ឧស្សាហ៍ភ្លេច រកនឹកថាពេលព្រឹកឡើងមិនដឹងបានធ្វើអ្វីខ្លះ សូម្បីតែទុករបស់ប្រើប្រាស់ប្រចាំថ្ងៃ ក៏ច្រឡំដៃ មិនដឹងថាទុកឯណាក៏មិនដឹង។ មនុស្សយើងអាចជួបបញ្ហាភ្លេចភ្លាំងកាន់តែញឹក នៅពេលយើងអាយុកាន់តែច្រើន តែការលៃលកពេលហាត់ប្រាណ អាចជួយពន្យាអាការៈនេះបាន។
ឧស្សាហ៍ភ្លេចភ្លាំង ហាត់ប្រាណជួយបង្កើនមុខងារចងចាំ
តាមការសិក្សានៅប្រទេសកាណាដា លើមនុស្សវ័យកណ្តាល មានអ្នកស្ម័គ្រចិត្តចូលរួមប្រមាណ ១ ៦០០នាក់ បង្ហាញថា បញ្ហាភ្លេចភ្លាំងកើតឡើងបណ្តាលពីកត្តាតំណពូជ (ហ្សែន) មានត្រឹមតែ២៥% ប៉ុណ្ណោះ ចំណែក៧៥%ទៀតគឺជាហានិភ័យបណ្តាលមកពីភាពអសកម្មច្រើនក្នុងជីវភាពរស់នៅប្រចាំថ្ងៃ ដែលជាហេតុនាំឱ្យមុខងារខួរក្បាលថមថយចុះតាមនោះដែរ។
ផ្អែកតាមការស្រាវជ្រាវបែបវិទ្យាសាស្ត្របានលើកពីហេតុផលមួយ ដែលអាចដោះស្រាយបញ្ហាខាងលើនោះ បានគឺការធ្វើលំហាត់ប្រាណជាប្រចាំ។ អ្នកវិទ្យាសាស្រ្តបានពន្យល់ថា លំហាត់ប្រាណជួយជំរុញកោសិកាប្រសាទនៃខួរក្បាលថ្មីៗ ឱ្យលូតលាស់ ពិសេសនៅត្រង់បវិវេណ សំណុំខួរ Hippocampus (បរិវេណសំណុំខួរក្បាលស្មុគស្មាញ មុខងារសម្រាប់ការចងចាំ និងរៀនសូត្រ)។
អត្ថបទពាក់ព័ន្ធ៖
- ចិនដាក់លក់ថ្នាំព្យាបាលជំងឺភ្លេចភ្លាំង ក្រោយស្រាវជ្រាវជាង ២០ឆ្នាំ
- ជំងឺភ្លេចភ្លាំង ដែលចាស់ៗឧស្សាហ៍កើត កូនចៅអាចជួយបានតាមរយៈនេះ
ដោយឃើញពីគុណប្រយោជន៍បែបនេះ ក្រុមការងារស្រាវជ្រាវមន្ទីរពិសោធផ្នែកសរសៃប្រសាទខួរក្បាល Neurofit Lab នៃសាកលវិទ្យាល័យ McMaster ប្រទេសកាណាដា បានណែនាំ និងលើកទឹកចិត្តឱ្យមានសកម្មភាពហាត់ប្រាណឱ្យបានច្រើន ដើម្បីកាត់បន្ថយនូវបញ្ហាដែលនឹងអាចកើតមានពីករណីខាងលើ៕
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
ទូច សុខា
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម