ស្រ្តីៗយើងខ្លះ ប្រឈមនឹងការធ្លាក់ឈាមពីទ្វារមាសតិចតួចនៅចន្លោះពេលមករដូវ ឬអំឡុងពេលបញ្ចេញពងអូវុល ដែលបញ្ហានេះកើតឡើងដោយសារតែបម្រែបម្រួលអ័រម៉ូន និងមិនបង្កជាបញ្ហាដែលគួរឲ្យបារម្ភឡើយ។ ជាទូទៅ ការធ្លាក់ឈាមអំឡុងពេលបញ្ចេញពងអូវុល ឬមេជីវិតញី អាចកើតឡើងតែម្តង ឬមានរយៈពេលត្រឹមតែ១ថ្ងៃ ទៅ២ថ្ងៃប៉ុណ្ណោះ។
ស្រីៗធ្លាក់ឈាមអំឡុងពេលបញ្ចេញមេជីវិតញី គួរបារម្ភអត់?
ត្រួតពិនិត្យដោយ វេជ្ជ. ចាន់ ស៊ីណេត · ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
រោគសញ្ញានៃធ្លាក់ឈាមពេលបញ្ចេញពងអូវុល
ការធ្លាក់ឈាមតិចតួច អាចកើតឡើងអំឡុងពេលបញ្ចេញពងអូវុល ដែលមានបរិមាណតិចតួចជាងការធ្លាក់ឈាមរដូវធម្មតា។ គ្នាយើងអាចសង្កេតឃើញឈាមពីរបីតំណក់នៅលើខោទ្រនាប់ ដែលមានពណ៌ក្រហម ឬពណ៌ផ្កាឈូកស្រាល។
ការធ្លាក់ឈាមពេលបញ្ចេញពងអូវុលកើតឡើងនៅពេលណា?
ការធ្លាក់ឈាមតិចតួច អាចកើតឡើងអំឡុងពេល មុនពេល ឬក្រោយពេលបញ្ចេញពងអូវុល។ ជាធម្មតា ការបញ្ចេញពងអូវុលកើតឡើងនៅក្នុងរយៈពេល១៤ថ្ងៃ មុនពេលដែលយើងចាប់ផ្តើមមករដូវ ឬនៅពេលផ្សេងៗក្នុងអំឡុងវដ្ដរដូវ ដែលអាចបង្កឲ្យមានការធ្លាក់ឈាមតិចតួច ដោយសារតែការកើនឡើងនៃអ័រម៉ូនទាក់ទងនឹងការបញ្ចេញពងអូវុល។
ចង់គណនារង្វាស់ចង្វាក់បេះដូង ចុចទីនេះ!
ចង់ពិនិត្យជំងឺមហារីកសុដន់ ចុចទីនេះ!
ចង់ពិនិត្យជំងឺមហារីកមាត់ស្បូន ចុចទីនេះ!
រោគសញ្ញានៃការបញ្ចេញពងអូវុល
- ចុកពោះ
- សារធាតុរាវក្នុងមាត់ស្បូនកើនឡើង
- សារធាតុរាវក្នុងមាត់ស្បូនដែលស្រដៀងទៅនឹងស៊ុតផ្នែកពណ៌ស
- ឈឺសុដន់
- ហើមពោះ
- ចំណង់ផ្លូវភេទកើនឡើង
- ប្រែប្រួលសីតុណ្ហភាពរាងកាយ។
ពេលណាដែលគួរទៅជួបគ្រូពេទ្យ?
ថ្វីត្បិតតែការធ្លាក់ឈាមតិចតួចនៅចន្លោះមករដូវ មិនបង្កជាបញ្ហាធ្ងន់ធ្ងរណាមួយ ប៉ុន្តែបើយើងប្រឈមនឹងរោគសញ្ញាខាងក្រោមនេះ គួរទៅពិគ្រោះជាមួយនឹងគ្រូពេទ្យទើបជាការប្រសើរ។
- ធ្លាក់ឈាមតិចតួច ឬធ្លាក់ឈាមក្រោយរួមភេទ
- មករដូវលើសពី៧ថ្ងៃ
- មករដូវច្រើន ដែលត្រូវប្តូរសំឡីអនាម័យជារៀងរាល់ម៉ោង
- មករដូវមិនទៀង ដែលមានរយៈពេលយូរជាង៣៥ថ្ងៃ ឬខ្លីជាង២១ថ្ងៃ
- ធ្លាក់ឈាមក្រោយចូលដល់វ័យអស់រដូវ។
អត្ថបទគួរអាន៖
- ស្រីៗមករដូវមិនទៀង ក្រោយចាក់វ៉ាក់សាំងកូវីដ-១៩ គួរបារម្ភអត់?
- ធ្លាក់កំណកឈាមធំៗពេលមករដូវ បណ្ដាលមកពីអ្វី?
- អំឡុងពេលមករដូវ ស្រីៗអាចញ៉ាំអាហារជូរបានអត់?
- មករដូវច្រើន និងឈឺចាប់ អាចមកពីបញ្ហាសុខភាពមួយនេះ
- មូលហេតុមកឈាមរដូវតិចជាងធម្មតា អាចមកពីហេតុផលទាំងនេះ
- ពណ៌ឈាមរដូវ អាចបញ្ជាក់ឲ្យដឹងពីបញ្ហាសុខភាពមនុស្សស្រី
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម