជាំងសរសៃឈាម ក៏អាចបណ្ដាលឲ្យដាច់រហែកសរសៃអាអកដូចគ្នា។
អត្ថបទគួរអាន៖
- គន្លឹះសំខាន់ៗ រក្សាសម្ពាធឈាមឲ្យនៅកម្រិតល្អចំពោះសុខភាព
- ខ្ទឹមសមានអត្ថប្រយោជន៍ដល់បេះដូង សម្ពាធឈាម និងឆ្អឹង
- សម្ពាធឈាមខ្ពស់ប៉ះពាល់សុខភាព ចុះសម្ពាធឈាមទាបម៉េចដែរ?
- មានកូលេស្ដេរ៉ូល និងសម្ពាធឈាមខ្ពស់ ប្រឈមកើតជំងឺបេះដូងខ្លាំង
- សូណា ជួយបេះដូង និងសម្ពាធឈាម ដូចហាត់ប្រាណដែរ
- ផឹកទឹកប៉េងប៉ោះ ១កែវ/ថ្ងៃ បន្ថយសម្ពាធឈាម និងកូលេស្តេរ៉ូល
គន្លឹះជួយបង្ការ ឬកាត់បន្ថយហានិភ័យនៃការប៉ោងសរសៃអាអក
កត្តាជាក់លាក់មួយចំនួន ដូចជាសម្ពាធឈាមខ្ពស់ កូលេស្តេរ៉ូលខ្ពស់ ឬជក់បារី សុទ្ធតែអាចបង្កើនហានិភ័យនៃការប៉ោងសរសៃអាអក។ ដូច្នេះហើយ គ្នាយើងអាចកាត់បន្ថយហានិភ័យនៃការប៉ោងសរសៃអាអកនេះបាន ដោយការប្រកាន់ខ្ជាប់បែបបទរស់នៅល្អ ដូចជាញ៉ាំអាហារដែលមានតុល្យភាព ដែលរួមមានបន្លែ ផ្លែឈើស្រស់ គ្រាប់ធញ្ញជាតិ និងហាត់ប្រាណជាទៀងទាត់ ក៏ដូចជាបញ្ឈប់ការជក់បារី។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម