ការថែទាំភ្នែក

ការថែទាំ​​ភ្នែក - ក្នុង​ផ្នែក​នេះ ​បងប្អូន​អាច​ស្វែងយល់​ពី​ការ​គេច​ឲ្យ​ផុត​ពី​បញ្ហា​​ ឬ​ជា​ជំងឺ​​ភ្នែក​មើល​មិន​ច្បាស់​ ​តាមរយៈ​គន្លឹះ​ជា​ច្រើន​ដើម្បី​ការការពារ​ បញ្ហា​នានា​របស់​ភ្នែក​

ចំណេះដឹងទូទៅ

ការថែទាំភ្នែក

ផ្លែឈើ ៣ប្រភេទនេះ ល្អចំពោះសុខភាពភ្នែក គួរញ៉ាំជា​ប្រចាំ

ការញ៉ាំផ្លែឈើជារៀងរាល់ថ្ងៃ ពិតជាអាចផ្ដល់អត្ថប្រយោជន៍ទៅដល់​សុខភាពភាព។ ប៉ុន្តែ មាន​ផ្លែ​ឈើ​មួយ​ចំនួន មិន​ត្រឹម​តែ​ល្អ ចំពោះ​សុខ​ភាព​ទូទៅ​ទេ តែ​ក៏​មាន​លក្ខណៈពិសេស​សម្រាប់​សរីរាង្គ​មួយៗ​តែម្ដង​។ ត្រង់​ចំណុច​នេះ គ្នា​យើង​ចង់​ឲ្យ​ភ្នែក មាន​សុខ​ភាព​ល្អ គួរ​ញ៉ាំផ្លែឈើ​ទាំង​នេះ ជា​ប្រចាំ​។​​ ១.ក្រូច នៅក្នុងផ្លែក្រូច ១ផ្លែមានផ្ទុកនូវវីតាមីនC ដល់ទៅ ៥៣,២ មិល្លីក្រាម ស្មើនឹងតម្រូវការប្រើប្រាស់​ថាម​ពល​របស់ភ្នែក ១១%ប្រចាំថ្ងៃ។ វីតាមីន ប្រភេទនេះ​មានមុខងារជួយសម្រួលទៅដល់ប្រព័ន្ធ​សរសៃ​ឈាម​ក្នុងភ្នែកឲ្យធ្វើការបានល្អ​ ផ្ដល់ការទ្រទ្រង់​ប្រព័ន្ធ​ភាព​ស៊ាំក្នុងភ្នែកឲ្យរឹងមាំ រារាំង​បញ្ហាអុកស៊ីកម្ម និងជួយកាត់​បន្ថយ​ហានិភ័យ នៃការវិវត្ដជំងឺតាម​វ័យ ដូច​ជា​ជំងឺភ្នែកឡើងបាយបានរហូតទៅដល់ ៤៥% ។ ដោយឡែក ក្រៅពីផ្លែក្រូចដែលមាន វីតាមីន C នៅមាន ផ្លែឈើប្រភេទផ្សេងទៀត ដូចជា ផ្លែទំពាំងបាយជូ ត្របែក ស្ដរប៊័រី វីគី និងក្រូចឆ្មារ​ជាដើម។ អត្ថបទគួរអាន៖ របប​អាហារ​​ទាំង​នេះ​ ជួយ​រក្សាកម្រិត​អុកស៊ីសែន​​​​​​​​​​​​​​​​​​​​​​​​​​​​​​​​​​​​​​​​​​ក្នុងរាងកាយ អាហារ​សម្រាប់អ្នក​​មាន​បញ្ហា​​សួតគួរ​ញាំ​ និង​គួរ​ជៀស​វាង អាហារ​ ៧​មុខ ជួយ​ស្បែក​ សក់​ និង​ក្រចក​ឲ្យ​មាន​សុខភាព​ល្អ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ អាហារ ៦ប្រភេទនេះ ល្អខ្លាំង​សម្រាប់​សុខភាព​ខួរក្បាល អាហារទាំង ៥នេះ ល្អខ្លាំងសម្រាប់សុខភាពបន្តពូជ អាហារ​ទាំង​នេះ […]

អត្ថបទផ្សេងទៀតពី ការថែទាំភ្នែក

ការថែទាំភ្នែក

របបអាហារ​មាន​វីតាមីនសំខាន់ៗ ជួយ​សុខភាពភ្នែក

ចង់បាន​សុខភាព​ភ្នែក​ល្អ​ ត្រូវ​គិត​គូ​ដល់​របប​អាហារ​ប្រចាំ​ថ្ងៃ​។ របប​អាហារ​ល្អ​មិន​ត្រឹម​តែ​ជួយ​ដល់​សុខ​ភាព​បេះដូង​ទេ តែ​ក៏​ជួយ​ដល់​សុខ​ភាព​រាងកាយ​ទាំង​មូល​ផង​ដែរ​។ ​​១. សារធាតុ​ចិញ្ចឹម​ល្អ​ចំពោះ​សុខ​ភាព​ភ្នែក​ សារធាតុ​ចិញ្ចឹម​​មួយ​ចំនួន​ជួយ​ឲ្យ​ភ្នែក​មាន​សុខ​​ភាព​ល្អ និង​មាន​សារធាតុ​ចិញ្ចឹម​ខ្លះ​ទៀត​ជួយ​កាត់​បន្ថយ​ហានិភ័យ​ជំងឺ​ភ្នែក​ផង​ដែរ​។ ការ​ញ៉ាំ​អាហារ​មាន​កម្រិត​ជាតិ​ខ្លាញ់​ទាប និង​សម្បូរ​​ដោយ​បន្លែ ផ្លែ​ឈើ និង​គ្រាប់ធញ្ញជាតិ អាច​ជួយ​មិន​ត្រឹម​តែ​សុខ​ភាព​បេះដូង​ទេ តែ​ក៏​ជួយ​ដល់​សុខភាព​ភ្នែក​ផង​ដែរ​។ នេះ​មិន​មាន​ជា​រឿង​គួរ​ឲ្យ​ភ្ញាក់​ផ្អើល​អ្វី​នោះ​ទេ ព្រោះ​ថា​ភ្នែក​ត្រូវ​ពឹង​លើ​សរសៃ​ឈាម​អាក់ទែ​តូច​ៗនាំ​យក​អុកស៊ីសែន និង​សារធាតុចិញ្ចឹម ដូច​ទៅ​នឹង​បេះដូង​ពឹង​ច្រើន​លើ​សរសៃឈាម​អាក់ទែ​ធំ​ៗ​អ៊ីចឹង​ដែរ​។ ការ​ធ្វើ​ឲ្យ​សរសៃ​ឈាម​អាក់ទែ​តូចៗ​ទាំង​នោះ​មាន​សុខ​ភាព​ល្អ នឹង​ធ្វើ​ឲ្យ​ភ្នែក​មាន​សុខ​ភាព​ល្អ​ដែរ​។ ​២. របប​អាហារ​បែប​ណា​ល្អ​ចំពោះ​សុខភាព​ភ្នែក?​ អាហារ​ពណ៌​ទឹកក្រូច​ និង​ផ្លែឈើ​មាន​វីតាមីនA៖ ដូច​គ្នា​យើង​បាន​ដឹង​ហើយ​ថា​​សារធាតុ​ចិញ្ចឹម​ល្អ​ចំពោះ​សុខ​ភាព​ភ្នែក​គឺ​វីតាមីនA។ ស្រទាប់​រ៉េទីន​របស់​ភ្នែក​ត្រូវ​ការ​វីតាមីន​A ច្រើន​ដើម្បី​ជួយ​បំប្លែង​កាំរស្មី​ពន្លឺ​ទៅ​ជា​រូប​ភាព ដែល​យើង​បាន​ឃើញ​។ ដូច​នេះ បើ​គ្មាន​វីតាមីន​A ភ្នែក​របស់​យើង​នឹង​មិន​អាច​រក្សា​សំណើម​គ្រប់​គ្រាន់​អាច​ការពារ​ភ្នែក​ស្ងួត​បានទេ​។ ការ៉ុត ត្រូវ​គេ​ដឹង​ថា​ជា​ប្រភព​នៃ​វីតាមីន​A។ ដូច​គ្នា​ដែរ​ ដំឡូង​ជ្វា ក៏​​អាច​ផ្ដល់​នូវ​វីតាមីន​A ច្រើន​ដូច​គ្នា​។ ​ បន្លែ​ ផ្លែឈើ​សម្បូរ​វីតាមីនC៖ វីតាមីន C ក៏​មាន​តួនាទី​សំខាន់​សម្រាប់​សុខភាព​ភ្នែក​ដូច​គ្នា​។ វីតាមីន​C ​ជា​​សារធាតុ​ប្រឆាំង​អុកស៊ីតកម្ម ជួយ​ការពារ​ការ​ខូច​ខាត​របស់​រាង​កាយ​ បង្ក​ឡើង​ដោយ​ការញ៉ាំ​អាហារ​មិន​ល្អ​ចំពោះ​សុខភាព​ឬ​ទម្លាប់​រស់​នៅ​មិន​ល្អ និង​កត្តា​បរិស្ថាន​។ អាហារ​ចៀន ជក់បារី និង​កាំរស្មី​ព្រះ​អាទិត្យ អាច​បង្កើត​បានជា​រ៉ាឌីកាល់​សេរី ​ដែល​ជា​មូលេគុល​អាច​បំផ្លាញ និង​សម្លាប់​កោសិកា​បាន​។ ​ប្រភព​របស់​វីតាមីន C គឺ​ពពួក​ផ្លែ​ក្រូច និង​ទំពាំងបាយជូរ​។ បន្លែ និង​ផ្លែ​ ឈើ​ផ្សេង​ទៀត ដូច​ជា​ម្ទេស​ប្លោក […]

ការថែទាំភ្នែក

ចង់ឲ្យភ្នែកមានសុខភាពល្អ កុំរំលងតិចនិក ៤យ៉ាងនេះ

យើង​ដឹង​ហើយ​ថា​ភ្នែក​មាន​សារសំខាន់​កម្រិត​ណា​នោះ ដូច​នេះ​ហើយ​ការថែទាំ​ភ្នែក​ឲ្យមាន​សុខភាព​​ល្អ គឺ​ជា​រឿង​ចាំបាច់​ដូច​គ្នា​។ វិធី​សាមញ្ញ​ៗ​មួយ​ចំនួន​អាច​ជួយ​ឲ្យ​ភ្នែក​របស់​យើង​មាន​សុខភាព​ល្អ​បាន​។ តើ​មាន​វិធី​អ្វីខ្លះ?​​​ ១. របប​អាហារ​ត្រឹម​ត្រូវ របប​អាហារ​ល្អ​ចំពោះភ្នែក​មាន​ផ្លែឈើ បន្លែ ពិសេស​បន្លែ​ពណ៌លឿង និង​បៃតង​ចាស់ មាន​អត្ថ​ប្រយោជន៍​ច្រើន​ចំពោះ​សុខភាព​ភ្នែក។ ដូច​គ្នា​ដែរ ត្រី ស៊ុត និង​ផ្លែ​ឈើ​មាន​ផ្ទុក​អាស៊ីដ​ខ្លាញ់​អូមេហ្គា៣ ដូច​ជា​ផ្លែ​បឺរ​ ក៏​មាន​សារ​សំខាន់​ចំពោះ​សុខ​ភាព​ភ្នែក​ដូច​គ្នា​។ ​បន្លែ​ ដែល​ល្អ​ចំពោះ​សុខភាព​ភ្នែក​មាន​ដូច​ជា ដំឡូងជ្វា ប៉េងប៉ោះ ការ៉ុត ខាត់ណាខៀវ និង​បន្លែ​ស្លឹក​បៃតង​ផ្សេងទៀត​ ជាដើម។ ចំណែក​ផ្លែឈើ​រួមមាន​ផ្លែ​បឺរ ក្រូច ផ្លែគីវី និង​ទំពាំង​បាយ​ជូរ ជាដើម​។ ២. រក្សា​ទម្ងន់​ខ្លួន​ឲ្យ​បាន​ល្អ ​ទម្ងន់​ខ្លួន​ក៏​ទាក់​ទង​នឹង​សុខភាព​ភ្នែក​ដែរ។ បើ​សិន​ជា​យើង​ធាត់​ពេក អាច​នាំ​យើង​ប្រឈម​នឹង​ជំងឺ​ទឹក​នោម​ផ្អែម។ ជំងឺ​ទឹក​នោម​ផ្អែម​នេះ​ទៀត​សោត​បើ​គ្រប់​គ្រង​មិន​បាន​ល្អ​អាច​ធ្វើ​ឲ្យ​យើង​មាន​បញ្ហា​សុខភាព​ភ្នែក​ដែរ​។ បញ្ហា​ប្រឈម​ចំពោះ​សុខភាព​ភ្នែក គឺ​ជំងឺ​ភ្នែក​ដោយសារ​ទឹក​នោមផ្អែម និង​ជំងឺ​ទឹក​ដក់​បាត​ភ្នែក​។ ៣. ហាត់​ប្រាណ​ជា​ប្រចាំ​ ដូច​គ្នា​ដែរ ការ​ហាត់​ប្រាណ​មិន​មែ​ន​ល្អ​តែ​សម្រាប់​សុខភាព​រាង​កាយ​ប៉ុណ្ណោះ​ទេ តែ​ក៏​មាន​ប្រយោជន៍​ដល់​សុខភាព​ភ្នែក​ដែរ។ ល្អ​បែប​ម៉េច​វិញ? ល្អ​ចំពោះ​ភ្នែក ត្រង់​ថា​អ្នក​ហាត់​ប្រាណ​ជា​ប្រ​ចាំ អាច​ការពារ​ខ្លួន​ពី​ជំងឺ​ទឹក​នោម​ផ្អែម សម្ពាធ​ឈាម​ឡើង​ខ្ពស់ និង​កូលេស្តេរ៉ូល​ខ្ពស់​។ ជំងឺ​ទាំង​អស់​នេះ​សុទ្ធ​តែ​អាច​នាំឲ្យ​យើង​មាន​បញ្ហា​គំហើញ​។ ដូច​នេះ បើ​យើង​បាន​ហាត់​ប្រាណ​ទៀង​ទាត់​ នោះ​មានន័យ​ថា​យើង​បាន​បន្ថយ​ហានិភ័យ​បញ្ហា​ភ្នែក​ដែរ​។​ ​៤. សម្រាក​ភ្នែក​ខ្លះ​ បច្ចុប្បន្ន​គ្នា​យើង​ជា​ច្រើន​កំពុង​ធ្វើ​ការ​លើ​កុំព្យូរទ័រ ហើយ​បន្ត​មើល​ទូរសព្ទ​ថែម​ទៀត​ផង​។ ការ​ប្រឹង​សម្លឹង​អេក្រង់​អេឡិច​ត្រូនិក​ទាំង​នេះ​យូរ​ម៉ោង​អាច​ធ្វើ​ឲ្យ​យើង​ភ្លេច​ព្រិច​ភ្នែក នាំ​ឲ្យ​​យើង​រួយ​ភ្នែក​។ ដូច​នេះ​ហើយ បើ​យើង​ធ្វើ​ការ​ច្រើន​លើ​កុំព្យូរទ័រ គួរ​សម្រាក​ភ្នែក​ខ្លះ​ទើប​ជា​ការ​ល្អ។ […]

ការថែទាំភ្នែក

​ចេះ​តែ​ស្ងួត​ភ្នែក​ ​អាច​មក​ពី​បញ្ហា​ទាំង​ ៤យ៉ាងនេះ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ខណៈ​ពេល​ដែល​សញ្ញា​នៃ​បញ្ហា​ភ្នែក​ស្ងួត​​ កើត​ឡើង​នៅ​ពេល​ដែល​ភ្នែក​មិន​អាច​ផលិត​ទឹក​ភ្នែក​គ្រប់គ្រាន់​ ប៉ុន្តែ​មូលហេតុ​បង្ក​អាច​មាន​ភាព​ខុស​ៗ​​គ្នា​។​ ដូច្នេះ​ហើយ​ ​ដើម្បី​កាត់​បន្ថយ​ភាព​ស្ងួត​ និង​​រក្សា​សំណើម​នៅ​ក្នុង​ភ្នែក​ទៅ​តាម​តម្រូវ​ការ​ ​គ្នា​យើង​ចាំបាច់​ស្វែង​រក​មូលហេតុ​បង្ក​​ទូទៅ​​ជា​មុន​សិន​។ ១. ​ចំណាយ​ពេល​នៅ​មុខ​​អេក្រង់​ច្រើន​ជ្រុល​​ ​​មិន​ថា​យើង​ប្រើប្រាស់​​បណ្ដាញ​សង្គម​​នៅ​លើ​ទូរស័ព្ទ​ ឬ​អង្គុយ​​នៅ​មុខ​កុំព្យូទ័រ​ពេញ​មួយ​ថ្ងៃ​​នោះ​ទេ​ មនុស្ស​ជា​ច្រើន​តែងតែ​ជួប​បញ្ហា​​​​​​ដោយ​សារ​តែ​បច្ចេកវិទ្យា​ឌីជីថល​ទាំង​នេះ​។​ ជា​ធម្មតា​ យើង​ព្រិច​ភ្នែក​ញឹកញាប់​ ប៉ុន្តែ​នៅ​ពេល​ដែល​យើង​ផ្ដោត​អារម្មណ៍​​ និង​សម្លឹង​មើល​អ្វី​មួយ​ យើង​បែរ​ជា​មិន​សូវ​​ព្រិច​ភ្នែក​ទៅ​វិញ​។ ពិត​ណាស់​ ការ​ព្រិច​ភ្នែក​មាន​សារសំខាន់​ណាស់​ ពីព្រោះ​វា​អាច​ធ្វើ​ឲ្យ​ស្រទាប់​ទឹក​ភ្នែក​របស់​យើង​ស្រស់​ថ្លា​ឡើង​វិញ​ និង​នាំ​មក​ស្រទាប់​សំណើម​ថ្មី​មួយ​​នៅ​ផ្ទៃ​ខាង​លើ​នៃ​ភ្នែក។​ ជា​រួម​ ប្រសិនបើ​អត្រា​ព្រិច​ភ្នែក​របស់​យើង​ថយ​ចុះ​ ផ្ទៃ​ខាង​លើ​នៃ​ភ្នែក​ក៏​ចាប់ផ្តើម​ស្ងួត​ដូច​គ្នា។​ វិធី​ដោះស្រាយ​៖ ជៀស​វាង​មើល​ឧបករណ៍​អេឡិចត្រូនិក​ជិត​ពេក​ ប្ដូរ​ពន្លឺ​អេក្រង់​ឲ្យ​ស្មើ​នឹង​ពន្លឺ​ដែល​នៅ​ជុំវិញ​ខ្លួន​យើង​ បង្កើន​កម្រិត​ពណ៌​អេក្រង់​ ប្រើប្រាស់​កញ្ចក់​ការពារ​ភ្នែក​ពី​ពន្លឺ​កុំព្យូទ័រ ២. គុណភាព​ទឹក​ភ្នែក​ខ្សោយ ​ភ្នែក​ស្ងួត​កើត​ឡើង​នៅ​ពេល​ដែល​យើង​មិន​អាច​ផលិត​ទឹក​ភ្នែក​គ្រប់គ្រាន់​ ឬ​​បាត់បង់​ទឹក​ភ្នែក​ច្រើន​​ជ្រុល​។​ គុណភាព​ទឹក​ភ្នែក​ខ្សោយ​​កើត​ឡើង​ជា​ទូទៅ​ដោយ​សារ​តែ​​រោគ​រលាក​ត្របក​ភ្នែក ។​ នៅ​ពេល​ដែល​យើង​មាន​ជំងឺ​រលាក​ត្របក​ភ្នែក​ ស្រទាប់​ខ្លាញ់​​​អាច​នឹង​​​បំបែក​ចេញ​ឆាប់​រហ័ស​ និង​ធ្វើ​ឲ្យ​ទឹក​ភ្នែក​ហួត​ហួស​កម្រិត​ ហើយ​ត្របក​ភ្នែក​របស់​យើង​នឹង​ឡើង​ក្រហម​ ព្រម​ទាំង​រមាស់​​​។​ វិធី​ដោះស្រាយ​៖ សម្រាប់​អ្នក​ដែល​មាន​ភ្នែក​ស្ងួត គប្បី​ប្រើ​ថ្នាំ​បន្តក់​ភ្នែក​ប្រភេទ​ផ្ដល់​សំណើម​ ។ សម្រាប់​ដោះស្រាយ​​ជំងឺ​រលាក​ត្របក​ភ្នែក យើង​គួរ​ស្អំ​កំណាត់​ក្ដៅ​ឧណ្ហ​ៗ​ និង​ប្រើ​​ស្ក្រាប់​ត្រដុស​ត្របក​ភ្នែក​ ​។ ក្នុង​ករណី​មិនបានធូរស្បើយ គួរពិភាក្សាជាមួយគ្រូពេទ្យ​។​ ៣. បរិយាកាស​ស្ងួត​ពេក​ ខ្យល់​​ ឬ​ផ្សែង​ខ្លាំង​​ពេក​ ​នៅ​ពេល​ដែល​បរិយាកាស​ស្ងួត​ ផ្ទៃ​ខាង​លើ​នៃ​ភ្នែក​របស់​យើង​ក៏​ស្ងួត​ដូច​គ្នា។​ បន្ថែម​ពី​​អាកាសធាតុ​ស្ងួត​ កត្តា​ខ្យល់​ និង​ផ្សែង​ក៏​អាច​ស្រូប​យក​សំណើម​ពី​ភ្នែក​របស់​យើង​ផង​ដែរ​។​ ​វិធី​ដោះស្រាយ​៖ ​ដើម្បី​ដោះស្រាយ​បញ្ហា​នេះ​ យើង​គប្បី​ប្រើប្រាស់​ថ្នាំ​បន្តក់​ភ្នែក​ប្រភេទ​ផ្ដល់​សំណើមនៅ​ពេល​ព្រឹក​ ថ្ងៃ​ និង​យប់​ ដើម្បី​រក្សា​សំណើម​​ភ្នែក​ និង​ការពារ​ផ្ទៃ​ខាង​លើ​នៃ​ភ្នែក​។ សូមពិភាក្សាជាមួយគ្រូពេទ្យ​ ឬឱសថការី មុន​ប្រើថ្នាំបន្តក់ណាមួយ​។​ ៤. លក្ខខណ្ឌ​សុខភាព​មួយ​ចំនួន​ បញ្ហា​សុខភាព​មួយ​ចំនួន​ដូចជា​កង្វះ​វីតាមីន​A ជំងឺ​ភ្នែក​អាលែកហ្ស៊ី​ […]

ការថែទាំភ្នែក

​ថ្នាំ​បន្តក់​ភ្នែក​ អាចប្រើរាល់​ថ្ងៃ​បានអត់​?​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ជា​ទូ​ទៅ​ ភ្នែក​យើង​អាច​ស្ងួត​ ​ក្រហម​ ​រមាស់​ ឬ​ចេញ​ទឹក​ភ្នែក​មិន​បាត់​ ដោយ​សារ​តែ​កត្តា​ផ្សេង​ៗ​ដូចជា​ធូលី​ដី​ ការ​ប្រើប្រាស់​ថ្នាំ​មួយ​ចំនួន​ ការវិវត្តទៅ​រក​ភាព​ចាស់​តាម​ធម្មជាតិ​ ​ឬ​ការ​ឆ្លង​មេរោគ​​ជាដើម​។ នៅ​ក្នុង​ករណី​ដែល​យើង​មាន​បញ្ហា​ភ្នែក​ទាំង​នេះ​ តើ​យើង​គួរ​ប្រើប្រាស់​ថ្នាំ​បន្តក់​ភ្នែក​ដែរ​ឬ​ទេ? ហើយ​​​ថ្នាំ​​បន្តក់​ភ្នែក​អាច​ផ្ដល់​ផល​ប៉ះពាល់​ឬ​អត់​ ប្រសិនបើ​យើង​ប្រើ​វា​រាល់​ថ្ងៃ​? ​ប្រភេទ​ថ្នាំ​បន្តក់​ភ្នែក​ ​​​​​​ថ្នាំ​បន្តក់​ភ្នែក​​​ដែល​មាន​លក់​នៅ​តាម​ឱសថស្ថាន​​នានា​​មាន​ដូចជា​ថ្នាំ​បន្តក់​ភ្នែក​សម្រាប់​ព្យាបាល​ភ្នែក​ក្រហម​ ​ថ្នាំ​បន្តក់​ភ្នែក​សម្រាប់​​ផ្ដល់​សំណើម​ដល់​ភ្នែក​ និង​ថ្នាំ​បន្តក់​ភ្នែក​សម្រាប់​ភ្នែក​អាលែកហ្ស៊ី​។ យ៉ាង​ណា​មិញ ថ្នាំ​បន្តក់​ភ្នែក​ទាំង​នេះ​​មាន​ប្រសិទ្ធភាព​ផ្សេង​ៗ​គ្នា​ ហើយ​​ថ្នាំ​​បន្តក់​ភ្នែក​ខ្លះ​​មាន​សុវត្ថិភាព​​ក្នុង​ការ​ប្រើប្រាស់​រយៈពេល​វែង​ ខណៈ​ពេល​ដែល​ថ្នាំ​បន្តក់​ភ្នែក​ខ្លះ​ទៀត​​អាច​ប្រើប្រាស់​តែ​ក្នុង​រយៈ​ពេល​ខ្លី​ប៉ុណ្ណោះ​។ ​​ថ្នាំ​បន្តក់​ភ្នែក​សម្រាប់​​ផ្ដល់​សំណើម​ដល់​ភ្នែក​ ប្រសិនបើ​ភ្នែក​របស់​យើង​ប៉ះពាល់​ជាមួយ​នឹង​កញ្ចក់​អេក្រង់​ជា​ប្រចាំ​នោះ​ ​​​យើង​​អាច​ព្រិច​ភ្នែក​​ញឹកញាប់​ជាង​ធម្មតា​។​ ​នៅ​ក្នុង​ករណី​ដែល​​មិន​មាន​​ការ​បន្ថែម​ប្រេង​ទេ​នោះ​ ​​ភ្នែក​​នឹង​ចាប់ផ្ដើម​ស្ងួត​ ព្រម​ទាំង​មាន​អារម្មណ៍​មិន​ស្រួល​។ ជាក់​ស្ដែង​ ថ្នាំ​បន្តក់​ភ្នែក​ប្រភេទ​​(Artificial tears) ត្រូវ​បាន​ប្រើប្រាស់​ដើម្បី​ផ្ដល់​សំណើម​ដល់​ភ្នែក​ នៅ​ពេលភ្នែក​ស្ងួត​ ហត់​នឿយ​ ឬ​ក្រហាយ​។ មូលហេតុ​ដទៃ​ទៀត​​ដែល​បណ្ដាល​ឲ្យ​ភ្នែក​ស្ងួត​រួម​មាន​​ការ​បំពុល​ ​សារធាតុ​ដែល​ធ្វើ​ឲ្យ​​អាលែកហ្ស៊ី​នៅ​ក្នុង​ខ្យល់​ ថ្នាំ​ជាក់លាក់​មួយ​ចំនួន​ និង​ការ​ប្រែប្រួល​អ័រម៉ូន​។​ តើ​យើង​អាច​ប្រើប្រាស់​ថ្នាំ​បន្តក់​ភ្នែក​ប្រភេទ​​Artificial tears​រាល់​ថ្ងៃ​បាន​ទេ? សម្រាប់​ថ្នាំ​បន្តក់​ភ្នែក​ប្រភេទ​​Artificial tears​ គ្នា​យើង​អាច​ប្រើប្រាស់​រាល់​ថ្ងៃ​បាន​ ដោយ​ពុំ​មាន​ផល​ប៉ះពាល់​ណា​មួយ​ចំពោះ​ភ្នែក​​យើង​ឡើយ​​។​ ប្រសិនបើ​យើង​ប្រើប្រាស់​ថ្នាំ​បន្តក់​ភ្នែក​ដែល​មាន​សារធាតុ​​រក្សា​ទុក​ឬ​ភ្នែក​របស់​យើង​ងាយ​ប្រតិកម្ម​ ឬ​ត្រូវ​​ប្រើប្រាស់​វា​ញឹកញាប់​ ​​ ​​​គ្នា​យើង​គប្បី​ជ្រើសរើស​ថ្នាំ​បន្តក់​ភ្នែក​ប្រភេទ​​Artificial tears​ ដែល​គ្មាន​ជាតិ​រក្សា​ទុក​ទើប​ជា​ការ​ប្រសើរ​។ ដើម្បី​កាន់​តែ​ច្បាស់​គ្នា​យើង​ត្រូវ​សាក​សួរ​ព័ត៌មាន​បន្ថែម​ពីឱសថការី​។​ ​​ថ្នាំ​បន្តក់​ភ្នែក​សម្រាប់​ព្យាបាល​ភ្នែក​ក្រហម ពិត​ណាស់​ ថ្នាំ​បន្តក់​ភ្នែក​ប្រភេទ​នេះ​មាន​សារធាតុ​ផ្សំ​ដែល​​អាច​បណ្ដាល​ឲ្យ​​​ភ្នែក​ក្រហម​ឡើង​វិញ​ នៅ​ពេល​ឈប់​ប្រើ​វា​ ហើយ​វា​មិន​មាន​សុវត្ថិភាព​ក្នុង​ការ​ប្រើប្រាស់​រយៈ​ពេល​វែង​ឡើយ​។​ ​យ៉ាង​ណា​មិញ​ មាន​មូលហេតុ​ជា​ច្រើន​ដែល​ធ្វើ​ឲ្យ​ភ្នែក​របស់​យើង​ក្រហម​ ដូចជា​ភ្នែក​ស្ងួត​ ក្រហាយ​ ឬ​អាលែកហ្ស៊ី​។​ ជំនួស​ឲ្យ​ការ​ប្រើប្រាស់​ថ្នាំ​បន្តក់​ភ្នែក​សម្រាប់​ព្យាបាល​ភ្នែក​ក្រហម ​គ្នា​យើង​គួរ​ងាក​មក​ប្រើប្រាស់​ថ្នាំ​បន្តក់​ភ្នែក​ប្រភេទ​​Artificial […]

ការថែទាំភ្នែក

តិចនិកថែភ្នែក ២០.២០.២០​ អ្នកប្រើគ្រឿងអេឡិចត្រូនិកច្រើនគួរដឹង

គ្នា​យើង​ដឹង​​ហើយ​ថា​ភ្នែក​មាន​សារ​សំខាន់​ប៉ុនណា​សម្រាប់​ជីវិត​​ប្រចាំ​ថ្ងៃ​។ ជំងឺ​ភ្នែក​មួយ​ចំនួន​អាច​ធ្វើ​ឲ្យ​យើង​បាត់​បង់​គំហើញ ដូច​នេះ​ហើយ​បាន​ជា​យើង​ត្រូវ​ប្រញាប់​ព្យាបាល​ពេល​ភ្នែក​មាន​ជំងឺ និង​ត្រូវ​ថែទាំ​ភ្នែក​ឲ្យ​បាន​ល្អ​។​ ១.​តិចនិក​២០.២០.២០ ជា​ធម្មតា​ភ្នែក​មនុស្ស​យើង​អាច​នឹង​ព្រិច​ចុះ​ឡើង​ប្រហែល​១៥​ដង​ក្នុង​មួយ​នាទី ប៉ុន្តែ​នៅ​ពេល​យើង​រវល់​សម្លឹង​កុំព្យូទ័រ ទូរទស្សន៍ ឬ​ទូសព្ទ យើង​អាច​នឹង​​ភ្លេច​ព្រិច​ភ្នែក និង​នាំ​ឲ្យ​សកម្មភាព​ព្រិច​ភ្នែក​ធ្លាក់​មក​ត្រឹម​៥​ទៅ​៧​ដង​ក្នុង​មួយ​នាទី​វិញ​ អាច​នាំ​ឲ្យ​ភ្នែក​ងាយ​ស្ងួត​។ តិចនិក​២០.២០.​២០ គឺ​សំដៅ​ដល់​ការ​សម្លឹង​មើល​អេក្រង់​គ្រឿង​អេឡិក​ត្រូវ​និច​ត្រឹម​២០​នាទី​ម្ដង​ ហើយ​ត្រូវ​ងាក​ភ្នែក​ទៅ​មើល​វត្ថុ​ផ្សេង​ក្នុង​ចម្ងាយ​២០​ហ្វីត​ (ប្រហែល​៦ម៉ែត្រ​)​ពី​ខ្លួន ក្នុង​រយៈពេល​២០​វិនាទី​។ ការ​ធ្វើ​ដូច​នេះ អាច​ជួយ​ឲ្យ​ភ្នែក​របស់​យើង​មាន​ឱកាស​សម្រាក​បាន​ខ្លះ​។ ២. បញ្ចេញ​សកម្មភាព​រាង​កាយ​ អ្នក​បញ្ចេញ​សកម្មភាព​រាង​កាយ​ច្រើន តែ​ង​មាន​សុខភាព​រាង​កាយ​ល្អ​ជាង​អ្នក​ដែល​មិន​ហាត់​ប្រាណ។ ការ​ធាត់ ឬ​លើស​ទម្ងន់ ធ្វើ​ឲ្យ​មនុស្ស​យើង​​ប្រឈម​ខ្ពស់​នឹង​ការ​កើត​ជំងឺ​ទឹក​នោម​ផ្អែម និង​បញ្ហា​មួយ​ចំនួន​ទៀត នាំ​ឲ្យ​មាន​បញ្ហា​ដល់​ភ្នែក​។​ ៣. មាន​បញ្ហា​ភ្នែក​ត្រូវ​ទៅ​ជួបពេទ្យ​ បើ​សិន​ជា​យើង​មាន​បញ្ហា​ស្រវាំង​ភ្នែក​កើត​ឡើង​ញឹក​ញាប់ រំខាន​ដល់​គំហើញ​របស់​យើង​ នោះ​ជា​ពេល​ដែល​យើង​គួរ​ត្រូវ​ទៅ​ជួប​ពេទ្យ​ដើម្បី​ពិនិត្យ និង​ព្យាបាល​ដែរ​​ហើយ​។ ៤. របប​អាហារ​ របប​អាហារ​ត្រឹម​ត្រូវ​ជួយ​ឲ្យ​ភ្នែក​របស់​យើង​មាន​សុខភាព​ល្អ​។ ក្នុង​របប​អាហារ​ប្រចាំ​ថ្ងៃ គួរ​មាន​បន្លែ​ និង​ផ្លែឈើ និង​ត្រី ជា​ដើម។​ បន្លែ​គួរ​ជា​បន្លែ​ពណ៌លឿង និង​បៃតង​។ ៥. ប្រើ​វ៉ែនតា​ការពារ​ពន្លឺ​ចេញ​ពី​អេក្រង់​ បើ​សិន​ជា​យើង​​ធ្វើ​ការ​ច្រើន​ម៉ោង​នៅ​មុខ​កុំព្យូទ័រ​​រាល់​ថ្ងៃ យើង​គួរ​តែ​ប្រើ​វ៉ែន​តា​ការពារ​ពន្លឺ​កុំព្យូទ័រ​ដើម្បី​កុំ​ឲ្យ​ឈឺ​ភ្នែក ដោយ​សារ​ពន្លឺ និង​ការ​សម្លឹង​កុំព្យូទ័រ​យូរ​​ម៉ោង​។ ​ដូច​គ្នា​ដែរ យើង​គួរ​កែសម្រួល​ពន្លឺ​លើ​អេក្រង់​កុំព្យូទ័រ​ឲ្យ​សម​នឹង​ភ្នែក កុំ​ឲ្យ​ចាំង​ពេក ឬ​ងងឹត​ពេក​ជាដើម ពោល​គឺ​ធ្វើ​ឲ្យ​យ៉ាង​ឲ្យ​ពន្លឺ​សមាមាត្រ​ទៅ​នឹង​ពន្លឺ​​មជ្ឈដ្ឋាន​ជុំ​វិញ​យើងដែរ​​។

ការថែទាំភ្នែក

ចូលវ័យជ្រេហើយ គួរដឹងតិចនិកថែទាំភ្នែកឲ្យនៅភ្លឺ មានសុខភាពល្អ

តាម​ពិត​ទៅ យើង​គ្រប់​គ្នា​គួរ​តែ​រៀន​ថែ​ទាំ​ភ្នែក​ឲ្យ​មាន​សុខភាព​តាំង​ពី​នៅ​ក្មេងៗ​ម្ល៉េះ ដើម្បី​ពេល​វិវត្ត​វ័យ​ទៅ​ភ្នែក​នៅ​តែ​ភ្លឺ​មើល​ច្បាស់​។ នៅ​ពេល​ដែល​វ័យ​យើង​កាន់​តែ​ដើរ​ទៅ​មុខ ហើយ​បើ​មិន​បាន​ថែ​ទាំ​ល្អ​ទៀត សុខភាព​ភ្នែក​អាច​ខ្សោយ​ចុះ ងាយ​នឹង​កើត​ជំងឺ​ភ្នែក​ផ្សេងៗ។ ប៉ុន្តែ បើ​យើង​ចង់​ឲ្យ​ភ្នែក​មើល​ច្បាស់​មិន​ងាយ​ឈឺ អាច​ចាប់​ផ្ដើម​ថែ​ទាំ​ភ្នែក​តាម​ ៤ តិចនិក​ ខាង​ក្រោម ធានា​ភ្នែក​មាន​សុខភាព​ល្អ ទោះ​វ័យ​ច្រើន​ទៅ​ក៏​ដោយ។ ១.គេង​ឲ្យ​បាន​គ្រប់​គ្រាន់ ភ្នែក​យើង​ត្រូវ​ការ​គេង​យ៉ាង​តិច​ ៥ម៉ោង​/យប់ ដើម្បី​ដំណើរ​ការ​បាន​ល្អ​អំឡុង​ពេល​ថ្ងៃ។ ដូច​នេះ​ការ​គេង​មិន​បាន​គ្រប់​គ្រាន់​អាច​ជា​ហេតុ​ធ្វើ​ឲ្យ​ភ្នែក​ញាក់ ភ្នែក​ស្ងួត និង​ឡើង​សរសៃ​ក្រហម​។ ២.សម្រាក​ពី​អេក្រង់ ជា​ទូទៅ អ្នក​ដែល​ធ្វើ​ការ​ជាមួយ​កុំព្យូទ័រ កម្រ​នឹង​ធ្មេច​ភ្នែក​ណាស់ ព្រោះ​កំពុង​ផ្ចង់​អារម្មណ៍​ធ្វើ​ការ ដែល​ជាហេតុ​ធ្វើ​ឲ្យ​ភ្នែក​ស្ងួត ស្ពឹក ឬ​មិន​ស្រណុក។ យើង​គួរ​ដាក់​ពន្លឺ​អេក្រង់​ឲ្យ​បាន​សម​នឹង​ភ្នែក​ទទួល​បាន សម្រាក​ភ្នែក​រាល់​២០​នាទី និង​ត្រូវ​ឧស្សាហ៍​ធ្មេច​ភ្នែក​ពេល​កំពុង​បំពេញ​ការងារ។ ៣.ញ៉ាំ​អាហារ​ផ្ទុក​សារធាតុ​ប្រឆាំង​អុកស៊ីដកម្ម​ខ្ពស់ អាហារ​មួយ​ចំនួន​ដែល​ផ្ទុក​សារធាតុ​ប្រឆាំង​អុកស៊ីដកម្ម អាច​កាត់​បន្ថយ​ហានិភ័យ​ជំងឺ​ភ្នែក និង​បញ្ហា​ខូច​ភ្នែក​ដោយ​សារ​ត្រូវ​ពន្លឺ​ថ្ងៃ ផ្សែង​បារី និង​ខ្យល់​ពុល។ យើង​អាច​រក​វា​បាន​នៅ​ក្នុង​ស៊ុត បន្លែ​បៃ​តង ម្ទេស​ប្លោក​ក្រហម និង​លឿង ប៉េង​ប៉ោះ។ល។ ៤. ពិនិត្យ​សុខភាព​ភ្នែក​ជា​ប្រចាំ ចំណុច​នេះ ជា​ចំណុច​សំខាន់​បំផុត​​ថែ​រក្សា​ភ្នែក​ឲ្យ​មាន​សុខភាព​ល្អ ជា​ពិសេស​សម្រាប់​មនុស្ស​ចាស់។ យើង​គួរ​ពិនិត្យ​ភ្នែក​យ៉ាង​តិច​ ២ឆ្នាំ/ម្តង ដើម្បី​មើល​ស្ថានភាព​ភ្នែក ឬ​ព្យាបាល​ជំងឺ​ភ្នែក​ផ្សេងៗ​មុន​នឹង​វា​ចេញ​រោគសញ្ញា​ខ្លាំង។

ការថែទាំភ្នែក

៦ ទម្លាប់​សាមញ្ញៗប្រចាំថ្ងៃ អាចធ្វើឲ្យភ្នែកខូចដោយមិនដឹងខ្លួន

ភ្នែក ជា​ផ្នែក​នៅ​លើ​រាង​កាយ​ដែល​យើង​អត់​មិន​បាន វាជួយ​ឲ្យ​យើង​មើល​ឃើញ​ពី​អ្វី​គ្រប់​យ៉ាង​ដែល​កើត​ឡើង​ជុំ​វិញ​ខ្លួន​យើង។ ធម្មតា ភ្នែក​កម្រ​នឹង​មាន​បញ្ហា​ធំដុំ​នាំ​ទុក្ខ​ឲ្យ​យើង​ណាស់ ទើប​មាន​គ្នា​យើង​មួយ​ចំនួន​មិន​សូវ​ជា​យក​ចិត្ត​ទុក​ដាក់​ថែ​ទាំ​ភ្នែក​ឲ្យ​បាន​ល្អ។ មាន​ដឹង​ទេ​ថា នៅ​ពេល​ដែល​ភ្នែក​កើត​ជំងឺ​វា​អាច​ផ្ដល់​ផល​ពិបាក​ក្នុង​ការ​រស់​នៅ​ប្រចាំ​ថ្ងៃ​យើង ឬ​បើ​ធ្ងន់ធ្ងរ​អាច​ធ្វើ​ឲ្យ​យើង​មើល​លែង​ឃើញ ហើយ​សកម្មភាព​ដែល​យើង​ធ្វើ​រាល់​ថ្ងៃ ក៏​ជា​ចំណែក​មួយ​ចូលរួម​ធ្វើ​ឲ្យ​សមត្ថភាព​ភ្នែក​ចុះ​ខ្សោយ​ដែរ។ បើ​ចង់​ឲ្យ​ភ្នែក​ល្អ មើល​ឃើញ​វត្ថុ​ច្បាស់​ទោះ​វ័យ​វិវត្ត​ក្ដី យើង​គួរ​កែប្រែ​ទម្លាប់​ប៉ុន្មាន​ខាង​ក្រោម​នេះ​ចេញ៖ ១. មិន​ពាក់​វ៉ែនតា​ការពារ​កម្ដៅ​ថ្ងៃ៖ ពេល​យើង​មិន​ពាក់​វ៉ែនតា​ការពារ​កម្ដៅ​ថ្ងៃ ដូច​យើង​បើក​ចំហ​ភ្នែក​ឲ្យ​ត្រូវ​ឥទ្ធិពល​ UV ​មិន​ល្អ​ដែល​អាច​ប៉ះពាល់​ដល់​កែវ​ភ្នែក និង​ត្របក​ភ្នែក​។ បើ​យើង​ឲ្យ​ភ្នែក​ត្រូវ​កម្ដៅ​ថ្ងៃ​ក្នុង​រយៈ​ពេល​យូរ វា​អាច​បណ្ដាល​ឲ្យ​រលាក​ផ្ទៃ​ខាង​លើ​នៃ​ភ្នែក ឬ​ក្នុង​ករណី​កម្រ​ខ្លះ អាច​កើត​ជា​មហារីក​ត្របក​ភ្នែក​ទៀត​ផង។ ២. ជក់​បារី៖ គ្រប់​គ្នា​ដឹង​ហើយ​ថា ការ​ជក់​បារី​ប៉ះពាល់​ស្ទើរ​តែ​គ្រប់​ផ្នែក​ដល់​រាង​កាយ បូក​រួម​ទាំង​ភ្នែក​ដែរ។ អ្នក​ជក់​បារី​ងាយ​បាត់​បង់​គំហើញ ​៤ដង បើ​ធៀប​នឹង​មនុស្ស​ធម្មតា​មិន​ជក់​បារី ប៉ុន្តែ​បើ​យើង​ផ្ដាច់​បារី​បាន ទោះ​វ័យ​ណា​ក៏​ដោយ អាច​កាត់​បន្ថយ​ហានិភ័យ​ក្នុង​ការ​កើត​ជំងឺ​ភ្នែក​ធ្ងន់ធ្ងរ។ ៣. ញី​ភ្នែក៖ ស្បែក​ដែល​នៅ​ជុំ​ភ្នែក​មាន​សភាព​ទន់ ស្ដើង ហើយ​វា​ធ្វើ​ឲ្យ​ការ​ញី​ភ្នែក​អាច​ប៉ះពាល់​ដល់​សរសៃ​ឈាម​តូច​ៗ​នៅ​ក្រោម​ស្បែក និង​បណ្ដាល​ឲ្យ​ភ្នែក​ខ្មៅ ឬ​មើល​ទៅ​ហើម។ បើ​យើង​ញី​ភ្នែក​ញឹក​ញាប់​ក្នុង​រយៈ​ពេល​យូរ វា​អាច​ធ្វើ​ឲ្យ​យើង​កើត​ជំងឺ​ប៉ោងកញ្ចក់ភ្នែក (​cornea) ជា​ជំងឺ​ភ្នែក​ម៉្យាង​ធ្វើ​ឲ្យ​បាត់​បង់​គំហើញ​បាន។ ៤. គេង​មិន​គ្រប់​គ្រាន់៖ ការ​គេង​មិន​គ្រប់​គ្រាន់​អាច​បណ្ដាល​ឲ្យ​ភ្នែក​ឡើង​ក្រហម ភ្នែក​ខ្មៅ ភ្នែក​ស្ងួត ញាក់​ភ្នែក និង​ស្រវាំង​ភ្នែក។ មិន​ត្រឹម​តែ​ប៉ះពាល់​ដល់​ភ្នែក​ប៉ុណ្ណោះ​ទេ ការ​គេង​មិន​គ្រប់​គ្រាន់​ក៏​អាច​ប៉ះពាល់​ដល់​ផ្នែក​សុខភាព​ទូទៅ​របស់​យើង​បាន​ដែរ។ ៥. មាន​របប​អាហារ​មិន​ល្អ៖ បើ​យើង​មិន​ញ៉ាំ​បន្លែ ឬ​ផ្លែឈើ​គ្រប់​គ្រាន់​ក្នុង​របប​អាហារ​ប្រចាំ​ថ្ងៃ មាន​ន័យ​ថា […]

ការថែទាំភ្នែក

ប្រភេទអាហារទាំងនេះ សុទ្ធតែមាន​ប្រយោជន៍ដល់សុខភាពភ្នែក

គ្នា​យើង​សុទ្ធ​តែ​ដឹង​ហើយ​ថា​ភ្នែកពិតជាមានតម្លៃណាស់។ បច្ចុប្បន្ននេះ​ មនុស្សយើង​មួយចំនួននៅលើពិភពលោកមានបញ្ហាភ្នែក ហើយក៏​កំពុងតែមានការកើនឡើងយ៉ាងឆាប់រហ័សដែរ​។ ទោះជាយ៉ាងណា យើងក៏អាចការពារហានិភ័យ​កើត​លើ​ភ្នែក​ដូចជាជំងឺភ្នែកឡើងបាយ ជំងឺដក់ទឹកក្នុងបាតភ្នែក និងជំងឺ macular degeneration បាន​ដែរ​ ដោយគ្រាន់តែចាប់ផ្តើមពីរបបអាហារប្រចាំថ្ងៃរបស់យើង​។ យើងអាចកាត់បន្ថយគ្រោះថ្នាក់នៃការបាត់បង់ចក្ខុវិញាណបានដល់​ទៅ ២៥ ភាគរយដោយការប្រើវីតាមីនចម្រុះ និងរបបអាហារដែលមានសុខភាពល្អ។  ១–ក្រុមអាហារវីតាមីនAនិងការ៉ូទីន នៅពេលដែលយើងនិយាយអំពីវីតាមីន A ឬការ៉ាទីន (Carotene) យើង​អាច​នឹងគិតភ្លាមៗអំពីអាហារដែលមានពណ៌ទឹកក្រូច ក្រហម ឬលឿង។ ផ្លែឈើ និងបន្លែជាច្រើនសម្បូរ​ទៅដោយវីតាមីន A និងការ៉ូទីនមានដូចជាការ៉ុត ដំឡូង ស្ពៃពុយឡេង និងស្ពៃខ្មៅជាដើម។ នៅក្នុងការ៉ាទីន មានសារជាតិ lutein ដែលអាចការពារយើងពីជំងឺ macular degeneration ដែលបណ្តាលមកពីពន្លឺពណ៌ខៀវ និងកាំរស្មីអ៊ុលត្រាវីយូឡេ របស់​ព្រះអាទិត្យ។ ជាធម្មតាយើងត្រូវការ lutein ១០ មិល្លីក្រាមក្នុងមួយថ្ងៃ។ ត្រូវចងចាំថាយើង​មិនត្រូវចម្អិន​បន្លែក្នុងក្រុមវីតាមីននេះឲ្យឆ្អិនពេកទេ លើកលែងតែការ៉ុតដោយសារយើង​អាចទទួល​បាន​អត្ថប្រយោជន៍​ល្អក្រោយ​ពីចម្អិន​ការ៉ុតឲ្យ​ឆ្អិន។ ក្នុងស្ពៃខ្មៅមិនត្រឹមតែមានផ្ទុកនូវសារធាតុ ការ៉ាទីន ប៉ុណ្ណោះទេ វាថែមទាំងមានផ្ទុកនូវសារធាតុ zeaxanthin ដូចគ្នា។ យោងតាមអ្នកជំនាញបានឲ្យដឹងថាជារៀងរាល់សប្តាហ៍យើងគួរញ៉ាំស្ពៃ ឬខាត់ណាប្រហែល ២៨៣ ក្រាមដើម្បីទទួលបានសារធាតុចិញ្ចឹមដែលចាំបាច់។ លើសពីនេះទៀត កម្រិត​ខ្ពស់នៃសារធាតុរ៉ែ ក៏អាចជួយយើង​ចៀស​ផុត​ពីជំងឺមហារីកដែរ។ ហេតុអ្វីបានជាការ៉ាទីនត្រូវផ្សំគ្នាជាមួយវីតាមីនអា? ពីព្រោះនៅពេលយើង​ញ៉ាំ […]

ការថែទាំភ្នែក

ក្រោកពីគេងហើមភ្នែក លែងស្អាត អាចសាកបំបាត់ដោយវិធីធម្មជាតិទាំងនេះវិញ

បញ្ហា​ហើម​ភ្នែក​ក្រោយ​ក្រោក​ពី​គេង អ្នក​ណាៗ​ក៏​ជួប​ដែរ មិន​រើស​ពេល​ទេ​ឲ្យ​តែ​ទើប​ក្រោយ​ពី​គេង ព្រឹក​ក៏​ដោយ ឬ​ថ្ងៃ​ក៏​ដោយ។ ការ​ហើម​ភ្នែក​នេះ មិន​មាន​ជា​បញ្ហា​អី​ធំ​ដុំ​ទេ ប៉ុន្តែ​វា​អាច​ធ្វើ​ឲ្យ​យើង​បាក់​សម្រស់ ​មើលទៅ​មិន​សូវ​ឃើញ​ស្អាត​។ តាម​កញ្ញា ឆឹង ច័ន្ទមុន្នីរស្មី តារាម៉ូដែលកម្ពុជា​យើង​ម្នាក់ បាន​ចែក​រំលែក​ឲ្យ​ដឹង​ថា "និយាយ​ពី​រឿង​ហើម​ភ្នែក​ហ្នឹង ពិបាក​ណាស់​សម្រាប់​ខ្ញុំ ព្រោះ​ខ្ញុំ​ត្រូវ​ថត​ច្រើន អ៊ីចឹង​ហើយ​បើ​ភ្នែក​ហើម គឺ​ថត​មិន​ស្អាត​តែ​ម្ដង។" ដូច​នេះ កញ្ញា​បាន​ណែនាំ​តិចនិក​ខ្លះៗ ដែល​ប្រើ​ជា​ប្រចាំ​ដើម្បី​បំបាត់​បញ្ហា​ភ្នែក​ហើម​នេះ​ដូច​ជា៖ ១.ត្រសក់ ត្រសក់​មាន​ផ្ទុក​សារធាតុ​ប្រឆាំង​អុកស៊ីដកម្ម​ដែល​ជួយ​សម្រួល​ដល់​ការ​រលាក ឬ​ការ​ហើម​ភ្នែក​នោះ។ យើង​កាត់​ត្រសក់​ត្រជាក់ៗ ​៣-៤ ចំណិត ​រួច​ស្អំ​នៅ​លើ​ភ្នែក​ទាំង​សង​ខាង រយៈ​ពេល​កន្លះ​ម៉ោង។ ការ​ស្អំ​ត្រសក់​បែប​នេះ​នឹង​ជួយ​ឲ្យ​ភ្នែក​ស្រក​ភាព​ហើម​អស់។ ២.ស្លាបព្រា វិធី​នេះ​សម្រាប់​ពេល​ដែល​ប្រញាប់ ឬ​គ្មាន​ពេល​ត្រូវ​សម្រាក​យូរ។ កញ្ញា​ថា ដំបូង​យក​ស្លាប​ព្រា​ទៅ​ត្រាំ​ទឹកកក ឬ​ដាក់​ក្នុង​ទូ​ទឹកកក ​៧-៨នា​ទី រួច​យក​ស្លាបព្រា​មក​ស្អំ​លើ​ភ្នែក ១-២​នាទី​ ជា​ការ​ស្រេច។ វិធី​នេះ​ងាយ​ស្រួល ហើយ​លឿន តែ​វា​ក៏​ជួយ​បំបាត់​ភាព​ហើម​បាន​តិច​តួច​ដែរ។ ៣.កញ្ចប់​តែ យើង​អាច​យក​កញ្ចប់​តែ​២​កញ្ចប់ ដែល​ឆុង​ហើយ​ទៅ​ដាក់​ក្នុង​ទូទឹកកក​៤-៥​នាទី រួច​យក​វា​មក​ស្អំ​លើ​ភ្នែក​ទាំង​សង​ខាង ៥​នាទី​ទៀត។ ជាតិ​កាហ្វេអ៊ីន​នៅ​ក្នុង​តែ អាច​ជួយ​សម្រួល​ដល់​សរសៃ​ឈាម​របស់​ភ្នែក ជាហេតុ​ជួយ​កាត់​បន្ថយ​ហើម​ភ្នែក។ (បញ្ជាក់៖កញ្ចប់​តែ​នេះ គឺ​កញ្ចប់​តែ​តូចៗ​ដែល​យើង​ដាក់​ឆុង​ក្នុង​កែវ​ទឹក​ញ៉ាំ មិន​មែន​តែ​កញ្ចប់​ធម្មតា​យើង​ទេ)។ ៤.ទឹកកក ប្រសិន​បើ​គ្មាន​គ្រឿង​ដែល​រៀប​ខាង​លើ​ទេ​នោះ យើង​អាច​យក​ទឹក​កក​មក​ស្អំ​ជំនួស​តែម្ដង ដោយយកទឹកកក មកស្អំ ឬលញ់ លើភ្នែក ២-៣នាទី។ […]

ការថែទាំភ្នែក

បើមានអាការៈក្ដៅផ្សាក្នុងភ្នែក គួរ​ដោះស្រាយ​បែបណា?

អាការៈ​ក្ដៅ​ភ្នែក​អាចកើត​មានពី​ច្រើនមូលហេតុ ចាប់ពីកម្រិតធម្មតាទៅដល់​កម្រិត​សាំញ៉ាំ។ ជាធម្មតាអាការៈបែបនេះកើតឡើងដោយ​មាន​រោគសញ្ញាដូចជារមាស់ឈឺពេលហូរទឹកភ្នែក ប៉ុន្តែនៅក្នុងករណីខ្លះ វាមិនបញ្ចេញរោគសញ្ញាអ្វីទាំងអស់។ ដើម្បីឲ្យយល់​កាន់តែច្បាស់អំពីវិបត្តិភ្នែកឡើង​ក្ដៅ និងវិធីដោះស្រាយយើងគួរតាមព័ត៌មានខាងក្រោម។ មានអាការៈភ្នែកក្ដៅពេលណា? ជាធម្មតាអាការៈភ្នែកឡើង​ក្ដៅអាច​កើតឡើងដោយសារមូលហេតុ​សាមញ្ញបំផុត។ រាល់សមាសធាតុដែលប៉ះពាល់នឹងភ្នែកយើង​វានឹងធ្វើឲ្យភ្នែកយើង​ផ្សា ប៉ុន្តែមិនមែនអ្វីទាំងអស់នោះ​ជាបញ្ហាដែលធ្ងន់ធ្ងរនោះទេ។ ពេលខ្លះភ្នែកយើង​អាចផ្សា​ដោយ​​ប៉ះជាមួយសាប៊ូ សាប៊ូកក់សក់ ទឹកអប់ តែមិនមានគ្រោះថ្នាក់អ្វីនោះទេប្រសិនបើយើង​លាងជាមួយទឹកភ្លាមៗ។ ហេតុផលផ្សេងទៀតគឺ Contact lens។ នៅពេលអ្នកប្រើ contact lens រយៈពេលយូរក៏ធ្វើឲ្យភ្នែកយើង​មានអាការៈ​ក្ដៅដែរ។ លើសពីនេះប្រសិនបើយើងផាត់មុខញឹកញាប់ប្រើគ្រីមផ្ដល់សំណើម និង​ផលិតផលសម្អាតមុខ នោះភ្នែកក៏​ងាយនឹងផ្សាខ្លាំងណាស់ដែរ។ អាកាសធាតុក៏ជាមូលហេតុនាំឲ្យភ្នែកក្ដៅដែរ។ សារធាតុបង្កនៅក្នុងបរិយាកាសរួមមានផ្សែង ធូលី ផ្សែងបារី លម្អងផ្កា​ឬរោមសត្វក៏អាចជាមូលហេតុមួយដែលធ្វើឲ្យផ្សាភ្នែកឬក៏អាកាសធាតុក្ដៅពេក ត្រជាក់ពេកឬស្ងួត ក៏​ធ្វើឲ្យ​ផ្សា​ភ្នែក​ដូច​គ្នា​។ អត្ថបទ​ពាក់ព័ន្ធ៖  អាហារល្អៗជួយ​បេះដូង គួរញ៉ាំ​ជាប្រចាំ ផ្លែប៉េងប៉ោះ ផ្ដល់ប្រយោជន៍ច្រើន​ដល់ស្បែក បេះដូង និងភ្នែក ក្តៅខ្លាំងអ៊ីចឹង បើ​ស្រលាញ់​ស្បែក​ ត្រូវ​ដឹង​​វីតាមីនសំខាន់ៗ​ទាំងនេះ វីតាមីន C លាក់កំពូលអត្ថប្រយោជន៍ អាចជួយស្បែកឲ្យស ភ្លឺរលោង ផឹកទឹកប៉េងប៉ោះ ១​កែវ/ថ្ងៃ បន្ថយ​សម្ពាធឈាម និងកូលេស្តេរ៉ូល រោគសញ្ញាភ្នែកក្ដៅមានអ្វីខ្លះ? រោគសញ្ញាភ្នែកក្ដៅមានដូចជា: ស្រវាំងភ្នែក ទឹកភ្នែកច្រើន រមាស់ ភ្នែកពណ៌ក្រហម ពិបាកទ្រាំក្នុងភ្នែក ខ្លាចពន្លឺ គួរដោះស្រាយបញ្ហាភ្នែកក្ដៅដោយរបៀបណា? ជំហានទីមួយក្នុងការជួយសង្គ្រោះបឋមនៃអាការៈក្ដៅភ្នែកដែលបង្កដោយសារធាតុគីមីឬកម្ដៅនោះគឺលាងភ្នែកជាមួយទឹកត្រជាក់។ យើង​ត្រូវដកcontact lensចេញពីភ្នែក។ លាងភ្នែកជាមួយទឹករ៉ូប៊ីណេ ឬបើកទឹកដាក់ចានដែក ឬជ័រ។ នៅពេលធ្វើបែបនេះយើង​គួរតែបិទបើកភ្នែកដើម្បីឲ្យទឹកចូលទៅគ្រប់ផ្នែកក្នុងភ្នែក។ សម្រាប់កុមារតូចៗហាក់​មានភាពពិបាកក្នុងការជួយសង្គ្រោះបឋមបន្តិច​ពេលមាន​របួសភ្នែក។ យ៉ាងណា​ការជួយ​នេះ​ក៏អា​ស្រ័យទៅលើអាយុរបស់កុមារ មាឌ និងសមត្ថភាពក្នុងការសហការដែរ។ គួរតែមានមនុស្សចាស់ម្នាក់ទៀតដើម្បីជួយគ្នា​បើ​កុមារ​មាន​បញ្ហា​ភ្នែក និង​ត្រូវ​ការការ​សង្គ្រោះបឋមនេះ​។ ក្មេងៗខ្លះអាចនឹងនៅស្ងៀមព្រមទាំងសហការជាមួយកាយវិការយឺតៗនិងថ្មមៗជា​មួយ​​យើង តែ​ប្រសិនបើកុមារមានការពិបាកមិនអាចនៅ​ស្ងៀម​បានយើង​គួរ​ចាប់​ពួក​គាត់​ឲ្យ​ជាប់​ក្នុងការ​ជួយ​សង្គ្រោះ​បឋម​។ គួរបង្ការបែបណា? យើង​អាច​បង្កាបញ្ហានេះ​ដោយ៖ ការពារស្រទាប់កញ្ចក់​ភ្នែក​ឲ្យផុតពីកាំរស្មីUV ពាក់វ៉ែនតាការពារកម្ដៅថ្ងៃ​ពេលដើរក្រោមពន្លឺថ្ងៃ ប្រើម៉ាសការពារភ្នែក ជៀសវាងសារធាតុគីមីប៉ះពាល់ភ្នែកជាប្រចាំជាពិសេសកុមារតូចៗ លាងដៃជាមួយសាប៊ូក្រោយ​ចាប់កាន់សារធាតុគីមី ឬសារធាតុរាវមុនប៉ះពាល់ភ្នែក ទោះបីជាអាការៈភ្នែកក្ដៅមិនមានគ្រោះថ្នាក់ខ្លាំងក៏ដោយ ប៉ុន្តែយើងក៏ត្រូវការពារភ្នែកពីហានិភ័យនៃជំងឺភ្នែកដូចជាជំងឺភ្នែកឡើងបាយ ឬជំងឺងងឹតភ្នែកដែរ​។