អាហាររូបត្ថម្ភសំខាន់ ៥​ប្រភេទ អាចជួយដល់សមត្ថភាពផ្លូវភេទឲ្យ​ល្អ​ប្រសើរឡើងវិញ

ហេតុអ្វីយើងត្រូវព្រួយបារម្ភពីបញ្ហាសុខភាពផ្លូវភេទ? មិនខុសនោះទេ សុខភាពផ្លូវភេទគឺជាចំណែកមួយយ៉ាងសំខាន់នៃចំណងមេត្រីភាពរបស់ដៃគូ។ ប្រសិនបើដៃគូអសមត្ថភាព​មិនអាចបំពេញក្ដីសុខបានល្អ ក៏អាចប៉ះពាល់ដល់ទំនាក់ទង​គូ​ស្នេហ៍​ដូច​គ្នា​។

ចង់ពិនិត្យជំងឺមហារីកសុដន់ ចុចទីនេះ!

មានកត្ដាច្រើនយ៉ាងដែលអាចប៉ះពាល់ដល់សុខភាពផ្លូវភេទ ដូចជា កត្ដាផ្លូវចិត្ដ កត្ដាសុខភាព របបអាហារ បូករួមទាំងការវិវត្ដទៅតាមវ័យផងដែរ។ បញ្ហានេះមិនមែនកើតឡើងតែខាងបុរសៗនោះទេ សូម្បីស្ដ្រីៗក៏ប្រឈមផងដែរ។ ខាងក្រោមគឺជាប្រភេទអាហាររូបត្ថម្ភសំខាន់ ៥​ប្រភេទ អាចជួយដល់សមត្ថភាពផ្លូវភេទឲ្យ​ល្អ​ប្រសើរឡើងវិញបាន។ យ៉ាង​បើ​បញ្ហា​នេះ​ ធ្វើ់ឲ្យ​ប៉ហពាល់ដល់ជីវិតគូ ឬ​ធ្វើ​ឲ្យ​ប៉ះពាល់​ដល់​ជីវិត​ប្រចាំ​ថ្ងៃ គួរ​ប្រឹក្សា​ជាមួយ​គ្រូពេទ្យ។​

១. L-arginine

L-arginine ជាអាស៊ីតអាមីណូមួយប្រភេទមានមុខងារជួយរាងកាយក្នុងការផលិតប្រូតេអ៊ីន និងជួយឲ្យមុខ​ងារសរសៃឈាមឲ្យដំណើរការបានល្អ។ ការសិក្សាបានបង្ហាញថា នៅពេលដែល ចរន្ដឈាមដំណើការបានល្អគ្រប់សរីរាង្គក្នុងរាងកាយ ក៏ជាផ្នែកមួយជួយឲ្យដំណើរការដៃគូរួមភេទ ឆាប់ដល់ចំណុចកំពូលបាន។ ចំពោះបុរសៗក៏អាចកាត់បន្ថយពីបញ្ហាអសមត្ថភាពផ្លូវភេទបាន ២៥%។

យើងអាចស្វែងរកសារធាតុសំខាន់មួយនេះបានក្នុងរបបអាហារដូចជា ពពួកសាច់ក្រហម គ្រាប់ធញ្ញជាតិ បន្លែបៃតង ទឹកដោះគោស្រស់ គ្រឿងសមុទ្រ និងអង្ករសម្រូប។

២.វីតាមីន B3

វីតាមីន B3 ជាសារធាតុសំខាន់មួយដែលជំនួយដល់ថាមពល និងពង្រឹងមុខងាររបស់រាងកាយ។ មិនត្រឹមតែប៉ុណ្ណោះ វីតាមីនមួយនេះក៏មានចំណែកក្នុងការសម្រួលដល់ចរន្ដឈាមឲ្យដំណើរការបានល្អផងដែរ។ វីតាមីន B3 មាន​​នៅក្នុង ពពួកសាច់ក្រហម គ្រាប់ធញ្ញជាតិ បន្លែបៃតង ទឹកដោះគោស្រស់ គ្រឿងសមុទ្រ និង ផ្លែឈើ។

៣.វីតាមីនD

វីតាមីន D ភាគច្រើនគេស្គាល់ត្រឹមថា ជាសារធាតុសំខាន់មួយជំនួយដល់សុខភាពឆ្អឹង សាច់ដុំ និងប្រព័ន្ធភាពស៊ាំតែប៉ុណ្ណោះ ដោយមិនបានចាប់អារម្មណ៍ឡើយថា វាក៏មានអត្ថប្រយោជន៍ជំនួយដល់ មុខងារផ្លូវភេទផងដែរ ពិសេសបុរសៗតែម្ដង។

ការសិក្សាបានបង្ហាញថា វីតាមីនមួយប្រភេទនេះ ធ្វើការងារខ្លាំងទៅលើការគ្រប់គ្រងផ្នែកអារម្មណ៍ ចំពោះអ្នកខ្សោយចំណង់ផ្លូវភេទដោយសារបញ្ហាស្ដ្រេស មិនថាបុរស ឬស្ដ្រី វីតាមីន D អាចជួយឲ្យមានអារម្មណ៍ឡើងវិញបាន។ វីតាមីន D មាននៅក្នុង សាច់ក្រហម ស៊ុតផ្នែកក្រហម ថ្លើមសត្វ ខ្លាញ់ត្រី និង អាហារបំប៉ន​មួយ​ចំនួន​។

៤.វីតាមីន E

វីតាមីនមួយប្រភេទនេះមានមុខងារប្រឆាំងទៅនឹងអុកស៊ីតកម្ម និងជួយបង្កើនបរិមាណមេជីវិតឈ្មោលផងដែរ។ មិនត្រឹមតែប៉ុណ្ណោះ វីតាមីន E ក៏អាចសម្រួលដល់ចរន្ដឈាម ដែលអាចនាំយកអុកស៊ីសែនទៅចិញ្ចឹមគ្រប់សរីរាង្គទាំងអស់ក្នុងរាងកាយ។ វត្ដមានវីតាមីន E ក្នុងរាងកាយ ជួយកាត់បន្ថយបញ្ហាអសមត្ថភាពផ្លូវភេទបុរសដែលវិវត្ដទៅតាមវ័យផងដែរ។

៥.ស័ង្កសី

ស័ង្កសីគឺជារ៉ែមួយប្រភេទដែលមានមុខងារច្រើនយ៉ាងជួយដល់រាងកាយ ក្នុងនោះមានដូចជា ជួយដល់ប្រព័ន្ធរំលាយអាហារ មេតាប៉ូលីស ការលូតលាស់កោសិកា និង សមត្ថភាពផលិតអ័រម៉ូនតេស្ដូស្ដេរ៉ូនភេទបុ្រសផងដែរ។ ការសិក្សាបានបង្ហាញថា ប្រសិនបើចង់បង្កើនសមត្ថភាពផ្លូវភេទឲ្យរឹងមាំតាមបែបធម្មជាតិ គួរតែញ៉ាំអាហារណាដែលសម្បួរសារធាតុរ៉ែមួយប្រភេទនេះ។

ប្រភេទអាហារដែលមានរ៉ែស័ង្កសីច្រើន មានពពួកអាហារសមុទ្រ ដូចជា អយស្ទ័រ ក្ដាប បង្កង ត្រីសាម៉ុន ជាដើម។ ប្រភេទអាហារដែលមានជាតិរ៉ែស័ង្កសីទាប ដូចជាគ្រាប់ធញ្ញជាតិ ទឹកដោះគោ សាច់ទ្រូងមាន់ និង យ៉ាអួរ។

អត្ថបទគួរអាន៖

• តំបន់ស្រើបស្រាលលើដងខ្លួនស្រីៗ ៥កន្លែង គូស្នេហ៍គួរស្វែងយល់​
• សកម្មភាពផ្លូវភេទប្រថុយប្រថានមួយចំនួន បង្កហានិភ័យខ្ពស់ឆ្លងកាមរោគ
• លើស​ទម្ងន់​ អាច​​នាំ​ឲ្យ​​ចំណង់​ផ្លូវ​ភេទ​ថយ​ចុះ​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• នៅ​សុខ​ៗ​ថយចុះ​ចំណង់​ផ្លូវ​ភេទ ​អាច​មក​ពី​​មូលហេតុ​ទាំង​នេះ
• អាហារ​៥​យ៉ាង ជួយ​ប្រុស​ៗ​​​​ទប់ទល់​បាន​យូរ និង​បង្កើន​ចំណង់​ផ្លូវ​ភេទ​​​​​​​​​​​​​​​​​​​​​​​​​​​​​​​​​​​​​​​​​​​​​​