ជំងឺខ្សោយពោះវៀន ជាបណ្តុំរោគសញ្ញាបញ្ជាក់ថា អ្នកជំងឺមានបញ្ហាក្នុងពោះវៀន។ ជំងឺនេះត្រូវបានឲ្យឈ្មោះផ្សេងៗគ្នាទៅតាមនិយមរបស់គ្រូពេទ្យ ដើម្បីងាយស្រួលក្នុងការពន្យល់អ្នកជំងឺដូចជា ជំងឺរលាកពោះវៀនរ៉ាំរ៉ៃ ជំងឺខ្យល់ក្នុងពោះវៀន ឬហើមពោះវៀនជាដើម។ នេះបើតាមការផ្សព្វផ្សាយឲ្យដឹងពីមន្ទីរពេទ្យ កាល់ម៉ែត។
អ្នកជំងឺខ្សោយពោះវៀន គួរតមអាហារអ្វីខ្លះ មិនធ្វើឲ្យបញ្ហាធ្ងន់ធ្ងរ?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
អ្នកជំងឺខ្សោយពោះវៀនភាគច្រើនបង្ហាញនូវរោគសញ្ញាដូចជា រាករូស ឈឺ ចុកឆ្អល់ តឹងណែនក្នុងពោះ ញ៉ាំឆាប់ឆ្អែត ឬទល់លាមកជាដើម។ ចំណែកមូលហេតុដែលបណ្ដាលឲ្យបញ្ហាខ្សោយពោះវៀនកើតឡើងបានអាចមកពីការឆ្លងមេរោគទៅក្នុងពោះវៀន កើតស្ត្រេសខ្លាំងពេក និងការផ្លាស់ប្ដូរពពួកបាក់តេរីល្អក្នុងពោះវៀនរបស់យើង។
ជំងឺខ្សោយពោះវៀនមិនបង្កជាផលប៉ះពាល់ធ្ងន់ធ្ងរដល់សុខភាពយើងដូចបង្កជាជំងឺមហារីកពោះវៀនទេ ប៉ុន្តែបើយើងមានបញ្ហារាករូសរ៉ាំរ៉ៃ ឬទល់លាមករ៉ាំរ៉ៃ វាអាចបណ្ដាលឲ្យកើតជាជំងឺឫសដូងបាត។ លើសពីនេះ ជំងឺខ្សោយពោះវៀនអាចធ្វើឲ្យគុណភាពក្នុងការរស់នៅប្រចាំថយចុះ ប៉ះពាល់ដល់ផ្លូវអារម្មណ៍របស់អ្នកជំងឺ និងធ្វើឲ្យអ្នកជំងឺមានបញ្ហាកង្វះជាតិទឹក។
តើអ្នកជំងឺខ្សោយពោះវៀន គួរតមអ្វីខ្លះ?
ជាទូទៅចំណីអាហារមិនមែនជាកត្តាបង្កជំងឺខ្សោយពោះវៀនទេ ប៉ុន្តែចំណីអាហារមួយចំនួនអាចធ្វើឲ្យមានលេចចេញរោគសញ្ញាខ្សោយពោះវៀនកាន់តែច្បាស់ និងខ្លាំងក្លា។។ អ្នកជំងឺម្នាក់ៗអាចឆ្លើយតបទៅនឹងចំណីអាហារខុសៗគ្នាដូចជា៖
– ខ្លះញ៉ាំម្ជូរមិនបាន
– ខ្លះញ៉ាំស៊ុតមិនបាន
– ខ្លះញ៉ាំបន្លែមិនបាន។ល។ នេះមានន័យថា ការតមចំណីអាហារធ្វើទៅតាមករណីរបស់អ្នកជំងឺនីមួយៗ។
ជំងឺខ្សោយពោះវៀននេះ មិនទាន់មានវិធីបង្ការណាមួយជាក់លាក់ទេ ព្រោះមូលហេតុពិតប្រាកដនៃជំងឺខ្សោយពោះវៀនមិនទាន់រកឃើញនៅឡើយ ប៉ុន្តែ គេសង្កេតឃើញថា សុខភាពផ្លូវចិត្តមានការប៉ះពាល់យ៉ាងខ្លាំងទៅលើជំងឺនេះ។ អ្នកដែលមានសម្ពាធការងារ ឬគ្រួសារច្រើន ភាគច្រើនមានបញ្ហានេះជាញឹកញាប់។ អ្នកដែលមានសុខភាពផ្លូវចិត្តល្អ ភាគច្រើនមិនមានបញ្ហានេះទេ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម