ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ថ្លើមមានមុខងារសំខាន់ៗជាច្រើននៅក្នុងរាងកាយរបស់យើង ដូចជាជួយកំណត់កម្រិតជាតិគីមីភាគច្រើននៅក្នុងឈាម និងបញ្ចេញចោលទឹកប្រមាត់ ដើម្បីជួយកម្ចាត់កាកសំណល់។ រាល់ឈាមចេញពីក្រពះ និងពោះវៀននឹងឆ្លងកាត់ថ្លើម ហើយថ្លើមបានបំបែក ធ្វើឲ្យឈាមមានតុល្យភាព ក៏ដូចជាបង្កើតសារធាតុចិញ្ចឹមនៅក្នុងរាងកាយទាំងមូល។
ដូច្នេះហើយ ការថែទាំថ្លើមឲ្យមានសុខភាពល្អ គឺជារឿងចាំបាច់បំផុត ហើយការសង្កេតមើលពីសញ្ញាព្រមានដែលទាក់ទងនឹងថ្លើម ក៏ជារឿងដែលយើងមិនគួរមើលរំលងដែរ។ សញ្ញាព្រមានទាំង៦នេះ បញ្ជាក់ថាថ្លើមរបស់យើងកំពុងតែមានបញ្ហាហើយ។
ការឈឺចាប់នៅបរិវេណខាងស្ដាំផ្នែកខាងលើនៃពោះគឺជាសញ្ញាបង្ហាញថាថ្លើមរបស់យើងកំពុងតែមានបញ្ហា។ ជាក់ស្ដែង ថ្លើមមានមុខងារបន្សាបជាតិពុល និងជួយឲ្យរាងកាយច្រោះកាកសំណល់ ក៏ដូចជាជួយរាងកាយបំប្លែងអាហារទៅជាសារធាតុចិញ្ចឹម។ នៅពេលដែលថ្លើមមានជំងឺ វាមិនអាចដំណើរការប្រកបដោយប្រសិទ្ធភាព ហើយវានឹងមានអាការៈហើម ព្រមទាំងឈឺចាប់។
ជាមួយគ្នានេះដែរ ថ្លើមព្យាយាមជួសជុលខ្លួនឯងដោយបង្កើតជាជាលិកាស្លាកស្នាម ។ ជាលិកាស្លាកស្នាមកាន់តែច្រើន មានន័យថាថ្លើមប្រឹងប្រែងបំពេញមុខងារកាន់តែខ្លាំង ហើយជាលទ្ធផល វានឹងបណ្ដាលឲ្យយើងកើតសម្ពាធឈាមនៅសរសៃឈាមវ៉ែនផូក ។ សារធាតុរាវនឹងកកកុញនៅលើជើង ដែលនាំឲ្យកើតមានអាការៈហើមនៅជើង កំភួនជើង ឬលើភ្លៅទាំងសងខាង។
នៅពេលដែលថ្លើមមិនអាចទប់ទល់នឹងជាតិពុលពីគ្រឿងស្រវឹង ភេសជ្ជៈដែលមានជាតិស្ករសិប្បនិម្មិត អាហារដែលមានជាតិខ្លាញ់ខ្ពស់ និងថ្នាំមួយចំនួនទេនោះ វាអាចនឹងផ្ទុកជាតិពុលមិនរលាយនៅក្នុងកោសិកាខ្លាញ់។
ជាញឹកញាប់ អាលែកហ្ស៊ីបណ្ដាលមកពីថ្លើមមិនសូវសកម្ម និងដំណើរការហួសកម្រិត។ នៅពេលដែលមានសារធាតុច្រើនជ្រុលចូលទៅក្នុងចរន្តឈាម ខួរក្បាលនឹងចាត់ទុកថាវាជាភ្នាក់ងារបង្កជាអាលែកហ្ស៊ី រួចបញ្ចេញអង់ទីករ និងសារធាតុគីមី ដែលបង្កឲ្យមានកន្ទួលរមាស់។
អាការៈភ្នែក និងស្បែកឡើងពណ៌លឿង ជារោគសញ្ញានៃការខូចមុខងារណាមួយ។ ជាទូទៅ ថ្លើមដែលមានជំងឺនឹងធ្វើឲ្យប្រព័ន្ធរាងកាយមានសារធាតុbilirubin ច្រើន ហើយវាជាសារធាតុពណ៌លឿនដែលបានបង្កើតឡើងដោយការបំផ្លាញនៃកោសិកាឈាមក្រហមដែលងាប់នៅក្នុងថ្លើម។ នៅពេលដែលថ្លើមមិនអាចកម្ចាត់ចោលសារធាតុbilirubin ជាមួយនឹងកោសិកាឈាមក្រហមចាស់ៗទេនោះ ភ្នែក និងស្បែករបស់យើងនឹងប្រែទៅជាពណ៌លឿង។
អត្ថបទគួរអាន៖
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម
