គ្នាយើងប្រហែលជាធ្លាប់ឆ្ងល់ហើយថា ហេតុអ្វីពេលខ្លះញ៉ាំអាហារហើយភ្លាមស្រាប់តែក្អក ឬ ពេលខ្លះទៀត ក៏ស្រាប់តែក្អកកំពុងញ៉ាំអាហារតែម្ដង។ ជាក់ស្ដែងណាស់គ្រាន់តែអាការៈក្អកមួយមុខ យើងមិនអាចកំណត់បានភ្លាមៗពីមូលហេតុនោះទេ ព្រោះករណីខ្លះបណ្ដាលមកពីរបបអាហារ ឬករណីខ្លះក៏អាចបណ្ដាលមកពីលក្ខខណ្ឌសុខភាពរបស់យើងផ្ទាល់ក៏ថាបានដែរ។ ខាងក្រោមគឺជាមូលហេតុដែលបណ្ដាលឲ្យក្អកក្រោយពេលញ៉ាំអាហារ។
ក្អកក្រោយញ៉ាំអាហារ មូលហេតុ៦យ៉ាងយើងត្រូវដឹង
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យសុខភាពប្រព័ន្ធរំលាយអាហារ ចុចទីនេះ!
១.ជំងឺច្រាលអាស៊ីតក្រពះ
អ្នកមានជំងឺច្រាល់អាស៊ីតក្រពះ ក៏ជាមូលហេតុបណ្ដាលឲ្យក្អកបានដែរនៅពេលញ៉ាំអាហារចូលទៅ ពិសេសពេលអ្នកជំងឺញ៉ាំអាហាររួចរាល់។ ការក្អកដោយការច្រាលជាតិអាស៊ីត អាចបង្ហាញរោគសញ្ញាដូចជា ក្រហាយទ្រូង ក្អកញឹកញាប់នៅពេលយប់ និងពេលគេង ភើរច្រើន និង រាល់ក្រោយពេលញ៉ាំអាហារ អ្នកជំងឺតែងតែក្អក។
២.អាលែកហ្ស៊ីជាមួយអាហារ
ការអាលែកហ្ស៊ីនឹងរបបអាហារ ក៏បណ្ដាលឲ្យក្អកបានដែរ។ អាការៈនេះអាចកើតមានក្រោយពេលញ៉ាំអាហារ ចន្លោះពីមួយម៉ោងកន្លះ ទៅពីរម៉ោង ប៉ុន្ដែវាមិនបង្កប៉ះពាល់ពាល់ដល់សុខភាពនោះទេ និងអាចបាត់ទៅវិញដោយខ្លួនឯង។ យើងគួរកត់សម្គាល់នឹងប្រភេទអាហារដែលបណ្ដាលឲ្យយើងប្រឈមអាលែកហ្ស៊ីព្រោះវាអាចប៉ះពាល់ដល់សុខភាព ប្រសិនបើយើងញ៉ាំវាញឹកញាប់ ហើយក្អកញឹកញាប់ដែរនោះ។
៣.ការឡើងស្លេស្ម
យើងអាចចាប់អារម្មណ៍នឹងរបបអាហារមួយចំនួន ដែលបង្កឲ្យយើងងាយឡើងស្លេស្ម និងអាចបណ្ដាលឲ្យយើងក្អកបានដែរ។ របបអាហារទាំងនោះមានដូចជា ផលិតផលទឹកដោះគោ និងផលិតផលពីសណ្ដែកសៀង។
៤.កើតជំងឺហឺត
អ្នកកើតជំងឺហឺត ក៏ប្រឈមក្អកដូចគ្នាបន្ទាប់ពីញ៉ាំអាហារហើយ។ ជំងឺហឺតគឺជាជំងឺផ្លូវដង្ហើមរ៉ាំរ៉ៃដែលជារឿយៗត្រូវបានផ្សារភ្ជាប់ជាមួយនឹងការក្អករ៉ាំរ៉ៃនេះឯង ពិសេសនៅពេលអ្នកជំងឺមិនអាចគ្រប់គ្រងរបបអាហារបានល្អ តាមការណែរនាំរបស់គ្រូពេទ្យ។ ពពួកអាហារដែលអាចបណ្ដាលអ្នកជំងឺក្អកបាន ដូចជា គ្រឿងសមុទ្រ សណ្ដែកដី សណ្ដែកសៀង និង គ្រាប់ធញ្ញជាតិជាដើម។ អាហារទាំងនេះអាចបង្កឲ្យអ្នកមានអាការៈក្អក និង ករណីធ្ងន់ធ្ងរអាចពិបាកដកដង្ហើម។
៥.ឈ្លក់អាហារ
ការញ៉ាំអាហារឈ្លក់អាចកើតឡើងច្រើន ពិសេសអ្នកបានញ៉ាំអាហារលឿនពេក បង្ខំពេក អាចបណ្ដាលឲ្យយើងឈ្លក់ និងក្អកបានដែរ។ ដូច្នេះចូរញ៉ាំអាហារមួយៗ តាមដំណើរ កុំបង្ខំពេក ទើបមិនធ្វើឲ្យឈ្លក់។
៦.បញ្ហាពិបាកលេបអាហារ
អ្នកមានបញ្ហាពិបាកលេបអាហារ ក៏ជាផ្នែកមួយធ្វើឲ្យប្រឈមក្អកពេលកំពុងញ៉ាំអាហារបានដែរ។ ការពិបាកលេបអាហារគឺជាអាការៈមួយបណ្ដាលមកពី ដំណើរការសាច់ដុំក្នុងបំពង់អាហារទៅក្រពះដំណើរការមិនបានល្អ ឬបំពង់អាហារមានសភាពរួមតូច និង អាចមានការរលាកជាដើម ដូច្នេះអាហារដែលញ៉ាំចូលទៅ ពិបាកក្នុងបញ្ជូនទៅក្រពះ។ អាការៈនេះអាចកើតឡើងច្រើន ចំពោះមនុស្សចាស់ វ័យចាប់ពី ៦០ឆ្នាំឡើងទៅ។
អត្ថបទគួរអាន៖
- ទម្លាប់មិនល្អទាំង៦ បំផ្លាញសុខភាពបេះដូងដោយមិនដឹងខ្លួន
- ខ្វះឈាមទៅចិញ្ចឹមបេះដូង អាចចេញរោគសញ្ញាទាំងនេះ
- ផ្លែឈើទាំង៨មុខនេះ ល្អសម្រាប់សុខភាពបេះដូង
- ឈឺទ្រូងផ្នែកកណ្ដាល ឬខាងឆ្វេង ប្រយ័ត្នជំងឺសរសៃឈាមបេះដូង
- គ្រឿងផ្សំក្នុងអាហារ ៣មុខ អាចធ្វើឲ្យបេះដូងលោតខុសធម្មតា
- ធ្វើការពីផ្ទះ មុខកុំព្យូទ័រយូរម៉ោង អាចប្រឈមជំងឺបេះដូង
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម