ទោះបីជាយើងគិតថា អាលែកហ្ស៊ី គឺជារឿងតូចតាចក៏ពិតមែន ប៉ុន្តែវាក៏អាចបង្កជាបញ្ហាទៅលើការរៀនសូត្ររបស់ក្មេង រាំងស្ទះដល់ផលិតភាពរបស់មនុស្សពេញវ័យ ក៏ដូចជាបណ្ដាលឲ្យមានការឆ្លងមេរោគធ្ងន់ធ្ងរផងដែរ។ ពិតណាស់ អាលែកហ្ស៊ី អាចរារាំងដល់គុណភាពជីវិតរបស់យើង មិនថាយើងស្ថិតនៅក្នុងវ័យណានោះទេ។ ប្រសិនបើមិនមានការព្យាបាលទេនោះ អាលែកហ្ស៊ីប្រាកដជាធ្វើឲ្យជីវិតរបស់យើងរស់នៅមិនមានភាពពេញលេញនោះទេ ពីព្រោះវាមិនត្រឹមតែប៉ះពាល់ដល់ការប្រាស្រ័យទាក់ទងរបស់យើងនៅក្នុងសង្គមប៉ុណ្ណោះទេ វាក៏បង្អាក់ដល់ការអភិវឌ្ឍរបស់ក្មេងថែមទៀតផង។