home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

តិចនិកបែបធម្មជាតិ ជួយទ្វារមាសតឹងណែនល្អ មិន​ចាំ​បាច់​វះកាត់

តិចនិកបែបធម្មជាតិ ជួយទ្វារមាសតឹងណែនល្អ មិន​ចាំ​បាច់​វះកាត់

ដង​ខ្លួន​ទាក់ទាញ សាច់ស​ម៉ត់រលោង ធ្វើ​ឲ្យ​ស្រីៗ​គ្នា​យើង​ជឿ​ជាក់​ កក់ក្តៅ​ខ្លាំង ពិសេស​អាចទាក់​ទាញ​ចិត្ត​ប្តី មិត្ត​ប្រុស មិនឲ្យ​បែក​ឆ្វេងទៀង​ផង។ ប៉ុន្តែ​បើ​និយាយ​ពី​ដង​ខ្លួន ក៏​រាប់​បញ្ចូល​ទាំង​ទ្វារមាស​ដែរ បើ​ទោះ​ស្អាត​គ្រប់​យ៉ាង​ ប៉ុន្តែ​ទ្វារ​មាស​មិនតឹងណែន ក៏​អាចប៉ះពាល់​អារម្មណ៍​ដៃគូពេល​រួម​ភេទ​បាន​ដូច​គ្នា។ នេះជា​តិចនិក​ធម្មជាតិ​ខ្លះៗ ជួយ​ស្រីៗ​គ្នា​យើង​មាន​ទ្វារ​មាស​តឹង​ណែន​វិញ កាន់​តែ​ជឿជាក់​លើ​ខ្លួន​ឯង។

១- មូលហេតុ​នាំ​ឲ្យ​ទ្វារមាស​មិនតឹងណែន

​ខុស​គ្នា​ពី​អ្វីដែលស្រីៗ​គ្នា​យើង​ភាគ​ច្រើន​បាន​គិត និង​ធ្លាប់​ឮ ​បញ្ហា​ទ្វារ​មាស​រលុង ឬ​យារ​ធ្លាក់​ គឺ​មិន​មាន​ពាក់​ព័ន្ធ​ជា​មួយ​នឹង​ការ​រួម​ភេទ​ឡើយ។ ដូច​នេះ​ យើង​អាច​និយាយ​បាន​ថា​ ​រួម​ភេទ​ច្រើន​ដង​ ​មិន​ធ្វើ​ឲ្យ​រូប​រាង​ទ្វារ​មាស​ប្រែ​ប្រួល ឬ​រលុង​ជាង​មុន​នោះ​ទេ ហើយ​មិន​ថា​គ្នា​យើង​​រួម​ភេទ​ច្រើន​ដង​យ៉ាង​ណា ឬ​ប្រដាប់​ភេទដៃ​គូយើង​​ធំ​ប៉ុនណា ក៏​មិន​អាច​ធ្វើ​ឲ្យ​ទ្វារ​មាស​​​យារ​ជាង​មុន​នោះ​ទេ។ ទ្វារ​មាស​រលុង​ គឺដោយ​សារ​បាត់​បង់​ភាព​យឺត ដែល​​បណ្ដាល​មក​ពី​មូលហេតុ​ជា​ច្រើន​ អាច​មាន​ដូច​ជា​ ក្រោយ​ពេល​សម្រាល​កូន ពេល​ដល់​វ័យអស់​រដូវ ឬ​អាច​បណ្ដាល​មក​ពី​ការ​វិវិត្ត​របស់​ដង​ខ្លួន ​ទៅ​តាម​វ័យ​។

២- របបអាហារ​ជួយ​ទ្វារ​មាស​ទឹក​ណែន​ឡើង​វិញ

ពេលនិយាយ​ដល់​របបអាហារ​ជួយ​ទ្វារ​មាស​តឹង​ណែន​បាន ច្បាស់​ជា​ធ្វើ​ឲ្យ​ស្រីៗ​ភ្ញាក់​ផ្អើលមិន​ខាន។ ប៉ុន្តែ​របប​អាហារ​តាម​បែប​ធម្មជាតិ ពិតជា​អាច​ជួយ​បន្តឹង​ទ្វារ​មាស​យើង​​បាន​ពិត​មែន ដោយ​អាស្រ័យ​លើ​ប្រភេទ​​អាហារ​មាន​សារធាតុ​ចិញ្ចឹម ដូចជា​ ញ៉ាំ​អាហារ និង​ទឹក​បាន​គ្រប់​គ្រាន់ ញ៉ាំ​បន្លែ ​ផ្លែឈើ​ សុទ្ធ​តែ​អាច​​ធ្វើ​ឲ្យ​អាង​ត្រគាក​យើង​ តឹងណែន​ជាង​មុន ព្រោះ​ថា អាង​ត្រគាក ត្រូវ​ការ​សារធាតុ​ចិញ្ចឹម និង​វីតាមីន​ជា​ច្រើន​សម្រាប់​ទ្រទ្រង់ និង​ជួស​ជុល​ភាព​យឺត​នៅ​ត្រង់​តំបន់​នោះ។

ស្រីៗ​គ្នា​យើង ​អាច​រៀប​ចំ​របប​អាហារ​​ឲ្យ​បាន​ត្រឹម​ត្រូវ ដោយ​បន្ថែម​អាហារ​មាន​ផ្ទុក​អ័រម៉ូន​អឺស្ត្រូសែន​ពី​ធម្មជាតិ ​​ដូច​ជា គ្រាប់​ល្ងរ ផ្លែ​ទទឹម សណ្ដែក ឬ​ទឹក​សណ្ដែក ការ៉ុត ផ្លែ​ប៊ើរី និង​ផ្លែ​ប៉ោម​ជា​ដើម។ ក្រៅ​ពី​បន្លែ និង​ផ្លែ​ឈើ​ទាំង​អស់​នោះ ស្រីៗ​ក៏​​អាច​ញ៉ាំ​ប្រភេទ​គ្រាប់​ធញ្ញជាតិ និង​​ប្រូតេអ៊ីន​ពី​សាច់​សុទ្ធ ក៏​ជា​ប្រភេទអាហារ​ល្អជួយ​ភាព​យឺត​របស់​ទ្វារ​មាស​បាន​​ដូច​គ្នា។

អត្ថបទ​ពាក់ព័ន្ធ៖

៣- ហាត់ប្រាណជួយ​ទ្វារ​មាន​ឲ្យ​តឹង​ណែន

មាន​វិធី​ហាត់​ប្រាណ​មួយ​ចំនួន អាច​ជួយ​ដល់​អាង​ត្រគាក​យើង​ មាន​សុខភាព​ល្អ ក៏​ជា​ផ្នែក​​មួយ​ជួយ​បន្តឹង​ទ្វារមាស​ស្រី ឲ្យ​តឹង​ណែន​ល្អ​តាម​បែប​ធម្មជាតិ​បាន ខណៈ​វិធី​ហាត់​ប្រាណ គេ​និយម​ធ្វើ​មាន៖

ហាត់ប្រាណ​ Hello គ្រូពេទ្យ

– ហាត់​ប្រាណ​ពង្រឹង​សាច់​ដុំត្រគាក (Kegel)៖ វិធី​ហាត់​ប្រាណ Kegel ត្រូវ​បាន​គេ​ទទួល​ស្គាល់​ថា​ ជា​វិធី​បន្តឹង​ទ្វារ​មាសស្រីៗ​យ៉ាង​មាន​ប្រសិទ្ធ​ភាព។ ដំណាក់​កាល​ដំបូង​ ការហាត់​ប្រាណ​មួយ​នេះ ត្រូវ​កំណត់​សាច់​ដុំ​ឲ្យ​បាន​ត្រឹម​ត្រូវ ហើយ​អំឡុង​ពេលបាន​​ពាក់​កណ្ដាល ពេល​កំពុង​នោម ត្រូវ​ខ្ជឹប​ទឹក​នោម​មួយ​ភ្លែត​ ដើម្បី​រក​សាច់​ដុំ​អាង​ត្រគាក​ដែល​ត្រឹម​ត្រូវ។ បន្ទាប់​ពី​នោម​រួច​ ត្រូវ​គេង​ផ្ងារ​ និង​សង្កត់​សាច់​ដុំ​ ដើម្បី​ធ្វើ​ឲ្យ​មាន​ការ​កន្ត្រាក់ ដោយ​ធ្វើ​បែប​នេះ​ក្នុង​រយៈ​ពេល​ប៉ុន្មាន​នាទី ​សាក​ធ្វើ​ម្ដង​ទៀត​ ពេល​នោះ យើង​នឹង​ចាប់​ផ្ដើម​ឃើញ​លទ្ធ​ផលពី​វិធី​ហាត់​​មួយ​នេះ។ ត្រូវ​ចាំ​ថា​ វិធី​ហាត់​ប្រាណពង្រឹង​សាច់​ដុំ​អាង​ត្រគាង អាច​មាន​ប្រសិទ្ធ​ភាព ពេល​យើង​ផ្ដោត​លើ​​សាច់​ដុំ​អាង​ត្រគាក​តែ​មួយ​មុខ​ប៉ុណ្ណោះ។ ដូច​នេះ​ពេល​ហាត់​ប្រាណ​​ មិន​គួរ​ព្យាយាម​បន្តឹង​សាច់​ដុំ​ពោះ​ គូទ​ ឬ​សាច់​ដុំ​ភ្លៅ​​ក្នុង​ពេល​តែ​មួយ​ឡើយ។

– អង្គុយចោងហោង (Squatting)៖ ក្រៅ​ពី​ការ​ហាត់​ប្រាណ​បែប Kegel ស្រីៗ​អាច​សាក​ល្បង​វិធីផ្សេង​​ទៀត​ ដោយ​​ហាត់​អង្គុយ​ចោង​ហោង ភាសា​បច្ចេកទេស​ហៅ​ថា (Squat)។ សព្វ​ថ្ងៃ​នេះ​ គេ​ឃើញ​ស្រីៗ​​ជា​ច្រើន ​ចាប់​ផ្ដើម​អង្គុយ​ចោង​ហោង​ពេល​ហាត់​ប្រាណ ដើម្បី​ទទួល​បាន​សុខ​ភាព​ល្អ និង​មាន​ដង​ខ្លួន​ស្រស់​ស្អាត។ ប៉ុន្តែ​គ្នា​យើង​ ក៏​គួរ​ពិនិត្យ​បន្ថែម ​ជា​មួយ​វិធី​ហាត់​ប្រាណ​មួយ​នេះ ដោយ​សារ​តែ​ មាន​ស្រី​​ជា​ច្រើន​ធ្វើ​វា​មិនបាន​​ត្រឹម​ត្រូវនោះ​ទេ។

ត្រូវ​ឈរ​ដោយ​កន្ធែក​ជើង​ចេញ​ពី​ភ្លៅ​បន្តិច ដោយ​ដាក់​ម្រាម​ជើង​ចេញ​ក្រៅ​ប្រហែល ៣០​ដឺក្រេ ហើយ​ព្យាយាម​ទប់​លំនឹង។ ស្រមៃ​ដូចយើង​​កំពុង​អង្គុយ​លើ​បង់ ហើយ​ចាប់​ផ្ដើម​ឈ​រដោយ​ចង្អឺត​ម្រាម​ជើង។ ធ្វើ​បែប​នេះ​ដដែល​ឲ្យ​បាន​ច្រើន​ដង យើង​នឹង​ចាប់​ផ្ដើម​ឃើញ​លទ្ធ​ផល​ជាក់​ជា​មិន​ខាន។

ហាត់ប្រាណ Hello គ្រូពេទ្យ

​បើ​គ្នា​យើង​​មិន​ប្រាកដ​ថា ​ធ្វើ​វា​បាន​ត្រឹម​ត្រូវ​ ឬ​អត់​ អ្នក​គួរ​តែ​រក​គ្រូ​បង្វឹក​ ឬ​ស្វែង​រក​ការ​ណែនាំ​បន្ថែម​លើ​អ៊ីន​ធើ​ណេត។ ពិសេស មុន​ពេល​ទៅ​ទទួល​ព្យាបាល​ជាមួយ​គ្រូពេទ្យ ​ឬ​ទទួល​ការ​វះ​កាត់ គួរ​សាក​ល្បង​វិធី​ហាត់​ប្រាណ​ខាង​លើ​សិន យើង​អាច​នឹង​ភ្ញាក់​ផ្អើល​ បន្ទាប់​ពី​ឃើញ​លទ្ធ​ផល​តាម​រយៈ​ការ​ហាត់ប្រាណ​បែប​នេះ។

ក្នុង​ករណី​មាន​សំណួរ ​ឬ​មន្ទិល​​សង្ស័យ​ជុំវិញ​សុខភាព​អ្នក​ ជម្រើស​ល្អ​បំផុត ​​សូម​ពិគ្រោះ​​ និង​ប្រឹក្សា​យោបល់​ផ្ទាល់​ជាមួយ​គ្រូពេទ្យ​ជំនាញ​។ ​ Hello Health Group មិន​ចេញ​វេជ្ជ​បញ្ជា មិន​ធ្វើ​រោគ​វិនិច្ឆ័យ​ ឬ​ព្យាបាល​ជូន​ទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

How to Tighten Your Vagina Naturally at Home http://www.vwhcare.com/how-to-tighten-vagina-naturally/ Accessed January 18, 2017

What Exercises Can I Do To Tighten My Vagina http://vagifirm.com/what-exercises-can-i-do-to-tighten-my-vagina-2/ Accessed January 18, 2017

3 Simple Ways to Tighten your Vagina and Keep it Tight http://www.vwhcare.com/ Accessed January 18, 2017

រូបថត​របស់​អ្នក​និពន្ធ
ត្រួតពិនិត្យ​ដោយ គឹម កាណែល
អត្ថបទ​ដោយ ណៃ ទូច
កែ 12/09/2019
x