មានស្នេហាក្នុងវ័យសិក្សា ជារឿងកើតមានស្ទើរគ្រប់ទីកន្លែង ប៉ុន្តែអ្វីទាំងអស់នេះ នាំឲ្យប៉ះពាល់ច្រើនលើការសិក្សារបស់យុវ័យ ដោយលទ្ធផលស្រាវជ្រាវមួយនៅអាមេរិក បង្ហាញថា គ្មានស្នេហាក្នុងវ័យសិក្សា យុវវ័យមានហានិភ័យបាក់ទឹកចិត្តតិចតួច សុខភាពខួរក្បាលល្អ និងការប្រាស្រ័យទាក់ទងក្នុងសង្គម ប្រសើរជាងក្រុមដែលមានស្នេហា។
គ្មានស្នេហាពេលសិក្សា ខួរក្បាលល្អខ្លាំង ទំនាក់ទំនងកាន់តែប្រសើរ
ត្រួតពិនិត្យដោយ សន សុភា
តាមប្រភពព័ត៌មានពី Herald Publicist សាកលវិទ្យាល័យ Georgia សហរដ្ឋអាមេរិក បានសិក្សាផ្តោតលើយុវជនជំទង់ៗនៅវ័យសិក្សា ចាប់ពីថ្នាក់បឋម រហូតដល់កម្រិតវិទ្យាល័យ ពោលពីថ្នាក់ទី ៦ ដល់ថ្នាក់ទី ១២ដោយបានសិក្សាលម្អិត និងបែងចែក លើក្រុមសិស្សមានស្នេហា ជា ៤ ក្រុមផ្សេងៗគ្នា។
អ្នកជំនាញ ក៏បានតាមដានបន្ថែមនូវលទ្ធផលសិក្សា ដោយផ្អែកលើទិន្នន័យពីគ្រូៗបង្រៀនសិស្សទាំងនោះ ក៏ដូចការប្រើវិធីសាស្រ្តសំណួរស្ទង់មតិពីសិស្ស។ ជាលទ្ធផលគួរឲ្យភ្ញាក់ផ្អើល ឃើញថា សិស្សៗពុំមានស្នេហា មានកម្រិតជំនាញទំនាក់ទំនងក្នុងសង្គមល្អ ក៏ដូចជាដំណើរបាក់ទឹកចិត្តតិចតួច ហើយខួរក្បាលចងចាំបានល្អ បើធៀបទៅនឹងក្រុមសិស្សក្នុងវ័យស្របាលគ្នា ចេះមានស្នេហា។
បើផ្អែកតាមការសិក្សាដាច់ដោយឡែកមួយទៀត ធ្វើឡើងក្នុងឆ្នាំ ២០១៩ នេះ លោកវេជ្ជបណ្ឌិត Laurie Hawkins មកពីសាកលវិទ្យាល័យ Essex បានរកឃើញថា ក្មេងស្រី ដែលមានស្នេហាក្នុងពេលសិក្សានៅមហាវិទ្យាល័យ ច្រើនធ្លាប់ប្រឡូកក្នុងការរួមភេទ ដែលបង្កផលអវិជ្ជមានច្រើនលើលទ្ធផលសិក្សា។
អត្ថបទពាក់ព័ន្ធ៖
ដោយឃើញពីលទ្ធផលទាំងនោះ ក្រុមអ្នកជំនាញ បានអំពាវនាវទៅកាន់បណ្តាសាលា មហាវិទ្យាល័យ សាកលវិទ្យាល័យផ្សេងៗទៀត ដើម្បីជំរុញឲ្យសិស្សផ្តោតលើការសិក្សា ជាជាងបង្កើនទិដ្ឋភាពស្នេហាក្នុងប្រព័ន្ធអប់រំ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
សន សុភា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម