ផ្លែឈើ ៣ប្រភេទនេះ ល្អចំពោះសុខភាពភ្នែក គួរញ៉ាំជា​ប្រចាំ

ការញ៉ាំផ្លែឈើជារៀងរាល់ថ្ងៃ ពិតជាអាចផ្ដល់អត្ថប្រយោជន៍ទៅដល់​សុខភាពភាព។ ប៉ុន្តែ មាន​ផ្លែ​ឈើ​មួយ​ចំនួន មិន​ត្រឹម​តែ​ល្អ ចំពោះ​សុខ​ភាព​ទូទៅ​ទេ តែ​ក៏​មាន​លក្ខណៈពិសេស​សម្រាប់​សរីរាង្គ​មួយៗ​តែម្ដង​។ ត្រង់​ចំណុច​នេះ គ្នា​យើង​ចង់​ឲ្យ​ភ្នែក មាន​សុខ​ភាព​ល្អ គួរ​ញ៉ាំផ្លែឈើ​ទាំង​នេះ ជា​ប្រចាំ​។​​

១.ក្រូច

នៅក្នុងផ្លែក្រូច ១ផ្លែមានផ្ទុកនូវវីតាមីនC ដល់ទៅ ៥៣,២ មិល្លីក្រាម ស្មើនឹងតម្រូវការប្រើប្រាស់​ថាម​ពល​របស់ភ្នែក ១១%ប្រចាំថ្ងៃ។ វីតាមីន ប្រភេទនេះ​មានមុខងារជួយសម្រួលទៅដល់ប្រព័ន្ធ​សរសៃ​ឈាម​ក្នុងភ្នែកឲ្យធ្វើការបានល្អ​ ផ្ដល់ការទ្រទ្រង់​ប្រព័ន្ធ​ភាព​ស៊ាំក្នុងភ្នែកឲ្យរឹងមាំ រារាំង​បញ្ហាអុកស៊ីកម្ម និងជួយកាត់​បន្ថយ​ហានិភ័យ នៃការវិវត្ដជំងឺតាម​វ័យ ដូច​ជា​ជំងឺភ្នែកឡើងបាយបានរហូតទៅដល់ ៤៥% ។ ដោយឡែក ក្រៅពីផ្លែក្រូចដែលមាន វីតាមីន C នៅមាន ផ្លែឈើប្រភេទផ្សេងទៀត ដូចជា ផ្លែទំពាំងបាយជូ ត្របែក ស្ដរប៊័រី វីគី និងក្រូចឆ្មារ​ជាដើម។

អត្ថបទគួរអាន៖

• របប​អាហារ​​ទាំង​នេះ​ ជួយ​រក្សាកម្រិត​អុកស៊ីសែន​​​​​​​​​​​​​​​​​​​​​​​​​​​​​​​​​​​​​​​​​​ក្នុងរាងកាយ
• អាហារ​សម្រាប់អ្នក​​មាន​បញ្ហា​​សួតគួរ​ញាំ​ និង​គួរ​ជៀស​វាង
• អាហារ​ ៧​មុខ ជួយ​ស្បែក​ សក់​ និង​ក្រចក​ឲ្យ​មាន​សុខភាព​ល្អ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​
• អាហារ ៦ប្រភេទនេះ ល្អខ្លាំង​សម្រាប់​សុខភាព​ខួរក្បាល
• អាហារទាំង ៥នេះ ល្អខ្លាំងសម្រាប់សុខភាពបន្តពូជ
• អាហារ​ទាំង​នេះ ​ជួយ​គ្រប់គ្រង​​កម្រិត​កូលេស្តេរ៉ូល​បាន​ល្អ​

២.ចេក

ផ្លែចេកមានសម្បូរទៅដោយ សារជាតិចិញ្ចឹម ប៉ូតាស្យូម (៣៥៨មិល្លីក្រាម ក្នុងចេក១ផ្លែ) ដែលរួមចំណែក​យ៉ាង​សំខាន់ ជួយការពារសុខ​ភាព​​ភ្នែក​​យើងពីជំងឺភ្នែកស្ងួតបាន។ ប៉ូតាស្យូម មានមុខងារជួយចិញ្ចឹម ទៅ​ដល់​ស្រទាប់ភ្នែកផ្នែកខាងក្រៅដែលមានតួនាទី​ជួយការពារកែវភ្នែក និង​ផលិតទឹកភ្នែក​សម្រាប់​ជួយផ្ដល់សំណើម​ភ្នែកឲ្យបានគ្រប់គ្រាន់។ ជាពិសេស ក៏ជួយ​ធ្វើឲ្យស្រទាប់ភ្នែកផ្នែកខាងក្រៅកាន់តែមានកំរាស់ក្រាស់ ហើយថ្លា​ល្អ។ ដូច្នេះ ប្រសិនបើយើង ចង់បានប្រព័ន្ធការពារភ្នែកបានល្អ គួតែនឹកឃើញដល់ការញ៉ាំចេក​ឲ្យ​បាន​ជាប្រចាំ។

៣.ស្វាយទុំ

ការ​ញ៉ាំផ្លែស្វាយទុំ មិនត្រឹមតែផ្ដល់រសជាតិឆ្ងាញ់តែមួយមុខប៉ុណ្ណោះទេ ផ្លែឈើនេះ​ក៏មានមុខ​ងា​រ​សំខាន់​​ក្នុងការ​ផ្ដល់នូវសារធាតុចិញ្ចឹមទៅដល់ភ្នែកផងដែរ​។ ស្វាយទុំ​មានផ្ទុកទៅដោយសារធាតុ​សំខាន់ៗដូចជា សារធាតុ folate វីតាមីន A C E​ និង K ដែលវីតាមីន​ទាំងអស់នេះ មានតួនាទីយ៉ាងសកម្ម​ជួយដល់ ប្រព័ន្ធ​ការពារ​​ភ្នែកពីផលប៉ះចេញពីពន្លឺផ្សេងៗ និងកំដៅដែលចូលមកក្នុងភ្នែក ដែលមានដូចជា​ពន្លឺព្រះអាទិត្យ ពន្លឺភ្លើងចំណាំងខៀវ និងពន្លឺពីឧបករណ៍ទំនើបៗផងដែរ។