ជំងឺថ្លើម

ជំងឺថ្លើម - ក្នុង​ផ្នែក​នេះ ​បងប្អូន​អាច​ស្វែងយល់​ពី​បញ្ហា​ដែល​បង្ក​ឲ្យ​កើត​ជា​បញ្ហា​ ឬ​ជាជំងឺថ្លើម​ ​​ផលវិបាក ​ការការពារ​ និង​ការ​ព្យាបាល

ចំណេះដឹងទូទៅ

ជំងឺថ្លើម

សញ្ញាទាំង ៦ បង្ហាញថាសុខភាពថ្លើមចាប់ផ្តើមចុះខ្សោយហើយ!

ទម្លាប់រស់នៅមិនល្អប្រចាំថ្ងៃ ដូចជា ការជក់បារី ផឹកស្រា ឬកើតស្ដ្រេសរ៉ាំរៃជាដើម អាចបង្កឲ្យប៉ះពាល់ដល់សុខភាពថ្លើម ឬកើតជំងឺផ្សេងៗដោយមិនដឹងខ្លួន។ ខាងក្រោមគឺជាសញ្ញាសុខភាពអាចឲ្យយើងសម្គាល់ដឹងបានខ្លះ​​ថា ថ្លើមរបស់យើងមានសុខភាពមិនល្អ។​ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ១.កើតជំងឺខាន់លឿង ជំងឺខាន់លឿងជាប្រភេទជំងឺម្យ៉ាងដែលធ្វើឲ្យស្បែក និង ភ្នែកអ្នកជំងឺមានសភាពលឿង។ បញ្ហា​លឿង​នេះ​កើត​ឡើង​ដោយសារ​តែ​សារធាតុ bilirubin ដែលផលិតពីកោសិកាគ្រាប់ឈាមក្រហម ហើយថ្លើមមិនអាចបំបែកបាន។ ក្នុងករណីដែលថ្លើមមិនអាចបំបែកសារធាតុនេះបាន នោះមានន័យថា សុខភាពថ្លើមចុះខ្សោយ អាចមានជំងឺ ដូចជា ក្រិនថ្លើម ឬរលាកថ្លើមជាដើម។ ដូច្នេះប្រសិនបើជួបប្រទះជំងឺខាន់លឿង ត្រូវទៅជួបគ្រូពេទ្យឲ្យបានឆាប់តាមដែលអាចធ្វើទៅបាន។ ២.ឡើងកន្ទួលក្រហម ការឡើងកន្ទួលក្រហមរមាស់លើស្បែកដោយគ្មានមូលហេតុ ក៏ជាសញ្ញាបង្ហាញថាថ្លើមមានសុខភាពខ្សោយហើយ។ ពីព្រោះថា ការឡើងកន្ទួលរមាស់ចេញពីខាងក្នុងស្បែកបណ្ដាមកពីទឹកប្រមាត់មានការកើនឡើងខណៈដែលថ្លើមគ្មានលទ្ធភាពក្នុងការគ្រប់គ្រងបានល្អ។ ការរមាស់នេះថ្វីដ្បិតតែមិនបង្កផលប៉ះពាល់ដល់ស្បែក ប៉ុន្ដែវាជា រោគសញ្ញាមួយបង្ហាញពីសុខភាពថ្លើម។ ៣.អស់កម្លាំង ខ្សោយឆាប់អស់កម្លាំងក៏ជាសញ្ញាមួយពាក់ព័ន្ធទៅនឹងសុខភាពថ្លើម។ ព្រោះថា នៅពេលដែលថ្លើមមានបញ្ហា គឺគ្មាន​សមត្ថភាពអាចបំបែកជាតិពុលក្នុងអាហារ ហើយក៏មិនអាចស្រូបយកសារធាតុសំខាន់ៗដើម្បីចិញ្ចឹមរាងកាយបានគ្រប់គ្រាន់ផងដែរ។ ម្យ៉ាងវិញទៀត អាការៈខ្សោយ ឆាប់អស់កម្លាំងនេះ ក៏ជារោគសញ្ញាមួយក្នុងចំណោមរោគសញ្ញាដទៃទៀត នៃជំងឺរលាកថ្លើម។ ៤.បាត់បង់ចំណង់អាហារ សុខភាពថ្លើមមិនល្អ ក៏បណ្ដាលឲ្យបាត់បង់ចំណង់អាហារ និងស្រកគីឡូខុសធម្មតា។ ព្រោះថ្លើមមានមុខងារបំប្លែងសារធាតុចិញ្ចឹមចេញពីរបបអាហារ ដើម្បីបំពេញតម្រូវការប្រើប្រាស់របស់រាងកាយ។ ប្រសិនបើថ្លើមមានបញ្ហារលាក ឬខូចខាតកោរសិកាណាមួយ មិនអាចបំពេញមុខងារបានល្អទេនោះនឹងធ្វើឲ្យប៉ះពាល់ផ្នែកផ្សេងនៃទៀត នៃប្រព័ន្ធរំលាយអាហារ បណ្ដាលឲ្យអ្នកជំងឺបាត់ចំណង់អាហារ ស្រកគីឡូ […]

ស្វែងរក ជំងឺថ្លើម

ជំងឺថ្លើម

សញ្ញាខូចថ្លើមដំណាក់កាលដំបូងពីការផឹកគ្រឿងស្រវឹងច្រើនជ្រុល

ការ​ផឹក​គ្រឿង​ស្រវឹង​ច្រើន​ជ្រុល​ អាច​បង្ក​គ្រោះថ្នាក់​ធ្ងន់ធ្ងរ​ដល់​ថ្លើម​ ករណីខ្លះ​​ថ្លើម​ខូចមិន​អាច​ព្យាបាល​បាន​ ឬបើករណីស្រាលៗ​​​ប៉ះពាល់​ដល់​សុខភាព​ផ្សេងៗ។ ជាក់​ស្ដែង ​មាន​កត្តា​ជា​ច្រើន​អាច​ប៉ះពាល់​ដល់​សុខភាព​ថ្លើម​តួ​យ៉ាង ដូចជា​ជំងឺ​ថ្លើម​សុទ្ធតែជាប់ទាក់ទង ឬបណ្ដាលមកពីការទទួលទាន​គ្រឿង​ស្រវឹងលើសកម្រិតជាចំណែកនៃដើមចមបណ្ដាលឲ្យ​មាន​ជំងឺ​ថ្លើម​បី​ផ្សេង​គ្នា គឺ​ជំងឺ​ខ្លាញ់​រុំ​ថ្លើម ជំងឺ​រលាក​ថ្លើម​ និង​ក្រិន​ថ្លើម​។ យ៉ាង​ណា​មិញ ​គ្នា​យើង​​គួរ​សង្កេត​មើល​​រោគ​សញ្ញា​​ខូច​ថ្លើមដំណាក់កាលដំបូងៗ ​បណ្ដាល​មក​ពី​គ្រឿង​ស្រវឹង​​​​ ក៏​ដូចជា​ចាត់​វិធានការ​​ឲ្យ​បាន​ត្រឹមត្រូវ ​ទើប​ជា​ការ​ប្រសើរ។​​ ​​១. អស់​កម្លាំង ពិត​ណាស់​ អាការៈ​អស់​កម្លាំង​អាច​ជា​រោគសញ្ញា​ដំបូង​ដែល​បញ្ជាក់​ពី​បញ្ហា​ថ្លើម​ ដែល​អាច​កើត​ឡើង​ដោយ​សារ​វីរុស ការ​ផឹក​គ្រឿង​ស្រវឹង​ច្រើន​ជ្រុល​ ឬ​ជំងឺ​តំណ​ពូជ។ អាការៈ​នេះ​ជា​សញ្ញា​ទូទៅ ​អាច​មាន​សភាព​ស្រាល​ ឬ​អាច​បណ្ដាល​ឲ្យ​មាន​ផលវិបាក​ធ្ងន់ធ្ងរ​។ ​​២. ចំណង់​អាហារ​ធ្លាក់​ចុះ ឬ​បាត់បង់​ចំណង់​អាហារ​ ទន្ទឹម​នឹង​នេះ ការ​ញ៉ាំ​គ្រឿង​ស្រវឹង​ច្រើន​ជ្រុល​ ក៏​អាច​បង្អាក់​ចំណង់​អាហារ​របស់​យើង​ដូច​គ្នា​។ វា​អាច​ធ្វើ​ឲ្យ​យើង​មាន​អារម្មណ៍​ចង់​ក្អួត និង​មិន​សូវ​មាន​ថាមពល​។ លើស​ពី​នេះ ដោយ​សារ​តែ​កង្វះ​សារធាតុ​ចិញ្ចឹម​ និង​សារធាតុ​រ៉ែ​ត្រឹមត្រូវ​នៅ​ក្នុង​រាងកាយ​ គ្រឿង​ស្រវឹង​ក៏​អាច​រួម​ចំណែក​ដល់​ការ​បំផ្លាញ​កោសិកា​ថ្លើម​ផង​ដែរ​​។ ចង់ពិនិត្យមហារីកពោះវៀនធំ ចុចទីនេះ! ចង់គណនា BMR ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ៣. ចង្អោរ​ ជំងឺ​ថ្លើម​ ដូចជា​ជំងឺ​រលាក​ថ្លើម​បណ្ដាល​មក​ពី​ជាតិ​អាកុល​​អាច​នាំ​ឲ្យ​យើង​ចង្អោរ និង​ក្អួត ព្រម​ជាមួយ​នឹង​ការ​ឈឺ​ចាប់​ក្នុង​ពោះ និង​មិន​ស្រួល​​ពោះ។ លើស​ពី​នេះ យើង​អាច​នឹង​មាន​អាការៈ​​ក្ដៅ​ខ្លួន​តិច​តួច និង​មិន​ស្រួល​ពេញ​​ខ្លួន​តែ​ម្ដង។ ៤. ស្រក​ទម្ងន់​ដោយ​មិន​ដឹង​មូលហេតុ​ ជាមួយ​គ្នា​នេះ​ដែរ ការ​ញ៉ាំ​គ្រឿង​ស្រវឹង​ច្រើន​ជ្រុល​អាច​​ធ្វើ​ឲ្យ​ចំណង់​អាហារ​ថយ​ចុះ ឬ​បាត់បង់​ចំណង់​អាហារ​ ហើយ​ការ​​ស្រក​ទម្ងន់​យ៉ាង​ឆាប់​រហ័ស​ក៏​អាច​ជា​សញ្ញា​នៃ​ការ​ខូច​ថ្លើម​ដោយ​សារ​តែ​គ្រឿង​ស្រវឹង​​។ ថ្វី​ត្បិត​តែ​ទម្ងន់​រាងកាយ​សម​ល្មម​ ជា​គន្លឹះ​នៃ​​ការ​ថែទាំ​សុខភាព​ថ្លើម​ក៏​ពិត​មែន​ ប៉ុន្តែ​ការ​ប្រែប្រួល​ទម្ងន់​រាងកាយ​​ភ្លាម​ៗ ក៏​អាច​​​បញ្ជាក់​ពី​បញ្ហា​សុខភាព​ធ្ងន់ធ្ងរ​ដែរ​។ គួរ​អាន៖ ឆ្លងរោគក្នុងពោះវៀនចេញរោគសញ្ញាទាំងនេះ […]


ជំងឺថ្លើម

​ថ្លើម​ដំណើរការ​មិន​ប្រក្រតី ​អាច​បង្កជាបញ្ហា​អ្វី​ខ្លះ?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ថ្លើម​ជា​ផ្នែក​មួយ​ដ៏​សំខាន់​​នៃ​រាងកាយ​របស់​យើង។​ មុខងារ​ចម្បង​របស់​ថ្លើម​ គឺ​​ច្រោះ​ឈាម​ចេញ​ពី​បំពង់​រំលាយ​អាហារ​មុន​ពេល​បញ្ជូន​ទៅ​កាន់​សរីរាង្គ​​​ទាំង​អស់​។ ជាមួយ​គ្នា​នេះ​ដែរ​ ថ្លើម​ក៏​បន្សាប​ជាតិ​គីមី និង​ធ្វើ​មេតាប៉ូលីស​ថ្នាំ ​ហើយ​វា​ក៏​មាន​​តួនាទី​បញ្ចេញ​ទឹក​ប្រមាត់​ទៅ​ក្នុង​ពោះវៀន​ផង​ដែរ​។ ប៉ុន្តែ​ ប្រសិនបើ​សរីរាង្គ​មួយ​នេះ​ដំណើរការ​មិន​ប្រក្រតី តើ​មាន​រឿង​អ្វី​កើត​ឡើង​? ១.​ បញ្ហា​ខូច​​ថ្លើម​ បញ្ហា​សុខភាព​មួយ​នេះ កើត​ឡើង​នៅ​ពេល​ដែល​​ថ្លើម​​ដំណើរការ​មិន​ប្រក្រតី​ និង​មិន​អាច​ផលិត​ទឹក​ប្រមាត់​ ក៏​ដូចជា​មិន​អាច​បញ្ចេញ​សារធាតុ​គ្រោះថ្នាក់​ចេញ​ពី​រាងកាយ​បាន​។ រោគសញ្ញា​​នៃ​បញ្ហា​​ខូច​​ថ្លើម​ ​មាន​ដូចជា​ចង្អោរ មិន​ឃ្លាន​អាហារ​ និង​មាន​ឈាម​​ក្នុង​លាមក​។ ២. ជំងឺ​រលាក​ថ្លើម​ ទន្ទឹម​នឹង​នេះ​ដែរ​ គ្នា​យើង​អាច​នឹង​ងាយ​កើត​ជំងឺ​រលាក​ថ្លើម​ នៅ​ពេល​ដែល​ថ្លើម​ដំណើរការ​មិន​ប្រក្រតី ឬ​ខូច​ថ្លើម​។ ជំងឺ​រលាក​ថ្លើម​​មាន​ច្រើន​ប្រភេទ ដូចជា​ជំងឺ​រលាក​ថ្លើម​ប្រភេទA,B,C,D,E។រ លាក​ថ្លើម​​ប្រភេទ​A,E ឆ្លង​តាម​រយៈ​ការ​ញ៉ាំ​អាហារ រលាក​ថ្លើម​​ប្រភេទ​B ឆ្លង​តាម​ការ​រួម​ភេទ​ដោយ​មិន​បាន​ការពារ​ ខណៈ​ដែល​រលាក​ថ្លើម​​ប្រភេទC​​ឆ្លង​តាម​ឈាម​ និង​រលាក​ថ្លើម​​ប្រភេទ​D ឆ្លង​តាម​រយៈ​ឈាម​ ឬ​សារធាតុ​រាវ​នៃ​អ្នក​ផ្ទុក​មេរោគ​ចូល​ទៅ​កាន់​រាងកាយ​របស់​យើង​។ ៣. សម្លាក​នៃ​ថ្លើម​ ​​វា​ជា​ដំណាក់កាល​ចុងក្រោយដែលថ្លើមឡើង​​រឹង​ ដែល​បណ្ដាល​មក​ពី​ជំងឺ​ថ្លើម​ និង​លក្ខខណ្ឌ​សុខភាព​ដូចជា​ជំងឺ​រលាក​ថ្លើម និង​ការ​ញៀន​ស្រា​រ៉ាំរ៉ៃ។ ជា​ទូទៅ​ សម្លាក​នៃ​ថ្លើម​ច្រើន​កើត​ឡើង​នៅ​ពេល​ដែល​ថ្លើម​ដំណើរការ​មិន​ប្រក្រតី​ដោយ​សារ​តែ​ជំងឺ​ថ្លើម​ ធាត់​ជ្រុល​ ជំងឺ​ទឹក​នោម​ផ្អែម​ និង​​ជំងឺ​រលាក​ថ្លើម​ដោយ​វីរុស​ ក៏​ដូចជា​ការ​ផឹក​​គ្រឿង​ស្រវឹង​។ ៤. មហារីក​ថ្លើម​ ការ​​ឆ្លង​​មេរោគ​រ៉ាំរ៉ៃ​ដែល​បង្ក​ឡើង​ដោយ​ជំងឺ​រលាក​ថ្លើម​ប្រភេទB ឬ​C ​ឬ​ជំងឺ​ខ្លាញ់​រុំ​ថ្លើម​ដោយ​មិន​ផឹក​គ្រឿង​ស្រវឹង​ និង​ការ​ផឹក​គ្រឿង​ស្រវឹង​ច្រើន​ជ្រុល​ អាច​រំខាន​ដល់​មុខងារ​ថ្លើម​ ដែល​បណ្ដាល​ឲ្យ​កើត​ជំងឺ​មហារីក​។ តិចនិក​​ថែទាំ​ថ្លើម​ឲ្យ​មាន​សុខភាព​ល្អ រក្សា​ទម្ងន់​ឲ្យ​សម​ល្មម​ ញ៉ាំ​អាហារ​ដែល​មាន​តុល្យភាព​ ហាត់​ប្រាណ​ជា​ទៀងទាត់​ កាត់​បន្ថយ​ការ​ផឹក​គ្រឿង​ស្រវឹង​ ជៀសវាង​ប្រើប្រាស់​សម្ភារៈ​រួម​គ្នា​​​ដូចជា ច្រាស់​ដុស​ធ្មេញ ​ឬ​កន្ត្រៃ​កាត់​ក្រចក​។ ចាក់​វ៉ាក់សាំង​ការពារ​ជំងឺ​រលាក​ថ្លើម។


ជំងឺថ្លើម

មូលហេតុសំខាន់ៗមួយចំនួន ធ្វើឲ្យថ្លើមរីកធំខុសធម្មតា

ថ្លើមរីកធំកើតឡើងនៅពេលទំហំថ្លើមធំលើសធម្មតា។ ថ្លើមរីកធំមិនត្រឹមតែជាជំងឺតែម្យ៉ាងនោះទេ តែវាជាសញ្ញា​នៃ​ជំងឺផ្សេងទៀតដែលមានដូចជាជំងឺ​ថ្លើម ខ្សោយបេះដូង ឬមហារីក។ តើមាន​កត្តា​អ្វីខ្លះបណ្តាលឱ្យថ្លើមរីកធំ? ថ្លើមរីកធំបណ្តាលមកពីជំងឺធ្ងន់ធ្ងរមួយចំនួន តែជាធម្មតាបណ្តាលមកពីជំងឺថ្លើម។ កត្តាដែល​អាច​បង្កើនហានិភ័យនៃការកើតជំងឺថ្លើមរួមមាន៖ ការញុំាគ្រឿងស្រវឹងច្រើនជ្រុល៖ អាចធ្វើឱ្យថ្លើមខូច។ ការញុំាថ្នាំពេទ្យ វីតាមីន ឬថ្នាំបំប៉នលើសកម្រិត៖ ការញុំាវីតាមីន ថ្នាំបំប៉ន ឬថ្នាំទាំងមាន ​ឬ​គ្មាន​វេជ្ជបញ្ជា​លើសកម្រិតដែលបានណែនាំក៏អាច​​បង្កើនហានិភ័យនៃការខូចថ្លើមដែរ។ ការញុំាថ្នាំបំប៉នផ្សំពីរុក្ខជាតិ៖ ការញុំាថ្នាំបំប៉នមួយចំនួន ក៏អាចធ្វើឱ្យខូចថ្លើម។ ការឆ្លងមេរោគ៖ ការឆ្លងជំងឺឆ្លង វីរុស បាក់តេរី ឬប៉ារ៉ាស៊ីតអាច​បង្កើន​ហានិភ័យ​នៃការ​ខូច​ថ្លើម។ វីរុសរលាកថ្លើម៖ ការមានជំងឺរលាកថ្លើមប្រភេទ A, B និង C អាចធ្វើ​ឲ្យថ្លើមខូច។ ទម្លាប់នៃការញ៉ាំមិនល្អ៖ ការញ៉ាំអាហារដែលមិនល្អចំពោះ​សុខភាព​ដូច​ជាអាហារ​ដែល​មាន​ជាតិខ្លាញ់ ឬស្ករខ្ពស់ ធ្វើ់ឱ្យយើងធាត់លើសទម្ងន់ និងបង្កើនហានិភ័យនៃការកើតជំងឺថ្លើម។ ចង់ស្វែងយល់ពីបញ្ហាប្រព័ន្ធរំលាយអាហារ ចុចទីនេះ រោគសញ្ញាថ្លើមរីកធំមានអ្វីខ្លះ? ថ្លើមរីកធំប្រហែលជាមិនមានរោគសញ្ញាអ្វីទេ ប៉ុន្តែនៅពេលបង្ក​ជាជំងឺថ្លើម យើងអាច​សង្កេត​ឃើញអាការៈដូចខាងក្រោម៖ ឈឺលើពោះផ្នែកកណ្តាល ឬខាងស្តាំ ញុំាអាហារឆាប់ឆ្អែត អស់កម្លាំង ចង្អោរ និងក្អួត ស្បែក និងភ្នែកឡើងពណ៌លឿង (ជំងឺខាន់លឿង) វិធីល្អបំផុតក្នុងការបង្ការកុំឱ្យថ្លើមរីកធំ គឺថែរក្សាសុខភាពថ្លើមដោយញុំាអាហារដែលល្អចំពោះសុខភាព កាត់បន្ថយការញុំាគ្រឿងស្រវឹង រក្សាទម្ងន់កុំឱ្យធាត់ពេក ញុំាថ្នាំតាមវេជ្ជបញ្ជា កុំញុំាថ្នាំ​លើស​កម្រិត សម្រាកឱ្យបានគ្រប់គ្រាន់ […]


ជំងឺថ្លើម

លេចចេញអាការៈទាំងនេះ អាចថាមាន​ជំងឺ​ក្រិនថ្លើមហើយ

ជំងឺក្រិនថ្លើម គឺជាជំងឺថ្លើមដំណាក់កាលចុងក្រោយ ដែលជាលិកាថ្លើមប្រែទៅ​ជាក្រិន។ នៅពេល​ជំងឺ​ក្រិនថ្លើមវិវដ្ដ​ ជាជាលិកាថ្លើមប្រែ​ទៅជាក្រិនកាន់​តែច្រើនឡើងៗ​ដែលធ្វើឱ្យថ្លើម​ពិបាក​ដំណើរ​ការ។ ជាលទ្ធិផលវាអាចបណ្តាល​ឱ្យគ្រោះថ្នាក់ដល់ជីវិត។ តើអ្នកជំងឺក្រិនថ្លើម​មានអាការៈ​អ្វី​ខ្លះ? អាការៈជំងឺក្រិនថ្លើម គឺអាស្រ័យលើភាពធ្ងន់ធ្ងរនៃជំងឺ។ នៅដំណាក់កាលដំបូង​យើងប្រហែល​ជាមិន​មាន​អាការៈអ្វីទេ។ ប្រសិន​បើមាន យើងអាចច្រឡំ​​អាការៈទាំងនោះនឹងអាការៈជំងឺផ្សេងៗទៀត។ បញ្ហាប្រព័ន្ធរំលាយអាហារ អាការៈ និងរោគសញ្ញាដំបូង​នៃជំងឺក្រិនថ្លើមរួមមាន៖ មិនឈ្លានអាហារ ខ្សោយ ឬអស់កម្លាំង ចង្អោរ គ្រុន ស្រកទម្ងន់ដោយគ្មានមូលហេតុ នៅពេលជំងឺក្រិនថ្លើមវិវដ្ដកាន់តែធ្ងន់ធ្ងរ នឹង​ចេញ​អាការៈកាន់​តែច្រើនទៀតដូចជា៖ លាមកមានពណ៌ស្រាល ទឹកនោមមានពណ៌ទឹកក្រូច ឬពណ៌ត្នោត ងាយឈាមច្រមុះ ឬអញ្ចាញធ្មេញ ងាយជាំ ហើមជើង ប្រអប់ជើង ឬកជើង រមាស់ស្បែក ស្បែកនិងភ្នែកប្រែជាលឿង (ជំងឺខាន់លឿង) កើតទាចទឹក ឡើងសរសៃឈាមដូចពីងពាងនៅលើស្បែក ក្រហមបាតដៃ បាត់រដូវទាំងមិនទាន់ដល់អាយុអស់រដូវ (ស្រ្តី) បាត់បង់ចំណង់ផ្លូវភេទ សុដន់រីកធំ ឬស្វិតពងស្វាស (បុរស) វង្វេង​វង្វាន់​ និយាយត្រដិត មានឈាមក្នុងឈាមក ប្រសិនបើយើងមានអាការៈណាមួយដូចដែលបានរៀបរាប់ខាងលើ ត្រូវទៅ​ជួប​គ្រូពេទ្យ​​ជា​បន្ទាន់​។​ ជាទូទៅការខូចខាតថ្លើមដែលបណ្តាលមកពីជំងឺក្រិនថ្លើម​​​មិនអាចជាវិញទេ។ ប៉ុន្តែប្រសិន​បើ​យើង​ឆាប់ដឹងថាមានជំងឺក្រិនថ្លើម និងធ្វើការព្យាបាលទាន់ពេល យើងអាច​បញ្ឈប់​ថ្លើម​ពី​ការ​ខូច​ខាត​បន្ថែម​​ទៀតបាន។


ជំងឺថ្លើម

បើថ្លើម​ខូច នេះជា​ផលវិបាកដែលយើងអាចជួបប្រទះ

សុខភាព​ថ្លើម​ល្អ ​រាង​កាយ​យើង​ទាំង​មូល​ក៏​មាន​សុខ​ភាព​ល្អ​ទៅ​តាម​ហ្នឹង​ដែរ​ ព្រោះ​ថា​ថ្លើម​បាន​បំពេញ​មុខ​ងារ​ជា​ច្រើន​​សម្រាប់​សុខ​ភាព​រាង​កាយ​ទាំង​មូល​។ ថ្លើម​ជា​សរីរាង្គ​ធំ​ទីពីរ​របស់​រាង​កាយ​ បន្ទាប់​ពី​ស្បែក។ ថ្លើម​​មាន​ទីតាំង​នៅ​​លើ​ថង់ប្រមាត់ ក្បែរ​លំពែង និង​ពោះ​វៀន​។ ១. បើ​ថ្លើម​ខូច ឬ​គ្មាន​ថ្លើម​នឹង​មាន​អ្វី​កើត​ឡើង​លើ​រាង​កាយ? ថ្លើម​គឺ​ជា​សរីរាង្គ​សំ​ខាន់​បំផុត​មួយ​សម្រាប់​ការ​រស់​រាន​មាន​ជីវិត​របស់​យើង​។ នៅ​ពេល​យើង​ខូច​ថ្លើម ឬ​គ្មាន​ថ្លើម រាង​កាយ​យើង​អាច​នឹង​៖ យន្តការ​ធ្វើ​ឲ្យ​មាន​កំណក​ឈាម​ក្នុង​រាង​កាយ​នឹង​ត្រូវ​ប៉ះពាល់​។ ពេល​ឈាម​មិន​កក​ យើង​នឹង​មិន​អាច​គ្រប់​គ្រង​ការ​ហូរ​ឈាម​ពេល​មាន​របួស​បានទេ​។ បាត់​បង់​តម្រង​ចម្រោះ​ជាតិ​ពុល ធ្វើ​ឲ្យ​សារធាតុ​គីមី និង​សារធាតុ​រាង​ក្នុង​ប្រព័ន្ធ​រំលាយអាហារ​ច្រាល​ចូល​ទៅ​ក្នុង​ចរន្ត​ឈាម។ រាង​កាយ​នឹង​ខ្វះ​ខាត​ប្រព័ន្ធ​ភាព​ស៊ាំ​ប្រឆាំង​នឹង​រោគ​ឆ្លង​ផ្សេងៗ​ដូច​ជា​បាក់តេរី និង​​ផ្សិត។ អាការៈ​ហើម​​ខួរ​ក្បាល​អាច​កើត​មាន​ រស់​មិន​បាន​យូរ​ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ២. មុខ​ងារ​សំខាន់​ៗ​របស់​ថ្លើម​ ​​ចម្រោះ​ជាតិ​ពុល និង​បញ្ចេញ​អ័រម៉ូន​៖ ថ្លើម​អាច​ហៅ​បាន​ថា​ជា​សរីរាង្គ​ផង ជា​ក្រពេញ​ផង ដោយ​ហេតុ​ថា​ថ្លើម​បាន​ដើរ​តួ​ជា​ក្រពេញ​សម្រាប់​បញ្ចេញ​អ័រម៉ូន និង​បាន​ដើរ​តួ​ជា​សរី​រាង្គ​ចម្រោះ​ជាតិ​ពុល​ពី​រាង​កាយ​។ បន្សុទ្ធ​ឈាម និង​រំលាយអាហារ​៖ ថ្លើម​​អាច​ធ្វើ​ការ​បាន​មិន​តិច​ជាង​៥០០​មុខ​ងារ​នៅ​ក្នុង​រាង​កាយ​នោះ​ទេ​។ ថ្លើម​ជួយ​ចម្រោះ និង​បន្សុទ្ធ​ឈាម បំបែក​កោសិកា​ឈាម​ចាស់ៗ ផលិត​ប្រូតេអ៊ីន​សម្រាប់​កំណក​ឈាម និង​ការ​ងារ​សំខាន់​ៗ​ជា​ច្រើន​ទៀត​។ ថ្លើម​ក៏​មាន​តួ​នាទី​សំខាន់​ក្នុង​ការ​រំលាយ​អាហារ​ផង​ដែរ ដោយ​បាន​បញ្ចេញ​សារធាតុ​ចាំ​បាច់​សម្រាប់​បំបែក​ខ្លាញ់​។ ក្រៅពី​នេះ​ថ្លើម​ក៏​ ​ផ្ទុក​ជាតិ​គ្លុយកូស ជួយ​គ្រប់​គ្រង​កម្រិត​ជាតិ​ស្ករ​ក្នុង​ឈាម និង​ជា​ឃ្លាំង​ស្តុក​ ជាតិ​ដែក ​វីតាមីន A វីតាមីន​E និងK។ បំបែក​ជាតិ​ពុល​៖ ជាតិ​អាល់​កុល និង​ថ្នាំ​មួយ​ចំនួន​ដែល​យើង​បាន​ផឹក […]


ជំងឺថ្លើម

គ្រឿងស្រវឹងប៉ះពាល់ថ្លើមបែបណា? ញ៉ាំកម្រិតណាសុវត្ថិភាព?

ពេល​យើង​ផឹក​គ្រឿង​ស្រវឹង ថ្លើម​នឹង​ចាប់​ផ្ដើម​បំបែក​ជាតិ​អាល់កុល ដែល​ការ​បំបែក​នេះ​មិន​មែន​ជា​រឿង​ងាយស្រួល​នោះ​ទេ​។ ជាតិ​អាល់កុល​ ឬគ្រឿង​ស្រវឹង​ប៉ះ​ពាល់​ថ្លើម​កម្រិត​ណា​នោះ​អាស្រ័យ​លើ​បរិមាណ​គ្រឿង​ស្រវឹង​ដែល​យើង​ផឹក និង​ញឹក​ញាប់​ប៉ុនណា​។ និយម​ន័យ​ការ​ផឹក​គ្រឿង​ស្រវឹង​ច្រើន​ជ្រុល​អាច​រាប់​ពី​ប្រាំ​បី​កំប៉ុង​ ឬ​ច្រើន​ជាង​នេះ​ក្នុង​មួយ​សប្ដាហ៍​សម្រាប់​ស្រ្តី និង​សម្រាប់​បុរស​ចាប់​ពី​១៥​កំប៉ុង ឬ​ច្រើន​ជាង​នេះ​ក្នុង​មួយ​សប្ដាហ៍​។ ទោះ​ជា​យើង​ផឹក​ជោគ​​ជាំ​​យូរ​ៗ​ម្ដង ក៏​អាច​ធ្វើ​ឲ្យ​រាង​កាយ​មានការ​ខូច​ខាត ឬ​អាច​ស្លាប់​បាន​ផង​ដែរ​។​ ១. គ្រឿង​ស្រវឹង​ប៉ះពាល់​ថ្លើម​ដោយ​របៀប​ណា? បើ​សិន​ជា​យើង​ផឹក​គ្រឿងស្រវឹង​ក្នុង​កម្រិត​តិច​តួច ថ្លើម​អាច​គ្រប់​គ្រង​បាន​មិន​ជា​បញ្ហា​នោះ​ទេ​ ប៉ុន្តែ​បើ​សិន​ជា​យើង​ផឹក​ច្រើន​ នោះ​ថ្លើម​នឹង​ត្រូវ​ធ្វើ​ការ​ធ្ងន់​ដើម្បី​បំបែក​ជាតិ​អាល់​កុល​។ បើ​សិន​ជា​កោសិកា​​ថ្លើម​ធ្វើ​ការ​ធ្ងន់​ធ្ងរ​ពេក អាច​នាំ​ឲ្យ​ថ្លើម​ចាប់​ផ្ដើម​ខូច​។ ការ​ខូច​ថ្លើម​អាច​នាំ​ឲ្យ​កើត​មាន​ជា​ជំងឺ​ខ្លាញ់​រុំ​ថ្លើម​ ឬ​ថ្លើម​មាន​សម្លាក​ និង​ពេល​ខ្លះ​អាច​បង្ក​ទៅ​ជា​ក្រិន​ថ្លើម​។ ការ​ផឹក​គ្រឿង​ស្រវឹង​ដែល​មិន​បង្ក​បញ្ហា​ចំពោះ​សុខ​ភាព​គួរ​អនុវត្ត​ដូច​ខាងក្រោម​៖ ទាំង​ប្រុស និង​ស្រី មិន​គួរ​ផឹក​គ្រឿង​ស្រវឹង​ដូច​ជា​ស្រាបៀរ​លើស​ពី​ពីរ​កំប៉ុង​ក្នុង​មួយ​ថ្ងៃ ឬ​ស្រា​វិញ មិន​គួរ​លើស​ពី​មួយ​កែវ​ក្នុង​មួយ​ថ្ងៃ​។ ក្នុង​ករណី​មាន​កម្មវិធី​ផ្សេងៗ ក៏​មិន​គួរ​ផឹក​ស្រាបៀរ​លើស​ពី​បួន​កំប៉ុង​ដែរ​ក្នុង​មួយ​ថ្ងៃ​។ ក្នុង​ករណី​គ្នា​យើង មិន​អាច​បញ្ឈប់​ខ្លួន​ឯង​ពី​ការ​ផឹក​គ្រឿង​ស្រវឹង យក​ល្អ​គួរ​ពិភាក្សា​ជាមួយ​គ្រូពេទ្យ​ដើម្បី​រក​ដំណោះស្រាយ​លើ​បញ្ហា​នេះ​។​​ ២.​រោគ​សញ្ញា​ខូច​ថ្លើម​ដោយសារ​គ្រឿង​ស្រវឹង​ នៅ​ដំណាក់​កាល​ដំបូង​ៗ​នៃ​ការ​ខូច​ថ្លើម​ដោយ​សារ​គ្រឿង​ស្រវឹង​ ជា​ទូទៅ​មាន​រោគ​សញ្ញា​តិច​តួច ឬ​គ្មាន​តែម្ដង​។ បើ​សិន​ជា​យើង​វិវដ្ដ​ទៅ​ដល់​ដំណាក់​កាល​ក្រិន​ថ្លើម នោះ​រោគ​សញ្ញា​អាច​ធ្ងន់​ធ្ងរ មាន​ដូច​ជា​កើត​លឿង​។​ រោគ​សញ្ញា​ផ្សេង​ទៀត​មាន​ដូច​ជា​ស្រក​ទម្ងន់ ចេះ​តែ​អស់កម្លាំង មិន​ឃ្លាន ហើម​នៅ​កជើង និង​ពោះ វង្វេង ក្អូត​ឈាម ឬ​បត់ជើង​ធំ​មាន​ឈាម ជា​ដើម​។​​ ៣. ផឹក​គ្រឿងស្រវឹង​ច្រើន​អាច​កើត​ជំងឺ​ខ្លាញ់​រុំ​ថ្លើម​ ក្នុង​ដំណាក់​កាល​ដំបូង​ៗ​នៃ​ជំងឺ​ថ្លើម​បង្ក​ដោយ​គ្រឿង​ស្រវឹង អ្នក​ផឹក​ពេល​ខ្លះ​អាច​វិវដ្ដ​ជា​ជំងឺ​ខ្លាញ់​រុំ​ថ្លើម។ នៅ​ដំណាក់​កាល​នេះ ពេល​ខ្លះ​អាច​បាន​ធូរ​ទៅ​វិញ​ដែរ បើ​សិន​ជា​យើង​ឈប់​ផឹក​គ្រឿង​ស្រវឹង។ ដូច​គ្នា គ្រូពេទ្យ​អាច​ណែ​នាំឲ្យ​យើង​ផ្លាស់​ប្ដូរ​របៀប​របប​រស់​នៅ និង​របប​អាហារ​ខ្លះ​ៗ ដើម្បី​ជួយ​ឲ្យ​ថ្លើម​មាន​សុខ​ភាព​ល្អ​ឡើង​វិញ​។ ក្រៅ​ពី​ជំងឺ​នេះ ការ​ផឹក​គ្រឿងស្រវឹង​យូរ​ឆ្នាំ អាច​នាំ​ឲ្យ​កើត​ជំងឺ​ថ្លើម​ដោយសារ​គ្រឿង​ស្រវឹង និង​នាំ​ឲ្យ​ក្រិន​ថ្លើម​ផង​ដែរ​។ ទោះ​បី​យើង​ជា​មនុស្ស​ផឹក​គ្រឿង​ស្រវឹង​ច្រើន​ […]


ជំងឺថ្លើម

ការសិក្សាបង្ហាញ​ថាកូវីដ១៩ ​អាច​បំផ្លាញ​ថ្លើម​ធ្ងន់ធ្ងរ​ និង​បង្ក​ជា​អាប់សែ

ជំងឺ​កូវីដ​-១៩​ជា​ជំងឺ​ផ្លូវ​ដង្ហើម​ ដែល​អាច​បំផ្លាញ​សួត​ធ្ងន់ធ្ងរ​ ហើយ​វា​ថែម​​ទាំង​អាច​ប៉ះពាល់​ដល់​សរីរាង្គ​ដទៃ​ទៀត​នៃ​រាងកាយ​ផង​ដែរ​។ យោង​តាម​ការ​ស្រាវជ្រាវ​ថ្មី​ៗ​នេះ បាន​បង្ហាញ​ថា​​​វីរុស​កូរីដ​​១៩ ក៏​មាន​សមត្ថភាព​បំផ្លាញ​ថ្លើម​ធ្ងន់ធ្ងរ​ និង​បណ្ដាល​ឲ្យ​កើត​ជំងឺ​អាប់សែ​ថ្លើម​ថែម​ទៀត​ផង​។ លទ្ធផល​នៃ​ការ​ស្រាវជ្រាវ​ ​បើ​តាម​ប្រភព​ពី​មន្ទីរពេទ្យ​ទីក្រុង​ដាលី បាន​បញ្ជាក់​ថា​អ្នក​ជំងឺ​កូវីដ​ចំនួន​១៤​នាក់​ដែល​ជា​សះស្បើយ​ពី​​ជំងឺ​កូវីដ១៩​ បាន​ធ្វើ​រោគវិនិច្ឆ័យ​ថា​​កើត​ជំងឺ​អាប់សែ​ថ្លើម​​នៅ​ក្នុង​រយៈពេល​២​ខែ​ចុងក្រោយ​នេះ​។ លោក​វេជ្ជបណ្ឌិត​Anil Arora ប្រធាន​​វិទ្យាស្ថាន​​វិទ្យាសាស្ត្រ​​ថ្លើម​ ​ពោះវៀន​ និង​លំពែង​​បាន​ឲ្យ​ដឹង​ថា នៅ​ក្នុង​រយៈពេល​២២​ថ្ងៃ​ ក្រោយ​ជា​សះស្បើយ​ពី​ជំងឺ​កូវីដ​-១៩​​ ​ក្លែប​ថ្លើម​ទាំង​សង​ខាង​​របស់​អ្នក​ជំងឺ​ដែល​មាន​ការ​ឆ្លើយតប​នឹង​ប្រព័ន្ធ​ភាព​ស៊ាំ  គឺ​ពោរពេញ​ដោយ​ខ្ទុះ​នៅ​ទីតាំង​ជា​ច្រើន​។ រោគ​សញ្ញា​ មូលហេតុ​បង្ក​ និង​ការ​ព្យាបាល​អាប់សែ​ថ្លើម ពិត​ណាស់​ ជំងឺ​អាប់សែ​ថ្លើម​ជា​ជំងឺ​ថ្លើម​ធ្ងន់ធ្ងរ​ ដែល​​ធ្វើ​​ឲ្យ​ថ្លើម​​របស់​អ្នក​ជំងឺ​មាន​គីស​​សុទ្ធ​តែ​ខ្ទុះ។​ ជាក់​ស្ដែង​ ថ្លើម​ជា​សរីរាង្គ​ដ៏​សំខាន់​នៃ​រាងកាយ​ មាន​តួនាទី​ចម្បង​នៅ​ក្នុង​ប្រព័ន្ធ​រំលាយ​អាហារ​ និង​ជួយ​ដល់​​មុខងារ​សំខាន់​ៗ​ដទៃ​ទៀត​។ ជា​ទូទៅ អាប់សែ​ថ្លើម​បង្ក​ឡើង​ដោយ​​ការ​ឆ្លង​មេរោគ​ដែល​រាលដាល​នៅ​សរីរាង្គ​ដទៃ​ទៀត​។ ជំងឺ​នេះ​អាច​ព្យាបាល​យ៉ាង​ងាយ​ស្រួល​ ប្រសិនបើ​យើង​ធ្វើ​រោគ​វិនិច្ឆ័យ​ទាន់​ពេលវេលា​។ ផ្ទុយ​ទៅ​វិញ វា​នឹង​ក្លាយ​ទៅ​ជា​ជំងឺ​រ៉ាំរ៉ៃ​ ប្រសិនបើ​យើង​មិន​ធ្វើការ​ព្យាបាល​ឲ្យ​ទាន់​​ពេល​ទេ​នោះ​។ ក្នុង​ករណី​ដែល​ពុំ​មាន​ការ​ព្យាបាល​អាប់សែ​ថ្លើម​ វា​អាច​បណ្ដាល​ឲ្យ​ការ​ឆ្លង​មេរោគ​ពេញ​រាងកាយ ឬ​ហៅ​ថា​ជំងឺ Sepsis ​ដែល​ជា​ការ​ឆ្លង​មេរោគ​ឈាម​អាច​គ្រោះថ្នាក់​ដល់​អាយុជីវិត​។ រោគ​សញ្ញា​ទូទៅ​មួយ​ចំនួន​យើង​គួរ​ដឹង​ ឈឺ​ពោះ​ ក្អក​ស្ងួត​ ទឹក​នោម​ក្រមៅ រាករូស ​ឈឺ​សាច់ដុំ​ ឬ​ឈឺចាប់​នៃ​សន្លាក់​ឆ្អឹង បាត់បង់​ចំណង់​អាហារ​ ចង្អោរ បែក​ញើស​ លាមក​ប្ដូរ​ពណ៌​ រោគ​សញ្ញា​នៃ​ជំងឺ​ខាន់​លឿង​​ស្រួចស្រាល់​ ​​​​រោគ​សញ្ញា​ធ្ងន់ធ្ងរ​មួយ​ចំនួន​ រួម​មាន​៖ ក្ដៅ​ខ្លួន​ ពិបាក​ដក​ដង្ហើម​ ហត់​ខ្លាំង មមើមមាយ​ វង្វេង​ស្មារតី។​​


ជំងឺថ្លើម

សញ្ញា​ទាំង​៣​បញ្ជាក់​ថា​ថ្លើម​មាន​បញ្ហា ដោះស្រាយ​បែប​ណា​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​ថ្លើម​បំពេញ​មុខងារ​ជា​ច្រើន​ដើម្បី​ជួយ​ឲ្យ​​​រាងកាយ​ដំណើរការ​បាន​ល្អ​ប្រសើរ​ ជា​ពិសេស​វា​​ដើរ​តួ​ជា​តម្រង​​សម្រាប់​ច្រោះ​ជាតិ​ពុល​ចេញ​ពី​រាងកាយ​។​ យ៉ាង​ណា​មិញ ប្រសិនបើ​យើង​ញ៉ាំ​គ្រឿង​ស្រវឹង​ច្រើន​ ការ​បង្ក​រោគ​ដោយ​វីរុស​​​រ៉ាំរ៉ៃ ឬ​ញ៉ាំ​របប​អាហារ​មិន​ត្រឹមត្រូវ​ ថ្លើម​របស់​យើង​នឹង​ចាប់ផ្ដើម​ប្រឈម​នឹង​បញ្ហា​ធ្ងន់ធ្ងរ​។ ខាងក្រោម​នេះ​ជា​សញ្ញា​ទូទៅ​នៃ​ការ​ខ្សោយ​ថ្លើម​ និង​ការ​ព្យាបាល​មួយ​ចំនួន​។ ១. ចាល់​ទឹក​ នេះ​ជា​រោគ​សញ្ញា​ទូទៅ​បំផុត​​នៃ​ជំងឺ​ថ្លើម​ ដែល​កើត​ឡើង​ចំនួន​៥០%​ចំពោះ​អ្នក​ដែល​មាន​ជំងឺ​ក្រិន​ថ្លើម​។ ការ​ប្រមូលផ្ដុំ​សារធាតុ​រាវ​អាច​បណ្ដាល​ឲ្យ​ប៉ោងពោះ​ ឬ​ហើម​ជើង​។ បញ្ហា​នេះ​កើត​ឡើង​នៅ​ពេល​ដែល​សម្ពាធ​ឈាម​ឡើង​ខ្ពស់​នៅ​ក្នុង​សរសៃ​ឈាម​ថ្លើម​ ឬ​នៅ​ពេល​ដែល​ថ្លើម​មិន​អាច​បង្កើត Albumin ដែល​ជា​ប្រូតេអ៊ីន​ការពារ​ការ​លេច​ធ្លាយ​ពី​ចរន្ត​ឈាម​ទៅ​ជាលិកា​។ ញ៉ាំ​របប​អាហារ​ដែល​មាន​ជាតិ​សូដ្យូម​ទាប(អំបិល)​ ដើម្បី​​ជួយ​កាត់បន្ថយ​ការ​ចាល់​ទឹក​។ ប៉ុន្តែ​ប្រសិនបើ​យើង​ចាល់​ទឹក​កម្រិត​មធ្យម​ទៅ​ធ្ងន់ធ្ងរ​ ​គ្រូពេទ្យ​អាច​នឹង​ផ្ដល់​ថ្នាំ​បញ្ចុះ​ទឹក​នោម ដើម្បី​បន្ថយ​អាការៈ​នេះ​។ ២. ជំងឺ​ខាន់​លឿង​ ជំងឺ​នេះ​បណ្ដាល​ឲ្យ​ទឹក​នោម​​មាន​ពណ៌​ស្រអាប់​ និង​ស្បែក​លឿង​។ វា​កើត​ឡើង​នៅ​ពេល​សារធាតុ​​ប៊ឺលីរុយប៊ីន​ ដែល​ជា​សារធាតុ​ពណ៌​​កើត​ឡើង​នៅ​ពេល​កោសិកា​ឈាម​ក្រហម​បែក​បាក់​ ​កកើត​ឡើង​នៅ​ក្នុង​​ចរន្ត​ឈាម​។ ​ថ្លើម​ដែល​មាន​សុខភាព​ល្អ​ ​ស្រូប​យក​សារធាតុ​ប៊ឺលីរុយប៊ីន​ និង​បំប្លែង​​​ទៅ​ជា​ទឹក​ប្រមាត់​។ ជំងឺ​ខាន់​លឿង​ជា​សញ្ញា​ធ្ងន់ធ្ងរ​នៃ​ជំងឺ​ខ្សោយ​ថ្លើម​។ នៅ​ក្នុង​ករណី​នេះ យើង​គប្បី​ពិភាក្សា​ជាមួយ​នឹង​គ្រូពេទ្យ​ ទើប​ជា​ការ​ប្រសើរ​។ ៣. ការ​ធ្លាក់​ឈាម​ ជំងឺ​ក្រិន​ថ្លើម​អាច​ធ្វើ​ឲ្យ​យើង​ប្រឈម​នឹង​បញ្ហា​​ក្អួត​ឈាម​ មាន​ឈាម​ក្នុង​លាមក​ ឬ​ហូរ​ឈាម​តាម​រន្ធ​គូទ​។ ខណៈ​ដែល​ថ្លើម​ដែល​មាន​សុខភាព​បង្កើត​ប្រូតេអ៊ីន​​កំណកឈាម ថ្លើម​ដែល​ឈឺ​មិន​មាន​សមត្ថភាព​ធ្វើ​​បែប​នេះ​ឡើយ​ ដែល​ជា​លទ្ធផល​ធ្វើ​ឲ្យ​មាន​ធ្លាក់​ឈាម​កាន់​តែ​ច្រើន​។ មួយ​វិញ​ទៀត ផ្លាកែត​ទាប​ក៏​អាច​ធ្វើ​ឲ្យ​យើង​ងាយ​នឹង​ឈាម​ច្រមុះ និង​អញ្ចាញ​ធ្មេញ​ផង​ដែរ​។ ប្រសិនបើ​យើង​មាន​ក្អួត​ឈាម​ ចូរ​ប្រញាប់​ទៅ​ពិគ្រោះ​យោបល់​ជាមួយ​នឹង​គ្រូពេទ្យ​ភ្លាម​ៗ​។ គន្លឹះ​មួយ​ចំនួន​ជួយ​ឲ្យ​ថ្លើម​មាន​សុខភាព​ល្អ​ ហាត់​ប្រាណ​​ឲ្យ​បាន​៣០​នាទីក្នុង​មួយ​ថ្ងៃ​ ​យ៉ាង​ហោច​ណាស់​៥​ដង​ក្នុង​មួយ​សប្ដាហ៍ ញ៉ាំ​​របប​អាហារ​សុខភាព​ដូចជា​បន្លែ​ ផ្លែឈើ​ និង​អាហារ​ដែល​មាន​ជាតិ​សរសៃ​ខ្ពស់​​ ព្រម​ទាំង​​កាត់​បន្ថយ​អាហារ​កែច្នៃ​ បង្អែម​ ភេសជ្ជៈ​ដែល​មាន​ជាតិ​ស្ករ​សិប្បនិម្មិត ស្ករ​ចម្រាញ់​ និង​កាបូអ៊ីដ្រាត​​ចម្រាញ់​។ កាត់​បន្ថយ​ការ​ផឹក​គ្រឿង​ស្រវឹង​ រក្សា​ទម្ងន់។


ជំងឺថ្លើម

ចេញរោគសញ្ញាទាំងនេះ អាចថាមានបញ្ហាខូចថ្លើមហើយ

បញ្ហា​ខូច​ថ្លើម​កើត​ឡើង​នៅ​ពេល​ថ្លើម​របស់​យើង​មិន​អាច​បំពេញ​តួនាទី​បាន​ត្រឹម​ត្រូវ​ដូច​ប្រក្រតី​។ រោគ​សញ្ញា​ខូច​ថ្លើម​​អាច​មាន​ដូច​ជា​ចង្អោរ មិន​ឃ្លាន​អាហារ និង​មាន​ឈាម​ក្នុង​លាមក​ជា​ដើម​។ ការ​ព្យាបាល​អាច​រួម​បញ្ចូល​ទាំង​ការ​តប​គ្រឿង​ស្រវឹង និង​ចៀស​វាង​អាហារ​ជាក់​លាក់​មួយ​ចំនួន​។ ១. ខូច​ថ្លើម​មានន័យ​ដូច​ម្ដេច? ថ្លើម​បំពេញ​តួនាទី​សំខាន់​ៗ​ជាច្រើន​រួម​មាន៖ បង្កើន​ប្រូតេអ៊ីនក្នុង​ឈាមជួយ​ឲ្យ​មាន​កំណក​ឈាម ដឹកជញ្ជូន​អុកស៊ីសែន និង​ជួយ​ប្រព័ន្ធ​ភាព​សាំ បង្កើត​ទឹកប្រមាត់ ​ជួយ​ដល់​ការ​រំលាយអាហារ​ ជួយ​រាង​កាយ​ស្តុក​ទុក​ជាតិ​ស្ករ ក្នុង​ទម្រង់​ជា​ glycogen។ ជួយ​កម្ចាត់​ជាតិ​ពុល​ពី​ក្នុង​ចរន្ត​ឈាម​ រួម​ទាំង​ថ្នាំ និង​ជាតិ​អាល់កុល​ បំបែក​ខ្លាញ់​ឆ្អែត និង​ផលិត​កូលេស្តេរ៉ូល​ បញ្ហា​ខូច​ថ្លើម​កើត​ឡើង​នៅ​ពេល​ថ្លើម​របស់​យើង​មិន​អាច​ធ្វើ​ការ​បាន​ល្អ​ទៅ​តាម​តួនាទី​។ ខូច​ថ្លើម​ក៏​អាច​បង្ក​ការ​គំរាម​កំហែង​ដល់​អាយុជីវិត និង​ត្រូវ​ការ​សង្គ្រោះ​បន្ទាន់​ផង​ដែរ​។ ​​២. រោគ​សញ្ញា​នៃ​ការ​ខូច​ថ្លើម រោគ​សញ្ញា​បញ្ហា​ខូច​ថ្លើម​ជា​ញឹក​ញយ​អាច​មាន​ប្រហាក់​ប្រហែល​នឹង​អាការៈ​ជំងឺ​មួយ​ចំនួន​ទៀត​ដែរ ដែល​អាច​ធ្វើ​ឲ្យ​ពិបាក​ក្នុង​ការវិនិច្ឆ័យ​រោគ​នៅ​ដំណាក់​កាល​ដំបូង​ៗ។ នៅ​ពេល​រោគ​សញ្ញា​កាត់​តែ​អាក្រក់ ថ្លើម​ដែល​ខូច​នឹង​កាន់​តែ​ចុះ​ខ្សោយ​។ ខូច​ថ្លើម​រ៉ាំរ៉ៃ ឬ​ខូច​ថ្លើម​ អាច​កើត​ឡើង​ក្នុង​រយៈពេល​យូរ និង​អាច​បង្ក​ឲ្យ​មាន​៖ អាការៈ​អស់​កម្លាំង ចង្អោរ មិន​ឃ្លាន​អាហារ រាក ក្អួត​មាន​ឈាម ឈាម​ក្នុង​លាមក ខូច​ថ្លើម​ក្នុង​ដំណាក់​កាល​ធ្ងន់ធ្ងរ រោគ​សញ្ញា​ក៏​កាន់តែ​អាក្រក់​ដែរ​។ នៅ​ដំណាក់​កាល​បន្ទាប់​នៃ​រោគ​សញ្ញា​បញ្ហា​ខូច​ថ្លើម​រួម​មាន​៖ កើត​លឿង​​ អស់កម្លាំង​ខ្លាំង វង្វេង​វង្វាន់​ ហើម​ពោះ​ព្រោះ​ចាល់​សារធាតុរាវ និង​ហើម​ដៃ ជើង ៣. មូល​ហេតុ​ធ្វើ​ឲ្យ​ខូច​ថ្លើម​ បញ្ហា​សុខ​ភាព​ និង​ជំងឺ​មួយ​ចំនួន​អាច​បង្ក​ឲ្យ​ខូច​ថ្លើម​បាន​ រួម​មាន​ឆ្លង​វីរុស​ថ្លើម​ប្រភេទ​B និង​C ជំងឺ​ខ្លាញ់​រុំ​ថ្លើម​មិន​ដោយ​សារ​គ្រឿង​ស្រវឹង អ្នក​ញៀន​ស្រា និង​លើស​ជាតិ​ដែក​។ ក្នុង​ករណី​ជា​ច្រើន ការ​ខូច​ថ្លើម​រ៉ាំរ៉ៃ អាច​កើត​ចេញ​ពី​ជំងឺ​ក្រិន​ថ្លើម​ដែរ​។ ក្រិន​ថ្លើម គឺ​ជា​សម្លាក​នៅ​លើ​ថ្លើម ដែល​រង​របួស​រយៈ​ពេល​យូរ កើត​ចេញពី​ការ​ផឹក​គ្រឿង​ស្រវឹង​ច្រើន​ជ្រុល​ក្នុង​រយៈពេល​យូរ ឬ​ក៏​មាន​ជំងឺ​ថ្លើម​រ៉ាំរ៉ៃ​។ នៅ​ពេល​ដែល​ជាលិកា​សម្លាក​កាន់​តែ​ច្រើន​ជំនួស​កន្លែង​ជាលិកា​ថ្លើម​ល្អ នោះ​ថ្លើម​នឹង​បាត់​បង់​សមត្ថភាព​បំពេញ​តួនាទី​​របស់​ខ្លួន​។​​​​​ ៤. វិធី​ព្យាបាល ការ​ព្យាបាល​បញ្ហា​ខូច​ថ្លើម​អាស្រ័យ​លើ​ថា​ជា​ការ​ខូច​ថ្លើម​ស្រួចស្រាល់ ឬ​ក៏​ជា​ការ​ខូច​ថ្លើម​រ៉ាំរ៉ៃ។ បើ​សិន​ជា​ខូច​ថ្លើម​រ៉ាំរ៉ៃ​គ្រូពេទ្យ​អាច​ព្យាបាល​ដោយ​រួម​មាន​ការ​ផ្លាស់​ប្ដូរ​របប​អាហារ​ និង​របៀបរបប​រស់នៅ​មួយ​ចំនួន​ ដូច​ជា៖​ ឈប់​ផឹក​គ្រឿង​ស្រវឹង និង​ឈប់​ប្រើ​​ថ្នាំ​ទាំងឡាយ​ណា​ដែល​ប៉ះពាល់​ថ្លើម​ កាត់​បន្ថយ​ការ​ញ៉ាំ​សាច់​ក្រហម ឈីស និង​ស៊ុត​ ​សម្រក​ទម្ងន់ និង​គ្រប់​គ្រង​បញ្ហា​សម្ពាធ​ឈាម​ខ្ពស់ និង​ជំងឺ​ទឹក​នោម​ផ្អែម​ឲ្យ​បាន​ល្អ កាត់​បន្ថយ​អាហារ​ប្រៃ ឬ​អំបិល​ក្នុង​អាហារ​ ​សម្រាប់​ការ​ព្យាបាល​បញ្ហា​ខូច​ថ្លើម​ស្រួច​ស្រាល់​វិញ​អាច​មាន​ដូច​ជា៖ ការ​បំពេញជាតិទឹកដើម្បី​រក្សា​សម្ពាធ​ឈាម ​ប្រើ​ប្រាស់​ឱសថ​តាម​វេជ្ជបញ្ជា តាម​ដាន​កម្រិត​ជាតិ​ស្ករ​ក្នុង​ឈាម ក្រៅពី​នេះ​អ្នក​ជំងឺ​ក៏​អាច​ត្រូវ​បញ្ចូល​ឈាម​ […]


ជំងឺថ្លើម

ទោះមិនផឹកស្រា បញ្ហាសុខភាពទាំងនេះអាចបង្កជំងឺខ្លាញ់រុំថ្លើម

ជំងឺ​ខ្លាញ់​រុំ​ថ្លើម​លើ​អ្នក​មិន​ផឹក​គ្រឿង​ស្រវឹង ក៏​កើត​មាន​ច្រើន​ណាស់​ដែរ​នៅ​ទូទាំង​ពិ​ភព​លោក។ គ្រាន់​តែ​នៅ​សហរដ្ឋអាមេរិក មនុស្ស​ប្រហែល​មួយ​ភាគ​បួន​បាន​រង​ផល​ប៉ះពាល់​ដោយ​សារ​ជំងឺ​មួយ​នេះ​។ ទោះ​ជា​យើង​មិន​ផឹក​គ្រឿងស្រវឹង តែ​បញ្ហា​សុខភាព​មួយ​ចំនួន​ក៏​អាច​ធ្វើ​ឲ្យ​មាន​ជំងឺ​ខ្លាញ់​រុំ​ថ្លើម​បាន​ដែរ​។ ១. រោគ​សញ្ញា ជំងឺ​ខ្លាញ់​រុំ​ថ្លើម​មិន​ដោយសារ​​ផឹក​គ្រឿង​ស្រវឹង ជា​ទូទៅ​មិន​មាន​លេច​ចេញ​ជា​សញ្ញា ឬ​រោគ​សញ្ញា​ណាមួយ​ទេ។ ប៉ុន្តែ​នៅ​ពេល​វា​ចាប់​ផ្ដើម​ចេញ អាច​មាន​ដូច​ជា​៖ អស់កម្លាំង ឈឺ ឬ​ពិបាក​ក្នុង​ពោះ​ខាង​លើ​ផ្នែក​ខាង​ស្ដាំ ​ក្នុង​ករណី​ជំងឺ​ខ្លាញ់​រុំ​ថ្លើម​ប្រភេទ​នេះ បន្ត​វិវត្ត​ធ្វើ​ឲ្យ​ថ្លើម​រលាក ចាប់​ផ្ដើម​ឡើង​ស្នាម​(ក្រិន​) និង​ថ្លើម​ខ្សោយ អ្នក​ជំងឺ​អាច​ចេញ​រោគ​សញ្ញា​មួយ​ចំនួន​ទៀត​ដូច​ជា៖​ ពោះ​ហើម​ប៉ោង​ សរសៃ​ឈាម​ក្រោម​ស្បែក​ចាប់ផ្ដើម​រីក​ធំ​ អណ្ដើក​រីក​ធំ បាត​ដៃ​ឡើង​ក្រហម ស្បែក និង​ភ្នែក​ឡើង​លឿង​(ខាន់​លឿង) ​បើ​សិន​ជា​មាន​ចេញ​រោគ​សញ្ញា​ដូច​បាន​រៀប​រាប់​ខាង​លើ និង​គួរ​ឲ្យ​បារម្ភ គ្នា​យើង​គួរ​ជួប​ពិភាក្សា​ជាមួយ​គ្រូពេទ្យ។​ ២. មូល​ហេតុ​បង្ក​ ​ក្រុម​អ្នក​ជំនាញ​នៅ​មិន​ទាន់​ដឹង​ច្បាស់​ទេ​ថា​ហេតុ​អ្វី​មនុស្ស​មួយ​ចំនួន​មិន​ផឹក​គ្រឿងស្រវឹង​ផង បែរ​ជា​មាន​ជំងឺ​ខ្លាញ់​រុំ​ថ្លើម និង​អ្នក​ខ្លះ​បែរ​ជា​អត់​ទៅ​វិញ។ ដូច​គ្នា​ដែរ អ្នក​ជំនាញ​នៅ​មិន​ទាន់​យល់​បាន​ច្រើន​ទេ​ ថា​ហេតុ​អ្វី​បាន​ជា​ខ្លាញ់​រុំ​ថ្លើម​បង្ក​ឲ្យ​មាន​ការ​រលាក​ ដែល​នាំ​ឲ្យ​កើត​ជា​ក្រិន​ថ្លើម​នោះ​។​ យ៉ាងណា មូល​ហេតុ​បង្ក​មួយ​ចំនួន​ដែល​គេ​អាច​សន្និដ្ឋាន​បាន​រួម​មាន​៖ លើស​ទម្ងន់ ឬ​ធាត់​ មាន​ភាព​ធន់​អាំងស៊ុយលីន ដែល​ជា​ដំណាក់​កាល​កោសិកា​មិន​​ទទួលយក​ជាតិ​ស្ករ​ឆ្លើយ​តប​ទៅ​នឹង​អ័រម៉ូន​អាំងស៊ុយ​លីន​ កម្រិត​ជាតិ​ស្ករ​ក្នុង​ឈាម​ខ្ពស់ អ្នក​បម្រុង​កើត​ជំងឺ​ទឹកនោម​ផ្អែម ឬ​អ្នក​មាន​ជំងឺ​ទឹកនោម​ផ្អែម​ប្រភេទ​២ អ្នក​មាន​កម្រិត​ជាតិ​ខ្លាញ់​ក្នុង​ឈាម​ខ្ពស់ ​បញ្ហា​សុខភាព​ទាំង​នេះ បញ្ចូល​គ្នា ទំនងជា​ធ្វើ​ឲ្យ​មាន​បរិមាណ​ខ្លាញ់​ផ្ទុក​ក្នុង​ថ្លើម​កើន​ឡើង​។ សម្រាប់​មនុស្ស​មួយ​ចំនួន មាន​ខ្លាញ់​ក្នុង​ថ្លើម​លើស​កម្រិត អាច​ប្រែ​ខ្លាញ់​ទាំង​នោះ​ទៅ​ជា​សារធាតុ​បំពុល​កោសិកា​ថ្លើម ធ្វើ​ឲ្យ​ថ្លើម​រលាក និង​អាច​ធ្វើ​ឲ្យ​ថ្លើម​ឡើង​ស្នាម​ ឬ​បង្ក​ជា​ក្រិន​ថ្លើម​។ ៣. កត្តា​ប្រឈម​ផ្សេង​ទៀត​ បញ្ហា​សុខ​ភាព និង​ស្ថាន​ភាព​ជំងឺ​មួយ​ចំនួន​អាច​ធ្វើ​ឲ្យ​មាន​ជំងឺ​ខ្លាញ់​រុំ​ថ្លើម​មិន​ដោយ​សារ​គ្រឿង​ស្រវឹង​ដែរ​។ កត្តា​ទាំង​នោះ​រួម​មាន​៖​ ​អ្នកមាន​កូលេស្តេរ៉ូល​ខ្ពស់​ អ្នក​មាន​កម្រិត​ជាតិ​ខ្លាញ់​ក្នុង​ឈាម​ខ្ពស់ អ្នក​ធាត់ ជាពិសេស​អ្នក​មាន​ខ្លាញ់​ក្បាល​ពោះ​ច្រើន អ្នក​មាន​ជំងឺ​ដេក​បាត់​ដង្ហើម ​ អ្នក​មាន​ជំងឺ​ទឹក​នោម​ផ្អែម​ប្រភេទ​២ និង​ ជា​មនុស្ស​វ័យ​ចំណាស់ ជា​ដើម​។ ​៤. ផល​វិបាក ផល​វិបាក​ធំ​បំផុត​របស់​ជំងឺ​ខ្លាញ់​រុំ​ថ្លើម​មិន​ដោយសារ​គ្រឿង​ស្រវឹង​គឺ​ធ្វើ​ឲ្យ​ក្រិន​ថ្លើម​។ ដោយ​សារ​តែ​ថ្លើម​ព្យាយាម​បញ្ឈប់​ការ​រលាក វា​នឹង​ធ្វើ​ឲ្យ​ផ្នែក​ជា​ច្រើន​នៅ​លើ​ថ្លើម​ឡើង​ស្នាម។ ការ​រលាក​នៅ​តែ​បន្ត ស្នាម​លើ​ថ្លើម​នឹង​បន្ត​រាលដាល​ដែរ ដែល​អាច​គ្រប​ដណ្ដប់​លើ​ជាលិកា​ថ្លើម​បាន​កាន់​តែ​ច្រើន​។ ​បើ​ដំណើរ​ការ​រលាក​មិន​ត្រូវ​បញ្ឈប់​បាន​ទាន់​ពេល នោះ​បញ្ហា​ក្រិន​ថ្លើម​នឹង​​អាច​នាំ​ឲ្យ​៖ កើន​ឡើង​សារធាតុ​រាវ​នៅ​ក្នុង​ពោះ ហើម​សរសៃ​វែន​នៅ​ក្នុង​បំពង់​អាហារ ដែល​អាច​ធ្វើ​ឲ្យ​បែក និង​ចេញ​ឈាម​ វង្វេង​វង្វាន់ […]

advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម
advertisement iconផ្សព្វផ្សាយពាណិជ្ជកម្ម

អ្នកជំនាញវេជ្ជសាស្ត្ររបស់យើង

ក្រុមគ្រូពេទ្យជំនាញ និង​អ្នក​ត្រួតពិនិត្យ​មាតិការាល់ការចេញផ្សាយ សុទ្ធតែជា​ក្រុម​គ្រូពេទ្យ​ដែល​បញ្ចប់ការសិក្សាត្រឹមត្រូវ និង​ទទួល​ស្គាល់​ជាផ្លូវការ​ដោយ​ក្រសួងសុខាភិបាលឬស្ថាប័ន​ពាក់ព័ន្ធ​ផ្លូវការ ដើម្បីលើកស្ទួយ​សហគមន៍​របស់យើង​ដោយ​មាតិកា​ចេញផ្សាយជាបន្តបន្ទាប់សម្រាប់សាធារណជន។ តួនាទីរបស់​ក្រុមគ្រូពេទ្យ ឬ​អ្នក​ជំនាញ​ក្នុងការ​ត្រួតពិនិត្យ​ខ្លឹមសារ​មាតិកា គឺ​ត្រូវ​ប្រាកដ​ច្បាស់ ១០០% ត្រឹមត្រូវ​ទៅតាម​ក្បួនខ្នាតវេជ្ជសាស្ត្រ មិនហួសសម័យ និង​មានមូលដ្ឋាន​ជា​ភ័ស្តុតាង​ត្រឹមត្រូវ​ពី​ការ​ស្រាវជ្រាវ ឬ​ព័ត៌មាន​សុខភាព​ពី​ប្រភព​ទុកចិត្ត​ជាផ្លូវការ។ ក្រុមគ្រូពេទ្យជំនាញ និង​ឯកទេស​របស់យើង​ធ្វើការ​ទាំង​ថ្ងៃទាំងយប់ សម្រាក​តិចម៉ោង ប្រសិន​បើ​តម្រូវ​ឲ្យ​ត្រួតពិនិត្យ​រាល់​មាតិកា​ពី​បញ្ហា​សុខភាព​នានា​ដើម្បី​ចេញ​ផ្សាយ ដើម្បី​ជា​គុណប្រយោជន៍ ជា​ទំនុកចិត្ត ជា​ប្រភព​ព័ត៌មាន​ដ៏​ត្រឹមត្រូវ ឲ្យសាមញ្ញ​ងាយយល់ ក្នុងគោលបំណង​តែមួយ​គត់​គឺ ជួយ​ឲ្យ​រាល់ការសម្រេចចិត្ត​របស់​អ្នក​កាន់តែ​ល្អ និង​ល្អ​បំផុត។

មើល​បន្ថែម​ពី​គ្រូពេទ្យ​ឯកទេស
មើល​បន្ថែម​ពី​គ្រូពេទ្យ​ឯកទេស