ជំងឺថ្លើម

សញ្ញាទាំង ៦ បង្ហាញថាសុខភាពថ្លើមចាប់ផ្តើមចុះខ្សោយហើយ!

ទម្លាប់រស់នៅមិនល្អប្រចាំថ្ងៃ ដូចជា ការជក់បារី ផឹកស្រា ឬកើតស្ដ្រេសរ៉ាំរៃជាដើម អាចបង្កឲ្យប៉ះពាល់ដល់សុខភាពថ្លើម ឬកើតជំងឺផ្សេងៗដោយមិនដឹងខ្លួន។ ខាងក្រោមគឺជាសញ្ញាសុខភាពអាចឲ្យយើងសម្គាល់ដឹងបានខ្លះថា ថ្លើមរបស់យើងមានសុខភាពមិនល្អ។ ចង់គណនា BMR ចុចទីនេះ! ចង់គណនា BMI ចុចទីនេះ! ចង់គណនារង្វាស់ចង្វាក់បេះដូង ចុចទីនេះ! ចង់ពិនិត្យសុខភាពប្រព័ន្ធរំលាយអាហារ ចុចទីនេះ! ១.កើតជំងឺខាន់លឿង ជំងឺខាន់លឿងជាប្រភេទជំងឺម្យ៉ាងដែលធ្វើឲ្យស្បែក និង ភ្នែកអ្នកជំងឺមានសភាពលឿង។ បញ្ហាលឿងនេះកើតឡើងដោយសារតែសារធាតុ bilirubin ដែលផលិតពីកោសិកាគ្រាប់ឈាមក្រហម ហើយថ្លើមមិនអាចបំបែកបាន។ ក្នុងករណីដែលថ្លើមមិនអាចបំបែកសារធាតុនេះបាន នោះមានន័យថា សុខភាពថ្លើមចុះខ្សោយ អាចមានជំងឺ ដូចជា ក្រិនថ្លើម ឬរលាកថ្លើមជាដើម។ ដូច្នេះប្រសិនបើជួបប្រទះជំងឺខាន់លឿង ត្រូវទៅជួបគ្រូពេទ្យឲ្យបានឆាប់តាមដែលអាចធ្វើទៅបាន។ ២.ឡើងកន្ទួលក្រហម ការឡើងកន្ទួលក្រហមរមាស់លើស្បែកដោយគ្មានមូលហេតុ ក៏ជាសញ្ញាបង្ហាញថាថ្លើមមានសុខភាពខ្សោយហើយ។ ពីព្រោះថា ការឡើងកន្ទួលរមាស់ចេញពីខាងក្នុងស្បែកបណ្ដាមកពីទឹកប្រមាត់មានការកើនឡើងខណៈដែលថ្លើមគ្មានលទ្ធភាពក្នុងការគ្រប់គ្រងបានល្អ។ ការរមាស់នេះថ្វីដ្បិតតែមិនបង្កផលប៉ះពាល់ដល់ស្បែក ប៉ុន្ដែវាជា រោគសញ្ញាមួយបង្ហាញពីសុខភាពថ្លើម។ ៣.អស់កម្លាំង ខ្សោយឆាប់អស់កម្លាំងក៏ជាសញ្ញាមួយពាក់ព័ន្ធទៅនឹងសុខភាពថ្លើម។ ព្រោះថា នៅពេលដែលថ្លើមមានបញ្ហា គឺគ្មានសមត្ថភាពអាចបំបែកជាតិពុលក្នុងអាហារ ហើយក៏មិនអាចស្រូបយកសារធាតុសំខាន់ៗដើម្បីចិញ្ចឹមរាងកាយបានគ្រប់គ្រាន់ផងដែរ។ ម្យ៉ាងវិញទៀត អាការៈខ្សោយ ឆាប់អស់កម្លាំងនេះ ក៏ជារោគសញ្ញាមួយក្នុងចំណោមរោគសញ្ញាដទៃទៀត នៃជំងឺរលាកថ្លើម។ ៤.បាត់បង់ចំណង់អាហារ សុខភាពថ្លើមមិនល្អ ក៏បណ្ដាលឲ្យបាត់បង់ចំណង់អាហារ និងស្រកគីឡូខុសធម្មតា។ ព្រោះថ្លើមមានមុខងារបំប្លែងសារធាតុចិញ្ចឹមចេញពីរបបអាហារ ដើម្បីបំពេញតម្រូវការប្រើប្រាស់របស់រាងកាយ។ ប្រសិនបើថ្លើមមានបញ្ហារលាក ឬខូចខាតកោរសិកាណាមួយ មិនអាចបំពេញមុខងារបានល្អទេនោះនឹងធ្វើឲ្យប៉ះពាល់ផ្នែកផ្សេងនៃទៀត នៃប្រព័ន្ធរំលាយអាហារ បណ្ដាលឲ្យអ្នកជំងឺបាត់ចំណង់អាហារ ស្រកគីឡូ […]

ជំងឺថ្លើម

ចង់ឲ្យថ្លើមមានសុខភាពល្អ គួរញ៉ាំ និងចៀសវាងអាហារទាំងនេះ(វីដេអូ)

ថ្លើមមានតួនាទីបំបែកកាបូអ៊ីដ្រាត បង្កើតគ្លុយកូស និងកម្ចាត់ជាតិពុលក្នុងរាងកាយ។ ថ្លើមក៏ស្តុកសារធាតុចិញ្ចឹម និងបង្កើតទឹកប្រមាត់ដែលសំខាន់សម្រាប់ការរំលាយអាហារ និងស្រូបយកសារធាតុចិញ្ចឹមនៅក្នុងអាហារ។ ប្រសិនជាថ្លើមដំណើរការមិនល្អអាចប្រឈមនឹងជំងឺថ្លើម បញ្ហារំលាយអាហារ និងជំងឺទឺកនោមផ្អែមប្រភេទ២។ របបអាហារប្រចាំថ្ងៃបានដើរតួរនាទីសំខាន់ជួយដល់សុខភាពថ្លើមរបស់យើង។ ១. កាហ្វេ កាហ្វេមានផលល្អដល់សុខភាពថ្លើម ជាពិសេសអាចជួយការពារជំងឺខ្លាញ់រុំថ្លើម។ ការសិក្សាបានបង្ហាញ ថាការផឹកកាហ្វេរាល់ថ្ងៃអាចកាត់បន្ថយហានិភ័យជំងឺថ្លើមរ៉ាំរ៉ៃ និងជួយការពារថ្លើមពីការខូចខាតដូចជាជំងឺមហារីកថ្លើម។ ការសិក្សាមួយទៀតបានលើកឡើងថាឥទ្ធិពលការពាររបស់កាហ្វេមកមានឥទ្ធិពលទៅលើអង់ស៊ីមថ្លើម។ ម៉្យាងទៀតកាហ្វេអាចកាត់បន្ថយការកើនឡើងនៃខ្លាញ់ក្នុងថ្លើម និងបង្កើនសារធាតុប្រឆាំងអុកស៊ីតកម្មក្នុងថ្លើម ហើយសមាសធាតុក្នុងកាហ្វេក៏ជួយអង់ស៊ីមថ្លើមក្នុងការកំចាត់សារធាតុបង្កមហារីកដែរ។ ២. តែបៃតង ការសិក្សាឆ្នាំ២០១៥បានសម្គាល់ថាតែបៃតងអាចជួយកាត់បន្ថយជាតិខ្លាញ់ ប្រឆាំងនឹងអាការៈ oxidative stress និងបន្ថយរោគសញ្ញាផ្សេងៗនៃជំងឺខ្លាញ់រុំថ្លើមមិនមែនដោយសារការផឹកស្រា ដែលនេះសុទ្ធតែជាប្រយោជន៍ដល់សុខភាពថ្លើមរបស់យើង។ យកល្អយើងគួរផឹកទឹកតែ តែម្តងល្អជាងញ៉ាំផលិតផលធ្វើពីតែបៃតង។ ៣. ខ្ទឹមស ការបន្ថែមខ្ទឹមសទៅក្នុងរបបអាហារក៏អាចជួយដល់ថ្លើម។ ការសិក្សាមួយបង្ហាញថាការញ៉ាំខ្ទឹមសអាចសម្រកទម្ងន់ និងបន្ថយជាតិខ្លាញ់នៃអ្នកមានជំងឺខ្លាញ់រុំថ្លើមមិនមែនដោយសារការផឹកស្រា។ នេះដោយសារតែជំងឺខ្លាញ់រុំថ្លើមមិនមែនដោយសារការផឹកស្រាបង្កដោយការធាត់ជ្រុល។ ៥. ពពួកបឺរី ពពួកបឺរីដូចជាផ្លែប្លូបឺរី raspberry និងcranberry មានផ្ទុកសារធាតុប្រឆាំងអុកស៊ីតកម្ម polyphenols ដែលអាចការពារថ្លើមពីការខូចខាតបាន។ ៦. ផ្លែទំពាំងបាយជូរ ការសិក្សានៅក្នុងព្រឹត្តិបត្រ World Journal of Gastroenterology បានលើកឡើងថាផ្លែទំពាំងបាយជូរ ទឹកទំពាំងបាយជូរ និងគ្រាប់ទំពាំងបាយជូរសំបូរដោយសារធាតុប្រឆាំងអុកស៊ីតកម្មដែលជួយថ្លើមដោយបន្ថយការរលាក និងបង្ការការខូចខាតថ្លើម។ អត្ថបទពាក់ព័ន្ធ៖ “កាហ្វេ” មានទាំងគុណសម្បត្តិ និងគុណវិបត្តិ តោះ! ទៅថ្លឹងថ្លែងទាំងអស់គ្នា គួរផឹកទៀតអត់? អ្នកម៉ាប់ៗលែងបារម្ភហើយ ផឹកកាហ្វេអាចជួយសម្រកទម្ងន់បាន ញ៉ាំផ្លែទំពាំងបាយជូរ នឹងទទួលបានអត្ថប្រយោជន៍សុខភាពទាំងនេះ ៧. ក្រូចថ្លុង ក្រូចថ្លុងមានសារធាតុប្រឆាំងអុកស៊ីតកម្ម naringin និងnaringenin ដែលអាចជួយការពារថ្លើមពីរបួសដោយបន្ថយការរលាក និងការពារកោសិកាថ្លើម។ សារធាតុទាំងនេះក៏អាចកាត់បន្ថយការកើននៃខ្លាញ់ក្នុងថ្លើម និងបង្កើនអង់ស៊ីមដុតបំផ្លាញជាតិខ្លាញ់។ ផ្លែនេះអាចប្រឆាំងនឹងជំងឺខ្លាញ់រុំថ្លើមមិនមែនដោយសារការផឹកស្រាបាន។ ៨. ត្រីមានខ្លាញ់ច្រើន ត្រីមានខ្លាញ់ច្រើនសំបូរដោយអាស៊ីតខ្លាញ់អូមេហ្គា៣ដែលជាខ្លាញ់ល្អអាចជួយបន្ថយការរលាក។ ខ្លាញ់ទាំងនេះមានប្រយោជន៍ដល់ថ្លើមដោយការពារមិនឲ្យមានជាតិខ្លាញ់កើន និងរក្សាកម្រិតអង់ស៊ីមក្នុងថ្លើម។ ការសិក្សាណែនាំថាគួរញ៉ាំពីរដង ឬច្រើនជាងនេះក្នុងមួយសប្តាហ៍។ ៩. ប្រេងអូលីវ ការញ៉ាំខ្លាញ់ច្រើនពេកគឺមិនល្អសម្រាប់ថ្លើមទេ ប៉ុន្តែខ្លាញ់ខ្លះគឺល្អសម្រាប់ថ្លើម។ ការបន្ថែមប្រេងអូលីវទៅក្នុងរបបអាហារប្រចាំថ្ងៃអាចកាត់បន្ថយអាការៈ oxidative stress និងជួយដំណើរថ្លើមឲ្យប្រសើរជាងមុន។ នេះមកពីអាស៊ីតខ្លាញ់មិនឆ្អែតក្នុងប្រេងអូលីវ។ ១០. បន្លែ និងផ្លែឈើផ្សេងៗ បន្លែ និងផ្លែឈើមួយចំនួនមានប្រយោជន៍ដល់ថ្លើមមានដូចជា ផ្លែបឺរ […]